Хөтлөгч: 2022 оны 6-р сарын 12-ны ням гарагт бидний Хамгаас Эрхэм Төгс Гэгээрсэн Их Багш Чин Хай Суприм Мастер Телевизийн ажлын багийнхантай утсаар холбогдон тэдний биеийг асууж компьютерын өмнө ажиллахдаа нүдээ хамгаалах талаар эрүүл мэндийн зөвлөгөө өгсөн юм. Конференцийн үеэр Их Багш мөн ажлын багийнхны тавьсан Украин болон дэлхий дахины нөхцөл байдлын талаарх асуултад хариуллаа.
(Сайн байна уу, Багш аа?) Энэ гэрт хүн байна уу? (Байна, Багш аа.) Та нар дажгүй юу? Сэтгэл хангалуун биз дээ? (Тийм ээ, бид тун сайн байгаа. Тийм ээ, Багш аа. Баярлалаа. Та сайн уу, Багш аа?) Би сайн, сайн. Баярлалаа. Тийм ч сайнгүй, гэхдээ сайн. Сайн байгаа гэсэн үг. (Ашгүй дээ.)
Сүнс маань амар тайван байлаа ч дэлхийн энэ их зовлон түгшүүр амар заяаг минь үзүүлэхгүй л байна. (Ойлгож байна. Тэгнэ дээ, Багш аа.) Энэ дэлхийд оршин байгаагаас л хойш бид бусдын зовлон, өвдөлт, уй гашууг, эсвэл баяр жаргалыг мэдрэхээс өөр аргагүй. Харин энэ дэлхийд баяр жаргал нь даанч дэндүү багахан юм даа. (Тийм ээ, Багш аа. Тэр үнэн) Тийм болохоор хүмүүсийн зовлон, уй гашууг л мэдрэх юм. Хүний ч, амьтдын аймгийн ч аль алины нь зовлонгийн тухай би ярьж байна. Энэ тун гунигтай. Харамсалтай. Бид Дэлхийгээ хэдийн диваажин болгож болох л байсан шүү дээ. (Яг үнэн. Тийм, Багш аа.)
Залуус аа би та нарт, бас дараа нь ахан дүүст чинь бас хэлэх гэсэн юм. Хэрвээ компьютерын дэлгэц хэтэрхий удаан ширтэн сууж ажилласнаас нүд чинь ядарч байвал, дэлгэцийн хурц гэрэл нүд ядраадаг. (За.) Хоёр гурван цаг болоод л гарч ургамал ногоо харан чилээг нь гаргаж нүдний ядарч чилсэн мэдрэмжийг арилган сэргээхээс гадна унтаж амрахаасаа өмнө нүдэн дээрээ нойтон алчуур тавих хэрэгтэй шүү. (Аан. За. Ойлголоо.) Тэр алчууртаа балжингарам цэцгийн цай шингээвэл илүү дээр. (За.) Тэгээд хэвтэж амарч байхдаа нүдэн дээрээ тавиарай. (За. Ойлголоо, Багш аа.) Бас хүйтэн, шинэ байлган байн байн сольж, балжингармын цайг үргэлж нэмж байгаарай. (Ойлголоо. За.)
Нүдээ амраахаар жин тавьж байхдаа Ариун Нэрсээ уншаад хэсэг зуур, 10 минут орчим ч юм уу тайвширч амраарай. (За. Ойлголоо. Зөвлөгөө өгсөнд баярлалаа, Багш аа.) Их тустай байх болно. (Тийм ээ.) Балжингармын цай байхгүй бол хүйтэн ус байсан ч болно оо. (За, Багш аа.) Нүдэнд чинь гэм болохгүй. Яадаг ч байсан тустай. Санаж яваарай. (За, Багш аа. Баярлалаа.) Шөнө хэзээ ч тавьж болно.
Балжингармын цай чанаад шилэнд ч юм уу хийгээд хөргөчих. (За. Тэгье.) Мөн хөргөгчинд хийх юм уу, нөхцөл байдлаасаа хамаараад өрөөний хэмд, эсвэл гадаа сэрүүнд тавьсан ч болно. (За, Багш аа.) Хүйтэн байлгамаар бол хөргөгчинд хийчих, тэгээд хэрэглэхээ болохоор түүнийгээ гаргаж болно. (За, Багш аа)
Өдөр бүр чанаад байх шаардлагагүй. Хэрэглэх болгондоо балжингармын нэг дүрдэг цайг ердийн хятад цай шиг нэг аяганд (За.) хийхэд л болно. Тэгээд үүнийгээ хоёр гурван өдөр дуустал нь хэрэглэчих. Тэгээд дахин бэлдэж болно. (Тийм ээ. Ойлголоо.) Ядраад ч юм уу үүнийг өдөр бүр хийж чадахгүй байж мэднэ. Гэхдээ эмчилж байгаа бол гурав дөрөв, эсвэл долоо хоногийн дараа завсарлаарай. Гурав хоног эмчлээд, завсарлага аваад дахин хийж болох юм. (За, Багш аа.)
Би үүнийг мартсан байна билээ. Саяхан, хэд хоногийн өмнө л үүнийг саналаа. Намайг нүдэндээ хагалгаа хийлгэх шаардлагатай болоход эмч надад үүнийг хэлж өгсөн юм. Тэгээд одоо хоёр нүд маань зовоогоод байхад нь энэ тухай саналаа. Нүдний дусаалгын тухайд би мэдээж хэдийнээ та нарт ярьчихсан. (Тэгсэн. Тийм.) Нэмээд энэ байна. (За, Багш аа.) (Энэ зөвлөгөөг хэлж өгсөнд Тань маш их баярлалаа, Багш аа. Баярлалаа, Багш аа.)
Зүгээр дээ. Үүнийг би аль эрт санах ёстой байсан юм. Даанч би нүдээ цочроод байхад нь хүчлээд тэвчээд байлаа. Ажиллаж байхдаа би юуг ч тоохоо больчихдог. Энэ муу шүү. Ийм байх нь сайнгүй, ер сайн юм биш. Өөртөө анхаарч байх ёстой шүү. (Тийм ээ, Багш аа.) Битгий над шиг ингээрэй. Хэлснийг минь хийгээрэй. (За, Багш аа.) Дэлхийн тухайд, дэлхийн төлөө дэндүү их санаа зовж сэтгэл түгшээд мартаж орхиж.
