“Бидний хүсэн хүлээж байсан Майдар Бурхан одоо энд байна” 8 цуврал лекцийн 3-р хэсгийг

Намайг үнэхээр жаахан байхад, бага сургуульд орохоос өмнө манай жижигхэн газарт ганц л лам байдаг байсан ч тэр үе үе хийддээ ирдэг байлаа. Зарим баярын үеэр, жишээ нь Вү Лан баяраар тэрээр сүсэгтэн олондоо зориулж драм жүжиг тоглон үүгээрээ хүмүүсийг сайн байж, цагаан, веган хоолтой байхыг сануулдаг байлаа. Гэртээ би бас хэдэн Таоист номлогч нартай уулзаж байсан. Тэд хийдэд очоод үсээ хусдаг юм биш, лам нар бол тэгнэ л дээ, Буддын лам нар тэгдэг байсан, харин Таоистууд урт үстэй байж, яг л нагац эгчийн маань дэргэд амьдардаг байсан гэх мэт. Тэд магадгүй надад биечлэн юм заагаагүй байх; тэр үед би хүүхэд байсан. Гэвч хэн мэдлээ? Магадгүй сэтгэлдээ, сүнсээрээ, сэтгэлээсээ, энергиэрээ надад дотоод юм заасан байж мэднэ.

Тиймээс бага байхаасаа л би сүү ууж чаддаггүй, бөөлждөг, гэдэсний асуудал үүсдэг байсан, учир нь манай гэрт дандаа цагаан хоол байгаад байдаггүй байлаа. Би олдсон л ногоогоо идэж, цэцэрлэгт байгаа ямар л жимс байна иддэг байсан, бүрэн боловсорч гүйцээгүй байхад нь хүртэл. Би тэгж л амьдарсан. Аав маань үргэлж надаар тохуурхаж, хэрэв надад 10 доллар өгвөл гараад бүх банана, эрдэнэ шишийг худалдаж авна даа гэдэг байв. Намайг гарч загас ч юм уу, амьтан-хүмүүсийн мах, сам хорхой авна гэж хэлж байгаагүй, тэр мэддэг байсан.

Өнгөрсөн, одоо, ирээдүйн таньдаг бүх лам нартаа талархаж байгаарай. Тэдэнтэй уулзаж учран, анзаарч ч магадгүй, анзаарахгүй ч байж магадгүй. Гэхдээ тэд энэ дэлхийн өдөр тутмын амьдралын санаа зовнил, ертөнцийн ашиг сонирхлоос энэ дэлхийг тэнцвэртэй байлгахад туслагчид юм шүү дээ. […] Тухайн лам нь сайн эсвэл муу эсэхийг та нар мэдэхгүй. Тэдний дотоодыг мэдэхгүй. Тэр өдөрт гурав хооллож, унадаг машинтай байлаа ч нэг их юм бүү бод. Эдгээр нь ердөө л материаллаг зүйл. Үүгээрээ тэр их зүйл хийж чадахгүй, хэнийг ч хохироож чадахгүй. Тэр юу ч хулгай хийгээгүй, хандив л хүсдэг. Будда бас хэлэхдээ, “Хийдэд, лам нарт хандив өгөх нь та нарт сайн” гэж хэлсэн. Тиймээс лам ямар ч буруу юм хэлээгүй, гэх мэт жишээтэй.

Би бас лам нарт хандив өгдгөө хэлсэн. Одоо ч тэгдэг, Энэтхэгийн зарим лам нарт урц барьж өгөхөд зориулж өгдөг. Дараа нь тэднийг нэмээд (веган) хоол, хөнжил гэх мэт зүйлс худалдаад аваг гээд нэмж мөнгө өгсөн, зөвхөн урц барих мөнгөөр зогсоогүй. Тэгэхээр ямартай ч та нарт хэлсэн бүхнээ би өөрөө хийдэг. Би та нарыг ямар нэг юм хий гэж зааж сургачхаад өөрөө эсрэг зүйл хийдэг юм биш. Дашрамд хэлэхэд та нар заавал хийх албагүй шүү, зүгээр л хэлж буй юм, гэхдээ та нар хүсэхгүй бол хийх албагүй. Өөрсдийн тань сонголт, сайн эсвэл муу байхыг сонгох өөрсдийн тань амьдрал. Дотоодод тань Бурхан бий, Будда Чанар, Бурхан Чанар дотоодод тань бий. Нэг л зүйл, адилхан. Хэрэв та нар эргээд Бурхан шиг, Будда шиг болохыг хүсвэл хэрэгжүүлээрэй. Та нарт сайн, дэлхийд сайн, гараг дэлхийд сайн.

