Дэлгэрэнгүй
Татаж авах Docx
Дэлгэрэнгүй уншаарай
Тиймээс дахин хэлье, аль нэгэн лам хүнийг сайнгүй гэж боддог бол дахин бодож үзээрэй. Жинхэнэ чин сэтгэлтэй, уламжлалт лам та нарт яаж гэм хор хүргэж чадах вэ, хэл дээ? Тэр өдөрт хэдэн хоол идэж, хэдхэн хос хувцас өмсдөг, тэрийг нь та нар тэртээ тэргүй өмсөхийг хүсэхгүй, тийм ч үнэтэй биш. Тэр дагагч нарынхаа нэгтэй уулзахад нь ядарсан хөлөө амраах машинтай байлаа гээд юу нь болохгүй байх вэ? байна? Материаллаг байдлаар хэт их бүү бод. Үнэхээр олон Буддын шашинтнууд байвал нэг ламд нэг машин өглөө гээд юу гэж? Ямар л үнэтэй байв гэж? Буддагийн илүү олон дагагч нар ирж, Буддагийн сургаалыг санаж, сайн байхыг хичээхэд нь зориулж хийд барихад нь тусалбал юу нь буруу байх вэ? Хийд нь том байх тусам илүү олон хүн лам болох тухай бодолцож, бас сайн сайхан, энэрэл нигүүлслийн бэлгэдлийг тээж явна. Ийм үйлийн үр бүү тарь; та нарт маш муу. Үнэхээр муу. Үгүй байлаа ч, хов жив ярих бол сайн зүйл биш. Сайн хуврагууд ч бий, бас зарим муу нь ч байдгийг мэднэ. Тэгэхдээ зэмлэж шүүмжлэхээсээ өмнө баттай жинхэнэ зүйлийг мэдэж байх хэрэгтэй.Урьд миний лам нарын зарим нь тийм ч сайнгүй байсныг би мэднэ. Нэг нь намайг бүх талаараа дуурайдаг. Сургаал номлолыг төдийгүй, бүх талаараа, бүр төстэй эмэгтэйлэг хувцас өмсдөг. Тэр уг нь лам шүү дээ. Миний лам байхаа болиод тэр өөр төрлийн ламын хувцастай болж, өөрийгөө лам гэдгээр харуулсан. Лам болсон байлаа ч яаж ийм эмэгтэйлэг хувцас өмсдөг байна аа? Бас та нарт байдаг миний зургуудтай адил эмэгтэйлэг байрлалаар суудаг. Надад хэдэн тоть-хүн байсан; тэр дараа нь хэдэн тоть-хүнтэй болж, тэднийгээ гайхуулдаг! Намайг бүхэлд нь дуурайдаг, өөр зүйл нь гэвэл тэр хандив авдаг, өөрийнхөө лам нараар дамжуулж, хүмүүсээс хүчээр хандив авдаг. Бүр хүмүүс гомдоллож, гаслам их мөнгө байсан ч тэр тэдний зовлонг үл тоосон! Юу ч биш мэт үл хайхарсан. Хүмүүсийн хөлс, нулимсаа урсгаж олсон мөнгө юу ч биш гэж үү? Гэх мэт.Бүр нэр нь хүртэл минийхтэй төстэй. Тэр намайг Сума гэж дууддаг байсан юм, Суприм Мастер гэдгийн товчилсон хувилбар. Төгс Гэгээрсэн Их Багш гэдэг нэртэй болохыг хүсээгүй учраас би, “Намайг зүгээр л Сума” гэж дууд гэсэн. Одоо түүний нэр нь үүнтэй төстэй, нэг л үсэг нь өөр. Сума гэхийн оронд “...ума”. Би санамсаргүй байдлаар саяхан харсан юм. Нүдэндээ ч итгээгүй!! Чөтгөрт эзлэгдсэн бие болон сөрөг хүчээрээ тэр хүмүүсийг хохироохгүй байгаасай л гэж найдъя. Би тийм л зүйл хүсэж байна. Учир нь хууртаж түүнийг дагаж байгаа хүмүүс гэнэн цайлган бөгөөд эмзэг. Тэд их зүйл мэдэхгүй учраас ийм урхинд орох амархан. Би үнэхээр Бурханд залбирч байлаа. Би, “Гуйя тэднийг хамгаалаач дээ. Зөвхөн тэр урхи гэлтгүй ямар ч урхинд бүү унагаач. Гуйя” гэсэн.