Дэлхийг бүхэлд нь сүйрчихгүй үлдээх гэж би тэмцсээр л байгаа. (Хөөх.) Энэ асуудал хамаарах Диваажин болон Дэлхийн төрөлтнүүдтэй би зөвлөлдсөөр, тэмцсээр, хэлэлцсээр байгаа. (Баярлалаа, Багш аа) Гэхдээ гол нь бид бүгдийг аварч чадахгүй нь. Сайн заримынх нь сүнсийг л аварч чадна. (За.) Учир нь тэд бүгд сайн байдаггүй. Бүгдээрээ наманчилдаггүй, бүгдээрээ жинхэнэ хүн байдаггүй. (Өө. Хөөх.)
Тэд чөтгөр, тэнүүл сүнс, эсвэл хуурмаг ертөнцийн хаан маяагийн гар хөл бологсод байх бөгөөд хүний хорвоод нэвтэрч ороод асуудал дэгдээж хүмүүст сүйрэл, зовлон учруулдаг. (Хөөх.) Тэдний хийдэг зүйл л тэр. Тийм болохоор бид хүсээд ч бүгдийг нь аварч чадахгүй. (Ойлголоо, Багш аа.) Зарим нь хүнд шүглээд тэднээр муу зүйлс хийлгэдэг. (Өө, Бурхан минь.) Украин дахь дайныг та нар хараа биз дээ. (Тийм ээ. Тэгсэн.)
(Багшийн зарим хүмүүс нь хүн биш гэдэг нь юу гэсэн үг вэ?) Учир нь зарим нь зомби маягийн гэсэн үг. Тэд зарим доод түвшний сөрөг зүйлд эзлэгдсэн байдаг бөгөөд тэд тэр хүний юу хүсдэг эсэхийг үл хамааран тэднээр хүссэнээ шууд хийлгэдэг. (Хөөх) Тийм болохоор зарим хүн муу үйлс хийчхээд эргэж ирээд яаснаа огт санадаггүй.
“CBS News-ийн мэдээ – 2022.6.6 Владимир: Амралтын өдрүүдэд 13 удаа олноор нь буудах ажиллагаа явагдсаны дараа тус улс даяар мөрдөн шалгах ажиллагаа явуулж байна.”
“Good Morning America-ийн мэдээ – 2022.6.6 Пиерре: Энэ жилд байгаагүйгээр улам их үй олноор нь буудах ажиллагаа явагдаж байна. Энэ жилийн 157 өдөр өнгөрч байхад дор хаяж 246 удаа үй олноор нь буудаж байгаа бөгөөд нэг удаагийнхад нь дөрөв болон түүнээс олон хүн алагдаж байгаа гэж тогтоогдсон. Мөн хаа хамаагүй, олон нийтийн болон хувийн эзэмшлийн газарт ч болж байна.”
“WKMG News 6-ийн мэдээ – 2020.8.17
Матт: Тэгэхээр өнөө шөнө орон нутгийн хуульчийн үхлийн талаар шинэ мэдээлэл дэлгэгдлээ. Түүнийг амралтын өдөр гэртээ байхад нь халджээ. Мөрдөгчдийн хэлж байгаагаар түүний байшинг тохиолдлоор сонгосон байх магадлал өндөр гэнэ. Мөрдөн байцаагчид News 6 -д хэлэхдээ энэ сэжигтэн саяхан ойролцоох эмнэлгээс сураггүй болсон нэгэн гэлээ.
Цагдаа: Хохирогч, сэжигтэн хоёрын хооронд ямар нэг холбоо байгаа гэж тогтоож чадаагүй.
Трои: Франклинтай удаан хугацаанд үерхсэн найз охин News 6-д хэлэхдээ аллага үйлдэхээсээ нэг цаг орчмын өмнө, түүний хэлснээр сэтгэл түгшээсэн зүйл хийсэн гэх мэдээ авахын өмнө ORMC (Орландо мужийн эрүүл мэндийн төв)-өөс алга болсон ажээ.
Найз охин (f): Түүний ярьж байсан өнгө аяс нь түүний ярьдаг шиг байгаагүй. Тэр хүмүүсийг хүндэлдэг. Галзуу юм шиг л ярьж байсан. Тэр бүр хэн нэгэн түүнийг алах гээд байна гэж бодож байсан шүү. Тэр тиймэрхүү юм хэлээд байсан.
Трой: Орландогийн цагдаа хэлэхдээ Франклин тэдэнд эмнэлгээс гарснаас хойш баривчлагдах хүртлээ юу болсныг огт санахгүй байна гэж хэлсэн гэсэн юм.”
“WKMG News 6-ийн мэдээ – 2018.4.6
Жинжер (f): Оссеола дахь өрөөний хамтрагчаа хөнөөсөн хэргийн сэжигтэн эр.
Сурвалжлагч (m): Водделл Корвино руу арав гаруй удаа буудсан байна. Водделл дахин дахин зүгээр байсан гэж цагдаад хэлсэн ч тэр цагдаа ирэхээс өмнө юу болсныг санахгүй байгаа юм. Түүний санаж байгаа зүйл гэвэл тэр өглөө тэрээр сэрээд айсан бөгөөд Корвиногийн өрөөнд байж байсан ба Корвино цусанд будагдсан, дэргэд нь том буу хэвтэж байхыг харсан байна. Водделл цааш нь хэлэхдээ тэр заримдаа хар дарж зүүдэлдэг бөгөөд тэр зүүдэнд нь залуу эрсийг алах хүсэл төрдөг ч хэзээ ч бодлоо биелүүлж байгаагүй гэв.”
“WLKY News Louisville-ийн мэдээ – 2016.4.25
Цагдаа: Бид таныг хүн амины хэрэгт буруутгаж байгаа бөгөөд эндээс эхлэх болно.
Стюарт Кокс: Алуурчин?
Цагдаа: Яг тийм.
Сурвалжлагч (f): Стюарт Коксын өөрт нь хүн амины хэргээр ял тулгана гэдгийг мэдээд ийм хариу үйлдэл үзүүлжээ. Тэрээр яагаад цагдаагийн газар байгаагаа мэдсэн бөгөөд бүх зүйл даруй өөрчлөгдсөн.
