Бид бусдаас өөрсдийгөө хардаг бол бүх төрөлтнийг аяндаа хайрлаж, хэнд ч хор хөнөөл учруулахгүй.

Одоо Ау Лак буюу Вьетнам улсаас Кат Аний илгээсэн сэтгэгдлийг хүргэе:

Хайрт Их Багш аа! Би Танд 2023 оны 5-р сарын дундуур үзсэн ахуй ойлголтоо хэлэхийг хүсэж байна. Тэр шөнө би хэвтээд, унтаж байхдаа Их Багш Арьяабалын Бодисадва шиг цагаан хувцастай нисэж байхыг харсан. Их Багш гараа сунгасан. Түүний гарын алганаас зууван хэлбэртэй, хөх өнгийн маш олон дусал Дэлхий рүү, Дэлхий даяар урсав. Тэр үед би Их Багшид өвдөг сөгдөн хүндэтгэл үзүүлсэн. Их Багш надад Дэлхийг сүйрлээс хамгаалсан ч, бүгдийг нь биш гэж хэлсэн. Диваажингийн төлөвлөгөөний дагуу хамгаалах шаардлагатай тодорхой газрууд байгаа ч бусад газрууд устгагдах хэвээр байгаа.

Өөр нэг ахуй ойлголтод хүмүүс, байшин, бүх зүйлс далайн усанд живсэн. Тэр үед миний зогсож байсан газарт ус дээшилж эхэлсэн ч хөлд минь хүрэх үед дээшлэхээ больсон. Би айсан тул Их Багшийг дуудав. Тэр үед Арьяабалын Бодисадва шиг цагаан хувцас өмссөн Их Багш над руу нисэн ирж, намайг тэвэрлээ. Би баяртайгаар инээмсэглэсэн. Их Багш намайг барьж, өндөрт нисэв. Их Багш намайг өргөмөгц өмнө нь миний зогсож байсан газар хүртэл дээшилсэн.

Их Багш маш их уйлж, тусгүй, ядарсан, гунигтай, урам нь хугарсан санагдсан ч агуу их Хайраараа энэ Дэлхийд амьдарч буй авшигтнууд, иргэд сэрж сэхээрнэ гэж найдаж, хичээсээр байна. Би Их Багшдаа маш их хайртай, Тантай хамт уйлж байна. Та хэрэв нэг улсад 10 буянтай иргэн байвал тэр улс сүйрэхгүй гэж хэлсэн ч энэ нь тун ховор! Тийм ч учраас байгалийн гамшиг тохиолддог.

Их Багш ёс суртахууны хэм хэмжээний дагуу амьдрахыг үргэлж сануулдаг, энэ нь эргэн тойрны хүн бүрд нинжин, эрхэм сэтгэлээр хандаж, өөрийгөө хайрладгийн адилаар тэднийг хайрлан, боломжтой үедээ тэдэнд тусалж, харж хандан, хэрэгцээт зүйлсийг нь өгч, нөхцөл болзолгүй хайрыг хуваалцана гэсэн үг юм. Их Багш биднийг хайрлаж, халамжилж, хамгаалдаг шиг Түүнийг дагаж, дадлагажих үлгэр дуурайлал болгон харцгаая! Хэрэв та Их Багшид хайртай бол зүрх сэтгэлээ өөрчилж, хайрыг түгээхээр Түүнийг дагаарай, энэ эцсийн цаг хугацаанд Бурханы Ивээлээр энэ нь таны сүнсийг мөн аврах болно.

Бурхан болон Орчлон ертөнц бүхэлдээ Их Багшийг эрүүл саруул, амгалан байлгаж, урт наслуулахын тулд хамгаалаасай гэж би үргэлж хүсдэг. Танд хүсэл Тань биелэхийг хүсье. Ау Лак (Вьетнам) улсаас Кат Ань

Ачтай Кат Ань, сэтгэгдлээ бидэнтэй хуваалцсанд баярлалаа.

Их Багш таны өгөөмөр сэтгэлд зориулан өгөөмөр захиа илгээлээ: “Үнэнч Кат Ань, ах, эгч нартаа хэлсэн үг, сайхан зөвлөгөөнд тань маш их баярлалаа. Бид бүгд нэг гэр бүл. Бид бусдаас өөрсдийгөө хардаг бол бүх төрөлтнийг аяндаа хайрлаж, хэнд ч хор хөнөөл учруулахгүй. Энэ бол веган хоолны дэглэм болон бүх буянтай зан байдлын цаад зарчим юм. Бүх хүмүүс энэ энгийн хуулийг ухаарч сэхээрэх цаг болжээ. Бүгд энэ шуудхан санааг ухаарч, хэрэгжүүлэх үед дэлхий тэр даруй аврагдаж, бүхний нөхөрлөл, нэгдмэл байдлын сэтгэлээр таашаал авах диваажингийн гараг болон шинэчлэгдэх болно. Би танд үргэлж хайртай. Будда нарын энэрэнгүй тэвэрт та болон өндөр ухамсарт Ау Лак (Вьетнам)-чууд үүрд байх болтугай. Хайртай шүү!”