Манай дэлхий яг одоо тун их аюулд ороод байна. Хэдийд ч сүйрч магадгүй. Би ч гэсэн тэсэж чадах эсэхдээ эргэлзэж байгаа учраас одоо хэлж байна. Би дотооддоо бүрэн сэргэж амжаагүй байгаа учраас одоохондоо ажиллах боломжтой байдалд ороогүй байна. Би илаарьших хэрэгтэй байна. Та нарын олонх нь маш их санаа зовдог болохоор би боломж гарах бүрдээ та нарт ганц хоёр зүйл хэлж байгаа юм. Тухайлбал би Суприм Мастер ТВ-д бүх хүчээ зориулан ажиллаж чадахааргүй байна.

Миний та нарт хэлсэнчлэн лам нар ч бас хүн шүү дээ. Тэд [Буддагийн] түвшинд хараахан хүрээгүй байж болох ч тэд хичээж байгаа. Тэд тэнд хүрэхийг зорьж байгаа. Энэ бас чухал юм шүү. Эргэж Будда болохыг хүсэж буй, Жинхэнэ эх үүсвэртэйгээ, Бурхантай дахин нэгдэх гэсэн энэ энерги нь манай дэлхийг тэнцвэржүүлэхэд хэрэгтэй маш сайн энерги юм. Одоо та нар ойлголоо. Та нар бага байхдаа A, Б, В-гээ дөнгөж сурч байсан ч сүүлдээ дээд сургуульд орохыг хүссэн шиг л юм. Энэ бол маш сайн зүйл.

Дашрамд хэлэхэд Бурханы тухай ярихад олон хүн Буддын шашны дагалдагчид Бурханд итгэдэггүй гэж боддог. Энэ үнэн биш шүү. Учир нь жишээлбэл Хятадад сайнгүй бүх зүйлд тэд “我的天啊” (“Уо дэ тиаань а”) гэж хэлдэг. “Бурхан минь!” гэсэн үг л дээ. Үүнийг яг л англиар, өөр хэллэг, өөр хэлээр хэлж байгаа юм шиг. […] Энэтхэгт хаа явсан газар тань, ядуухан, боловсролгүй тариачин охин хүртэл “Рам Рам” эсвэл “Харе Кришна” хэмээн мэндчилдэг. Энэ бол Бурханы нэр; тэд үүнд итгэдэг. Кришна бол Их Багш нарын нэг бөгөөд Бурханы Элч; Рам бас эсвэл “Рама”. Дэндүү олон зүйл байдаг юм, та нар энэ бүхнийг мэддэг байх шаардлагагүй. Гэвч хүсвэл мэдэж болно. Орчин интернэт ороод л мэдэхэд маш амархан болж, шашны талаар их зүйл мэдэх боломжтой. Лам гэлэнмаа нарт өмнө нь тийм амар олддоггүй байсан олон номыг унших боломжтой, зөвхөн Буддизмын талаар ярьж

байна. Буддаг дагаж, лам болсон олон хүмүүс өдөр бүр Түүний дэргэд байдаг байв, учир нь тэдний хувьд Буддагийн сургаалыг сонсох өөр ямар ч арга байгаагүй. Тийм учраас тэд өглөөд нэг удаа гарч гуйлга гуйж, үд дундад идэж, дараа нь үдээс хойш Буддагийн айлдварыг сонсоход бэлэн болдог байв. Будда мөн адил, тэгж хооллодог байсан. Ингэснээр тэд бүгдэд илүү дээд хэрэгцээ буюу үнэн Номд зориулах цаг гарна. Хэрэв та нар Буддын шашинтнууд Бурханд итгэдэггүй гэж бодож байвал худлаа шүү. Худлаа.

Бүх шашинд бүгд Бурханыг дурддаг. Нэг хүн Буддагаас “Бурхан байдаг уу?” гэж асуухад Будда хариуд нь “Бурхан байдаг уу, байдаггүй юү гэдгийг би хэлж чадахгүй. Гэхдээ тэрхүү Нэгнээс бүх зүйл бий болж, бүх зүйл Түүн рүү буцаж очдог Нэгэн зүйл байдаг.” хэмээн айлдсан. Хэрэв энэ нь Бурхан биш юм бол хэн болохыг надад хэл дээ. Бусад шашинд үүнийг илүү шулуухан хэлдэг. Бурхан биднийг Өөрийн Дүр төрхөөр бүтээсэн гэж тэд хэлдэг. Энэ бол бидний Язгуур үндэс юм. Бид бол Бурханы хүүхдүүд, бид тэрхүү Бурханлаг чанар руу буцах болно.