Цагдаа: Трейсигийн нэрийг Трейси Брок гэж байсан.
Стюарт Кокс: Тийм ээ. Тэр миний найз охин.
Цагдаа: Яг тийм.
Стюарт Кокс: Тэр яасан гэж?
Цагдаа: Тэр үхсэн. Түүнийг хөнөөсөн. Та түүнтэй муудалцаад түүнийг буудаж алсан байна. Тэр үхсэн. Тэгээд таныг хүн амины хэрэгт буруутгаж байна.
Сурвалжлагч (f): Кокс яллагдагчаар татагдсан цагаасаа эхлэн тэрээр 3-р сарын 25-ны өглөө юу болсон талаар огт санахгүй байсан ч мөрдөгчид түүнийг аллага болох үед Оссеола дахь гэрт байсныг гэрчлэх хүмүүс бий гэлээ.
Стюарт Кокс: Өнгөрсөн шөнө бүгд ухаан алдсан байсан үеийн талаар би огт санахгүй байна.
Сурвалжлагч (f): Мөрдөгчид үргэлжлүүлэн Трейси Брук яагаад үхсэн бэ гэж асуув. Кокс мэдэхгүй гээд, үе үе муудалцдаг байсан ч түүнд хайртай байсан гэлээ.
WXYZ-TV Detroit-ийн мэдээ – 2018.2.6
Сурвалжлагч (f): Офицер Гленн Доссыг буудсан хэрэгт буруутгагдсан 43 настай Дешарлос Бруксыг шүүх хурал өнөөдөр боллоо. 911-т ирсэн дуудлагын дагуу Макдугал дахь байшинд нь DPD (Детроитын цагдаагийн газар)-ийн цагдаа нар хүрч ирэхэд Брукс Доссыг буудсан гэж цагдаа хэлж байна. Бруксийн өмгөөлөгчийн хэлж байгаагаар тэрээр тэр өдөр юу болсныг огт санахгүй байгаа ажээ.
Жеймс (m): Болсон явдлын талаар тэр юу ч санахгүй байгаа. Тэгэхээр үргэлжлүүлэх боломж надад алга.”
“KREM 2 News-ийн мэдээ – 2019.1.25
Алекса (f): 25 настай Эшли Хорнинг хоёрдугаар зэргийн хүн амины хэрэгт буруутгаад байна. Гэхдээ өнөөдрийн шүүх хурлын үеэр Хорнин өмгөөлөгчөөрөө дамжуулан юу ч санахгүй байгаагаа хэлсэн.
Хуульч (m): Тэрээр буруутай гэгдэж байгаа хэргийнхээ тэр оройн бүх явдлыг санахгүй байгаа бөгөөд зүүдэндээ явах зэрэг асуудал түүнд бий.”
Эвсэл зарим хүнийг үхэхэд биед шүглэдэг зарим төрөлтөн биед нь ороод үргэлжлүүлэн амьдруулж тэр биеэр тааламжтай гэсэн хүссэн бүхнээ хийлгэдэг. Зарим сөрөг төрөлтөн маш хүчтэй байдаг бөгөөд урт удаанаар шүглэдэг бол зарим нь түрхэн зуур орж гараад байж байдаг. (Хөөх. Аймаар юм.) Тийм ээ. Аймаар шүү. Тийм болохоор л олон хүн муу үйл хийдэг. Тэр дандаа санаатайгаар үйлддэггүй . (Аан, ойлголоо.) Сүнс нь явчихсан, хэдийнээ үхсэн атал биеийг нь сөрөг хүч ашиглаж байдаг. (Хөөх. Аймаар юм.) Тийм ээ.
Амьтан-хүмүүс хүртэл, зарим амьтанд сувдаг сүнс юм уу чөтгөр шүглэж ороод ашиглаж байдаг. Тэд амьтны цогцсыг ашиглан хүмүүсийг юм уу, бусад амьтан-хүмүүсийг хэрцгий, байж боломгүй байдлаар хөнөөдөг. (Өө, Бурхан минь.) Тэр бүү хэл шоргоолж мэтийн шавж хүртэл ашигладаг бөгөөд тэд нь жинхэнэ шоргоолж биш, зомби байдаг. (Өө, тийм байх нь.) Мөн түүнчлэн харын хүчний хорон ид шидтэний хараалаар эзлүүлэх юм уу шууд сөрөг зүйлд удирдуулчихдаг. (Өө, хөөх. Тийм байх нь.) Тийм, тийм. Саяхан л гэхэд нэгэн удаан хөдөлгөөнт баавгай буюу “удаан баавгай” хос хоёрыг хороосон. (Хөөх!) Байж боломжгүй байдлаар тэднийг хөнөөсөн. “Байж боломгүй байдлаар” гэж хэлсэн байсан. Яагаад гэвэл баавгай-хүн угтаа тийм зүйл хийдэггүй. (Тийм ээ.)
Ийм мэтийн жишээтэй. Энэ дэлхий ёстой аймаар. Бүгд жинхэнэ биш. (Тийм.) Иймд хүмүүс ч гэсэн энэ аймаар орчин нөхцөлд амьдарч буй хохирогчид юм. Будда айлдахдаа энэ дэлхийд дүүрэн чөтгөр, тэнүүл сүнс, хорон төрөлтөн бий гэсэн. Бадамлянхуа сударт Будда тэгж айлдсан байдаг. Тэрээр нэгэн сургамжит үлгэр ярьжээ. Олон хүүхэдтэй нэгэн баян эцэг байв. Түүний хүүхдүүд тэнүүл сүнснүүд болон чөтгөр шүглэж байсан нэгэн орхигдсон байшинд тоглохоор очиход шатаж эхэлжээ. Иймд тэр хүүхдүүддээ санаа зовж тэднийгээ тэндээс гаргаж авах гэж байдгаараа хичээж гэнэ. (Хөөх.) Манай дэлхийд таарсан өгүүлэл. (Аан, ойлголоо.)
