Дэлгэрэнгүй
Татаж авах Docx
Дэлгэрэнгүй уншаарай
Гуйж байна, бясалгаарай. Энэ бол үүрэг биш. Та нарыг захирч, бясалга гэж тушаамааргүй байгаа ч та нар өөрсдийгөө захирч, өөртөө сүнсэндээ сайныг үйлдэхийг тушаах хэрэгтэй. Бясалгалын үеэр Бурханыг илүү сайн санадаг. Мөн бодол тархиа илүү тайвшруулдаг. Заримдаа бидэнд яаралтай ажил энэ тэр байдгийг би мэднэ. Жишээ нь: Надаас шуурхай мэдээ гэх мэт орж ирнэ. Гэсэн ч та нар бясалгах ёстой. Өөрийгөө хохироож гэмтээх шаардлага гарахуйц тийм яаралтай юу ч байхгүй. Яагаад гэвэл бие тань сайнгүй байвал яаж цаашид ажиллах вэ? Бидний ажил маш их. Би мэднэ. Тийм учраас би та нарт хэлсэн. Заримдаа Суприм Мастер Телевизээ бид зогсоох учиртай мэт бодол зурсхийн орж ирдэг. Учир нь заримдаа би “Өө, тэртээ тэргүй хэн ч сонсдоггүй. Олон хүн сонсдоггүй. Би яах гэж цаг зав, эрүүл мэнд, сайн сайхан, аз жаргал, баяр баяслаа золиослон байж, ингэтлээ их ажиллана гэж?” хэмээн боддог ч, энэ нь ердөө тархины яриа. Би үргэлжлүүлэн ажиллана.Гэвч та нарыг маш их ажиллаж байгааг бодохоор, бас заримдаа та нар үнэхээр завгүй байдгаасаа болоод удаан хугацааны турш шүршүүрт ордоггүй. Би ч мөн адил. Бүр олон долоо хоногоор тийм байдаг. Магадгүй хурдхан жаахан арчаад л болдог. Үсэндээ шампунь түрхээд бүрэн гүйцэт усанд ордоггүй. Гэвч ядаж л би ганцаараа юм даа. Хэн ч намайг шүүмжлэхгүй. Хэн ч надаас муухай үнэртэж байна энэ тэр гэж бодохгүй. Би муухай үнэртдэггүй, магадгүй... Зүгээр л муухай үнэртдэггүй. Тиймээс ийм байвал, угаах хувцас бага, гарздах шампунь бас бага байна. Гэхдээ бид энэ бүхнийг орхиж болно. Материаллаг тав тух, материаллаг амт, харагдах байдлыг орхиж болно. Харин бясалгалын цагийг л орхигдуулж болохгүй. Энэ нь сайн. Та нар баяртай байх учиртай. Бүгд хамтдаа бясалгалаа хийх хуваарьт цагтай, хамт бясалгах хүмүүстэй байгаадаа талархах хэрэгтэй. Үнэхээр азтай. Ингэснээр та нар хойш суухгүй.Хамт суусан үедээ та нар илүү сайн бясалгадаг. Бүгд нэг аварга том төвлөрсөн энергид ордог. Энэ нь сүнслэг дэвшилд тань тустай юм. Сүнслэг зорилго амбицад тань тустай. Гараг дэлхийг аврах, сүнснүүдийг аврах Бурханы ажилд тустай. Яагаад гэвэл та нар хүч үгүй бол бусдыг яаж өргөх вэ? Сэлж чадахгүй бол живж байгаа хүнийг яаж аврах вэ? Энэ ажлыг, Суприм Мастер Телевизийн ажлыг хийхийн тулд та нар сүнслэг төвшинд агуу байх ёстой. Энэ бол хийж болох хамгийн эрхэм ариун ажил ч гэлээ энэ ажилд үргэлжлүүлэн зарцуулсаар байхын тулд хамгаас хүчирхэг сүнслэг өв залгамжлал шаардлагатай.