Клиник үхлийн тохиолдлууд, олон ангит цувралын 28-р хэсэг: Үр хөндөлтийн тухай сүнслэг үнэн

Дараа нь намайг нялх үрсээ хөнөөсөн эмэгтэйчүүдийг хорьдог өөр нэг хэсэг рүү аваачсан. Тэнд намайг эвдсэн. Би өөр шигээ мянга мянган эмэгтэйг харсан. Бид нялх хүүхдүүдийн уйлах чимээг сонсож байлаа. Хүүхдийн уйлах чимээ бүр чихийг минь нэвт сүлбэж, биднийг амар амгалан байлгаагүй.

Өнөөдрийн хөтөлбөрөөр бид үр хөндөлт хэмээх амь бүрэлгэсэн үйлийн үрийн талаар сүнслэг ойлголтоо илчилсэн клиник үхлийн тохиолдлуудыг онцолж байна.

Дэлхийн Эрүүл Мэндийн Байгууллага (ДЭМБ)-ын мэдээлснээр дэлхий даяар жил бүр 73 сая орчим үр хөндөлт хийгддэг ажээ. Энэхүү асар өндөр тоо нь дэлхийн бүх жирэмслэлтийн 29 орчим хувь нь үр хөндөлтөөр төгсдөгийг илтгэж байна. Харамсалтай нь төрөөгүй хүүхдээ үр хөндүүлэхээр шийдсэн хүмүүс ээж, аав болох боломжоо алдаж, амьдралынхаа үлдсэн хугацаанд сэтгэл санааны шархтай үлдэх нь элбэг байдаг. Гэсэн хэдий ч бидний ихэнх нь энэхүү амь бүрэлгэх үйлдлийн мөнхийн үр дагавар бидний төсөөлж байснаас хамаагүй илүү сүйрэлд хүргэж болзошгүй гэдгийг огт боддоггүй.

Бид эхлээд Маргаретын клиник үхэлд орсон тохиолдлыг хүргэж байна. Үүнийг Жозеф К. Одуро 2025 оны 7-р сард өөрийн “Great Miracles Avenue (@GreatMiraclesAvenue)” ютюб суваг дээр хуваалцсан юм.

Маргарет залуудаа замбараагүй бэлгийн амьдралтай байсан бөгөөд үүний улмаас хэд хэдэн удаа жирэмслээд, үр хөндүүлж байжээ.

Би тоолж баршгүй олон хүүхэд авхуулсан. Би хэзээ ч харамсаж байгаагүй. Энэ бол миний бие, би хүссэнээ хийж болно гэж өөртөө хэлдэг байлаа.

Нэг үдэшлэгийн дараа шөнө оройтож Маргарет согтуу үедээ болгоомжгүйгээр машин жолоодож явжээ. Түүний өмнө ачааны машин гарч ирэн, түүнийг тоормосоо гишгэж амжаагүй байхад машин нь шууд ачааны машиныг мөргөв. Хормын төдийд тэрээр биеэсээ салж, өөрийгөө маш хурдан доош чирэгдэж байгааг мэдэрчээ.

Тэр даруйдаа тэрээр тамд унаснаа мэдсэн байна.

Там бол бодитой. Тэрхүү газар дэлхийгээс илүү бодитой. Агаар нь өтгөн, хүнд, халуун байсан. Амьсгалж чадахгүй байгаа юм шиг санагдаж байлаа. Тэгээд би хашхирах чимээ сонссон. Маш олон хүн орилж, уйлж, гуйж байсан ч хэн ч тэдэнд туслахгүй байв. Эхлээд намайг харагдахгүй ямар нэг зүйл чирч, бэлгийн нүгэл үйлдсэн хүмүүсээр дүүрэн нүхэнд шидсэн. Заримыг нь хэдэн хэсэг тастаж байлаа. Бусад нь няцлагдаж байв.

Дараа нь түүнийг үр хөндөлт хийлгэж, хүүхдүүдийг төрөөгүй байхад нь хөнөөсөн хүмүүсийн газар руу аваачжээ.

Дараа нь намайг нялх үрсээ хөнөөсөн эмэгтэйчүүдийг хорьдог өөр нэг хэсэг рүү аваачсан. Тэнд намайг эвдсэн. Би өөр шигээ мянга мянган эмэгтэйг харсан. Бид нялх хүүхдүүдийн уйлах чимээг сонсож байлаа. Хүүхдийн уйлах чимээ бүр чихийг минь нэвт сүлбэж, биднийг амар амгалан байлгаагүй. Нялх хүүхдүүдийн уйлах чимээ ердийн биш, харин дуу хоолой нь уур хилэнгээр дүүрэн байлаа. Тэдний уйлах чимээн дундаас би яагаад биднийг амьд үлдээгээгүй юм бэ гэж асууж байгааг нь сонссон. Авхуулсан хүүхэд бүрийнхээ төлөө би шийтгэл хүлээсэн. Тэдний өвдөлтийг би нэг нэгээр нь мэдэрсэн. Энэ бүхний дунд би үүнийг хүртэх ёстой гэдгээ мэдэж байлаа. Би яагаад сонсоогүй юм бол гэж бодсоор байв. Бурхан надад анхааруулахаар илгээсэн хүмүүсийг би яагаад үл тоомсорлов?

