Дэлгэрэнгүй
Татаж авах Docx
Дэлгэрэнгүй уншаарай
Хүүхэд минь дээ. Үргэлж санахыг хичээ. Зүгээр л чадах бүхнээ сана, өөрийн Хурмастын Дээдтэйгээ холбогд. Бүхий л дээд бүхний агуу Дээдтэй холбогд. Үргэлж санахыг хичээ. Идэж байхдаа Бурханд таларх. Ууж байхдаа Бурханд таларх. Бүр ариун цэврийн өрөөнд ороод хүртэл 00-ийн цаас хийхэд ашиглагдсан моднуудад таларх. Үгүй, би харамсдаг, бид жил бүр олон тэрбум модыг 00 цаас болгон жорлон руу урсгах гэж огтолдог. Бүгдийг дахин боловсруулдаггүй. Дандаа шинэ мод огтолдог. Бид моднуудад огт талархахгүй ашигладаг, моднуудыг хайралж, харамсахгүйгээр ашигладаг, ой модны талаар ер нь юу ч бодохгүйгээр ашигладаг. Тиймээс, энд бид хийж буй үйлдэл бүртээ, энд бидэнд байгаа бүх зүйлд талархаж, бүхий л орчлон ертөнцөд талархаж, санаж явах ёстой, бүхий л тав тух, биднийг адислахаар, бидэнд туслахаар бүтээгдсэн бүтээл бүрт, өдөр бүр золиослогдож буй бүхэнд талархаж байх ёстой. Бид юу ч хийсэн бай тэр бүгдийг төлж барахгүй. Тиймээс зүгээр л хангалттай бясалгаж, сүнслэгт суралцаж өөрийн сүнслэг буянаасаа эргэн тойрныхоо тэр бүх бүтээлтэй хуваалцах болтугай гэж залбир; алхаж буй дэлхий, амьсгалж буй агаар, өдөржин чамд энгэрээ дэлгэх тэнгэр, нүдийг чинь баясгасан олон өнгө үзэмжийг өгч, чамайг агуу болохыг мэдрүүлж, хаа нэгтээх жижиг газар давчдан байхгүй харин бүхий л тэнгэр чинийх гэсэн мэдрэмж өгөгч тэнгэрт таларх, бүхий л моддод таларх, хүчил төрөгч өгдөгт, сүүдэр болдогт, үр жимсэнд нь таларх, чиний төлөө амиа өгөгч бүхий л ногоонуудад таларх. Бидэнд хэрэгтэй, эсвэл бидэнд буй, бидний ашиглаж байгаа бүхэн биднийг тэр бүхэнтэй болоод Дээд Хурмасттай холбоотой болхыг бидэнд сануулж буй. Тиймээс бид Бурханд болоод бүхий л бурхад дагинасуудад Агуу Дээд хүчинд байгаа бүхэндээ талархах учиртай. Мөн бид учруулсан бүхий л хор хөнөөл эсвэл өөрсдийн эрх ашиг, тав тухын төлөө санаатай болон санаандгүй учруулсан хор хөнөөлийн төлөө бүхий л оршихуйнуудаас уучлал гуйх хэрэгтэй. Олон оршихуйнууд бидний төлөө зовж, өөрсдийгөө зольдог. Тиймээс боломж бүрт өөрсдийгөө бүхэнтэй холбоотой гэдгээ санаж бай, бүх тэнгэрлэг оршихуйд бид өртэй гэдгээ санаж, тэдэнд талархаж бай. Хэзээ ч бүү март. Идэхдээ, уухдаа, ариун цэврийн өрөөнд орохдоо, саван хэрэглэхдээ хүртэл хэзээ ч битгий март. Тэр чинь хаа нэгтээх ямар нэг модноос гаралтай байгаа, чидуны эсвэл кокосны тосноос гаргаж хийсэн байгаа. Бүр далайд хүртэл таларх, учир нь саван хийхэд замаг, давсыг ашигладаг, заримдаа эрдэс олборлолтоос гаргасан давс байдаг, гол нь бүгд бидний тав тухын төлөө. Тэгээд ашиглаж, хэрэглэхээсээ өмнө бид үргэлж Бурханыг санан дурсаж байх учиртай. Улмаар бүх оршихуй болон Бурханд таларх. Ядаж Бурханд таларх. Бүгдийг авах мөнгөтэй, баян, авах эрхтэй байсан ч, талархаж бай, бид тэдгээр зүйлсийг өдөр тутам хэрэглэсээр дасч, тэдгээр зүйлсийн талаар огт боддоггүй, гэтэл бид тэр бүгдийг өөрсдөндөө санамж, холбоотойгоо ухаарах сануулга болгон ашиглах учиртай. За? (Мэдлээ.) Энэ бас л нэг төрлийн дадлага. Би мөн тэгдэг. Миний та нарт өгөх зөвлөгөө энэ. Би хэзээ ч мартдаггүй. Бид амьсгалах болгондоо олон үл үзэгдэх оршихуйд хор хөнөөл учруулдаг. Тиймээс өдөр бүр цаг тутам чадахгүй бол өглөөдөө ядаж ирж буй сайхан өдөрт талархаж, тааж болох, болохгүй үйлсийн