Дэлгэрэнгүй
Татаж авах Docx
Дэлгэрэнгүй уншаарай
Та нар, хүн бүр энд ийм хүлээтэй байгааг би үнэхээр өрөвдөж байна. Тэд та нарыг маш чанга хүлдэг учраас та нар бараг л ойлгодоггүй. Хүмүүс хаана байгаа гэдгээ, юу хийж байгаагаа бараг ойлгодоггүй. Яг л компьютер тоглоом, интернэтэд дэндүү орсон зарим хүмүүстэй адил. Гэвч энэ дэлхий бол киноноос том. Компьютер тоглоомоос том бөгөөд илүү ээдрээтэй. Илүү нарийн; илүү төвөгтэй бүтээгдсэн. Тийм учраас илүү үнэн, киноноос илүү бодитой харагддаг. Мөн бид, сүнснүүд бас бодит биш бие махбодод баригдаж, үүнийг жинхэнэ хэмээн эндүүрдэг ба улмаар бүх зүйлс илүү жинхэнэ болно. Мөн та нарын хүссэн юу ч бай биеллээ олох болно. Тиймээс маш олон хүмүүс олон өөр өөр зүйлс хүсдэг учраас тоглоомууд өөрчлөгдсөөр, улам бүр ээдрээтэй, илүү нарийн болж, хүн бүрийн хүсэл биеллээ олсноор улам илүү бодитой болдог. Бид, хүмүүс энэ бол зүгээр л тоглоом гэдгийг ойлгож чаддаггүй. Тийм учраас би энэ гараг дээрх хүн бүрийг үнэхээр их өрөвддөг. Дөрөвдүгээр Ертөнцөд хүрсэн үед л зөвхөн, ядаж Гурван Ертөнцийг давсны дараа бие илүү нарийн болж, улмаар сөрөг хүч барьж чадахгүй, шийтгэж чадахгүй, та нарыг ашиглаж, ямар нэг байдлаар өөрсдийнхөө зугаа болгож чаддаггүй. Ядаж л та нар, миний шавь нар илүү хичээнгүй бай. Дотоод руугаа л хар. Гадна талд бүү анхаар. Магадгүй харж, баясаж, болох юм, гэвч үүндээ хэт бүү хүлэгд. Жинхэнэ амьдрал дотоодод бий гэдгийг үргэлж санаарай. Та нарт жинхэнэ амьдрал, бодит, жинхэнэ амьдрал бий. Энэ амьдрал бол та нарынх биш. Та нарын гадна харж байгаа бүхэн тань харж байгаа шиг тань биш. Тиймээс гуйя, санахыг хичээ. Таван Нэрсээ унш. Миний та нарт өгсөн Бэлгийг аминаасаа ч илүү хадгалаарай. Махан бие гэдэг зүйлээсээ ч илүү нандигнаарай. Мөн бясалгаж сайн сана, үргэлж хамгаалахыг, сүнслэгээр дэвшиж, сайжрахыг хүсэж залбир. Гэртээ харихаар дотогшоо ор. Гэртээ эргээд харь. Энд та нарт зориулсан юу ч байхгүй, энд ямар нэг зүйлд дуртай байлаа ч, эрт орой хэзээ нэгэн цагт орхих л хэрэгтэй болно. Тиймээс гуйж байна, хаана ч байсан, ямар ч үед чадлаараа их бясалгаарай. Дэмий ярих юм уу ямар нэг зүйл хийлгүй цагаа хэмнэж зөвхөн бясалгаарай. Нэг минут, хоёр минут бүгд тооцогдоно. Бүгд нэмэгддэг. Энэ хуурамч дэлхийд, энэ сүүдрийн ертөнцөд болж байгаа тоглоомыг бүү тоо. Мэдээж, би үргэлж та нарын төлөө байж байдаг ч та нар бас Гэр хаана вэ гэдгийг байнга санаж байх хэрэгтэй. Дотоод руугаа хараарай, тэгвэл эндхийн бүх зүйлс байхгүй, алга болохыг харах болно. Юу ч үнэндээ байдаггүй. Тиймээс Бурханыг л санаарай. Чөлөөлөлтийг л санаарай. Үнэхээр санаваас энэ дэлхий бол сүүдэр гэдгийг санаарай. Бид жинхэнэ Гэртээ л харихыг хүсэж, эндээс чөлөөлөгдөхийг л хүсдэг. Үгүй бол энд үүрд урхинд байх болно.