Өөрийгөө бүрэн төөрөлдсөн мэтээр мэдэрч байх үед Маргарет гэнэт чанга, тодоор ийн хэлэхийг сонсжээ: ТҮҮНИЙГ ЯВУУЛ! Тэр маш хурднаар дээшээ хөөрч эхлэв. Маргарет биедээ эргэн орж, нүдээ нээгээд эмнэлэгт байгаагаа ойлгожээ. Эмч түүнд 72 цагийн турш комд орсон гэж хэлсэн байна.

Даруй тэрээр үр хөндөлтүүд хийлгэсэн, өмнө нь завхай амьдралтай байсандаа Бурханаас өршөөл эрэн, наманчилж эхлэв.

Би уйлж, Бурханаас намайг өршөөхийг гуйсан. Тэр өршөөсөн гэдэгт би итгэдэг. Тэр өдрөөс хойш миний амьдрал өөрчлөгдсөн. Би амьдралаа Есүст зориулсан. Тиймээс надад хоёр дахь боломж олгосонд би Бурханд үргэлж талархдаг.

Маргарет өнөөдрийн бидний сонголтууд мөнхийн амьдралын хувь заяаг минь хэрхэн бүрдүүлдэг талаар эцсийн захиасыг хуваалцсан юм.

Үр хөндөлт бол аллага гэдгийг тэдэнд ойлгуул. Энэ дэлхийн таашаал үнэ цэнгүй гэдгийг тэдэнд ойлгуул. Би бараг үүрд төөрөлдсөн байсан ч Бурхан надад дахин нэг боломж олгосон юм. Хэрэв Тэр над шиг хүнийг аварч чадсан бол хэнийг ч аварч чадна. Гэхдээ хүмүүс амьд байгаа дээрээ гэмшиж, наманчлах ёстой. Учир нь нэгэнт үхчихвэл буцаж ирэх боломжгүй.

Үр хөндөлт болон тамын жинхэнэ сүнслэг бодит байдлын талаарх энэхүү яаралтай захиасыг хуваалцсанд бид Маргаретад талархаж байна. Түүний гэрчлэл бидэнд хэтэрхий оройтохоос өмнө Бурханыг даруй эрэлхийлж, чин сэтгэлээсээ гэмшихийг сануулах болтугай.

Хэрэв үр хөндөлт хийлгэж байсан бол эрхэм нандин хүүхэд тань үүрд алга болохгүй бөгөөд та тэдэнтэй дахин уулзах боломжтой гэдгийг мэдэх нь чухал юм. Христийн шашны номлогч Иван Таттл клиник үхэлд орох үедээ үр хөндүүлсэн бүх төрөөгүй хүүхэд амар тайван, эв найртай амьдардаг Диваажингийн онцгой газрыг харсан байна.

Тэнгэрийн элчийн надад харуулахыг зөвшөөрсөн нэг зүйл миний хувьд хамгийн сэтгэл хөдөлгөм зүйл байсан. Би үр хөндүүлсэн бүх нярай хүүхэд хаана байгааг харсан. Бүгдийг нь. Тэд бүгд хамтдаа тоглож байсан. Тэд бүгд хамтдаа сайхан цагийг өнгөрөөж байлаа. Энэ дэлхий дээр үр хөндүүлсэн хүүхэд бүр Диваажинд байдаг. Нэг бүр. Тэднийг маш сайн асарч халамжилж байдаг.

Иван Таттл эдгээр төрөөгүй хүүхдүүд Диваажинд эцэг эхтэйгээ дахин уулзахыг тэвчээртэйгээр хүлээж байгаа гэсэн урам зориг өгсөн мэдээг хуваалцаж байна.

Гэхдээ намайг үнэхээр их догдлуулсан зүйл бол эдгээр ээж, аавууд үр хөндөлт хийлгэсэндээ гэмшиж, амьдралаа Эзэнд зориулсны дараа Диваажинд очиход нь тэдний хүүхэд тэдэнтэй уулздаг явдал юм. Тийнхүү эргэн учрахыг харна гэдэг төсөөлж болох хамгийн гайхалтай зүйл юм.

Тиймээс би та бүхэнд ингэж хэлмээр байна. Хэрэв та Эзэний төлөө амьдрахгүй байгаа бол Эзэний төлөө амьдраарай. Учир нь та амьдралаа Түүнд зориулахыг, амьдралаа өөрчлөхийг хүсэх хэрэгтэй. Ингэснээр өөрийнхөө хүүхэдтэй, хүүхдүүдтэйгээ хамт тэр дээр байж чадна. Тэд тэнд хүлээж байгаа. Тэд мөнхөд таны Диваажинд байх амьдралын нэг хэсэг байхыг хүсдэг. Энэ бүх хүүхэд, сая сая хүүхэд Диваажинд аз жаргалтай амьдарч байгаа ч ээж, аавыгаа хүлээж байгаа. Тэд таныг хүсэж байгаа тул энэ тухай бодоод үзээрэй.

