Дэлгэрэнгүй
Татаж авах Docx
Дэлгэрэнгүй уншаарай
Ер нь бид хүмүүсийг шүүхэд өгдөггүй. Гэтэл тэд ингэж хүмүүсийг хуурч, бусдын хөлс, нулимсаар амьдарч байгаа бол би шавь гэгдэх хүмүүсээ хамгаалах ёстой. Тэгээд ч улс орнуудын хуулийн дагуу буруу зүйл хийсэн гэдгийг бид мэдэж байгаа бол төрд хэлэх ёстой. Гэхдээ хэзээ нэгэн цагт төр засаг, хууль нь тэднийг барьж авч, гэмт хэрэгт нь зохих ёсны хариуцлага хүлээлгэх байх гэж бодож байна. Тэгэхээр тэд энэ бүхний төлөө үйлийн үр төлж, бас тамд шийтгүүлэх болно.Энэ олон жилийн турш намайг яагаад татвар төлдөггүй гэж хэлсээр ирснийг ойлгодоггүй. Би компаниудтай. Компаниуд цааш татвар төлдөг. Энэ бүх зүйлийн талаар би юу ч мэдээгүй. Би хэрэгцээндээ хүрэлцэхийг, мөн ядарсан бусдад туслах, та нарыг ирээд бясалгаг гээд ашрам авахад хүрэлцэхүйц хэмжээгээр л авсан.Сүүлд нэг ашрам авах гээд банкнаас мөнгөө авах гэтэл тэд өгөөгүй. Миний мөнгийг буруу газраас, Лалын шашинтай орон болох Сингапураас ирсэн гэсэн. Сингапур Лалын шашинтай орон гэж би мэдэхгүй юм байна! Сингапур шиг цэвэрхэн орны талаар сонсож байсан хамгийн дорд зүйл тэр байлаа. Сингапур бол олон соёлтой, олон ястантай улс. Тэнд Лалын шашинтнууд байдаг ч Лалын шашинтай орон биш. Дэлхий нийтээрээ үүнийг мэднэ. Банк тийм харанхуй мунхаг байж, “Сингапур бол Лалын шашинтай орон” гэж хэлсэнд үнэхээр итгэмгүй.Банкных нь нэрийг хэлэх үү яах вэ гээд би асууж байна. Гэхдээ асуудал тарьсан нь банкнууд биш байх. Шинэ системээс болсон, Европ дахь шинэ бүтээлгэн шүхэр систем тийм болгосон. Яагаад гэвэл би энэ банктайгаа олон арван жил харилцсан. Заримдаа бага зэрэг мөнгө гаргахад ямар ч асуудалгүй. Америкт болсон Катрина хар салхины гамшигт туслахаар $300,000 доллар гаргаж авахад болж байсан. Мөнгө гаргаж аваад ашрамд оруулъя гэтэл тэд надад зөвшөөрөөгүй. Төвөг удаж, өөрийн биеэр ирэх ёстой, бла, бла, бла гэсэн. Үүнээс болоод би авч чадаагүй. Гэвч “За, хамаагүй дээ. Магадгүй Бурхан хүсэхгүй байх шиг байна. Бурхан намайг энэ улсад үлдэхийг хүссэнгүй” гэж бодсон. Канад улсад болсон явдал. Тэгээд л орхисон доо. Олон зүйлсийг би зүгээр л орхидог, учир нь Бурхан тийм байлгахыг хүсдэг гэж бодсон. Тиймээс хэдийгээр банк надад мөнгө өгөөгүй ч би нэг их юм бодоогүй.Би, “Хамаагүй дээ. Энэ бол Бурханы мөнгө, миний мөнгө биш. Бурхан надад өгмөөргүй байвал би авахгүй. Зүгээр” гэж бодсон. Ау Лакт (Вьетнамд) бас эд баялаг, өмч хөрөнгө хүний өмнөөс гардаг гэж ярьдаг. Жишээ нь эд хөрөнгө алдвал магадгүй өөрийн тань аюулгүй байдлын төлөө, амь нас, аюулгүй байдлын тань төлөө оронд нь гарсан байдаг. Та өвчилж, үхэхийн оронд Бурхан өмнөөс нь мөнгийг тань гаргадаг. Ийм утгатай. Тиймээс би юу ч алдсан тэр тухай нэг их боддоггүй. Мэдээж энэ нь “юу ч биш мэт” санагддаггүй л дээ. Би мөнгө алдсан гэдгээ мэдэх бөгөөд энэ нь харамсалтай, яагаад гэвэл би шинэ ашрам худалдан авах гэж тэнд байршуулсан.