төлөө хамгааллыг хүсч залбир. Оройдоо өнгөрөгч сайхан өдөрт талархаж, амьдралыг чинь дэлхий дээр Диваажин шиг болгогч чамд байгаа бүхэндээ талархаж үдэж бай. Бүр заримдаа тавгүй, тухгүй байсан ч, бүх зүйл бидний төлөө л бүтээгдсэн, бидэнд тав тухыг өгч, бидний амьдралыг энд сайхан байлгах гэж л зориулагдсан. Бид тун азтай бүлэг хүмүүс. Мөнгөтэй байх нь азтай байхын цондон биш. Бид их азтай, учир нь бидэнд амьд байхад хангалттай зүйлс байна бас бидэнд түшиж тулах, найдах сүнслэг хүч байна. Асуудалд орох үед, гарах гарцгүй болох цагт олон хүнд ийм хүч байхгүй, бидэнд байгаагийн өчүүхэн хэсэгч тэдэнд байхгүй. Тиймээс бид үргэлж талархахаа санаж байх учиртай. Хурмаст, Дээд Хүчинд талархах үедээ бид мөн Хурмасттай холбогддог, дан ганц бясалгахдаа биш. Тэгээд бид бас усны эзэн, борооны бурханд талархах хэрэгтэй. Бид бүх л бурхдад талархах учиртай. Би бүгдэнд нь талархаж чадахгүй, гэхдээ л санах болгондоо, жишээ нь ус ашиглахдаа усны бурханд би талархдаг. Ногоо ашиглах бол би бүхий л ногоонуудад миний төлөө амиа зольж байгаад нь талархдаг, байгалийн хүчнүүдэд, ногоонуудыг тийм амттай, сайхан ургахад санаа тавьсан бурхдад талархдаг. Надад жимс өгсөн моднуудад талархдаг, хэдий тэднийг би харахгүй байгаа ч. Тэдний өгсөн жимсээр дамжуулан надад тийм амттай, сайхан жимс өгсөн моднуудад би талархдаг. Тэгж би моддыг адисладаг. Мөн би өөрийн сүнслэг буяны онооноосоо тэдний хөгжилд хандивлаж хуваалцдаг. Хэрэв мэдэлгүй шоргоолж зэргийг би гэмтээвэл мөн сүнслэг буяны оноогоо хуваалцдаг. Өдөр бүр аливаа нэг оршихуйтай оноогоо хуваалцдаг. Ингэж бид үргэлж бүх оршихуйдтай холбогддог юм. Улмаар бүх оршнолоор дамжуулж бид бурхад, дагинас, Дээд Хүчинд бүтээсэнд нь тусалдагт нь талархлаа илэрхийлдэг юм. Энэ бас л нэгэн төрлийн бясалгал. Үргэлж Бурханыг сана. Бүтээлүүдээр дамжуулж бид тэдний бүтээгчийг, тэднийг адислагчийг, бүтээгчүүдийг бүтээгчийг дурсан санадаг. Ингэж бүгдэд нь талархана. Өдөр бүр тэдэнд би талархдаг. Тэмдэглэлдээ бас би дандаа бичдэг. Өдөр бүр, би олон удаа талархдаг. Сүнслэг оноогоо бичихдээ эсвэл юу хийснээ, юу олж нээснээ зарим шинэ хурмастын холбоос гэх мэт, өшөө гүн түвшин нээсэн талаараа бичих тоолондоо боломж л олдвол би үргэлж талархаж бичдэг. Өдөр бүр би талархдаг. “Та нарын бүхий л тус дэмд эцэс төгсгөлгүй талархаж байна” гэж бичдэг. Хэдий би энэ дэлхий дээр ирсэн Багш ч гэлээ надад тусламж хэрэгтэй байдаг. Тиймээс би бүгдэд талархдаг. Надад хоол бэлдсэн хүнд ч гэсэн. Би будааны тарианд мөн талархдаг. Усанд талархдаг. Газар шороонд талархдаг. Өдөр бүр намайг чадлаараа хамгаалдаг Диваажингийн хамгаалагчид, тэнгэрийн элчүүдэд, миний амьдралд үзэгдэх болоод үл үзэгдэх байдлаар гарч ирж, надад ямар нэг аргаар тус болсон бүгдэд талархдаг. Бүр хаанд хүртэл тусламж хэрэгтэй байдаг. Ойлгож байна уу? Хаан хэдийгээр бүх улс үндэстнийг удирдаж байгаа ч түүнд ордныг нь хамгаалах цэрэг хэрэгтэй байдаг. Түүнд хоол ундыг нь бэлтгэх хүмүүс хэрэгтэй байдаг. Хувцас хунарыг нь бэлтгэх хэн нэгэн хэрэгтэй байдаг. Хүн болгонд л хэн нэгэн, ямар нэг зүйл хэрэгтэй байдаг. Тиймээс бид цаг үргэлж зүрх сэтгэлдээ талархлын сэтгэл агуулж байх ёстой. Үргэлж байнга талархаж бай. Бид талархах болгондоо Бурханыг санана, учир нь Бурхан тэднийг бүтээсэн шүү дээ.
