Байгаль дэлхий, амьтан найзуудаа бишрэн хүндэтгэх нь 8-ын 7-р хэсэг

Эерэг, сөрөг хүчний энэ тулаан бөхийн дэвжээ, боксын ринг шиг биш. Бид дотоод сүнслэг хүч, мэдлэг, билиг ухаан, мөн хүн төрөлхтөн болон хамаг төрөлтнийг энэрэх сэтгэлээр тэмцдэг. Бидний тэмцэх зорилго энэ. Бид зугаацах гэж, алдарших гэж, хайрлуулах, шүтүүлэх гэж тэмцдэггүй. Нас ахих тусам би өөрийгөө улам мэргэн болсныг мэдэрдэг. Зөв зүйлийн төлөө тэмцэж, там болон бусад доод ертөнцийн зовлонгоос сүнснүүдийг аврах зориг шийдвэр зүрхний минь гүнд улам батаждаг. Энэ зорилго намайг үргэлж урагш, дээш тэмүүлэхэд түлхдэг.

Энд бид биеийн хүчний тухай яриагүй. Бид сүнслэг хүч, БУРХАН чанараас, бүх Бүтээлийн Эх Сурвалжаас, бүхий л Хайр, Амьдралын Эх Сурвалжаас ирэх хүчний тухай ярьж байна. Энэ бол сайн үйлсийн төлөө, ноомой, сул дорой, харанхуй мунхаг хүмүүсийг аврахын тулд нөхцөл болзолгүйгээр өөрийгөө золиослох хүч. Тэд БУРХАНЫ Хайр, Билиг Ухаантай төрсөн ч нүдийг нь боож, гар хөлийг нь хүлээд, сэл гэж далайд шидсэнтэй адил. Бусад ямар ч төрөлтөн хэчнээн өрөвдөлтэй байхыг төсөөл дөө.” Тиймээс би үхэх гэж байсан ч, одоогийнхоосоо өтөлсөн ч тэдний төлөө тэмцсээр байна, тэгээд ялах болно. Одоо надад ингэж санагддаг.

Би өмнө нь БУРХАНААС бас ингэж асууж байсан. “Намайг залуу байсантай харьцуулахад Та яагаад одоо надад ийм ихийг мэдүүлдэг юм бэ? Намайг залуу байхад мэдүүлсэн бол би илүү сайн ажиллах байсан бус уу?” гэж БУРХАНААС асуусан. БУРХАН надад юу гэж хариулсныг мэдэх үү? ТЭР “Одоо Та төлөвшсөн. Та боловсорсон жимс шиг болсон. Илүү залуу байхад Тань тэгсэн бол Та исгэлэн, идэх аргагүй, бүр хэрэгцээгүй жимс мэт байх байсан. Одоо Та боловсорсон. Та сайн болсон. Одоо Таны дотор хүч улам их хуримтлагдсан. Одоо Таны дотор илүү их Билиг Ухаан төлөвшиж, тулгарсан бүх аюул, саад бэрхшээл, тав тухгүй байдлыг үл харгалзан ажлаа хийх илүү их зориг, шийдэмгий байдал бий болсон. Нас ахисан бие тань урьдынхаас тав тухгүй болсон байж мэднэ. Гэхдээ Та илүү их хүчтэй болсон. Энэ нь бизнес эрхлэхтэй адил. Бизнесээ удаан эрхлэх тусам ухаан мэргэн, сайн, амжилттай байвал улам их орлого олж, хөрөнгө хуримтлуулна. Залуу насандаа үүнийг нэг дор, эсвэл богино хугацаанд хийж чадахгүй. Цаг хугацаа их байх тусам хөрөнгө тань илүү их хуримтлагдана. Үүнтэй адил Та энэ гараг дээр удаан байх тусам улам олон төрөлтөнтэй хувь ерөөлөөр холбогдож, сүнслэг хүч, ялагдашгүй чадлаа бүрэн татан буулгаж чадна. Тиймээс л Би Танд залуу байхад тань бус, харин одоо ийм олон зүйлийг мэдүүлж байна. Тэр үед цаг нь болоогүй байсан. Харин одоо цаг нь болсон.” гэв.

Би үүнийг үнэхээр ойлгосон. БУРХАН намайг үргэлж чимээгүй, эсвэл ил байдлаар сургаж, нөхцөл болзолгүй хайрлан, амьдралын минь наносекунд бүрд хамгаалдагт нь талархдаг. Би БУРХАНААС, өөрийн сүнслэг сан хөмрөгөөс, Диваажингаас Дэлхий рүү хүчээ байнга татдаг. Үүнд цаг хугацаа орно. Бид Диваажинд байгаа биш. Тиймээс бүх хүчээ төвлөрүүлэхийг хүссэн ч цаг хугацаа шаардана. Хэсэг хэсгээр нь л татна. Бүх сүнслэг хүчээ нэг дор авч болохгүй. Ертөнцийн энэ тогтолцоонд тийм боломжгүй. Мөн Дээд Мөн Чанараас минь болон БУРХАНЫ Адислалаас миний дотор орох ийм асар их, итгэмээргүй сүнслэг хүчийг бие махбод тэсвэрлэж чадахгүй. Би энэ бүхнийг үнэхээр ойлгож, ТҮҮНЭЭС дахин асуух зүйлгүй болсон.

