“Эмэгтэй хүн байхын бишрэм тал” 20 цуврал лекцийн 13-р хэсгийг

Бусдаас өргөл авах гэж, эсвэл ямар нэг ач тус авах гэж холбоо барьсан хэн ч бай тухайн хүнийхээ үйлийн үрээс хуваалцдаг. Дагалдагч нар тань гэртээ юу хийж, зүрх сэтгэлдээ юу бодож байгааг хэзээ ч таашгүй, эсвэл тэд энэ төрөлдөө ямар их муу үйлийн үртэйг, мөн өмнөх төрлөөс нь хэр их муу үйлийн үр давж орж ирснийг таашгүй. Энэ бүхнийг та бүхэн санаж, тэсэх ёстой болно. Тэгэхээр хэрэв та лам, гэлэнмаа, номлогч бол үнэхээр өдөр бүр эгэл даруухнаар Бурханд, Будда талархаж, өөрт тань тусалж, өөрийг тань уучилж, Хүчээрээ дэмжиж байдагт нь талархах учиртай. Үгүй бол хүн ганцаараа тэр бүхнийг шингээж чадахгүй.

Германд амьдардаг нэгэн дүрвэгч гэлэнмаа багш маань надад Ау Лакт (Вьетнамд) болсон түүх ярьж өгч байсан юм. Намайг нэг дүрвэгсдийн лагерьд ALAC-т (Зөвлөгөө, хууль зүйн туслалцааны төвд) ажилладаг байхад Буддын шашинтай нэг гэр бүл байсан, хоёр лам, хоёр гэлэнмаатай дөрвөн хүн. Нөхөр хүү хоёр нь лам болж, охин ээж хоёр нь гэлэнмаа болсон байсан бөгөөд ээж гэлэнмаа нь надад ярьсан юм. Миний тангаргийг гэрчлэн харсан хүмүүс бол тэд. Асаалттай хүжний үнс нь огт мушгирахгүй, эсвэл доош унахгүй бол, хүжний үнс нь унахгүй бол миний мөрөөдлийг биелнэ гэж тэд хэлсэн. Мөрөөдөл минь бодитой, чин сэтгэлийнх байсан юм. Бүх үнс нь дуусан дуустлаа босоо хэвээр байж, доош огт унаагүй. Гэлэнмаа багш маань надад Буддын шашинтнууд, Будда нарын талаар юмс зааж, Буддын шашинд илүү итгэл үнэмшилтэй байхыг уриалдаг байсан болохоор би Гималайн уулнаас эргэж ирээд түүний нинжин сэтгэлийн хариуг

барихыг хүссэн. Тухайн үед би Буддын ч шашинтай, Христийн ч шашинтай байсан болохоор энгэртээ загалмай зүүдэг байв. Нэг Каритасын ажилтан надад өгсөн болохоор зүүчихсэн юм. Загалмай зүүсэн минь Буддын гэлэнмаа нарт таалагдаагүй. Оронд нь намайг Буддагийн хөшөөг зүүхийг хүсэж байсан. Намайг Христийн шашнаас Буддын шашинтан болгохыг хүссэн. Та нарт гэж хэлэхэд энэ дэлхийд нэг шашныг дагах амаргүй, учир нь бусад нь өөрийн шашиндаа чирч оруулахыг хүсдэг, тэд Буддын шашнаа илүү дээр гэж боддог болохоор тэр, эсвэл өөр нэгэн Христийн шашин илүү гэж боддог. Тэд үүрд тэмцсэн ч чадна, ядаж л үг хэлээрээ үүрд маргаж чадна. Гэвч манай гэр бүлд аав маань Христийн шашинтай, эмээ ээж хоёр маань Буддын шашинтай байсан учраас би яалтай билээ? Би аль аль уламжлалд нь төрж өссөн.