Будда ч гэсэн бусад Их Багш нарын нэгэн адил заларч ирээд хүмүүсийг аюулаас гаргах гэж аль байдгаараа хичээсэн шүү дээ. Олон хүн мэддэггүй. Мэдэхгүй болохоороо л Их Багш нарыг дагадаггүй. Яагаад гэвэл тэд Буддагийн, Их Багш нарын хардгийг харж чаддаггүй. (Ойлгож байна, Багш аа. Тийм, Багш аа.) Тэгээд л бүх Их Багш нар ямагт хүмүүсийн төлөө маш их харамсаж, бүхий л зүйлээ, амь насаа золиослон маш их хичээж зүтгэдэг. (Тийм ээ.) Даанч хүмүүс Их Багш нарыг ярьж байгааг нь ойлгодоггүй, итгэдэггүй нь харамсалтай. Түүнээсээ болоод л тэд өөрсдөдөө хөнөөл учруулдаг. (Тийм, Багш аа.)
(Багш аа, бид Танаас асуухаа мартжээ. Зарим удирдагчид Украинд Путиныг доромжлохгүй байхыг зөвлөжээ. Яагаад тэр вэ? Учир нь Путин Украин руу ямар ч шалтгаангүйгээр, өдөөн хатгаагүй байхад дайралт хийсэн.) Тийм. Хүн бүр үүнийг мэднэ. (Тэдгээр удирдагчид Украинд яагаад тэгж зөвлөсөн юм бол? Утгагүй санагдаад.)
Би ч бас гайхаж байна. Тэд бол хар цэг болсон хүмүүс. (Аа, ойлголоо. Тийм.) Эсвэл хар цэг хүмүүсийн нөлөө. (Аан, тийм байх нь. Тийм.) Тэд Путин тэдэнд байгалийн хий, газрын тос нийлүүлэхгүй байх, улсыг нь сүрдүүлэх байх гэж санаа зовж байгаа. (Аан. Ойлголоо.) Путины дайн тэдний эдийн засгийг сүйтгэнэ. (Тийм.) Яагаад гэвэл олон хүн дүрвэж тэдний улс оронд нь очно. (Аан, ойлголоо.) Тэдгээр дүрвэгсдэд туслахад маш их цаг хугацаа, мөнгө, дэд бүтэц, зохион байгуулалт шаардагдана. (Яг үнэн. Тийм.) Улс төрийн гэх мэт маш олон асуудал. Иймд тэд бас айж байгаа. (Ойлголоо. Тийм.) Эсвэл тэд Путинтэй тогтоосон хувийн харилцаанаасаа болсон ч байж мэднэ. (Аан. Тийм байх нь. Тийм.) Зарим хүмүүс өөр өөр шалтгаанаар Путинд дуртай байдаг. Тэрийг энд хэлмээргүй байна. Зөвхөн улс төр биш – хувийн чанартай. (Ойлголоо, Багш аа. Тийм.) Магадгүй тэд адилхан муу муухай зорилготой биз. (Хөөх.)
Та нарын асуугаад байгаа зүйл чинь Хенри Киссинжер болон Макрон нарын санаа юм. (Тийм ээ.) Тэгэхээр, одоогийн байдлаар миний мэдэхийн энэ хоёр удирдагч л Украинд Путиныг доромжлохгүй байхыг зөвлөсөн. (Тийм, Багш аа.) Бусад хүмүүс бол энэ дайнаас болж Путиныг буруутгахыг зогсоох аргагүй гэж хэлнэ. (Яг үнэн. Тийм.) Тэр Оросыг ялагдуулсаар байгаагаасаа болж өөрийгөө доромжилсон. (Тийм.) (Тийм, Багш аа.)
Маш олон генерал амиа алдсан. Путинд одоо хэдэн генерал үлдсэнийг мэдэхгүй юм. Арав ч байж мэднэ. (Тийм шүү.) Бүхэл бүтэн улсын хувьд тийм олон тооны генералтай байж таарахгүй. Бүгд амиа алдсан. Украин руу явуулсан болгон нь амь үрэгдсэн. (Тийм. Яг үнэн.) Хамгийн дээд албан тушаалын, армийн удирдагч генералууд, хурандаа нар нь. (Ойлголоо, Багш аа. Тийм, Багш аа.) Энэ нь түүний армид маш том цочирдол болсон. Тэд зохион байгуулалтгүй болж, сэтгэл санааны хямралд орсон. (Тийм. Тэгсэн.) Тэд алдаа гаргаж, эсвэл зугтаж, нэг бол байлдаж чадахгүй байгаа. (Тийм. Тийм байх нь.)
Одоо тэгээд тэд үүгээр, түүгээр хэсэг бусаг газар эзэлж байна. (Тийм, Багш аа.) Мэдээж тэднийг хүчилж байгаа учраас тэр. Эсвэл эзлэхэд хялбар, хяналт тогтоож болох эмзэг газрууд байгаа. (Тийм, Багш аа. Яг тийм.) Мөн тэд Украинд Крым, Донецск, Луганск гэсэн гурван газар баазтай. (Тийм. Тийм.) Тэд эдгээрийг дөрөөлөөд тэлж байгаа. (Тийм, Багш аа.) Энэ гурван газар тэдэнд хэрэв байхгүй байсан бол эхэн үедээ л тэд даруй ялагдах байсан. (Тийм. Тэр үнэн.)
Энэ захиасыг Оросын төр засгийн түрэмгий бүлэглэлийнхэн ойлгоогүй. Үүнийг Бурхан илгээсэн. Бурханы үг. Энэ дайнд илгээсэн бүх удирдагч, генерал, хурандаа нар бүгдээрээ амь үрэгдсэн. (За.) Энэ нь Диваажин “Үүнийгээ зогсоо. Үүнийг зогсоо.” (За.) гэж байгаа дохио юм. Яагаад гэвэл ямар ч дайн тулаанд удирдагчид нь амь үрэгдэх юм бол муу ёр. (Яг үнэн. Гарцаагүй тийм. Тийм, Багш аа.) Энэ нь тэдний доод албан тушаалтан, цэргүүдийн сэтгэл зоригийг мохоодог. (Тийм. Үнэн.) Уг нь дээр үед удирдагчид нь амь үрэгдэхэд цэргүүд нь зугтдаг байсан. (Яг үнэн, тийм, Багш аа.) Зугтаад, эсрэг талдаа ялалтыг өгдөг байсан. (Тийм.)