Оройн Дээд Эзэн Бурханд чин сэтгэлээсээ наманчлах аваас төрөөгүй хүүхдүүдтэйгээ хамт Диваажинд баяртайгаар амьдарч чадна гэдгийг олон эцэг эхэд харуулснаар тэдэнд тайтгарал, итгэл найдвар өгсөнд тань Иван Таттл танд бид талархаж байна.

Гайхалтай нь, нэгэн хүн үр хөндүүлсэн хүүхдүүдтэйгээ энэхүү Тэнгэрлэг уулзалтыг мэдэрч, уг явдлыг дэлхийтэй хуваалцахаар эргэн ирсэн байдаг. Донна Гришам залуу насандаа хоёр удаа үр хөндүүлсний дараа гурав дахь удаагаа жирэмсэн болжээ. Орон нутгийн нэгэн пастортой зөвлөлдсөний дараа тэрээр дэлхийд амьдрал бэлэглэхээр шийдэн, хөөрхөн хүү төрүүлсэн байна.

Өөрийгөө зохисгүй, өршөөгдөх боломжгүй гэж мэдэрч байсан ч хатагтай Гришам амьдралаа Бурханд зориулахаар шийдэж, чин сэтгэлээсээ залбирч эхлэн, үр хөндөлт хийлгэснээс болж мэдэрсэн аймшигтай харамслынхаа талаар эхлээд Амьдрах эрхийн цуглаан дээр, дараа нь орон нутгийнхаа сүмд олон нийтийн өмнө ярьж эхэлжээ. Удалгүй жижиг залбирлын бүлгийн уулзалтад оролцож байхдаа хатагтай Гришам Диваажинд хүргэгдэж, анхны хоёр жирэмслэлтдээ үр хөндүүлсэн хүү, охинтойгоо уулзсан байна.

Би үнэхээр Диваажинд очсон. Тэнд нэг цэцэрлэгт хүрээлэнгийн вандан сандал дээр сууж байлаа. Гэнэт нэг бяцхан охин, нэг бяцхан хүү хоёр над руу гүйж ирсэн. Тэд миний өвөр дээр авиран гарч ирээд, нэг нь нэг хацар дээр, нөгөө нь нөгөө хацар дээр минь үнсэж эхлэв. Тэгээд тэд надад “Бид таныг уучилсан, ээж ээ. Бид таныг уучилсан, ээж ээ. Бид таныг уучилсан.” гэж хэлж эхэлсэн. Тэд “Бид танд хайртай, ээж ээ. Бид танд хайртай. Бид танд хайртай.” гэсэн. Тэгээд тэд “Бид дахин уулзана аа.” гэж хэлсэн.

Үнэндээ энэ тухай ярих болгонд тэдний үнсэлт, тэдний жижиг уруул хацар дээр минь үнсэж байгаа нь мэдрэгддэг. Хэрэв та эмэгтэй хүн бол, үр хөндүүлсэн бол, хүүхдүүд чинь хаана байгааг, хүүхдүүд чинь зүгээр байгаа эсэхийг мэдэх гэж бодож шаналж явдаг бол Есүс хүүхдүүд чинь Түүнтэй хамт байгааг мэдээсэй гэж хүсэж байгааг би хэлмээр байна.

Үнэндээ тэд Диваажинд тун жаргалтай байгаа бөгөөд бидний төлөө залбирцгаадаг. Тэд таныг хайрладаг, таныг уучилсан гэдгээ мэдээсэй гэж хүсдэг.

Донна Гришамын чин сэтгэлийн, урам зориг өгсөн гэрчлэл бидэнд амьдралаа Бурханд зориулбал үргэлж дахин нэг боломж олж чадна гэдгийг сануулж байна!

Бидний Хайрт Төгс Гэгээрсэн Их Багш Чин Хай (веган) үр хөндөлтийн цаана байгаа үл үзэгдэх бодит байдлын талаар гүн гүнзгий сэтгэл хөдөлгөм үзэл бодлоо хуваалцсан юм:

Хүмүүс үр хөндөлтийг бас “За, ердөө л нэг тариа хийлгээд хүүхэдгүй болчихно.” гэж боддог. Гэвч тэд бодит байдал дээр юу болдгийг, бяцхан үр хэвлийдээ тэр тарилгаас, эсвэл гар, мөч, бүх хэсгийг нь бүхэл биеэс нь мөчлөн тастаж, хэмхлэх гэж оролдож буй хутга, хавчаар мэтийн мэснээс зайлсхийх гээд чадахгүй хэчнээн их туйлдан тэмцдэгийг хардаггүй.

Энэхүү чин сэтгэлийн гүн ойлголтыг хуваалцан, үнэт нандин сүнс бүрийн үнэ цэнийг илүү гүнзгий эргэцүүлэн бодоход биднийг чиглүүлсэнд Төгс Гэгээрсэн Багш Чин Хайд талархал илэрхийлье. Хүн төрөлхтөн илүү их сайхан сэтгэл, билиг ухаанд сэрж, амьдралын бүх хэлбэрийг үргэлж хамгаалан, нандигнан хайрлахыг сонгох болтугай.