Учир нь багш нь чөтгөрт эзлэгдсэн бол эсвэл тэр өөрөө чөтгөр бол хөөрхий дагагч нар нь эрт орой хэзээ нэгэн цагт сөрөг нөлөөнд нь орно. Чөтгөрүүд амьдрахын тулд тэдний энергийг болон эд зүйлсийг нь сордог талаар ярилтгүй! Гэхдээ чөтгөрүүд үнэхээр сайн жүжиглэдэг учраас олон хүн мэдэхгүй. Түүнээс гадна жинхэнэ Их Багш тэднийг, дагагч нарыг нь дараа аврахыг хүсвэл илүү хэцүү байдаг, эсвэл бүр хэт оройтсон байдаг! Будда ингэж хэлсэн, чөтгөрүүд нэмж дэд үйлчлэгчид элсүүлж, тэднийгээ бас чөтгөр болгодог!! Эрт орой хэзээ нэгэн өдөр үнэн илчлэгдэх байх.Тиймээс ямар ч нэр ашигласан... Та нарын зарим тань бас миний Сума гэдэг нэрийг ашигладгийг мэднэ. Ядаж л та нар шударга. Та нарт би таалагддаг учраас Их Багштайгаа адилхан нэр ашигладаг. Гэвч зөвхөн нэр төр, ашиг хонжооны төлөө төстэй нэр ашиглана гэдэг бол үнэхээр дорд зүйл. Тийм зүйл бүү хий. Хэн тань ч тийм зүйл бүү хий. Гуйж байна. Гуйя. Энэ дэлхийд амьдрахад их зүйл хэрэггүй, үнэхээр шүү. Өдрийн нэг хоёр удаа л хооллож, ямар ч хамаагүй хувцас өмсөхөд хангалттай. Та нар гадагш гараах комиссоос авч болно. Заримдаа хүмүүс хогийн саванд хаясан байдаг, тэрийг нь бас өмсөж болно. Тэгвэл магадгүй та нар од болох ч юм билүү. Хүмүүс та нарыг хэрэглэсэн хувцас өмсдөгийг мэдвэл эсвэл хогийн савнаас, гудамжнаас хувцас авч, маш энгийн хоол иддэгийг мэдвэл магадгүй өөрийг тань Будда гэж бодоод ирж дагаж мэднэ. Хэдийгээр та Буддын шашны “цэцэрлэгийн” хэмжээний билиг ухааныг ч олж аваагүй байсан ч тэд өөрийг тань Будда гэж бодсоор байх болно. Хүмүүс юу ч зохиож чадна, хүссэнээ зохиодог. Орчин үед бол олон нитийн харилцааны зүйл болсон. Маш амархан.Зарим хүмүүс номд орж, ирж авшиг хүртчихээд бясалгал номоо тэр бүр дадуулдаггүй. Өөрийнхөө алдар нэрийг өргөж, ашиг хонжоо хөөцөлдөх гэж орж ирсэн байдал нь харагддаг. Тэгээд тэд нар намайг дуурайх гэж оролддог. Ээ, Бурхан минь. Үйлийн үр гэж байдгийг санаарай.Хэрвээ та Их Багш болсон бол түүнийгээ мэдэх болно. Будда болсон бол түүнийгээ мэдэх болно. Би та нарт одоо хэлье: Би бол Будда. Маргааш гэнэтхэн үхчхэж магадгүй учраас хэлж байгаа юм. Хүн төрөлхтөнд аюул нүүрлээд байгаа энэ цаг үед би бол тун онцгой Будда. Итгэх эсэх нь та нарын хэрэг. Бүхнийг Чадагч Бурханы өмнө, бүхэл Ертөнцийн бүх Гэгээнтэн Мэргэдийн өмнө худал хэлэх зүрх надад байхгүй.