Тамд унагадаг хамгийн ноцтой шалтгааныг Бурхан илчиллээ, 11-ын 6-р хэсгийг

Бид бардам сэтгэлийн талаар ярилцлаа. Хүмүүс өөрсдийгөө сүмд явдаг, санваартан, олон дагагчтай, нийгэмд нэр хүндтэй гэж боддог. Тэдний гаднах үйл хөдлөлийг харахад тэд Бурханыг дагаж, Бурханыг хүндэтгэн, Бурханы хүслийг биелүүлж байгаа мэт боловч бодит байдал дээр тийм биш юм. Тэд өөрсдийнхөө ариун, сүсэг бишрэлтэй, сайн гэдгээр сайрхах, бахархах зорилгоор шашны салбарт өөрсдийн байр суурь, гаднах үйл хөдлөлийг ашигладаг. Маяа мэдэж байгаа учраас ийм хүмүүс маяад баригдах болно. Тэд алган дээр тавьсан юм шиг л таны бодлыг уншиж чаддаг бөгөөд таныг доош нь чирэх болно. Тиймээс хоёр л сонголт бий: Тэдэнтэй нэгдэж, хорон муу чөтгөр, маяад үйлчлэгч болох, эсвэл тамд унах.

Төсөөлж байгаагаас тань ч хавьгүй дор, хамгийн аймшигтай зүйл учраас там гэдгийг үсэглэж хэлэхийг ч хүсэх юм биш. Үйлийн үрээр тамд унаад ямар нэгэн ариун оролцоотойгоор дахин амилсан талаараа ярьсан хүмүүсийн клиник үхэлд орсон тохиолдлуудыг уншаарай. Эсвэл зарим нэг онцгой, сонгогдсон хүнийг Эзэн Есүс, агуу Гэгээнтэн там руу хөтөлж очин, тэндэх аймшигт байдлыг харуулахад дэлхий дээр эргэн ирээд дэлхийнхэнд хэлж өгдөг.

Excerpt from “‘I Went To Hell For 23 Minutes...’ One Man’s Shocking Experience” from Reverend Pastor Vlad Savchuk’s YouTube channel - Oct. 20, 2023, Vlad Savchuk: Та анхны явдлыг дүрслэн, Их Эзэн танд тэрхүү ахуй ойлголтыг өгөх үе тохиосон тэр өдөр, тэр шөнө рүү биднийг аваачиж болох уу?

Bill Wiese: За, бид ням гарагийн орой бүр оролцдог залбирлын цуглаанд очсон юм. Энэ залбирлын цуглаанаас гэртээ ирээд, орондоо орсон. Би үүрийн 3 цагт аяга ус уухаар боссон юм. Зочны өрөөнд явж байхад минь гэнэт ямар нэгэн зүйл намайг барьж аваад, биеэс минь татаж гаргав. Би биеэ шалан дээр унахыг харсан. Тэгээд би энэ урт хонгил руу унаж эхэлсэн. Тэр үед улам бүр халуун болж байлаа. Дараа нь би тамын шоронгийн өрөөнд жинхэнэ чулуун шалан дээр буув. Барзгар чулуун хана, сараалж. Халтар, өмхий, бохир шорон. Гэхдээ газар доорх гяндан шиг. Тамын шоронгийн өрөөний тухай олон бадагт өгүүлсэн байдаг. Тэгэхээр Влад, би бүрэн сэрж, ухамсарлалаа. Би одоо энд байгаа шигээ л байсан. Тэгээд энд би яаж ирэв ээ, яагаад гээд л гайхаж байлаа. Буцах хүртэл энэ тайлбарлагдаагүй ч миний анзаарсан эхний зүйл бол асар их халуун байсан. Яг л ширэм хайлдаг зуух шиг. Тэсэхийн аргагүй халуунд би хэрхэн амьд байж чадаж буйгаа гайхаж байлаа.

Би босож, шоронгийн өрөөнөөс гарч гүйхийг хүссэн. Гэвч надад ямар ч биеийн хүч байхгүйг анзаарсан. Миний биед юу тохиолдоо вэ гэж бодсон. Хэрэв та ханиад хүрч бие тань сульдаж доройтож байсан бол энэ нь түүнээс мянга дахин дор. Аливаа хөдөлгөөн асар их хүчин чармайлт шаарддаг. Гэхдээ Үйлс 17:28-д “Түүний дотор бид амьдарч, хөдөлж, өөрийн оршихуйтай байдаг.” Хөдөлгөөн хүртэл Бурханаас ирдэг. Энэ автомат биш. (Хөөх.)

