Ихэнхдээ бид бүх зүйл хэвийн сайхан байх үеэсээ илүүтэй бэрхшээл туулахдаа л БУРХАНД хавьгүй илүү төвлөрдөг. Тулгарсан сорилтуудаа даван туулахын тулд та сүнслэг дадалдаа илүү төвлөрөхийн зэрэгцээ итгэлээ нэмэгдүүлэх хэрэгтэй байсан.

Вьетнам буюу Ау Лак-аас Бао Трам-ын аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Би Хамгаас Хайртай Их Багшийн Ивээлд умбаж байна. Танд болон Таныг үргэлж чин сэтгэлээсээ дагалдан зүтгэдэг Суприм Мастер Телевизийн хамт олонд гүнээ талархаж байна.

2024 онд би гэр бүлийнхэнтэйгээ дасгал хийж байхдаа жижиг осолд орсон юм. Тэр өглөө шиврээ бороо орж, зам бага зэрэг хальтиргаатай байлаа. Би алхаж яваад хальтирч, өвдсөндөө хашхирсан. Олон хүн намайг тойрон цуглаж, харж, үг хэлж байсан ч хэн ч туслаагүй. Гэнэт дунд эргэм насны нэг эрэгтэй хүрч ирлээ. Тэр гэмтлийн минь талаар асууж, шалгаж, үзэж эхэлсэн. Тэр надад анхны тусламж үзүүлээд, гэр бүлийнхнийг минь надтай хамт эмнэлэгт хүргэж өгсөн. Мэс заслын өмнө тэр над руу залгаж, Бурхан Их Багшийн Нэрийг уншиж байхыг таван удаа сануулсан. Тэр мөчид миний биеэр цахилгаан гүйдэл гүйж байгаа мэт санагдсан. Би яс, үе мөчөөр мэргэшсэн томоохон төв эмнэлгийн ойролцоо гэмтсэн ч би хүлээлгүйгээр, шууд мэс засалд орох цаг товлогдох боломжтой байхын тулд хувийн эмнэлэг сонгосон юм. Би маш аймхай ч тэндхийн эмч, сувилагчид намайг маш сайн асарсан. Би зөөврийн компьютер дээрээ Суприм Мастер Телевизийг тасралтгүй гаргаж байлаа. Өвдөлт тэсвэрлэхийн аргагүй болж, юу ч бодож чадахаа болих бүрд, би Их Багшийн дүрийг харахад өвдөлт аажмаар намддаг байсан.

Их Багш надад туслах олон арга хэрэгслийг зохицуулж, ямар ч нөхцөлд зөвхөн БУРХАНЫГ бодох ёстойг сануулсан. Манай гэр бүлд зовлон бэрхшээл, хүнд хэцүү байдал ар араасаа тохиолдож байгааг хэн ч анзаарах байв. Учир нь би гэр бүлийнхээ цорын ганц орлого ологч юм, тэр үед би ажиллаж чадахгүй байв. Гэвч би БУРХАНД туйлын итгэлтэйгээр бүх санаа зовнилоо орхиж, зөвхөн Арьяабалын бясалгалдаа төвлөрөн, дотоодоо чагнаж, сэхээрэв.

Үнэхээр: “Эхлээд Диваажингийн Хаант улсыг эрэлхийл. Тэгвэл бүх зүйл та нарт нэмэгдэн өгөгдөх болно” Би гэр бүлийнхэнтэйгээ бүх нөхцөл байдлыг даван туулсан. Одоо миний сэтгэл маш чөлөөтэй, маш амар амгалан байна. Бүх хүн төрөлхтөн удахгүй сэрж, ухааран, гэгээрч Дэлхий даяараа Веган болж, Дэлхийд Энх тайван тогтох Их Багшийн хүсэл тун ойрын ирээдүйд биелээсэй хэмээн би залбирч байна. Таны шавь, Аулак (Вьетнам)-аас Бао Трам

Азтай Бао Трам аа, Сэтгэлийн үгээ илгээсэнд баярлалаа.

Их Багш танд энэхүү халамжтай захиасыг илгээлээ: “Сэрсэн Бао Трам аа, хичээнгүй бясалгагч байж, туршлагаа хуваалцсанд баярлалаа. Бид үүнийг ухамсарлаж байгаа эсэхээс үл хамааран бидэнд тохиолддог бүх зүйл БУРХАНЫ төлөвлөгөөний нэг хэсэг юм. Муу гэгдэх зүйлс бидэнд тохиолдсон ч гэсэн, үүнд ямар нэг учир шалтгаан, зорилго байдаг. Ихэнхдээ бид бүх зүйл хэвийн сайхан байх үеэсээ илүүтэй бэрхшээл туулахдаа л БУРХАНД хавьгүй илүү төвлөрдөг. Тулгарсан сорилтуудаа даван туулахын тулд та сүнслэг дадалдаа илүү төвлөрөхийн зэрэгцээ итгэлээ нэмэгдүүлэх хэрэгтэй байсан. Бид гэмтэж, хөдөлгөөнгүй байх шаардлагатай болоход бясалгахаас өөр олон зүйл хийж чаддаггүй. Та энэ туршлагаас ирсэн боломжийг ухаарч, үүнийг бүрэн ашиглан түүний нөлөөгөөр өөрийгөө өөрчлөгдөх боломжийг олгосон нь сайн хэрэг. Бүх нөхцөлд үргэлж БУРХАНЫГ эхлээд, хамгийн түрүүнд бодвол бидний амьдрал боломжит хамгийн сайнаар өрнөж, бүх зүйл сайхан болно. Сүнслэг аялалдаа улам их гэгээрэлд хүрэхийг танд хүсэн ерөөе. Та болон гайхамшигт Аулак (Вьетнам) орон яг энэ цаг мөчид Тэнгэрийн орны Цэнгэл жаргалыг мэдрэх болтугай. БУРХАНЫ ИВЭЭЛЭЭР Таныг үүрд хайрлана.”