Гэтэл Кремль дэх Оросын бүлэглэлийнхэн үүнийг мэддэггүй юм байна. (Ай даа.) Яагаад гэвэл тэд одоо Путин үхсэнээс хойш хэрхэхээ мөн л мэдэхгүй байгаа байх. (Тийм.) Тэд ганц хоёр хуучин зураг юм уу, бичлэг тавиад л өчигдөр уржигдрынх гэж хэлээд байгаа. Бүгд хуурамч. (Харин тийм. Тийм, Багш аа.) Бүгд хуурамч. Зарим цөөн хэд нь түүнтэй төстэй байлаа ч гэсэн сувдаг чөтгөр шүглэсэн л зүйл байгаа. (Өө. Хөөх.) Доторх тэнүүл сүнс нь байнга солигдохгүй л бол удаанаар оршиж чаддаггүй. (Хөөх.) Дандаа байж чадахгүй, хэсэг зуур л байдаг гэсэн үг. (Ойлголоо.) Үгүй бол зарим нэг хүчтэй нь арай удаанаар оршиж чадна. (Аан, тийм байх нь.)
Гэхдээ Путин биш. (Ойлголоо.) Үл үзэгдэгч хүмүүс маань түүнийг хэдийнээ хаа нэгтээ аваачсан. (Хөөх.) Түүний сүнс явчихсан. (Хөөх.) (Ойлголоо, Багш аа.) Оросууд энэ талаар хүмүүст мэдэгдэхийг хүсэхгүй байгаа. Учир нь тэд мөн хэрхэх учраа мэдэхгүй байгаа. (Ойлголоо. За.) Дайны үеийн том том хэлэлцээр, томоохон сүрдүүлэг бүгдээрээ гэнэтхэн зогсчихно гэж байхгүй. (Яг үнэн. Тийм.) Иймээс тэд одоо хэр нь яах ийхээ бодсоор л байгаа. Хурдан бодно гэж найдъя. (Тийм.)
Путиныг доромжлох нь гарцаагүй гэж хүмүүс үзэж байна. (Тийм.) Учир нь энэ бүхэн, армийн энэ бүх удирдагчдын үхлээс болоод. (Тийм, Багш аа. Яг тийм.) Тэр өнгөрөхөөсөө өмнө эмч нарын байнгын хяналтад байж эмнэлэгт байнга очдог байсан. (Тийм, Багш аа.) Иймээс Кремльд их түгшүүртэй байгаа. (Тийм, Багш аа.) Кремльд маш их түгшүүртэй, үймээнтэй, яах учраа мэдэхгүй байдал үүссэн байгаа. (Яг үнэн.)
Путин бас залгамжлагчаа өнгөрөхөөсөө өмнө дурдах шиг болсон ч гэсэн тэд түүнийг яаж ашиглахаа мэдэхгүй байгаа. (Хөөх.) Тэд бүгд учраа олохгүй байгаа. (Ойлголоо. Тийм, Багш аа.) Тэд гэнэтхэн л хөл толгой нь олдохгүй болсон. (Хөөх.) Мөн тэрхүү залгамжлагч гэгдэх тэр эр магадгүй энэ дайныг, энэ бүх муу нэрийг өвлөн авахыг хүсээгүй байх л даа. (Хөөх.) Гэсэн хэдий ч тэр зогсоож чадсангүй. Учир нь тэр зогсоолоо гэхэд бүлэглэлийн эсрэг зогсох болох учраас тэр амиа алдана. (Яг үнэн. Тийм. Ойлголоо.) Иймд тэд бүгд хөл толгойгоо алдсан. (Яг үнэн. Ойлголоо.) Мөн түүнийг бүлэглэл хороолоо гэхэд дараа нь бас яахаа тэд мэдэхгүй. (Тийм. Ойлголоо, Багш аа.)
Тэгэхээр тэр хөөрхий эр сонгогдсон ч гэсэн тийм ч баяр хөөртэй биш байгаа. (Тийм.) Тэр нас дээр гарсан хүн. Настай хүмүүс ихэвчлэн эхнэр, хүүхэд, ач зээгийнхээ хамт л байх дуртай байдаг. (Тийм.) Үүлтэй тэнгэрийн доор нар жаргахыг ажаад суудаг. (Тийм.) Оросын юм уу, өөр улс орны хаа нэгтээ үзэсгэлэнтэй газар нутаг үзээд л. (Яг үнэн.) Тэд амьдралынхаа туршид хөдөлмөрлөсөн, одоо ядарсан. (Яг үнэн. Тийм. Яг тийм.) Тэгэхээр тэд тэр дайныг аваад хүмүүсийг алъя гэж бодохгүй. (Тийм.)
Тэгэхээр одоо Кремль үймсэн байгаа. Мөн тэгээд Лавров үүнийг төвхнүүлэх гэж маш их хичээж байна. Тэгээд л тэр хаа сайгүй айлчлахаар төлөвлөж. Өөр өөр, холбоотон ч бай, биш ч бай улс орнуудад. (Тийм.) Гэхдээ олон улс орон түүнийг хүлээж аваагүй. Замыг нь хаасан. (Өө, тийм.) Тэгээд тэр хааш ч явж чадаагүй. (Яг тийм. Тийм.) Ганц хоёрт л очсон байх. Араб. Эрсдэлийг бууруулах гэж хичээж тайлбарлах гэж оролдож байна. (Тийм, Багш аа. Тэр үнэн.) Айж цочсондоо эрсдэлийг бууруулах. (Яг тийм. Тийм.) Харин бусад улс орнууд Орост дургүй болохоор түүнийг зогсоосон. Тэр үүнд мэдээж ууртай байгаа. (Тийм.) Тэр өөрөө ч гэсэн удахгүй үхнэ гэдгээ мэдэх хэрэгтэй. Бурхан минь. Ямар ч утгагүйгээр юунд дайтна вэ? (Яг тийм. Тийм. Тэр үнэн.)