“Харин чи? Чи юу гэж бодож байна? Ди, чи юу гэж бодож байна? Надад хэлнэ үү? Би сонсож байна, Ди хатагтай. Үзэсгэлэнт Ди хатагтай, би сонсож байна. Бодоод надад хэлээрэй. Тэгэх үү?” “Дэлхийн энх тайван ирж байна. Та ард түмний Баатар болж, хүндлэгдэнэ.” “За, баярлалаа. Ди хатагтай, магтаалын үгэнд чинь баярлалаа. Эсвэл энэ зөгнөл үү? Зөгнөл юм уу? Тийм үү? Баярлалаа, баярлалаа. Би үүнийг олон удаа, дахин дахин сонссон. Бүр манай Хамгаас Хүчирхэг БУРХАН, МАПА, миний Эцэг Эх, бидний цорын ганц Эцэг Эхээс ӨӨРӨӨС нь ч сонссон. Гэхдээ надад төдийлөн онцгой санагддаггүй.

Хэрэв энх тайван эцэст нь үнэхээр ирж, бүх хүн болон хамаг төрөлтнийг түүнтэй холбоотой шаналал, үгээр хэлшгүй зовлонгоос, мөн дайнаа зогсоохгүй бол ирээдүйд тамд эдлэх зовлонгоос чөлөөлбөл би хязгааргүй их баярлана. Харин хүндлүүлж, баатар гэж цоллуулах тухайд сайн мэдэхгүй. Яагаад гэдгийг мэдэх үү? Учир нь миний юу хийдгийг хүмүүс тэр бүр мэдэхгүй. Би энх тайвны төлөө юу хийдэг болон энэ тэр зүйлийн талаар ярьж болох ч тэд надад яаж итгэх юм бэ? Тэд намайг гүтгэж, шүүмжилж, худалч хэмээн хилсээр буруутгахгүй байвал би БУРХАНД хэдийн талархана. Гэхдээ тэд тэгсэн ч би тэдний төлөө тэмцсээр байна. Учир нь тэдний тамд зовохыг би тэвчиж чадахгүй. Там ямар байдгийг би мэднэ.

Клиник үхэлд орсон олон хүн тамд очоод буцаж ирэн, маш олон аймшигт зүйлийг бидэнд ярьсан. Там үнэхээр байдаг. Өөрсдийгөө миний шавь гэдэг хүмүүс хүртэл найз нөхөд, төрөл садан, гэр бүлийнхнээ аврахын тулд надтай хамт тамд очиж байсан. Заримдаа тэд ганцаараа явдаг. Би тэдэнд биет ертөнцөд бус, сүнслэг ертөнцөд нэвтрэх тусгай эрх өгдөг юм. Ингэснээр тэд тамд аюулгүй орж, өмнөх, эсвэл энэ амьдралын найз нөхөд, гэр бүлийнхнээ авардаг. Шинээр төрөл авахдаа өөр дүр төрхтэй, өөр төрөл садан, найз нөхөд, гэр бүлтэй болсон учраас тэднийг танихгүй байсан ч аварна. Зарим нь таньж санадаг, зарим нь тамд дэндүү их шатсан тул санаж чаддаггүй. Тэд бүхэлдээ шатаж, бараг юу ч санахгүй болсон байдаг. Энэ нь бүр хөнгөн тамд байсан хүмүүс шүү. Хүнд тамыг төсөөл дөө, өдөр шөнөгүй тасралтгүй шийтгүүлнэ. Тэд юу ч бодож чадахгүй. БУРХАНЫГ ч, Эзэн Есүсийг ч, аль ч Буддагийн Нэрийг ч санахгүй.

Эрхэм Хамгаас Энэрэлт Их Багш аа, Би долоон настай. 2024 оны 9-р сарын 7-ны үдээс хойш би бясалгахдаа дараах дотоод ахуй ойлголтыг харсан: Би Диваажинд байлаа. Их Багш намайг хүмүүсийг авруулахын тулд тамд очуулахаар дуудсан. Их Багш тойрог зурахдаа загалмай ашиглав. Дараа нь намайг буулгаж, “Шавжийн борооны там” гэдэг тамд оруулахын тулд бадамлянхуа шат гарч ирлээ. (Энэ там нь зөгий, шумуул, ялаа, шоргоолж агуулдаг бөгөөд эдгээр шавж шоронд байгаа хүмүүсийн махыг идэж, цусыг ууж, ясыг нь хүртэл хэрэглэдэг.)