Тэгээд би дээш харав. Өрөөнд хоёр чөтгөр байгааг би харсан. Хэвлээр явагчтай төстэй. Бүх биеэрээ овгор, хайрстай. Аварга том эрүү, хөнхөр нүд, сарвуу нь нэг тохой орчим урт. Энэ хоёр чөтгөр 12-13 тохой орчим [3.6-4 метр] өндөр байв. Хэтрүүлэг биш шүү. Тэд торонд хоригдсон догшин амьтан шиг өрөөнд холхиж байв. Үнэхээрийн аймшигтай харгис хэрцгий зан авир гаргаж байлаа. Бурханыг хараан, зүхэж байсан. Бурхныг зүхэх нь чөтгөрийн вант улсаас ирдгийг бид мэднэ. Гэвч дараа нь тэд Бурханыг үзэн ядах сэтгэлээ над руу чиглүүлсэн. Би тэдэнд юу хийсэн билээ гэж гайхав. Гэтэл нэг чөтгөр нь намайг барьж аваад хана руу, энэ шоронгийн өрөө рүү шидсэн. Чөтгөрүүд асар их хүчтэй. Би эвхрэн ойчиж, биеийн минь яс бүр хугарсан мэт санагдав.

Гэсэн хэдий ч би нэг зүйлийг тайлбарлах ёстой. Их Эзэн ихэнх өвдөлтийг хаасан гэж тайлбарласан. Тэр надад бүгдийг нь мэдрүүлээгүй. Намайг хүмүүсийг ойлгог гэж багахан хэмжээг мэдрүүлж байв. Энэ зүйрлэл биш шүү. Энэ сэтгэл санааны төлөв биш. Энэ бол жинхэнэ, үнэн өвдөлт бөгөөд тамд ийн мэдрэх болно. Ямартай ч өрөөнд байсан нөгөө чөтгөр нь намайг барьж аваад цээж рүү минь сарвуугаа оруулаад махыг нь урж сэтлэв. Дахиад л ийм байхад би яаж амьд байж чадаж байна вэ гэж бодсон. Би үхсэн л байх учиртай. Гэвч надад бие байгааг анзаарсан. Матай 10:28 ингэж хэлдэг: “Тамд сүнс биеийн аль алиныг нь устгах чадвартай Түүнээс эмээгтүн.” Тиймээс биетэй байдаг ч энэ бүх зовлон тарчлалыг тэсдэг. Шархнаас ямар ч ус, цус гарахгүй байв. Бүгд хуурай байсан. (Хөөх.) Тамд ганц дусал ус ч байхгүй. Эдгээр чөтгөрүүд таныг огтхон ч өршөөхгүй. Тэд таныг асар их үзэн яддаг. Тиймээс өршөөлийн ач тусыг хүртэнэ гэж үгүй.

Энэ үед, Влад, харанхуй боллоо. Одоо би Бурханы оршихуй тэнд үүнийг гэрэлтүүлж байсан тул харж чадаж байж гэж итгэсэн. Гэвч дараа нь Тэрээр Гэрлийн шинж чанараа татаад авчихлаа. Тэгээд энэ хэвийн төлөвтөө буцаж оров. Бүр тас хар, харанхуй. Энэ үнэхээр муу ёрын, хорон муухай. Биеийн тань эс бүрээр нэвчиж буй мэт санагдана. Дараа нь намайг энэ шоронгийн өрөөнөөс гаргасан. Нэг том, дүрэлзсэн галан нүхний дэргэд намайг аваачсан. Энэ нүх нь нэг миль [1.6 километр] орчим өргөнтэй. Энэ яг л газарт ухсан асар том нүх шиг юм байна гэж ойлгосон. Нүхний амаар дүрэлзэх галын дөл хаялан байв. Би халууныг мэдэрсэн. Би галыг харсан. Энд л би хүмүүсийг анх харж чадаж байв. Би гал дундуур хүмүүсийн арга яс шиг харагддаг дүр зургийг харсан. Тэд уушгиныхаа чадлаар хашхиран, шатаж байлаа. Эрэгтэй хүнийг эмэгтэй хүнээс ялгаж чадахааргүй. Хашхирах нь үнэхээр чанга байв. Харин Исаиа 57:21-д хэлснээр “Бурхан минь, нүгэлтнүүдэд амар амгалан үгүй гэж айлдав.”