Агуу Их Александр өөд болохоосоо өмнө хүмүүстээ хоёр гараа авснаас, бүтээлгээс ил гарган ард түмэндээ Агуу Их Александр байлаа ч гэсэн нэгэнт үхэх л юм бол юу ч үгүй хоосон болно гэдгийг мэдүүлэхийг хүссэн. (Яг тийм. Тэр үнэн.) Юу ч авч явж чадахгүй. (Тийм.) Тэр мөнгөн шүхрийн дор амьсгал хураасан. Мөнгөн лавир. Тийм, тэр мөнгөн лавирын дор өөд болсон. Мөнгөн лавир. Удирдагч байсан учраас түүнийхийг мөнгөөр хийсэн. (Хөөх.) Тэглээ гээд яана гэж? (Тийм ээ, Багш аа.) Мөнгөн лавирын дор байна уу, хатсан модны хуурай навчсын дор үхнэ үү ямар ялгаа байна? (Яг тийм. Яг үнэн.) Эсвэл цэлмэг тэнгэрийн дор, үүлтэй тэнгэр, нарны дор байлаа гээд ялгаагүй л үхнэ. (Тийм.) Юу ч үгүй байх болно. (Тийм. Яг тийм.)
Иймээс тэр өөд болохоосоо өмнө дэлхий дахинд энэ сургамжийг, дайн хийх хэрэггүй гэдгийг үлдээхийг хүссэн. Юуг ч өмчлөх гэж бүү зүтгэ. Учир нь чи гар хоосон л үхэх болно. (Гарцаагүй тэгнэ. Яг тийм.) Энэ хамгийн муу нь ч биш. Чи тамд унана. Үүнийг тэр хэлж үлдээж чадах байсан бол бас хэлэх л байсан. (Тийм.) Тэгэхээр Агуу Александр тийм ч “агуу” биш байсан байна. Тэр бидэн шиг л үхэж, тийм үү? (Тийм ээ, яг үнэн.) Яг л гудамжны цэвэрлэгч, жорлон цэвэрлэгчийн адил. (Тийм.) Бид бүгдтэй адил. (Яг үнэн. Тийм, Багш аа.)
Гэхдээ түүнээс хойших хойч үеийнхэн түүний өгүүлэх гэснээс нь огтхон ч сургамж авсангүй. (Тийм.) Тэд одоо хэр нь энэ бүх мунхаг тоглоомоо, чөтгөрийн тоглоомоо үргэлжлүүлсээр л байна. Одоо болтол үргэлжлүүлсээр. Энэ бол үнэхээр тэнэг, хорон муу явдал. (Тийм, Багш аа. Тэр үнэн.)
Гэхдээ гол нь энэ хоёр удирдагч Украиныг яах ёстой гээд байгаа юм бол? Тэд Путиныг амьд байхад түүнийг яагаад доромжлох ёсгүй юм бэ гэдгээ тайлбарлаагүй. (Яг үнэн. Тийм.) Путин төдийгүй Кремль дэх түүний бүлэглэлийг. (Тийм.) Путиныг үхчих юм бол тэдний амбиц, хорон муу нь мөн л үхчих юм болов уу гэж би найдаж байсан ч одоо хүртэл (Ойлголоо, Багш аа. Тийм, Багш аа.) дэлхийн хамтын үйлийн үрээс болоод үргэлжилсээр л байна.
Одоо бол миний бодлоор АНУ-ын Төрийн нарийн бичгийн дарга асан Киссинжер болон (Тийм.) Макрон нар украинчуудад хүсэхгүй байгаа юмыг нь хий гэж заах гээд байх шиг байна. (Яг үнэн.) (Гэхдээ Багш аа, тэд Украинаар яг юу хийлгэх гээд байгаа юм бол?) Сайн асуулт байна. Би тэднийг украинчуудаар яалгах гээд байгааг ойлгох шиг боллоо. Тухайлбал Путины өдөөсөн энэ түрэмгий цуст дайнд амиа алдсан тэр олон арван мянган украин хүн бүгдээрээ сэрж, амилж босож ирээд энэ утгагүй, өдөөн хатгалга гараагүй байхад дэгдээсэн дайны төлөө түүнийг магтах ёстой байх. Мөн хүчиндүүлсэн хөгшид, хүчиндүүлсэн залуу бүсгүйчүүд, хүчиндүүлсэн жаахан охид, хөвгүүд мөн тийм аймшигтай зүйл мэдрүүлснийх нь төлөө түүнд талархах ёстой юм байлгүй. Хүнлэг бус. (Яг тийм.)
Бас шархтсан, бүрмөсөн гаргүй болсон зэрэг бэртэж гэмтсэн украинчууд, (Тийм ээ.) тэр бүү хэл Украинд гаргүй болсон сэтгүүлч хүртэл Путиныг магтаж, түүнд талархсан захидал бичиж илгээх ёстой юм байлгүй. Бас сая сая украин дүрвэгсэд Орост гүйж очоод асар том цогцолбор барьж орой дээр нь Путины хөшөөг залаад, том үсгээр үүний дор ингэж бичих ёстой юм байлгүй. “Дэлхийн хамгийн агуу цусанд улангассан мангас.” (Бурхан минь.) Тэгээд дараа нь Украинд эргэж очоод хөрш орон руу зугтахын оронд бөмбөгдүүлж дахин үхэхээ хүлээх ёстой юм байлгүй.
Харин Украины бүх тариаланчид оросуудын бөмбөгдөлтөөс болоод бүх бүтээгдэхүүнээ хүргэж чадаагүйдээ уучлалт эрэх ёстой байж л дээ. Эс бөгөөс тэд бүх тариалангийн бүтээгдэхүүнээ Кремль дэх Путинд хүргээд түүнийг нь тэр зарж борлуулан маш их мөнгө олоод дайнаа үргэлжлүүлэх байж. Бүгд тариаланчдын буруу болж таарах нь.
Бас энэ дайнд бүх зүйлээ алдсан украинчууд Путины тэдэнд өгсөн “чөлөөлөлт”-д талархах ёстой байх нь ээ. Хоол хүнснээс нь, унднаас нь, орон гэрээс нь, амьд үлдэхэд шаардлагатай бүх зүйлээс нь “чөлөөлсөн.” (Тийм, Багш аа. Тийм.)
“EuroNews-ийн мэдээ – 2022.5.24
Валери: Түүний нөхөр хотыг эзлэхээс нэг өдрийн өмнө алга болчихсон. Түүний цогцсыг 10 хоногийн дараа моргоос таньсан.