Тиймээс Бурхан байдаг уу, Бурхан байдаггүй юү, Бурханд мөргөх нь Буддын шашин биш юм уу гэж надтай дахиж маргах хэрэггүй. Гэхдээ бүх шашинд тэд ихэвчлэн Бурханы Төлөөлөгчид болох Их Багш нарыг дагадаг. Ямар ч шашинд Бурхан буюу Жинхэнэ Номын сургаал байдаг гэж үздэг тэд Их Багш нарыг хүндэлдэг. Тэд Их Багш нарыг дагадаг, тэд Их Багш нарыг шүтдэг, тэд Их Багш нарыг биширдэг. Зарим нь бүр “Хэрэв Бурхан, Их Багш хоёр миний хажууд зогсож байвал би хэнд нь мөргөх вэ? Би хэнийг нь дагах ёстой вэ? Би Их Багшийг дагана. Учир нь Их Багш надад зааж сурган, намайг зовлон зүдүүрээс ангижруулж, үхэх төрөхийн хүрднээс гаргаж буй Нэгэн юм.” хэмээн тунхагладаг. […]

Ихэнх шашинд, ядаж л Энэтхэгт үүнийг онцолдог. Энэтхэгт тэд Их Багшийг маш их хүндэлдэг. Тиймээс тэд Буддаг “Дэлхийд Хүндлэгдсэн Нэгэн” “Махаражи” “Гүрү” гэх мэтээр нэрлэдэг. Яагаад гэвэл тэд зөвхөн Их Багш нарыг л хардаг, Бурханыг ойр ойр хардаггүй. Бүгд Бурханыг харах тийм хувь ерөөлтэй биш. Эзэн Есүс амьд байхдаа Бурханы талаар номлож, хүмүүст итгэ гэж, Бурханыг шүт гэж хэлсэн. Гэтэл тэд бас Эзэн Есүсийн сургаалыг дагаж, Түүнийг дагасан. Буддаг амьд байхад мөн адил, тэд бүгд л Буддаг магтаж, Буддаг хайрласан. Сикийн шашны бусад Гүрүг мөн адил тэгсэн, эсвэл Исламын шашин, Хиндү шашин, Жэйн шашин бүгд адилхан. Тэд бүгд л яваад тухайн цаг үеийнхээ шашны төлөөлөгч болсон Их Багшаа шүтсэн. Тийм л юм. Тиймээс дагалдагчид үргэлж өөрсдийн сонгосон, өөрсдийн цаг үеийн Их Багш нарыг шүтдэг. Гэхдээ тэд бүгдээрээ өөрсдийн оюун санааны гүнд

Бурхан байдаг гэдгийг мэддэг. Би одоо та нарт бүх дэлхийн шашныг л яриад байна. Бидэнд Бурхан бий, мөн бидэнд Их Багш нар бий. Тиймээс Их Багш бол бидэнд биечлэн зааж, сургаал номлол, адис ерөөлийг авчирч, ямар ч байдлаар тусалж байдаг Нэгэн. Гэхдээ Бурхан байдаг. Энэ яг л эцэг эхтэй тань адил юм. Тэд маш баян, хүчирхэг боловч янз бүрийн салбарт ажиллах ёстой болдог. Тэд гэртээ үйлчлэгчтэй. Тэр байтугай та нарыг багаас тань хөхүүлж асардаг тэжээгч асрагч байдаг. Мэдээж хэрэг та асрагчдаа хайртай. Учир нь тэр өөртэй тань маш их цагийг өнгөрөөдөг. Тэр өөртэй тань тоглож, өөрийг тань эрхлүүлэн, хайрлаж, хүссэн бүхнийг тань хийдэг. Гэхдээ энэ бол эцэг эх тань эрх мэдэлтэй, эцэг эх тань нэр хүндтэй, эцэг эх тань өндөр цалинтай учраас тэр юм. Тиймээс юу ч болсон эцэг эхдээ элэгтэй байх ёстой.

Тиймээс ямар ч шашин шүтлэгтэй бай ард нь Бурхан байдаг гэдгийг санах хэрэгтэй. Яагаад гэхээр Их Багш дэлхий дээр бууж ирэхээс өмнө тухайн Их Багшийн залран байхыг хэн болгоосон бэ? Тиймээс бүх зүйлийн Гарал үүсэл, мөн өөрийн тань оршихуйн эх үүсвэр болох Оройн Дээд Бурханыг хэзээ ч бүү март. Ау Лак (Вьетнам)-д Буддын шашинтан байх албагүй, Буддагийн сургаалын талаар сайн мэдэх ч албагүй эгэл жирийн хүмүүс залбирахдаа “Ээ, Бурхан, Будда минь, намайг адисалж хайрла.” гэж хэлдэг. Эсвэл “Бурхан, Будда хоёр намайг юу хийж байгааг мэднэ.” гэх ч юм уу. Тэд бас Бурханыг дурддаг. Хятадууд ч бас тэгдэг. Би бусад орны хэлээр ярьдаггүй болохоор сайн мэдэхгүй ч тэд ч бас тийм байдаг гэдэгт итгэлтэй байна.

Photo Caption: Том ч бай Жижиг ч бай Бид Нэгнээ Сайжруулан Тэтгэдэг

Зураг татаж авах