Би бол та нарын хүлээгээд байгаа Майдар Бурхан юм шүү дээ. Би бас та нарын хүлээж байгаа Есүс, Мессиа. Нэг мөсөн хэлчихье. Үүнийг хэлэхийг минь Бурхан хүссэн! Тиймээс хүлээж, үнэт цагаа дахин бүү дэмий үр. Зүгээр л ёс суртахууны хувьд сайн байж, өөрийг тань хайрлан, дэвшүүлдэг Бурханыг магтаарай. Танд өгсөн бүхний төлөө бүх Их Багш нар, Будда нарт талархаарай. Хүсвэл илүүг ч хүртдэг. Гэтэлсэндээ талархаарай.Дэлхий маань хэдийд ч сүйрч магадгүй болоод байна. Яарагтун, яарагтун. Наманчил. Сайн үйл хий. Бурханыг магт. Бүх Их Багш нарыг алдаршуул. Бүх дэлхийн асар их үйлийн үрийн улмаас юмыг яаж мэдэх вэ Диваажингийн Ажилтнууд, бас би цаашид тэвчихгүй болж мэдэхээр байна, тиймээс яараарай.Өөрийнхөө Бурхан Чанарын тухай болон хийж буй ажлынхаа талаарх энэ үнэнийг хэлж буй нь мэдээж эрсдэлтэй. Гэвч Бурхан намайг хэлээсэй гэж хүссэн учраас би хэлэх ёстойы. Хэлэх шаардлагатай учраас тэр. Эс бөгөөс хэлэх боломж надад гарахгүй ч байж мэднэ. Дахиад илүү удаан оршин байж, та нарт болон энэ дэлхийд туслах боломж гарна гэж найдъя. Үгүй юм гэхэд ядаж та нарт энэ бүх үнэнийг хэлж өгье. Та нар мэдэх эрхтэй. Та нар маш хичээнгүй, итгэл бишрэлтэй учраас үүнийг мэдэх эрхтэй. Бурханд итгэдэг, чин зориулалтай хэн бүхэнд талархаж байна. Энэ бол цорын ганц хамгийн чухал Зорилт, амьдралын тань цорын ганц Зорилго юм шүү! Миний Шавь нарын хувьд та нар Зорилго, Зорилтоо олсон! Зорилгодоо хүрэхийн тулд юу хийхээ та нар одоо тодорхой мэдэж байгаа. Та нарын зарим нь бараг хүрчихсэн.Энэ удаад би тусгайлан зөвхөн хүн төрөлхтний төлөө бууж ирсэн. Би чадах бүхнээ хийдэг. Хэрэв та Архад юм уу Гэгээнтэн, эсвэл Их Багш болсон бол өөрийгөө Будда, Их Багш гэдгийг мэдэхгүй гэж хэлэх хүмүүс байдаг. Мэддэг юм. Мөн бол мэднэ. Тэр бүх Архад, Их Багш нар өөрсдийгөө Их Багш гэдгээ мэдэхгүйдээ биш л дээ. Мэддэггүй байсан бол ямар ч Их Багш өөрийгөө Их Багш мөн үү, биш үү гэдгийг мэдэхгүй байсан. Тэд мэддэг. Хараахан цаг нь болоогүй нь мэддэггүй. Тэд Их Багшаа л дагаж, Багшийнхаа сургаал болон Их Багшийн Хүчинд найдан, дагагч нарынхаа дунд буй авшигтнуудад Сургаалыг дамжуулдаг. Их Багш нь тэгээрэй гэсэн учраас тэр. Жишээ нь тэд Их Багшдаа хүндэтгэлтэй хандаж, Их Багшийгаа дурддаг. Тэд бүгд мэднэ.Будда Их Багшаа дурдаагүй ч гэлээ Тэрээр сэрж сэхээрэх хүртлээ хэд хэдэн багшийг дагаж, буруу нэгнийг ч дагасны эцэст зөв Нэгнийг олсон. Тэгэхээр Будда Өөрийгөө Будда гэдгийг яаж мэдэх вэ? Тэр Өөрийгөө Будда гэдгийг тов тодорхой, нээлттэй хэлсэн. Тэр тийн айлдахдаа бүр “Би үеийн үед, үргэлжид Будда байсаар ирсэн.” хэмээсэн. Цаглашгүй эртнээс нааш гэсэн үг. Будда хэмээснээрээ Тэр сайрхсан хэрэг биш. Тэрээр шавь нартаа бүх ҮНЭНИЙГ хэлсэн хэрэг. Та нар Түүний шавь нартаа, ард олондоо айлдсан сургаалыг, Түүний адислалыг мэдэж байгаа болохоор Түүний хэлсэн, хэлээгүй Түүнийг Будда гэдгийг мэднэ.