Ольга: Тэд түүнийг хугачсан байсан. Түүний яснуудыг хугалсан байсан. Олон газар нь хугарсан байсан. Түүнийг яах гэж алаа вэ? Би мэдэхгүй байна. Тэр ялаа ч алах хүн биш. Олон хүнийг алсан байсан. Манай олон хүнийг. Ангийн анд маань тэсрэх бөмбөгт дэлбэрч олон хэсэг болсон. Түүнээс юу ч үлдээгүй. Тэд биднийг “чөлөөлөхөөр” ирсэн. Биднийг хэнээс, юунаас тэд “чөлөөлөө” вэ? “Бид та нарыг чөлөөлнө. Энэ бол тусгай ажиллагаа. Бид та нарыг чөлөөлж байна” гэсэн. Тэд биднийг бүх зүйлээс “чөлөөлсөн.” Энгийн амьдралын нөхцөлөөс, амьдралаас минь. Би нөхрийгөө ажилдаа явсан юм шиг эргээд ирэх болов уу гээд өдөр бүр хүлээдэг. Даанч тэр эргэж ирэхгүй, тэр ирэхгүй. Тэр хэзээ ч эргэж ирэхгүй. Хэзээ ч.”
Бөмбөгдөлтөөс зугтан үр хүүхэд, настай эцэг эх, гэрийн тэжээвэр амьтан-хүмүүсээ аваад явсан хэн бүхэн Путины өмнө үүрд өвдөг сөгдөн наманчлах ёстой юм байх. Тэгээд тэд түүнийг тамын галаас аврагдаг гэж залбирах ёстой болох нь.
Хараахан амиа алдчихаагүй байгаа украинчууд, амьд украинчууд харин Путиныг эх орон руу нь дайрч довтолсныг зөвтгөх олигтой шалтаг олох гээд толгойгоо илүү сайн ажиллуулах ёстой байх нь. Одоо жаахан оройтсон ч гэсэн тэд түүнд шалтаг олж өгөхөөр, хэлэх шалтаг түүнд олж өгөхөөр бодож болох л юм. (Тийм.) Түүний цусанд улангассан дайралтуудыг далдлах хэдэн бузар шалтаг олох нь.
Тэгээд одоо бас Кремль дэх эсвэл Оросын хаана ч юм байгаа Орос бүлэглэлд Путиныг үхсэн гэдэг үнэнийг нуухад нь хэрхэн туслах вэ гэж бодол болох ёстой байх нь. Тэд яахаа хараахан мэдэхгүй байгаа учраас юу ч хэлээгүй л байна. (Тийм.) Оросын армийн урам зоригийг мохоохгүйн тулд тэд Путины үхсэнийг нуухад нь Орост туслах ёстой байх нь.
“WION-ийн мэдээ – 2022.5.31 Сурвалжлагч (m): Их Британийн нууц албаны хамгийн том агентлаг болох МI6-гийн удирдах газар байна. Тэдний сүүлийн мэдээ цочирдуулж байна. MI6-гийн мэдээлж буйгаар Владимир Путин нас барсан байж магадгүй. Тийм ээ, тус албаны удирдлагууд Оросын ерөнхийлөгч үгүй болсон гэж байна. Энэ нь Их Британид тэргүүн мэдээ болоод байна. “Путин маш хүнд өвчтэй байгаа бөгөөд түүнийг үхвэл үхлийг нь хэдэн сар биш юм гэхэд хэдэн долоо хоног нууцална. Бас тэрээр хэдийнээ үхсэн байх магадлалтай. Мэдэх аргагүй юм. Өмнө нь Путины биеийг сайнгүй болох үед түүнийг орлон тоглогч өөр нэгнийг гаргадаг байсан гэдэг бөгөөд Кремль одоо ч мөн тэгж байж болох юм.” Зарим хүн түүнийг гэдэсний хорт хавдар туссан гэдэг. Зарим нь паркинсоны өвчин туссан ч гэдэг. Өөр бусад нь үүнийг мэс заслын үр дагавар гэж үздэг.”
Мөн Украины төр засаг болон Украины бүх ард түмэн өвөг дээдсээс өвлөгдөн ирсэн эрдэнэ мэт хайрт газар нутгаа Путинд өгч түүний тааллыг ханган бусад улс орон руу дайрах боломж олгох ёстой байх нь. Эхлээд Европ руу дайрч, тэгээд цааш үргэлжлүүлэх боломж. Яагаад гэвэл Орост энэ нь тун амар дөхөм болж өгнө. Тэгээд бүгдээрээ Оросын чанга хатуу коммунист хяналт, засаглалын дор боол шиг байх болно. (Өө, яана аа. Аймаар сонсогдож байна.) Украинчуудын хувьд сайхан сонсогдохгүй байна уу? (Огт үгүй. Үгүй.) Бүгдэд их таалагдана гэж санагдахгүй байна уу? (Үгүй, Багш аа. Үгүй.) Бас европчуудад таалагдах болно. (Огт үгүй. Яагаад ч үгүй.) Тэд Оросыг тэдэн рүү ч гэсэн дайрахыг хүлээж байна. (Ээ, Бурхан минь.) Мэдээж хэрэг. Тэд эрх чөлөөнд дургүй. Ардчилалд дургүй. Тийм үү? Тэгж л санагдлаа.
(Тэгэхээр, Багш аа, Путиныг тэд доромжилсоор л байвал яах бол?) Түүнийг үхчхээд байхад хүртэл доромжилсон л гээд байдаг. Өөрөөр хэлбэл бид Путины үхсэн, амьд алинд ч болов дайны талаар ярих л болно. Тэр өөрийгөө доромжилсон. (Тийм байна.) Олон арван мянган цэргүүд нь амь үрэгдэн, олон арван мянга нь мөн энэ дайнд шархтаад байна. (Тийм.) Тиймээс ч одоо хэр нь цэрэг албан татлага явуулах түүний бодол хэвээр байна гэж мэдээлсэн хэрэг биз? Энэ нь оросууд түүнийг улам л үзэн ядахад хүргэнэ. (Ойлгож байна.)
Түүнийг үргэлжлүүлэн доромжилсоор байвал Украинд юу тохиолдох бол гэж үү? Тэд Путинд яагаад газар нутгаа зүгээр л шууд өгчихдөггүй юм гэж үү? Тэгвэл тэд түүнийг үхсэн ч бай, амьд ч бай дахин доромжлохгүй болно. Тэгээд улс орон даяараа түүний хоригдлууд болно. Яагаад гэвэл тэд бүгд Путиныг эсэргүүцдэг. (Тийм, Багш аа.)
