Дэлгэрэнгүй
Татаж авах Docx
Дэлгэрэнгүй уншаарай
Одоо Монголын Оюунчимэгийн сэтгэгдлийг сонсъё:Сайн байна уу! Аугаа Их Багшдаа энэ өдрийн мэнд хүргэе! Ертөнц даяар Их Багшийн Адислалыг түгээхийн төлөө уйгагүй хөдөлмөрлөж байгаа Суприм Мастер Телевизийн хайр дүүрэн хамт олондоо талархал өргөн мэндчилье. Зүүдэнд минь зочлон ирж ухаарал хайрласан Их Багш Тандаа би талархан мөргөе.Саяхан авшигтнуудын дунд. нэгэн том спортын арга хэмжээ болсон. Аз жаргал, инээд хөөр бялхсан их сайхан өдөр байлаа. Харин орой нь би маш содон зүүд зүүдэлснээ энд тайлбарлах гэсэн юм. Гэнэт л би том харанхуй хонгилд зогсож байх бөгөөд маш хүйтэн салхи салхилж байлаа. Тэр хүйтэн салхинд түлхэгдэн би урагшлав. Урагшилсаар хонгилын төгсгөлд очиход маш том хаалга харагдан би нээж орлоо.Дотогш ормогц хөл газраас хөндийрөв. Салхинд түлхэгдэн урагшлахад, тэсвэрлэхийн аргагүй маш чанга дуу чимээ хашхираан сонсогдов. Төд удалгүй урд маань эцэс төгсгөл нь үл харагдах орон зайд маш олон хүмүүсийг цагариг хэлбэрт оруулан гинжилсэн байхыг харлаа. Тэднийг хаашаа авч явж байгаа нь тодорхойгүй байв. Намайг гайхан зогсох хооронд гинжлэгдсэн хүмүүс тусламж гуйн орилохыг сонсов.Хамгийн хачирхалтай нь тэр нэг хүн тусламж гуйн миний нэрийг дуудсан. Би сандарч гүйж очоод гэтэл гинжинд хүрмэгц гар минь нүдэн дээр шатаж, маш их өвдөж арагш хүчтэй түлхэгдлээ. Үнэхээр их өвдсөн. Гинжнээс холдон арагш болтол шатаж байсан гар маань аажмаар унтарч, өвдөлт нь алга болов. Ихэд сандран орилж хашхирч буй хүмүүст туслах арга олох гэж байж ядаж байлаа.Тэгтэл ард маш тод гэрэл тусах нь мэдрэгдэж, эргээд хартал том алтан бөмбөрцөг алгуур над руу ойртон ирлээ. Их Багшийн дуу тэр бөмбөрцгөөс цуурайтан үл ойлгогдох хэлээр ярив. Үүнийг сонсоод би гараа аяндаа тостол миний гар дээр гэнэт гэрэгэ бий боллоо. Уг гэрэгэ нь миний гар руу биед шингэх мэт алга болчхов.Гэнэт маш чанга дуутай цаг цуурайтаж эхлэв. Миний нэрээр дуудаж байсан хүмүүс рүү эргээд гүйн очиж гинжнээс татвал гар минь шатахгүй, татсан гинж бүр тайлагдаж зовсон хүмүүс суларч байлаа. Суллагдсан хүмүүс мэхийн талархаж агаарт бөмбөлөг үүсгэн дээш хөөрч байлаа. Би мэл гайхсан ч гинжтэй бусад хүмүүс рүү явав.Хэдэн гинж тайлснаа ч мэдээгүй байтал гэнэт халуун болж, амьсгалахад хэцүү болж эхлэв. Амьсгал давчдан чанга орилоон хашхираан сонсогдож байлаа. Гар минь дүрэлзэн шатаж би маш хүчтэй арагш шидэгдлээ. Ингээд сэрэв. Амьсгал давчидсан мэдрэмж бодит байсан бөгөөд би маш их уйлж хөлөрсөн байлаа. Хайртай хүмүүсээ энэ дэлхий дээр амьд байхад нь аврах боломж байсныг мэдсээр байж тусалж чадахгүй байгаадаа гутран гутран уйллаа.Багш аа, зөвхөн одоо, яг энэ цаг үед энэ гараг дээр амьдарч байхдаа л бид хайртай хүмүүсээ аврах боломжтойг би ойлголоо. Урьд өмнө үзэж байгаагүй өвөрмөц зүүд хайрласан Хамгаас Хайрт Багш Тандаа үнэхээр их талархаж байна. Таны минь лагшин тунгалаг байх болтугай. Эх дэлхий маань олон эрин галаваар энх тайван, гоо үзэсгэлэнтэй оршсоор байх болтугай. Төрөлтөн бүр амар амгалан байх болтугай. Чин сэтгэлээсээ Таны шавь Оюунчимэг, Монгол УлсаасНинжин Оюунчимэг, Зүүд ба танд төрсөн бодит ухаарлын талаар хуваалцсанд баярлалаа. Бидэнд бусдыг сэрээхэд нь туслах боломж үнэхээр байгаа бөгөөд бидний амьдрал болон ертөнцөд байгаа хүмүүст туслахын тулд чадах бүхнээ хийх ёстой. Орчлон ертөнцийн хуулийг зөрчиж, амьтдыг алж, иддэг хүмүүст аймшигтай үр дагавар бий. Ихэнх хүмүүс үүнийг ойлгодоггүй тул бид ойлгоход нь туслах ёстой. Та болон алдар суут Монгол Улс минь Буддагийн Гэрэлд мандтугай. Суприм Мастер ТВ-ийн багЖич. Багшаас танд хэлэх мэргэн үг байна: "Өршөөнгүй Оюунчимэг ээ, энэ ертөнцийн ихэнх хүмүүсийн хувьд миний сэргийлэх гэж хичээж буй аймшигт хувь тавиланг таны дотоод зөн билэг шууд харуулжээ. Энэ амьдрал ямар үнэ цэнтэй болохыг ухаарч, бусдад туслах боломжтой болсонд тань баяртай байна. Тэд тамд байх үед ихэнхдээ юу ч хийсэн хэтэрхий оройтдог. Хэдийгээр та Багшийн Хүчний Адисаар дамжуулан заримд нь тусалж чадсан ч өөр хэдэн хүнд тусалж чадахгүй билээ? Веган Дэлхий, Энх Тайван Дэлхий аль болох хурдан биелэхийн тулд чадах бүхнээ хийхийг хичээж байгаа цөхрөлийг минь одоо та ойлгож байна. Мэдээлэл түгээхийн тулд чадах бүхнээ хийж, үргэлжлүүлэн хичээнгүйлэн бясалгаарай. Мунхаг харанхуйд сохорсон энэ хорвоогийн ахан дүүстээ оройтохоос нь өмнө туслахын тулд бид бүгд хамтдаа зүтгэх ёстой. Та болон Монголын сайхан сэтгэлт ард түмэн дотроо Бурхны Хайрыг сэрээх болтугай.”