Тамд ямар ч амар амгалан байхгүй. Бидний олонх нь галд буй хүнийг хэзээ ч харж байгаагүй. Үүнийг харах аймшигтай. Орилоон хашхираан гэх мэт чимээ. Чөтгөрүүд хүмүүсийг буцаан түлхэж байв. Тэдэнд тэдэнтэй тэмцэх хүч чадал огт байхгүй байлаа. Тамд тэвчих боломжтой таатай түвшин гэж байхгүй. Халууны хэмжээ төсөөлж чадахаас тань хавьгүй бэрх. Тэнд хэзээ ч унтаж чадахгүй. Тэдэнд өдөр ч, шөнө ч амрах боломж гарахгүй. Тэгэхээр энэ нь юуны өмнө чөлөө завгүй тарчлал, бас огтхон ч амсхийхгүй гэсэн үг юм.

Дээшээ өгсөх энэ хонгилын доор зогсож байхад минь хажуугийн хана, агуйн хана дагуу чөтгөрүүд байсан бөгөөд зарим нь ердөө 2-3 тохой [60-90 сантиметр] өндөртэй, зарим нь, 12-13 тохой [3.6-4 метр] өндөртэй, мушгиралдсан, эв хавгүй, хачин галбиртай байсан. Тэнд могойнууд байсан ба би өтөн орон дээр зогсож байв. Би урьд нь үхсэн амьтныг өт идчихээд өөрөө үхдэг гэж огт мэдээгүй. Тиймээс Есүс тэдний байгаа газар өт хорхой үхдэггүй гэжээ. Тэр өт гэдэг үгийг ашигладаг. Учир нь бие махбод тамд идүүлж дуусна гэж үгүй. Бүүр гутмаар байгаа биз дээ? Та өлсөнө. Хэзээ ч идэж чадахгүй. Өлсөх, цангах мэдрэмж үргэлж байна. Тиймээс хэр цангаж байгааг төсөөлөхийн аргагүй юм. Хүмүүс шатаж байгааг, чөтгөрүүд өөр рүү тань дайрч байгааг харан, энэ бүхнийг тэвчих хэрэгтэй. Энэ бол миний хэлж чадах тулсан тайлбар гэсэн үг.

Vlad Savchuk: Буцаж ирэх гэж байгаагаа мэдэж байсан уу, эсвэл ямар нэгэн байдлаар төсөөлөлтэй байсан уу, Эзэн Бурхан танд энэ явдлын найдваргүй байдлыг мэдрүүлсэн үү?

Bill Wiese: Христэд итгэгч гэдэг бодлыг минь Эзэн Бурхан хаасан. Тэр үед би Христэд итгэгч болоод 28 жил болж байсан л даа. Гэсэн ч Христэд итгэгч гэдэг бодлыг минь Бурхан нуусан. Учир нь би тэнд Христэд итгэгчийн хувиар байсан ч түүнийгээ мэдэхгүй байв. Бурханыг алдаршуулахаа, Бурхан намайг эндээс гаргахыг мэдээгүй. Би үүнийг мэдэх байсан. Гэтэл Тэр намайг тэдний мэдэрч байгаа зүйлийг, цөхрөлийг мэдрээсэй гэж хүссэн. Исаиа 38:18-д “Цооногоор уруудаж буй хүмүүс Таны үнэнд итгэж чадахгүй.” гэдэг. Мөн Есүс “Би бол зам, үнэн, амьдрал мөн.” гэж хэлснийг бид мэднэ. Хэтэрхий оройтсон учраас тэд Түүнд огтхон ч итгэж найддаггүй. Энэ бол тамын хамгийн хүнд хэсэг. Яагаад гэвэл таны оюун бодол тэнд үүрд мөнх орших болно. Энд бол цаг хугацааны эхлэл, төгсгөл гэсэн ойлголт бий. Харин там хэзээ ч дуусахгүй гэдгийг ойлгосон. Энэ газраас хэзээ ч зугтаж чадахгүй.