Тэгээд Украины төр засаг болон ард түмэн түүний хүссэнээр хайртай газар нутгаа Путинд өглөө гэхэд тэдэнд өөрсдөд нь яаж хандах бол гэдгийг төсөөл дөө. (Тийм.) Тэд бүгдээрээ хоригдол болно. (Өө, Бурхан минь. Тэгнэ.) Магадгүй тэднийг мэдэх ч үгүй алив нэг мэдээллийн төлөө алж хөнөөж, тамлаж магадгүй. (Аймшигтай.) Ердөө л “Путины эсрэг байж яаж зүрхлэв?” гээд. (Тийм, Багш аа.)
Тэгэхээр та нар дайн зогсоод бүх украинчууд хоригдол, дайснууд болно гэдгийг төсөөлж байгаа биз дээ. (Тийм ээ.) Тэд хэдийнээ дайснууд, тэгээд ч Оросын тамлал, хэрцгийллийн дор байх ёстой болно. Яагаад гэвэл дайны туршид тэд Путины эсрэг зогссон. (Тийм, Багш аа. Тийм, тэр үнэн.) Иймд Оросын хяналт дор амар тайвнаа үзнэ гэж үгүй, тайван амьдарна гэж үгүй. (Тийм, Багш аа.) Энэ үеийнхэн л лав чадахгүй. (Яг үнэн.)
(Тэгэхээр, Багш аа, Та энэ талаар юу гэхсэн бол?) Би бол Украин улсыг, украинчуудыг Бурхан авран хамгаалаг л гэж хэлнэ. Бүгд сэрж сэхээрэх болтугай. (Тийм ээ. Амен.) Амен. Дэлхий даяараа сэрж сэхээрэн Дэлхий дээр хүмүүс хийгээд, хүмүүс, амьтан-хүмүүсийн хооронд энхтайван тогтож диваажин цогцлох болтугай. (Амен.) Мэдээж бас оросууд гэрээ харь! (Тийм. Яг үнэн.) Бурхан бас НАТО-гийн гишүүдийг ивээг. Одоо дайныг зогсоох цаг болсон!!! Эсвэл НАТО бүх хүчээ, цэргүүдээ Украинд авчирч Оросын цэргүүдийг бүгдийг нь Украинаас гаргах ёстой. Үгүй бол Орост бөхөлзөх хэрэг үү???
Та нар боломжоороо дэлхийд тусалсаар байгаад баярлалаа. Бүгдэд тань баярлалаа. (Танд ч бас чадах бүхнээ хийж байгаад Тань баярлалаа, Багш аа.) Бүгдэд нь баярлалаа. (Баярлалаа, Багш аа.) Суприм Мастер Телевизэд болон бусад хүмүүст ямарваа байдлаар тусалж байгаа, амьтан-хүмүүст ямар нэг байдлаар тусалж байгаа хэн бүхэнд баярлалаа. Бурхан бүгдийг тань ивээг. (Баярлалаа, Багш аа.) Дэлхийг маань Бурхан ивээг. Дараа ярья даа. (За, Багш аа. Баярлалаа, Багш аа.) Өөр асуулт байхгүй бол шүү дээ. (Өөр асуулт байхгүй ээ, Багш аа. Тандаа маш их баярлалаа.) За баярлалаа. Бурхан хайрлаг. (Баярлалаа, Багш аа. Бурхан хайрлаг. Багшийг Бурхан хамгаалаг.) Бурхан та нарыг хамгаалаг. Бурхан та нарт хайртай шүү. Би бас хайртай. (Бид бас Тандаа хайртай, Багш аа.)
Хөтлөгч: Хамгаас эрхэм Их Багш аа, “Баярлалаа” гэж хэлэх нь Таны минь дэлхийн төлөө зогсолтгүй зүтгэсний тань дайд хэзээ ч хүрэхгүй билээ. Бид Таны болж өгвөл бүгдэд туслах гэж Диваажинтай хүртэл хэлцэл хийж буй тэсвэр тэвчээртэй Шийдэмгий Хайрыг биширч байна. Хүн нэг бүр сэрж сэхээрэн Бурханы хамгийн гол хуулиудыг дагаснаар бүгдэд хамгийн их тустай үр дүн гарч Өндөр Дээд Бурхан бидэнд энэ бүх утгагүй дайн, зовлон зүдгүүрийг даван туулах хүчийг хайрлах болтугай. Хайрт Их Багшийгаа эрүүл энх байж Өндөр Дээд Бурханы бүхий л Оршихуйнуудаар хамгаалагдах болтугай хэмээн ерөөе. Энэхүү конференцийг дахин үзэхийг хүсвэл Багш шавийн шүтэлцээгээр хожим нэг өдөр хүлээн авч үзээрэй.
Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Эерэг Хүчний Төлөөлөгчид хүн төрөлхтөнд тустай
Нийгэмд том байр суурь эзэлдэг байх тусмаа илүү даруу байх ёстой
Уучлах нь өс хонзонг цайруулж Энх Амгалан Дэлхийг Авчирдаг
Дэлхийн удирдагчид эрх чөлөө, ардчиллыг үйлдлээрээ хамгаалах ёстой
Эерэг болон сөрөг талын харилцан хамаарал
Бусдад сайн хандвал Бурхан танд сайн хандана
Багш шавийн шүтэлцээ:
Дэлхийн бүх улсын төр засаг Украины талд зогсох ёстой
Хүчирхэг орнууд зоригтой байж Украинд туслах ёстой
Сайн ба муугийн хооронд болж буй дайнд Диваажин Украинд тусалж байна
Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол
Дэлхий дахин Украиныг дайнд ганцааранг нь үлдээлээ
Украинд тусалж буй талаар урамтай сайхан мэдээ
Хүчирхэг улсууд Украйнд өгсөн амлалтдаа хүрээгүй
Украины ард түмний нэгдмэл чанар Дэлхийн өмнө гэрэлтэж байна
Украины эрхэм зорилго Оросын хүчнээс илүү хүчирхэг
Хоёр найз
Хүн чанар, сайн сайханд итгэх нь бие биедээ тусалж буй хэрэг юм
Аливаа улс орныг эзлэн түрэмгийлэхийг зөвтгөх шалтгаан үгүй
Өөрсдийн болон бусдын төлөө хичээнгүйлэн нийтийн бясалгал үйлдье