Тэгээд “Хурц сарвуутай борооны там” хэмээх өөр шоронд би очсон. Тэнд амьтдын хурц сарвуу бороо шиг олон байсан. Тэд хүмүүсийн биеийг цоолж, үүнээс болж, хүмүүс цус алдаж, зовж шаналж, үхдэг. Дараа нь би “Зааны яс, одос үхрийн эврэн борооны там”-д очлоо. Хурц эвэр тэнгэрээс тасралтгүй унаж, хүмүүсийн биеийг цоолж байв. Тэд зовж шаналан хашхирч, эдгээр шийтгэл ахин дахин давтагдаж байлаа. Би “Төмөр могойн борооны там” руу шилжив. Төмөр могойнууд хүмүүсийн биеийг нүхэлж, дараа нь хурууны үзүүрийг нь даган мөлхөж, хамар, чихэнд нь орон, үгээр хэлэхийн аргагүй өвдөлтийг үүсгэж байлаа. Дараа нь би “Илд ба ирт сэлэмтэй борооны там” руу явсан. Дэлхий дээр амьтан-хүний амийг хөнөөж, хуурч, шарж идэх зэрэг муу үйл хийсэн хүмүүс тамд түүнийхээ адил байдлаар шийтгэгддэг. Бас, гэх мэт өөр илүү олон там байдаг.

Тэр үед би там руу буухаасаа өмнө Их Багшийн өгсөн бадамлянхуа цүнхийг гаргаж ирсэн. Би тамын бүх хүнийг тэрхүү цүнхэнд цуглуулав. Маш олон хүн, тэгээд цүнх асар том болсон. Тэгээд би нисэж ирээд түүнийг Их Багшид өглөө. [Уутнаас гарч ирсэн] тэр хүмүүс Их Багшийн өмнө өвдөг сөгдөн, наманчилж, амьтан-хүний махыг дахиж идэхгүй гэж амлацгаасныг би харсан. Тэд веган болж, сүнслэгээр хичээллэн, сайн үйлс хийхээ амласан. Дараа нь Их Багш гайхамшгийг үйлдэн, тэдний сүнсийг оруулах олон шинэ бие бүтээж, тэднийг сүнслэг бясалгал хийлгэхийн тулд Дэлхий рүү буцаав.

Хүн бүр нэн даруй веган хооллолттой болж, сүнслэг бясалгал хийгээсэй гэж би хүсэж байна. Би тамд хэдийнээ олон удаа бууж очсон. Тоо томшгүй олон там байдаг. Зөвхөн та л тамд байгаа биш, таны гэр бүл, хайртай хүмүүс ч бас тэнд байдаг. Амьтан анд найзуудаа идэхээ болиоч гэж гуйя. ТЭД БАС ХҮН ШҮҮ ДЭЭ, ХООЛ БИШ ЭЭ. Ау Лак (Вьетнам) улсаас шавь Хиу Нгхиа

Гэх мэт…

Энэ амьдралдаа амьд сэрүүн байгаа хүмүүс хүртэл БУРХАН, Будда, Эзэн Есүс, Гэгээнтэн Мэргэдийг төдийлөн санадаггүй. Бүх зүйлийн төлөө зовлонгоор төлөөс төлөх ёстой болдог энэ ертөнц надад одоо таалагдахаа больсон.

Харин чи тамыг харж байсан уу, Ди хатагтай? Чамайг Хатагтай гэх үү, эсвэл Эзэгтэй гэх үү? Хатагтай, тийм ээ, залуухан, үзэсгэлэнтэй. Юу? Тийм ээ. Би чам шиг залуухан, үзэсгэлэнтэй байсан ч болоосой. Гэхдээ надад үнэндээ хамаагүй. Би ямар харагдаж байгаадаа нэг их санаа тавьдаггүй. Тиймээс өөртөө төдийлөн анхаардаггүй, хамгийн наад захын хэмжээнд л арчилдаг. Чи тамд очиж байсан уу? Үгүй юу, БУРХАНД талархъя. Гэхдээ там ямар байдгийг мэдэх үү? Тийм үү? Яаж мэддэг юм бэ? Өө, дотроосоо харж чаддаг юм байна. Хөөх, чи дотоод хараатай юм. Чи өмнөх төрөлдөө, эсвэл энэ төрөлдөө ном бясалгалын мөр их хөөсөн байх, тийм үү? Өө, тийм үү? Сайн байна.

Там ямар байдаг вэ? Яаж харснаа хэлж болох уу? Аймшигтай юу? Мэдээж! Би чамд хэлсэн шүү дээ. Тиймээс л би шаргуу ажилладаг. Чиний хэлснээр би одоо хэтэрхий хөгшин болсон ч ажлаа хийж чадаж л байвал хөгшин, залуу байх ямар хамаатай юм бэ? Тэр л чухал, тийм биз дээ? Ди хатагтай, чи үнэхээр сонирхолтой төрөлтөн юм. Чамтай танилцсандаа үнэхээр баяртай байна. Гэрэлт цох ингэж тодорхой, цэцэн мэргэн, бас төгс англи хэлээр ярьж чадна гэж мэдээгүй байсан тул чи өнөөдөр намайг үнэхээр цочирдууллаа.

Photo Caption: “Ирж Буй-Боловсорч Гүйцэх Улирлуудад Алдаршина”

Зураг татаж авах