Би ажилд тань хүндлэл үзүүлдэг учраас ойр ойрхон та нарыг магтаж, та нарт талархаж, хүндэтгэж байгаагаа харуулдаг. Тэр бүх таашаал гэгдэгч, охид, хөвгүүд, өөр өөр төрлийн хоол унд, хүссэн үедээ зоогийн газарт очоод идэх боломжтой гэх мэт боломжтой гаднах дэлхийг орхих амаргүй. Гэвч үүний төлөө бас та нар гадаа ажиллах ёстой. Цагтаа явах ёстой. Хүссэн ч хүсээгүй ч компани руугаа ажилдаа явах ёстой. Эсвэл өөрийнхөө компанид ч бай очиж ажиллах ёстой. Дарга нь ажиллахгүй байгаа мэт харагдавч ажиллаж байдаг. Тэр хариуцлагатай байх ёстой. Ажлын үйл явцыг тэр шалгах ёстой. Ажилтнуудаа, төрөл бүрийн бичиг цаасны ажил, татвар, орлого, зарлага гэх мэт зүйлсийг хянаж байх ёстой. Дарга хүн үнэхээр үүнийг үүрч, хариуцлага хүлээдэг. Хэдийгээр ажлыг нь хийх ажилтнууд байлаа ч тэр бас ажлаа хийх ёстой. Дарга, захирал байх амаргүй.Миний ажлын хувьд би маш их ажилладгаа мэднэ. Заримдаа үнэхээр бие махбод ядардаг. Гэсэн ч би үүнийг зохицуулахуйц хангалттай хүчтэй. Бие л заримдаа дийлдэггүй. Тэгэхээр үүнийг бас мэдэх хэрэгтэй. Заримдаа бие л тэгдэг. Зөвхөн сүнслэг байдлаараа бус бүх талаараа өөрийгөө цэнэглэхийн тулд хамтдаа бясалгах гэж өөрийгөө хүчлэх хэрэгтэй. Гэхдээ сүнслэг байдал хамгийн чухал нь шүү. Та нар үүнийг анхаарч, тэжээж тэтгэх хэрэгтэй. Эс тэгвээс хоцрох болно. Учир нь энэ ажил бүх анхаарлыг тань шаарддаг. Мөн маш их эрч хүч, зарим сүнслэг буянаа ч бас зориулж байгаа. Тиймээс үүнийг нөхөж олж авах хэрэгтэй. Өөрийгөө цэнэглэх хэрэгтэй. Энэ бол дэлхийг аварч, сүнснүүдийг аврахын тулд бидний гаргах ёстой золиос юм. Гэхдээ бидэнд үүнээс гадна буян, Суприм Мастер Телевизэд ажилласны Диваажингийн буян хариулал бий!Хүмүүс гадаа дэлхийд ажиллаж, цалин авдаг. Энд бид ажиллаад жаахан халаасны л мөнгөтэй болдог. Ядаж л бидэнд хэрэгтэй бүхэн минь бий. Тэгээд ч надад халаасны мөнгө өгдөггүй. Би зүгээр л иддэг, мөн зугтахдаа аваад явах боломжтой ямар л хувцас байна авч яваад тэдгээрээ байнга өмсдөг. Тэгээд л гүйцээ. Миний зарцуулдаг мөнгө маш бага. Өдрийн магадгүй тав, зургаа, долоон доллароор сайхан амьдрах боломжтой. Үүнээс ч багаар боломжтой. Гэвч гэрэл цахилгаан гэх мэт бусад олон зүйл илүү үнэтэй. Үнэндээ би өдөрт дөрвөөс зургаан доллар зарцуулдаг. Бүх зүйлс ороод шүү, утас хүртэл. Цахилгаанаа нарнаас авдаг. Ус маань борооны ус. Эсвэл голтой ойрхон амьдарч байвал голын ус авна. Одоохондоо би борооны ус ашигладаг.Тийм хэцүү биш. Том таксигаар явчихна. Өөр өөр төрлийн такси байдаг. Илүү том зайтай, бага зайтай такси байдаг. Эсвэл нэг компаниар хүргэлт хийлгэж болно. Компани хүргэлт хийж өгвөл хаана амьдардгийг тань мэдэх албагүй. Тэд ойролцоо хүргэж өгөх ба тэндээс нь очиж аваад хоолны зориулалтын хөнгөн хуванцарт хийгээд майхныхаа гадаа тавьдаг. Хэрэв майхны тань гадна тал бага зэрэг нугаларсан байвал ус тэрүүгээр урсаж усны сав руу тань ордог. Хэд хэдэн сав байршуулж болно. Нэг сав нь дүүрчихвэл солиорой. Нөгөө сав руугаа усаа гуурсан хоолойгоор ч юм уу, эсвэл саваар хийж болно. Аргыг нь ол.