Монголд тоглогдож буй “Аниргүй нулимсыг хайрлахуй” хөгжимт жүжигт зориулсан Их Багшийн илгээлт

2024 оны 10-р сарын 21-нд бидний Хамгаас Хайрт Төгс Гэгээрсэн Их Багш Чин Хай (веган)-д Монгол Улсын Дуурь Бүжгийн Эрдмийн Театр, Монгол дахь манай нийгэмлэгийн гишүүд Төгс Гэгээрсэн Их Багш Чин Хайн Өдөр буюу 10-р сарын 25-нд Монгол Улсын Улаанбаатар хотноо тоглогдох “Аниргүй нулимсыг хайрлахуй” хөгжимт жүжигт оролцохыг хүссэн урилга илгээсэн байна.

“Аниргүй нулимсыг хайрлахуй” бол хүмүүний ​​дотоод амар амгалангаа олох гэсэн тэмүүллийг харуулсан Бродвэй маягийн гайхалтай хөгжимт жүжиг юм. Их Багшийн “Аниргүй нулимс” яруу найргийн цоморлогоос сэдэвлэсэн энэхүү сэтгэл татам хөгжимт жүжиг үзэгчдийг 16 улс орноор аялах галт тэрэгний ер бусын аялалд татан оролцуулдаг юм.

Гурван өдөр тоглогдох уг бүтээл 10-р сарын 21, 22-ны өдрүүдэд хэдийнээ тавигдаад байгаа ажээ. Монгол Улсын Дуурь Бүжгийн Эрдмийн Театрын нэр хүндтэй хорь гаруй театр болон хөгжмийн продюсер, жүжигчид “Аниргүй нулимсыг хайрлахуй” хөгжимт жүжигт тоглож байна.

10-р сарын 25-нд Монголын уран бүтээлчид гадаадын элчин сайдууд, УИХ-ын гишүүд болон бусад зуу гаруй хүндэт зочдын өмнө тоглох гэж байна. Их Багшийн бүтээсэн үнэт эдлэлийн цуврал, уран зураг, дэнлүүг дэлгэн үзүүлж, ирсэн зочдыг дэлхийн өнцөг булан бүрийн веган хоолоор дайлж байгаа юм. Их Багшийг нээлтийн үг айлдана уу хэмээн урьсан билээ. Тэрээр одоо хэр нь бүхий л дэлхийн сайн сайхны төлөө эрчимтэй дияан бясалгал хийж байгаа тул Эрдэнэт Их Багш маань оролцох боломжгүй байсан хэдий ч тус арга хэмжээг зохион байгуулагчид болон оролцогчдод зориулан дараах айлдварыг илгээсэн юм.

Master: Сайн байцгаана уу? Бүгдэд тань хүндлэлийн дээд, сайн сайхны ерөөл өргөн мэндчилж байна. Эрхэм хүндэт зочид оо, Та бүхэнд болон хүрэлцэн ирсэн бусад улс орны төлөөлөгчдөд би чин сэтгэлийн өндөр хүндлэл үзүүлж байна. үзүүлж байна. Та бүхэн Диваажингийн Тааллаар арвин ихээр адислагдах болтугай. Эрхэм ариун үйлс тань, мөрөөдөл хүсэл тань бүтэмж дүүрэн байг.

Өнөөдрийн энэхүү сэтгэл хөдлөм тоглолтод намайг урьсан монголчууддаа баярлалаа. Гоо сайхан, эрхэмсэг чанар, дотоод далд ухамсрынхаа уран бүтээлч авьяас чадвараар шилдэг илэрхийллийг бүтээх юм сан гэсэн, мөн уг гарвальдаа, Бурхадын Орон буюу Бурханы Хаант Улсын эрхэм гэгээн Мөн чанартаа эргэн хүрэхийг эрмэлзсэн чин хүсэлтэй гайхалтай уран бүтээлчдийн хүндэтгэм сайхан тоглолтод урьсанд талархаж байна.

Та бүхний мэдэж байгаачлан би одоогоор аглаг буйдад амьдарч байгаа бөгөөд та бүхэнтэй шууд холбогдох тоног төхөөрөмж, чадамж хараахан байхгүй байна. Иймд намайг сайхан сэтгэлээр өршөөгөөрэй. Амьдрал гэнэтийн явдлаар дүүрэн. Үгүйдээ л надад ийм зүйл цаг үргэлж, дандаа л тохиолддог. Дараагийн минут, секундэд юу тохиолдохыг бид хэзээ ч тааж мэдэж чадахгүй шүү дээ. Тэгэхээр та бүхний урьд нь намайг харж байсан өөр байдал, орчин нөхцөл тэр бүгд одоо надад алга байна. Хайр дүүрэн, сайхан сэтгэлт ой модод л дэргэд минь байна даа. Надад нэг утас бий. Түүгээр бичлэг хийж, багийн гишүүддээ илгээхээр тэд үүгээр ид шидийг бүтээдэг юм. Үүнийг та бүхэнд амжиж хүргэнэ гэж найдъя. Учир нь энэ урилга надад хийх ажил тун ихтэй үед хожимдож ирлээ.