Тухайн үед тэр дөрвөн хуврагийн өмнө миний өргөсөн тангараг бол миний бодлоор... Би Диваажин дахь Будда нарт, “Хүн болохын хувьд миний амьдрал тийм ч муугүй байна. Хүний амьдрал хэцүүг би мэдэх ч минийх бол тийм ч муугүй. Тиймээс гуйя, надад буян байвал хамгийн дорд сүнснүүдэд дамжуулж өгөөч дээ, гэхдээ надад бүү мэдэгдээрэй.” гэж хэлсэн. Тэгтэл тэгж л бүх үнс босоо хэвээр үлдсэн юм. Тэр үед би лам гэлэнмаа нарт хэлээгүй ч одоо хэлж болох байх. Хэлчихсэн, яагаад болохгүй гэж? Түр хүлээгээрэй, хэлэх нь буруу байсан эсэхийг би асуугаадахъя. Үгүй, аль хэдийн болчихсон. Би хэдийн их хөгширч, олон арван жилийн турш ингэсээр ирсэн, маргааш амьд байх эсэх нь тодорхойгүй, маш их ажиллаж, энд тэндгүй яарч явдаг учраас хамаагүй дээ. Хэлэхгүй бол та нар байнга дотроо бодож явна. “Тэр юу гэсэн юм бол? Юу гэж тангараг өргөсөн юм бол? Яагаад хүж нь босоогоороо үлдэж, ямар ч үнс унаагүй юм бол? Тэр юу гэсэн бэ?” гэх мэт зүйл бодож, бодол тархийг тань дэндүү завгүй болгоно.

Тэгэхээр амьдралд минь үнэхээр тийм зүйл болсон. Тэр мөчөөс хойш байнга тийм зүйл болсон. Гэхдээ өмнө нь намайг мэдээгүй байхад тийм зүйл болж байсан. Жишээ нь би төрөхдөө л угаас Будда байсан ч том болоход үүнийг минь надад мэдүүлээгүй. Би очиж, буцаан авах ёстой байв. Тэгээд мэдсэнийхээ дараа би юу ч гэж хэлж ярьж зүрхлэхээ байсан, яагаад гэвэл бүхий л Их Багш нар хүмүүст өөрсдийгөө Бурханаас ирсэн Их Багш, Будда гэх мэтээр хэлээд аймшигтай амьдралыг туулсан ба тийм ч олон хүн Тэдэнд итгээгүй.

Энгийн Их Багш байхад, Төгс Гэгээрсэн Их Багш байхад л энд тэндгүй нүдүүлдэг, энэ цаг үед дэлхийд тусалж чадах Цорын Ганц Майдар Бурхан юм уу Христ байх талаар ярилтгүй. Мэдээж хүмүүс үүнд итгэхгүй. Хэрэв тэд намайг харвал, “Юу? Тэр бол ердөө л нэг жижиг эмэгтэй байна. Яаж Будда байх юм бэ? Эмэгтэй хүн Будда болж чадахгүй.” гэж хэлнэ. Би Будда бол яах вэ? Түүнчлэн би олон зүйлсийг хийж чадна. Хүмүүст аль нь хамгийн их ач тустай вэ гэдгээс хамаарч би эрэгтэй эмэгтэй болж болно. Тэгэхээр намайг Будда гэдэгт итгэхгүй байлаа ч миний талаар муу юм бүү ярь. Үгүй бол би та нарт тусалж чадахгүй. Сүрдүүлэх гээгүй юм шүү. Үнэнийг хэлж буйгаа Бурхан, Буддагийн Нэрээр андгайлъя. Худал байвал би шийтгүүлж, оршихуй минь үүрд үгүй болог. Би өөр юу хэлье гэж бодож байлаа? Түр хүлээгээрэй,

би бодоодохъё. Аан тийм, би Лянхуа Судрын талаар ярих гэж байсан, энэ сударт Манзушир нэгэн асуулт асуусан хүнд хандан Түүнийг Далайн Хаант улсад очиход усны нэгэн сахиус, Луугийн охин, Луугийн Хааны охин байсан тухай хэлдэг- ихэвчлэн Луугийн Хаан усыг захирдаг байв. Тэрхүү Луугийн охин гэгээрсэн байлаа. Тэрээр бусдаар шүтүүлэхүйц Архад байв. Гэвч тэр наймхан настай. Бусад нь бүгд Түүнд эргэлзэж байхад Тэр Өөрийгөө баталдаг.