Борооны ус цэвэрхэн. Сайн. Тэгээд ашиглаж болно. Надад усанд орох цаг зав байдаггүй болохоор уухад л зориулж маш бага ус зарцуулдаг. Борооны ус хүртэл цэвэрхэн, цэвэр харагддаг ч шүүгээд буцалгах ёстой. Эсвэл ядаж уухаасаа өмнө буцалгаарай. Шүүх амархан. Хэдэн хөвөн даавуу ашиглаж, данх юм уу аяганыхаа дээр барьж байгаад усаа гоожуулна. Дараа нь тэр усаа буцалгаад уудаг. Төмөр аяга ашиглаарай, та нарын ашрамд, даяаны үеэр ашигладагтай адил. Төмөр аягандаа бас ус буцалгах боломжтой.Энгийн хоол хийж болно. Будааны тухайд гэвэл халуунаа удаан барьдаг сав худалдаад аваарай. Тэгээд будаагаа угаагаад дотор нь хийж, буцалсан усаар зайлж, дахин нэг зайлаад дараа нь буцалсан ус хийж тагийг нь таглаарай. Хэдэн цагийн дараа идэж болно. Зөөлөрсөн эсэхийг нь шалгаж байгаад савнаасаа будаагаа идэхэд зүгээр. Хоол хийх ч шаардлагагүй.Яагаад гэвэл ганц жижигхэн нарны дэлгэцтэй бол, бас нэг хоёрхон батарейтай бол цахилгаан будаа агшаагчид хоол хийх боломжгүй. V хэлбэртэй нүх аль болох гүн ухаад мод түлж болно. Нэг талынх нь V хэлбэр нь нөгөө талынхаасаа жижиг байхаар ухдаг. Нэг талд нь мод хийхүйц том байх хэрэгтэй. Нөгөө тал нь жижиг байвал нүүрс, шатсан нүүрс гарахгүй. Ойд амьдардаг бол яаж гэдгийг нь би зааж өгсөн. V хэлбэртэйгээр ух. Гүн нь ойролцоогоор 30-40 см. Тэгээд хоёр тал нь илүү дээшээ. Түлээгээ өндөр талаас нь хийвэл доош налдаг. Их хурдан шатдаг, их мод ч шаардлагагүй. Харин V хэлбэрийн нөгөө талын зуухны ам нь жижиг байвал утаа тэндээс нь гарах ба оч үсэрч гарах нь тун бага. Тэгвэл аюулгүй.Тийм төрлийн байгалийн зуухан дээр хоёр сав тавьсан ч болдог. Газартай тэгш шууд өнцөг дээр нь тавиарай. Саваа дээр нь тавьж, данхаа нөгөө талд нь зэрэгцүүлээд тавивал маш хурдан буцалдаг. Ийм байвал хоол хийх гэж цахилгаан зарцуулахгүй.Бяцхан майхандаа нүүрс түлж өөрсдийгөө дулаацуулах боломжтой. Майхан дотроо тавиузай. Майхныхаа яг үүдэнд тавь. Майханд хүртэл цахилгаантай хэсгээс цааш сунасан нэмэлт хэсэг байдаг. Хаалганаасаа жаахан зайтай тавих ч саравч шиг хэсгийн доор... саравчных нь доор. Дараа нь дулаан майхан руу тань орох болно. Заримдаа хэт халуун байвал зайлуулах хэрэгтэй. Ямартай ч сайхан зузаан, мөнгөлөг, чийг тусгаарлагчтай гудастай бол, мөн сайн аяны хөнжилтэй бол тэрийгээ дээр нь тавиад, өөр нэг аяны хөнжил юм уу зузаан хөнжлөөр өөрийгөө ороогоорой. Тэгвэл алзахгүй. Арван градуст ч зүгээр.Photo Caption: Цаг хугацаа өнгөрөхөд дахин ургана.