Гэхдээ би Монголын хамгийн авьяаслаг, үзэсгэлэнтэй сайхан уран бүтээлчдийн ийм гайхалтай тоглолтод уригдаж байгаадаа маш их баяртай байна. Энэ бол миний хувьд завшаантай, нэр төрийн хэрэг билээ. Би биечлэн хамт байсан ч болоосой. Яагаад гэвэл Монголын Арьяабалын авшигтнууд олон удаа уран бүтээлийн цогц арга хэмжээ зохион байгуулж, үзэгчдийн сэтгэлийг булаасан хамгийн сайхан хөтөлбөрийг толилуулж байсан бөгөөд үүнээс сайхан үйл явдал хаана байх билээ. Гэхдээ энэ удаагийнх арай өөр. Би та бүхэнтэй биечлэн, тэр байтугай теле дамжуулалтаар ч хамт байж чадахгүй нь. Миний нөхцөл байдлыг тэр бүр тайлбарлаад байх хэцүү. Гэхдээ амьдрал ийм л байдаг. Гэнэтийн явдлаар дүүрэн. Заримдаа сайхан гэнэтийн бэлгүүд, заримдаа тийм ч сайн биш гэнэтийн үйл явдлууд гарна. Заримдаа аюултай нь ч бий, заримдаа тун их таатай нь ч бий. Гэхдээ төр засгийн болон улс орнуудын нэр хүндтэй олон төлөөлөгчдийн хамт та бүхний гайхалтай тоглолтод уригдсан минь надад хэдийнээ тун сайхан завшаан хэмээн бодож байна. Тиймээс баярлалаа, гялайлаа.

Мөн энэхүү өөлөх аргагүй сайхан тоглолтоо таалан үзэж, өнөөдрийг хамгийн сайхан өнгөрүүлээрэй хэмээн та бүхэндээ хүсэн ерөөе. Диваажин та бүхэнд хэрэгтэй бүхнийг тань хайрлах болтугай. Та бүхэн өдөр бүр аз жаргалыг мэдэрч, энэ дэлхийд санаа тавих эрхэм зорилгоо биелүүлэхийн тулд хүч чадалтай, эрч хүчтэй байж, эх орондоо байгаа болон гадаад улс оронд амьдран суугаа ард түмэндээ тус дэм болох болтугай.

Монгол орон дахь энэхүү тэмдэглэлт өдөр олон жилийн өмнөхтэй адил сүр жавхлантай болно гэдэгт би итгэл төгс байна. Тийм болохоор та бүхэн минь Монголын жинхэнэ, эрхэм ариун уран бүтээлчдийн, магадгүй уригдан ирсэн бусад орны уран бүтээлчдийн энэхүү баяр жаргалтай, амар амгалан, гайхалтай тоглолтыг таалан үзнэ гэдэгт би бүрэн дүүрэн итгэлтэй байна. Та бүхэнтэй хамт байж чадахгүй байгааг минь өршөөгөөрэй. Биечлэн, ядаж дүрст дамжуулалтаар хамт байж чадсангүй. Надад тоног төхөөрөмж хангалттай алга. Боломж нөхцөл, дөхөм байдал ч байхгүй байна. Одоо миний байгаа газарт НАРНЫ ЗАЙН ХУРААГУУРТАЙ хязгаарлагдмал цахилгаан, харилцуур утас буюу “гар” утас л байна. Хамгийн шилдэг, хүчтэй нь байлаа ч дэлхий дахины найз нөхдөдөө үгээ илгээх гэхээр асуудал гарах нь бий. Тэгэхээр энэ бол миний хувьд амьдралынхаа галт тэргэнд одоогоор бүрдүүлж болох хамгийн боломжит нөхцөл байдал юм.

Та бүхэнд амьдралд нь хамгийн сайн сайхныг ерөөе. Би тун ч баяртай байна. Намайг ямар нэг зүйлээр дутаж байгаа гэж битгий бодоорой. Энэ өндөр технологийн НАРНЫ хэрэгслийг хэрэглэж болоод л байна. Зорилгоо би өдөр бүр, секунд, минут бүр, цаг тутамд, өдөр шөнөгүй биелүүлсээр байна. Чадах бүхнээ хийж буйдаа тун баяртай байгаа. Миний урьд нь хэлсэнчлэн эдүгээ жирийн иргэн хаана ч байлаа гэсэн эрт цагийн хаадаас ч илүү сайхан амьдарч байна.

Тиймээс надад тийм байх шиг санагддаг. Та бүхэнд миний мэдэрч байгаа шиг, эсвэл төстэй мэдрэмж төрөөсэй хэмээн хүсэж байна. Учир нь Бурхан та бүхэнтэй хамт байгаа бол ямагт сайхан санагддаг. Тийм ээ, үргэлж. Ийм үед өөрийг тань сайнгүй, ямар нэгэн байдлаар дутуу юм шиг мэдрүүлж чадах ямар ч зүйл байхгүй. Үргэлж гайхалтай сайхан санагддаг. Аз жаргалтай, баяр хөөртэй санагддаг. Азтай байгаагаа мэдэрч, Бурхад, Будда нар, Их Багш нар, Гэгээнтэн Мэргэдээс өөр хүсэх зүйл энэ дэлхийд үгүй санагдана. Энэ л хамгийн сайхан мэдрэмж юм.

