The Spark of God Is Present in All Life: Sharing the Butterflies’ Genuine Loyalty to Each Other

Одоо Индонезийн Диллагийн илгээсэн захидлыг сонсъё:

Хамгаас хүндэт Төгс Гэгээрсэн Их Багш Чин Хай, хайрт Суприм Мастер ТВ багийн хамт олон, саяхан би гудамжинд харсан эрвээхэй ямар үнэнч төрөлтөн болох тухай түүх ярихыг хүслээ. Гудамжны хажууд зогсож байхад машин хажуугаар өнгөрөв. Тэгтэл машины дугуйнд гэмтсэн эрвээхэйг би олж харлаа. Гэтэл түүний хажууд нэг эрвээхэй хамт үргэлж байсан. Би ихэд гуниглан хөөрхий амьтныг авч алган дээрээ тавилаа. Хөөрхий эмзэгхэн энэ амьтан гэмтлээ дийлэхгүй өөрийн биеэ орхин явах гэж байгааг хараад би бүр ч их гунигтайгаар түүнийг харж байлаа. Би түүнээс машины жолоочийг өөрөө мэдэхгүйгээр түүнийг гэмтээсний төлөө уучлал гуйлаа. Дараа нь би түүнийг гар дээрээсээ авч зүлгэн дээрээ тавихад удахгүй хөдөлгөөнгүй болж амь тавилаа. Түүний эрвээхэй найз өөрийн найзын амьгүй болсон цогцсыг тойрон хэсэг хугацаанд эргэлдэн нислээ. Удалгүй, өөр хэд хэдэн эрвээхэй ирсний зарим нь шар, саарал, хар өнгөтэй далавчтай байв. Эрвээхэйг тавьсан зүлгийн эргэн тойронд тэд тойрон ниссээр байлаа. Тэдний энэ үнэнч байдлыг харан сэтгэл хөдөлж тэд чимээгүй ямар нэг ч асуудал үүсгэхгүй хүндлэл үзүүлж байгааг хараад гайхсан.

Их Багшийн айлдварууд, Суприм Мастер ТВ ийг үзээд би ертөнцийн бүх төрөлтнүүдийн нэгдмэл байдлыг ухаарсан юм. Би бүхий л төрөлтнүүдэд илүү хүндлэлтэй хандахыг мэдэрч, бидэнтэй зэрэгцэн орших төрөлтнүүд өөр хоорондоо хамааралтай гэдгийг мэдсэн. Би өөрийн сул тал, бясалгалаа хичээнгүйлэн хийхгүй байгаа гэдгээ бас ухамсарласан. Их Багшийн хамгаалал, сүр жавхланд өршөөл гуйн залбиран, сүнслэг дадал бясалгалаа илүү хичээнгүйлэн хийхээр шийдэж байна. Их Багшаас ариун сургаалыг хүлээн авсан энэ эрхэм аз завшааны төлөө би гүнээ талархдаг, Суприм Мастер ТВ баг тууштай чин сэтгэлээсээ Их Багшийн сургаалыг түгээхэд тусалж байгаад маш их талархдаг. Веган Дэлхий, Энхтайван Дэлхий удахгүй биеллээ олох болтугай. Индонезийн Дилла мэндчилж байна

Даруухан Дилла, Энэ эрвээхэйн тухай сэтгэл хөдөлгөм, тэдний үнэнч байдлын тухай түүхийг бидэнтэй хуваалцсанд баярлалаа. Үнэндээ бүхий л төрөлтнүүд хэлбэрээсээ үл хамааран адилхан. тэд бүгдээрээ хайр, мэдлэгтэй амар амгалан амьдрах хүсэлтэй байдаг. Хүмүүс үүнийг мэдэхгүй нь их харамсалтай. Таны энэ түүх манай үзэгчдийн сэтгэлд хүрч амьдрал бүр ямар үнэ цэнтэй гэдгийг ойлгоход туслах болтугай. Энэ гарагийн бүхий л төрөлтнүүд сэрж эв эетэй хамтаараа амьдрах болтугай хэмээн залбирч байна. Та, Индонезийн урам зоригтой хүмүүс амьдралын бүхий л зүйлс нь Бурханы хайрыг хүртэх болтугай хэмээн ерөөе, Суприм Мастер ТВ баг

Их Багш танд хайр ивээлийн захидал илгээжээ: “Хичээл зүтгэлтэй Дилла, таны сайхан түүх бүхий л төрөлтнүүд ямар их хайраар дүүрэн гэдгийг харуулж байна. Ихэнх хүн шавжууд хайр, бас мэдрэмжтэй гэж боддоггүй, гэтэл тэдэнд бий. Хүмүүсээс ч илүү мэдэрнэ. Бурханы гэрэл бүхий л амьдралд оршиж байдаг. Тийм учраас бид тэднийг устгаж байхдаа өөрийн нэг хэсгээ бидний зүрх сэтгэлд байгаа тэр хайрыг гээж байдаг. Энэ түүхийг хуваалцсанд баярлалаа, энэ түүх бусад хүмүүст бүхий л амьдралд хайр оршдог гэдгийг мэдэхэд тусална гэж найдаж байна. Хүн төрөлтөн асарч хайрлахын төлөө төрсөн болохоос бус устгахын төлөө биш гэдгийг ойлгоосой хэмээн залбирч байна. Та болон Индонезийн баяр хөөртэй хүмүүс Диваажингийн амар амгаланд бүхий л амьдралыг хамгаалах болтугай.”