Relief Aid in Haiti

Төгс Гэгээрсэн Их Багш Чин Хайн Олон Улсын Нийгэмлэгийн Гайтигаас ирсэн мэдээ...

Сүүлийн үед Гайтид ойролцоогоор таван сая хүнийг хүнсний хомстолд хүргээд буй хүмүүнлэгийн болон улс төрийн хямрал нүүрлэж байна. Суприм Мастер Телевизийн урьдын мэдээндээ Гайтид нүүрлээд буй холерийн тархалт, зэвсэгт бүлгийн эзлэлт гэх зэрэг үймээнийг дурдаж байсны мөрөөр манай Нийгэмлэгийн гишүүд тус улсын өлсгөлөн, орон оронгүй болсон, үймж зовсон ард түмэнд хайрын тайтгарал болгож даруй тусламж хүргэлээ.

Канад дахь Нийгэмлэгийн маань гишүүдийн тусламжтайгаар Гайти улсын авшигтнуудын баг цагаан будаа, шош, гурил, булгур, гоймон, ургамлын тос болон амтлагч, сав суулга зэргийг багтаасан багцыг бэлдэж мөн “Өөрөөр амьдаръя” тараах хуудсыг гайти креол дээр хэвлэснээр хамт өглөө. Нийтдээ 40 хүнсний багц бэлдэж багахан болон огт тусламж дэмжлэггүй хүмүүст даруй өглөө. Үүнд хамгийн эмзэг байдалтай 33 өрх, хувь хүмүүс багтсан бөгөөд санхүүгийн хүндрэлд орсон долоон авшигтан ч байсан юм.

Нэмж дурдахад хатагтай Даниа Симилиен болон түүний зургаан хүүхдэд ирэх хэдэн сарын турш орон сууцны аюулгүй байдал, бие даан амьдрахад нь туслах зорилгоор жилийн орон сууцны түрээсийн мөнгө, нэмэлт хувь орлого бий болгох газрын самар өгсөн.

Манай Гайти дахь Нийгэмлэгийн гишүүд ч мөн Хамгаас Энэрэнгүй Төгс Гэгээрсэн Их Багш Чин Хай болон Түүний Гайтиг гэх Хайранд талархсан захидлаас доор эшлэн дурдвал: “Цаглашгүй Их Багшийнхаа Гайтиг гэсэн энэ их Энэрэл, нөхцөл болзолгүй, хэмжээлшгүй их Хайрандд Гайтийн авшигтнууд чин сэтгэлээсээ талархаж байна. Энэ даруухан үйлс бүтэмжтэй болсон нь Түүний Ивээлийн ач билээ. Энэ бол Гайтийн авшигтнууд дахин холбогдож ‘Хайр бол цорын ганц шийдэл’-ийг гэртээ ч, хилийн чанадад ч ахан дүүсийн ёсоор, туслах сэтгэлээр хэрэгжүүлэх боломж байв.

Хүндэт Цаглашгүй Их Багшдаа болон дэлхий дахины бүх номын Ах, Эгч нартаа бид Креолоор чин сэтгэлээсээ хэлж байгаа юм шүү: ‘Гайтичууд бид бүгдээрээ маш их баярлалаа!’”

Бид ч бас Хамгаас Өршөөнгүй Их Багшдаа дэлхийг адислан өргөж буйд нь талархаж байна. Бид мөн Гайти болон Канад дахь Нийгэмлэгийн гишүүдийн хэрэгтэй цагт шуурхай тусламж үзүүлсэнд халуун талархал өргөе. Диваажин Гайтигийн дөлгөөн ард түмнийг харж хандан Бурханы Ивээл дор тэд амар амгалан энхтайнаа эргүүлж олог.