Гэгээрсэн, сэтгэл ханамжтай байхад та юугаар ч дутагдаагүй мэдрэмжтэй байна. Та бүхэн надтай адил зүйлийг мэдрэх болтугай. Нөхцөл байдал ямар ч байлаа гэсэн Бурхан ямагт та бүхэнтэй хамт байдаг юм шүү. Үүнийг ямагт санаж яваарай. Бүхий л Бурхад ямар нэгэн байдлаар та бүхэнд туслахаар байж байдаг. За.

Хэт ихийг нурших юун. Урьд нь олон удаа таашаан үзэж байсны нэгэн адил Монголын уран бүтээлчдийн ер бусын авьяас чадварыг одоо та бүхэн таашаан болгоох буй за. Өмнөхөөсөө ямагт илүү санагддаг. Иймд хамгийн сайхан таашаал авдаг.

Бид Орчлон ертөнцийн бүх Их Багштай хамт байдаг билээ. Бид мэдэрсэн ч, мэдрээгүй ч Тэд ямагт бидэнтэй хамт байдаг. Та бүхэн ухаарч ойлгож буй гэж найдаж байна. Үүнийг ойлгон, Бурханыг таньж, бүхий л гэгээрсэн Их Багшийг таних болтугай хэмээн ерөөе. Та бүхэндээ хүсэх хамгийн сайхан ерөөл минь энэ болой. Хүнд байж болох хамгийн сайхан амьдрал бол энэ юм. Иймд Бурхан бидэнд Хайр, Адислал, Хамгааллаа мэдрүүлэх болтугай. Түүнчлэн бид санаа зовох зүйлгүй, айх айдасгүй байх болтугай. Учир нь гэвэл үнэндээ сүнсний түвшинд бидэнд юу ч тохиолддоггүй. Бид үргэлж Бурхантай хамт байж, бид ямагт өөрсдийн жинхэнэ Би-тэй хамт байдаг. Үүнээс илүү хүсэх зүйл энэ дэлхийд ерөөс үгүй билээ. Бид үнэндээ хэзээ ч үхдэггүй. Дэлхийн хүмүүс бүгдээрээ үүнийг ойлгоосой гэж би хүсдэг. Гэхдээ зүгээр ээ, ойлгох цаг ирнэ. Тийм цаг ирэх болно. Гагцхүү Бурханыг санаж яваарай! Өдөр тутмын амьдралдаа чадах чинээгээрээ санаарай. Бусад бүх зүйл хоёрдогч юм шүү. Тэгээд л болчихно доо.

Та бүхэнд хамгийн сайн сайхныг хүсье. Өнөөдрийг, магадгүй өөр олон хором мөчийг Монголын уран бүтээлчидтэй сайхан өнгөрүүлээрэй. Монголчууд тун онцгой. Аралтай, хүчирхэг, тун ч их авьяас билигтэй, маш чин сэтгэлтэй. Монголчуудтай уулзах боломж надад гарсан нь бүр ямар азтай хэрэг вэ гэж би боддог. Ингээд та бүхэн, гадаадын эрхмүүд, өөр хаа нэгтэйгээс ер бусын, гайхалтай, хүчирхэг Монгол оронд эндхийн уугуул иргэдтэй хамт байхаар хүрэлцэн ирсэн бүх хүнд баяр хүргэе.

Түр баяртай. Хамгийн сайн сайхныг хүсэн ерөөе. Ингээд ч болов та бүхэнтэйгээ жаахан ярилцсандаа би тун баяртай байна. Бас та бүхэнтэй байгаадаа их баяртай байна. Учир нь та бүхэн энэхүү тоглолтыг таалан үзэх нь мэдээж. Амен! Дараа уулзталаа баяртай. Боломж гарахаар эргээд ярилцацгаая. Бурханы Оршихуй, Бурханы Адислал, Бурханы Хайрыг та бүхэн цаг үргэлж мэдрэх болтугай! Тэгвэл та бүхэн юунд ч санаа зовохгүй. Амен. Авид Бурхан минь. Эзэн Есүс Христ минь. Орчлон ертөнцийн бүх цаг үеийн, бүх зүгийн Их Багш нар та бүхэнтэй хамт байх болтугай!

Host: Энэхүү сайхан бүтээлийг нээх урам зориг хайрласан айлдвараа илгээсэн Их Багшдаа гүнээ талархаж байна. Энэхүү тоглолтыг зохион байгуулахад дэмжлэг үзүүлсэн Монгол Улсын Дуурь Бүжгийн Эрдмийн Театрын хамт олонд талархал илэрхийлье. Үзэгчид болон оролцсон бүх хүн адислагдаж, хэмжээлшгүй ихээр дэвших болтугай.

Монгол Улсад тоглогдож буй “Аниргүй нулимсыг хайрлахуй” хэмээх энэхүү хөгжмийн бүтээлийг хожмын өдөр бүрэн эхээр нь хүлээн авч үзээрэй.