Цаг үргэлж л шавь нар улам нэмэгдсээр, тэднийг багтаах хангалттай зай талбай байдаггүй. Тэд хаа ч очсон, бүр хамгийн том ашрам болох Тайвань (Формоса) дахь Шинэ Газарт хангалттай багтах байх гэж бодож байлаа. Гэтэл үгүй, бүр өрөө нь ч хүрэлцдэггүй. Олонх нь майхан барих ёстой болсон. Европт өөр нэгийг авах гэж байсан юм. Учир нь эхлээд бидэнд Гэгээн Мартин Төв, бясалгалын ашрам байсан ч хэзээ ч хүрэлцдэггүй байлаа. Тиймээс би ахиад жаахан мөнгө олоод, нэг шавиар дамжуулах гэж байв. Би, “За хамаагүй, бидэнд мөнгө байгаа.” гэж хэлсэн. Ямар ч банканд жишээ нь заримдаа шавь нар маань миний мөнгийг зохицуулдаг. Би амжихгүй шүү дээ. Би худалдаж чадахгүй, мөнгө авч чадахгүй, тайлан тооцоо хийж чадахгүй, энэ бүхнийг хийж амжихгүй. Сүнслэг ажилдаа би завгүй байдаг! Тиймээс мэдээж шавь нар маань миний мөнгийг зохицуулдаг. Би энэ бүхнийг хийдэггүй. Зөвхөн шаардлага гарсан үед л би тэднээс ашрамын урьдчилгаа хий гэх мэт зүйлс хэлж авдаг юм. Гэтэл үүний заримыг алдчихсан.За хамаагүй, хамаагүй. Би Бурханд, “Энэ бол Таны мөнгө. Та үүгээрээ юу ч хийсэн надад хамаагүй дээ.” гэж хэлсэн. Гэхдээ банк надад, тэд өгөхийг хүсээгүйдээ биш “одоо хууль ийм” болчхоод байна гэх мэт зүйлс хэлсэн. Бурхан минь, би энэ банкны харилцагч болоод олон арван жил болсон, багадаа 30 жил. Гэтэл гэнэт тэд миний эсрэг болж, надад өгөхгүй гэсэн. Тэд намайг гарч яваад олон улсын хүн олж үүнийгээ зохицуулуулах шаардлагатай гэсэн. Магадгүй хуульч ч юм уу. Гэвч надад яаж тийм цаг зав байх вэ? Надад тийм зүйл хийх цаг зав хэзээ гарах вэ дээ? Ажлынхаа араас, мөн заримдаа аюулгүй байдлынхаа төлөө би нэг улсаас нөгөө рүү явдаг. Дээрээс нь би гарч шүүхэд өөрийгөө, бас нэрээ ил гаргаж чадахгүй. Надад тун аюултай!Надад их олон найз байдаг ч бас хэдэн дайсан бий. Жишээ нь: Трань Там гэх мэт. Тэр өөр юу хийх байсныг би мэдэхгүй. Мөн зарим хүн ямар ч ашиг харалгүй, огт юу ч бодолгүйгээр түүнийг харалганаар дагасан байдаг. Зүгээр л ажил хийж, түүнд өгөх гэж бусдаас мөнгө дээрэмддэг. Өөрсдийнхнөө төдийгүй миний шавь нарыг ашиглаж байна! Мэдээж миний хүмүүсийн дийлэнх нь гэм зэмгүй, эмзэг, маш өндөр түвшний бясалгагчид байдаг. Тиймээс бусад шавь гэгдэгч нарт эргэлзээгүй хэрэг. Тэд миний “нууц тушаал”-аар ажилладаг гэж хэлсэн байна билээ. Би хэзээ ч ямар нэгэн зүйл дээр нууц ажиллагаа хийдэггүй. Өнөөдөр хэлье: Би мөнгө олохын тулд хэзээ ч нууц зүйл хийдэггүй гэдгийг мэддэг хүн бүрдээ хэлээрэй. Үгүй шүү, бүх зүйл компаниудаар, бүртгэлтэй компаниудаар дамждаг. Тиймээс тэдний хэлсэн өөр бусад зүйлс ч буруу. Надад хийх нууц зүйл байхгүй. Яагаад би нууц зүйл хийх ёстойгэж?Ямар ч улс оронд компанитай байж, хичээнгүйлэн сайн ажиллавал хангалттай мөнгө олдог. Хүн мөнгө олохын тулд татвар, эсвэл ямарваа зүйл дээр заль мэх хэрэглэх шаардлагагүй! Засгийн газар хэзээд танд мөнгө олох хангалттай орон зай, хангалттай боломж олгох хуультай байдаг! Эс бөгөөс тэд хэт их мөнгө авч, эсвэл бизнес эрхлэгчдэд төвөг учруулаад байвал яаж татвартай байх юм бэ? Бүр коммунист улсад хүртэл шүү!