Гэвч тэдгээр хүмүүс, Түүнд эргэлзэж, Манзуширт эргэлзэж байсан хүмүүс хэдийн өндөр төвшнийх байсан, Архад юм уу Буддагийн зэрэгт хүрээгүй ч магадгүй буцашгүй төвшинд хүрсэн байсан байх, хүсэхгүй бол хүний төрлийг ахин хэзээ ч авахгүй төвшинд. Тэд хэдийнээ өндөр төвшнийх. Луугийн охин Өөрийгөө баталж, өөр өөр улс орон, газар нутаг, өөр Оршихуйд хувилгаан Дүрээ гаргаж, үнэхээрийн гэгээрсэн Төрөлтөн гэдгээ илчилж Төрхөө үзүүлж, алс холын, ихэд холын хамаг төрөлтнүүдэд сургаал ном айлдахад нь тэд Түүнийг харж ойлгодог.

Манзушир ийн хэлэв: “Луугийн Хаан Сагарагийн наймхан настай нэг охин бий. Тэр маш ухаантай; авьяас билиг хурц; мөн Тэрээр хамаг төрөлтний бүхий л чадвар үйлсийг сайтар мэддэг. Тэр санаа бодлоо төвлөрүүлэх хүчийг эзэмшсэн. Будда нарын заасан бүхий л гүн нууц эрдэнийг тэр хадгалдаг бөгөөд гүн бясалгалд орохоос гадна бүхий л Ном Сургаалыг ялгах чадалтай. “Тэрээр шууд л Боди (гэгээрлийг) бодож, эргэж унахгүй төвшинд хүрсэн. Тэрээр уран цэцэн үг хэлтэй, хамаг төрөлтнийг яг л Өөрийн хүүхдүүд мэт хайрлан нигүүлсдэг. Төгс ёс журамтай. Бодол, тайлбар нь нарийн, өргөн уудам, өгөөмөр нинжин. Тэрээр амар амгалан сэтгэлтэй бөгөөд Боди сэтгэлд (гэгээрэлд) хүрсэн билээ.”

Бодисадва Пражнакута ийн хэлэв: “Гэгээрлийг (Боди сэтгэлийг) эрж хайн байхдаа Татагата Шагжамуни хүнд бэрх дадал бясалгалаар хэмжээлшгүй олон эрин галавт хичээллэж, ач буяныг хуримтлуулж ирснийг би харсан. Аугаа өргөн уудам үй олон сансар огторгуйг харахад энэ Бодисадвагийн хамаг төрөлтний төлөө амь насаа огоороогүй хумсын чинээ ч газар үгүй билээ. Зөвхөн ингэсний дараа л Тэрээр төгс гэгээрэлд хүрсэн. Тийм байхад энэ Луугийн Охин шууд төгс гэгээрэлд хүрсэн гэдэгт итгэхэд хэцүү юм.”

Түүнийг ярьж дуусаагүй байхад Луугийн Хааны охин гэнэт Тэдний дэргэд гарч ирэв. Буддад хүндэтгэлтэйгээр мөргөөд, Тэрээр нэг тал руу ухран зогсоод дараах магтаалын мөртүүдийг хэлжээ: “Будда болбоос сайн муу зан чанарт гүн нэвчсэн Нэгэн билээ, мөн Тэрээр арван зүгийг бүрэн гэрэлтүүлдэг. Түүний зөөлөн, ариун Номын бие гучин хоёр тэмдэгтэй; Номын бие нь наян сайн чанараа чимэглэгдсэн. Түүнийг дагинас, хүмүүс чимэглэн, луунууд хүндэтгэж байдаг. Түүнд хүндлэл үзүүлдэггүй ганц ч төрөлтөн үгүй билээ. Түүнээс гадна Түүнийг сонсоод би гэгээрэлд хүрэх боломжтойг зөвхөн Будда л мэднэ. Махаяанагийн сургаалыг би дэлгэж зовсон төрөлтнүүдийг аврах болно.”

Тухайн үед Сарипутра Луугийн Охинд хандаж ийн хэлэв: “Удахгүй Та Хамгийн дээд Зам Мөрд хүрнэ гэлээ. Үүнд итгэхэд хэцүү юм. Яагаад тэр билээ? Эмэгтэй хүний бие бохирлогдсон; Үнэн Номд зохицсон багаж биш. Та яаж Хамгийн Дээд Гэгээрэлд хүрч чадах юм бэ? Буддагийн Зам Мөр урт. Хатуумжлан бясалгаж, хэмжээлшгүй олон эрин галаваар төгөлдөржилтийг гүйцэт бясалгасны эцэст хүн ийн гэгээрэх боломжтой. Түүнээс гадна эмэгтэй хүний биед таван саад бий. Эхнийх нь агуу Брахма болох боломжгүй. Хоёрдугаарт Сакра болох боломжгүй. Гуравдугаарт Мара болох боломжгүй, дөрөвдүгээрт Номын Хүрд Эргүүлэгч Хаан (Чакравартин) болох боломжгүй. Тавдугаарт Будда болох боломжгүй. Эмэгтэй биетэй байж та яаж хурдан Будда болох юм бэ?” гэдэг.