Эзэн Есүс Өөрийгөө Бурханы Хүү гэдгийг мэдэж байсан. Тийм ч учраас Тэрээр “Миний Эцэг Бид хоёр НЭГ.” гэсэн. Юуны тулд ингэж хэлж зүрхлэв? Үнэн учраас л үүнийг айлдсан. Мөн Зөнч Мухамед /Тэрээр Амгалан байг/ айлдахдаа Өөрийгөө Аллахын Элч гэсэн. Тэр үнэнийг айлдсан. Хэрэв та эмч мэргэжлээр төгслөө гэхэд үүнийгээ мэдэхгүй гэж үү? Мэдэж байж таарна. Гагцхүү эмч болохоор суралцаж байхад тань хүмүүс “Та эмч үү?” гэж асуувал “Өө, хараахан үгүй. Эмч болохоор зорьж байгаа. Хүмүүсийг эмчлэх зарим аргыг, зарим эм зэргийг мэдэхээс бус хараахан эмч болоогүй байгаа.” гэж хэлнэ. Учир нь тэд болоогүй байгаа. Ядаж үнэнээ хэлж байна. Эмч болж амжаагүй хүмүүс хувийн зорилго өвөртлөн мөнгө олох гэж худал хуурмагаар, хуулиас гадуур хүмүүсийг эмчилж байгаа хүмүүсийн хувьд байдал мэдээж ялгаатай.Хэрэв хараахан Их Багш болоогүй байгаа бол, Будда гэдгээ хараахан мэдээгүй байгаа бол өөрийгөө Будда гэж хэлж болохгүй. Учир нь тэгвэл маш муу үйлийн үртэй. Яагаад гэвэл та худал хэлж байна. Энэ бол Буддын шашны ёсоор, Ертөнцийн Хуулиар Буддагийн бидэнд зааж сургаснаар хамгийн хүнд хууран мэхлэлт. Яагаад гээч? Яагаад гэвэл бусад олон хүнийг өөрийнх шигээ дорд түвшинд унагана гэсэн үг. Мөн арван зүг гурван цагийн Бурхад, арван зүгийн Их Багш нарыг дорд үзэж, Тэднийг доромжилсон гэсэн үг. Тэднийг өөрийнхөө дорд, чөтгөрийн түвшнийх хэмээн дорд үзэж байгаа хэрэг. Ертөнцийн Сүнслэг Хуулийн хамгийн хүнд гэмт хэргийг хийж байна гэсэн үг. Тийм учраас л биш байж өөрийгөө Их Багш хэмээн нэрийдэх ёсгүй.Ийм нүгэл үйлдвэл эцэс төгсгөлгүй тамд унана хэмээн Будда айлдсан байдаг. Үүнээс ч дор зүйл нь гэвэл ийм худал их багшийг дэмжиж, санал болгож, сурталчилдаг бүх хүмүүс бас бүх үйлийн үрээс хамгийн дорд энэ үйлийн үрийн ачаа дарамтаас нь хуваалцах болно!!!!! Учир нь та юу ч мэдэхгүй. Өөрт нь түр зуур шүглэсэн тэр чөтгөрүүдэд найдаж, хаана ч юм бага сага юм үзэж харчхаад өөрийгөө ихэд бодчихдог. Тэгээд өөрийн дагагчдадаа өөрийгөө сүрхий гээд ойлгуулчихна. Тэгээд Буддагийн дээд, ариун мөн чанарыг өөрийн дорд, чөтгөр шүглэсэн түвшинтэй дүйцүүлэх зэргээр аашилж, бүх Буддаг гутааж байна гэсэн үг. Одоо ойлгов уу?Иймд бүү тэгээрэй. Та жинхэнэ Бодисадва бол түүнийгээ мэдэх болно. Хэрэв та жинхэнэ дотоод сүнслэг ертөнцийн талаар юу ч мэдэхгүй бол та тийм биш. Тиймээс эмзэг хүмүүсийг өөрийнхөө чөтгөрийн муу сэдлээр бүү хуур!Photo Caption: Дэлхийтэй Жинхэнэ Гоо Үзэсгэлэнгээр Мэндчил.