Хятадад байгаа олон хүн маш баян. Ау Лак (Вьетнам)-т ч гэсэн тэд мөнгө олдог. Тэд бас баян. Тайвань (Формоса)-д ч гэсэн татвар маш бага. Төр засаг хүмүүст дарамт учруулдаггүй. Тийм биш. Гагцхүү Трань Там шиг луйварчин хүмүүс л тэгдэг. Тийм байдлыг л засгийн газар зохицуулах шаардлагатай. Гэвч өнөөг хүртэл засгийн газар миний мэдэж байгаа зүйлийг хийгээгүй л байна. Тэр магадгүй өөр улсад байдаг, тэр засгийн газар нь түүний үйл ажиллагааны талаар мэдээгүй болохоор арай барьж амжаагүй байж мэдэх юм.Тэр бусад улс оронд муу зүйл хийсэн, тэгээд өөр улсад амьдарч байж болох юм. Америкт байж магад. Тэр Америкт байсан учраас Америкийн иргэншилтэй байсан байх. Хэрэв тэр Ау Лак (Вьетнам), Тайвань (Формоса), Хятадад муу зүйл хийвэл тэндхийн засгийн газрууд тэднийг барьж чадахгүй. Мөн тэд хаа сайгүй зөвхөн бэлэн мөнгөөр тооцоо хийдэг. Тэгвэл засгийн газар хэн юуг, хэдэн төгрөгөөр худалдаж авсныг ч олж чадахгүй. Ийм байгаа юм. Тэгээд дараа нь энэ бол “миний” үнэт эдлэл гэгдэх учраас, хуурамч байсан ч бүх буруу над дээр ирнэ. Яагаад надад үргэлж асуудал гарч, түүнээс болоод аюул тулгаран, заримдаа өөр тийш явахгүй бол болдоггүйн учрыг ойлгоо биз. Мөн надад яагаад юу болж буйг олж мэдэх цаг ч байдаггүй. Бурхан зохицуулж байж л би олж мэддэг.Намайг өөрийгөө хэн болохыг, би жинхэнээсээ хэн гэдгийг илчлэхийг хүртэл, мөн Трань Тамын талаар мэдэж, түүний хорон ажиллагааны талаар ярих ёстой болсныг Бурхан зохицуулсан. Бурхан одоо надад тэдний хуурч, миний өөрийн хүмүүс, үнэнч шавь нарт зарж буй хуурамч үнэт эдлэлийн талаар мэдүүлэхээр зохицууллаа. Учир нь тэд гэнэн. Тэд гэгээнтэн; Тэд өөрсдийн номын ах эгч гэх хүмүүст итгэдэг. Гэтэл нөгөөдүүл нь зохицуулахдаа миний “нууц тушаал” гэж хэлсэн. Би хэзээ ч нууц тушаал өгч байгаагүй. Яах гэж? Юуны тулд? Яагаад би ямар нэг зүйлийг нууцаар хийх ёстой гэж? Ямар нууц вэ?Арьяабалын Аргыг шавь нарт цааш нь дэлгэж болохгүй гэж хэлдэг, яагаад гэвэл энэ нь хувийн тань зүйл, хувийн тань зам мөр. Мөн энэ нь Диваажингаас тэдэнд очиж буй зүйл. Тийм учраас тэд зүгээр л гараад ахуй ойлголт энэ тэрээ гайхуулах учиргүй. Яагаад гэвэл энэ талаараа эго-тойгоор гайхуулбал Диваажин үүнийг тань аваад, харуулахгүй халхалчихдаг, урд тань хөшиг татаж улмаар Диваажингийн ахуй ойлголт харах боломжгүй болгоно, эсвэл бүдэгхэн үлдээх юм уу, тун ховор тохиолдолд харуулна. Тиймээс би тэдэнд шавь нарт бүү хэл гэж хэлсэн.Сэтгэгдэл хэсгээр гардаг зүйлс бол ердөө л мөсөн уулын оргил төдий. Бусад олон хүн ярьдаггүй. Би хориглосон юм биш. Харин аливаа сүнслэг ойлголт бол та нарынх гэж зөвлөдөг. Шавь болгон хэдийгээр адил аргаар бясалгадаг ч өөр өөр дэвшилтэй, өөр өөр замаар замнадаг. Тэд үнэнч байж, Таван Сахил сахих тангараг өргөх ёстой. Тиймээс гадагш гарч бүх зүйлийн талаар тэгж гайхуулах учиргүй. Харин, “Агшин зуур гэгээрэлд хүргэж, нэг насанд нь мөнхөд гэтэлгэх Арьяабалын Арга гэдэг зүйл байдаг” талаар ярьж хэлж болно. Үүнийг болж хэлж болно. Харин өөрсдийнхөө сүнслэг ойлголтоо бол хэлэх учиргүй. Ихэвчлэн хэлэх учиргүй. Тэд хэлдэггүй.Photo Caption: Үнэхээр Олон Сайхан Зүйлсийн Төлөө Та Бурханд Талархдаг уу? Эдгээр нь Үнэ Төлбөргүй Таныг Баясгана!