Ингээд Луугийн Охин үй олон сансар огторгуйтай дүйцэхүйц үнэт эрдэнэ Буддад өгөхөд Будда хүлээн авчээ. Луугийн Охин Бодисадва Пражнакута болон эрхэм Сарипутрад хандан ийн хэлэв: “Би үнэт эрдэнийг өргөл барихад Бхагават хүлээн авлаа. Үүнийг хурдан үйлдэв үү, үгүй юу?” гэхэд Тэд, “Тийм ээ, үүнийг маш хурдан үйлдлээ!” гэв. Тэгэхэд нь Луугийн Охин ийн хэлэв: “Та бүхэн өөрсдийнхөө ер бусын хүчээрээ намайг үүнээс ч хурдан Будда болохыг хараарай.” Ингээд тэнд чуулсан олон бүгд Луугийн Охин шууд л эрэгтэй дүрд хувирч, Бодисадвагийн бясалгал дадлыг төгс эзэмшиж, Өмнийн Вимала (Ариун) Оронд очин, эрдэнийн бадамлянхуа цэцгэн дээр сууж, Хамгийн Дээд, Төгс Гэгээрэлд хүрч, гучин хоёр тэмдэгтэй, наян онц сайн зан чанартай болж, арван зүгийн хамаг төрөлтнүүдийн төлөө Үнэн Номыг хаа сайгүй тайлж байхыг олж харжээ.

Тэгтэл Бодисадва, Сравака нар, найман төрлийн дагинас, луу гэх мэт, Саха (эгэл) ертөнцийн хүн болон хүн бус төрөлтнүүд бүгд алс тэртээ Луугийн Охиныг Будда болж, тэрхүү чуулганд ирсэн хүмүүс, дагинасын төлөө Үнэн Номыг хаа сайгүй номлож байхыг харжээ. Тэд ихэд баярлан Түүнийг алсаас хүндэлж байв. Үнэн Номыг сонсоод тоолшгүй олон төрөлтнүүд гэгээрэлд хүрч, буцаж унашгүй төвшинд хүрсэн байна. Тоолшгүй олон төрөлтнүүд ирээдүйд Будда болох зөгнөлөө хүлээн авчээ. Вимала (Ариун) Орон зураан байдлаар чичирхийлэв. Саха (эгэл) ертөнцөд гурван мянган төрөлтөн гэгээрэлд хүрэхийг хүсэж, эцэст нь Буддын хутагт хүрэх зөгнөлийг хүлээн авсан байна. Бодисадва Пражнакута Сарипутра болон чуулган бүхэлдээ үүнийг чимээгүй итгэж, хүлээн зөвшөөрч байв. - Лянхуа Судар, 12-р бүлэг

Тэгээд тэд түүнд мөргөж, алсаас хүндэтгэл үзүүлж, Түүнд итгэдэг. Манзушир хүртэл Түүнийг эмэгтэй болохоор итгээгүй гэдгээ тэдэнд хэлдэг. “Эмэгтэй байж Тэр яаж гэгээрч, Архад болох юм бэ?” Манзушир хүртэл тэдэнд итгээгүйгээ хэлдэг. Итгэмээргүй байгаа биз? Манзушир Бодисадва болбоос тухайн үед Буддагийн хүрээлэлд байсан номер Билиг ухаантай

Архад байсан. Гэвч зарим лам гэлэнмаа нар ирээдүйг харж чадна. Намайг ч харж чаддаг. Тийм ч учраас би Гималайгаас эргэж ирээд түүний нинжин сэтгэлийн хариуг барьж, зөвхөн түүнд болон охинд нь энэ Арьяабалын Аргыг уламжилсан. Тэгтэл тэд надад маш ихээр итгэж, одоо ч намайг Их Багш гэж дууддаг. Намайг хийдэд нь мөнгө хандивлах гэхэд тэгсэн. Тэд, “Багшид талархъя” гэх мэт зүйлс хэлсэн. Би тэнд байгаагүй. Хүмүүс явуулж өгүүлсэн юм. Би хэд хэдэн хийдэд өгсөн ч хаана, хэчнээн хийдэд вэ гэдгийг хэлмээргүй байна.

Бид анх уулзаж байхад тэр бас надад юмс зааж өгч, ядаж л нэг судар өгч байсан. Германд тухайн үед би хаанаас судар авахаа мэдэхгүй байсан тул тэр надад нэгийг өгсөн. Би санаж байна, би уншсан бүхнээ олон жилийн өмнө Ау Лакт (Вьетнамд) уншиж байсан. Германд аулак (вьетнам) хэл дээрх Буддын судар байдаггүй, олоход маш хэцүү. Гэтэл тэр надад маш ихээр итгэсэн, одоо ч итгэдэг хэвээр бөгөөд тэр үед Буддын шашны талаар мэддэг байсан зүйлсээ надад ярьсан. Тухайн үед би гараг дэлхий даяар явж, гэгээрлийг эрж хайж эхлээгүй байсан юм.

Гэвч намайг аврал одуулсан гэж хэлсэн хүмүүс - гэхдээ тэр үнэхээр даруухан - намайг өөрийнхөө шавь юм уу дагагч болгоогүй, яагаад гэвэл лам гэлэнмаа нарт аврал одуулбал тэдэнд өргөл энэ тэр барих ёстой. Тэр хүлээж аваагүй. Намайг хийдтэй өөр лам дээр аваачсан. Түүнд хийд байгаагүй бөгөөд тэр өөрийгөө эмэгтэй хүн учраас бүрэн хувраг биш гэж боддог байсан. Тэр жинхэнэ хувраг болох гэж 250 сахилыг бүхлээр нь аваагүй байсан, бүрэн гэлэнмаа болоогүй байсан гэсэн үг. Тиймээс тэр намайг бүрэн тоноглогдсон, бүрэн лам дээр аврал одуулахаар аваачсан юм, тэр нь үнэндээ сүртэй юм биш. Тэд зүгээр л жаахан мөнгөтэй улаан дугтуйг тань хүлээн авч, “За, одоо та Будда, Хуврагийн Чуулган, Үнэн Номын шавь боллоо” гэж хэлдэг. Тэгээд л гүйцээ.

Тэд надад юу ч заагаагүй. Хоёр лам гэгдэгч нь, хийдтэй том лам нар надад юу ч заагаагүй, надад судар өгч, заадаг байсан гэлэнмаагаас илүү юм юу ч заагаагүй. Тэгээд намайг өөр хаа нэгтээ суралцахаар явахад тэд намайг тэрс үзэлтэн энэ тэр гэж буруутгасан. Тэд надад юу ч заагаагүй. Намайг тэрс үзэлтэн гэж байвал тэд надад хэрхэн тэрс үзэлтэн болохгүй байхыг заах учиртай.

Гэхдээ хамаагүй дээ, хүмүүс. Лам, гэлэнмаа нар бас хүн шүү дээ. Тэд хараахан Гэгээнтэн болоогүй. Тийм учраас тэр. Будда нар бол өөр. Будда хүн болж төрсөн ч Тэр хүн байгаагүй. Тэр аль эртнээс Будда байсан гэдгээ хэлсэн, харин энэ удаа л бүтэн ажлын тойргийн дараа хүмүүний ертөнцөд үйлчлэхээр эргэн ирсэн. Тийм учиртай. Энэ хамгийн сүүлийнх нь байсан. Тэр Буддагаас Будда болох бүтэн тойргийг бүхэлд нь туулчихсан. Тэгээд л гүйцээ. Гэхдээ тэр аль эртнээс үүрд Будда байсаар ирсэн. Тоолшгүй олон эрин галавын тэртээгээс, олон Дэлхийн цаг хугацаа, олон Диваажин устаж дахин баригдах тийм урт хугацаанд Тэр Будда байсаар ирсэн. Хэзээ ч тоолох аргагүй урт хугацаа. Үүнийг үй олон эрин галав гэж нэрэлдэг. Майдар Бурхан болон бусад бүх Будда нар мөн адилхан. Мэдээж хүн бас Будда болох боломжтой.

Photo Caption: Дараа Хаврын-Амьдралыг Хамгаалах гэж Хагдарна!

Зураг татаж авах