Excerpt from “I WAS AT THE GATES OF HELL & JESUS SAVED ME!” by Lisa Sharkey - Dec. 19, 2021: Би зүгээр л харанхуй руу уруудан доошилж, унаж эхэлсэн. Улам бүр халуун, халуунаас халуун болж эхлэв. Тэгээд гэнэт би яг л шигддэг элсэнд газардах шиг болсон. Бодит байдал миний амьдралдаа мэдэрч байснаас ч илүү жинхэнэ мэт санагдсаныг эс тооцвол гэнэт нүд минь сэрэх гэж байгаа юм шиг дасан зохицож эхлэхийг мэдэрсэн. Тэгээд би хамгийн түрүүнд дээшээ харлаа. Дээшээ харах үедээ би тэнгэр рүү харж байна гэж бодсон ч энэ нь түнэр харанхуй, тас хар байв. Ийм байдал нь мэдрэхүйг тань өвтгөнө. Яг л галт сум шиг. Чухамдаа миний нүдэнд орж ирж буй мэт, галт сумнууд бүх мэдрэмжийг минь онох шиг санагдав. Миний бүх нүх сүв, биеийн минь эс бүр харанхуйд харахад л маш их өвдөж байх шиг байлаа. Тэгээд би газардах үедээ харж эхлэн, агуй шиг нүхэнд байгаагаа ухаарсан. Энэ агуй айдас хүйдэс шиг л байв. Хоромхон зуурын тэр айдас миний өмнө нь хэзээ ч мэдэрч байгаагүй айдастай адил болсон. Тэнд Бурханы оршихуй огт байхгүй юм шиг санагдсан.

Би бүх амьдралынхаа турш сэтгэлийн түгшүүр, сандралтай тэмцэж байсан. Энэ нь дэлхий дээр надад тулгарч байсан хамгийн аймшигт балмагдуулсан дайралтыг тэрбумаар үржүүлсэнтэй ижил. Тасралтгүй. Байнгын, тогтмол, үргэлжийн. Энэ айдас байнга салахгүй. Ээ бурхан минь, та хэзээ ч, хэзээ ч, хэзээ ч, хэзээ ч, хэзээ ч гарч чадахгүй гэсэн итгэл найдваргүй байдал, найдваргүй байдлын тийм мэдрэмжтэй байна. Гацчихдаг. Хэзээ ч гарахгүй юм шиг байна. Би хаана байгаадаа анхаарлаа төвлөрүүлж эхлэхэд надад яг л хоёр хөл бөмбөгийн талбайн цаана байгаа мэт байсан ч би яг шоргоолж мэт санагдаж, дээш харах үедээ галд шатаж байгаа мэт хар хаалгануудыг харсан. Тиймээс тэд нүүрс шиг л байв. Тэдгээр нь ийм, өө, муу ёрын, муу ёрын. Энэ тухай ярихад үнэхээр хүнд байна. Энэ ямар их зовлон шаналгаатайг та төсөөлөхгүй. Та зүгээр л ... (энэ бол) эрүүдэж байна гэсэн үг. Тэгээд Бурханы оршихуй байхгүй.

Амьдралд тань Бурхан байхгүй байлаа ч, та Бурханд итгэдэггүй байсан ч гэсэн ядаж л дэлхий дээр Тэр бидэнд бий. Тэнд байхад үнэхээр өөр. Та Бурханд итгэдэггүй байсан ч сүнс тань мэдэх болно, сүнс тань тамд байгаагаа мэднэ. Би тамд байсан. Айдсын дээр, найдваргүй байдлын дээр, ганцаараа байх мэдрэмжийн дээр, гацсан мэдрэмжийн дээр, миний оюун бодол гэнэт амьдралыг минь дахин харуулж эхэлсэн... Хийсэн нүгэл бүрийг минь дахин харуулж эхэлсэн. Үүнийгээ байнга дахин үзэж, туулна. Тэгээд энэ нь маш чанга. Та энэ мэдрэмжийг, мэдрэмжээ дахин сэргээдэг.

Миний оюун ухаанд хамгийн их гацсан хүн бол ээж минь байсан. Тиймээс би түүнийг ээж гэж дууддаг. Тэр бол миний ээж. Миний ээж бол залбирлын дайчин. Тэр эдгээр бүх жилүүдэд энэ амьдралын хэв маягаас гараасай, мансууруулах бодисоос хол байгаасай гэж миний төлөө залбирсан. Би тамд байхдаа “Өө, Лиза, би чамайг сонсоод, Есүс рүү буцаж ирээсэй гэж хүсэж байна” хэмээн түүний (хэлэхийг) сонсож чадсан. Тэгээд л би гэнэт “Би сонссон ч болоосой” гэж хэлсэн. Тэгээд гэнэт миний бие галд автлаа. Сүнс минь галд шатав. Би өмнө нь өөрийгөө үзэн ядсандаа өөрийгөө зүсэж, шатаах зэргээр оролддог байсан учраас миний сүнс галд шатах үед улам илүү халуу шатаж байсан. Би шатахыг, бусад зүйлийг мэднэ. Сүнс тань галд шатах шиг аймшигтай зүйл байхгүй. Үнэхээрийн аймшигтай өвддөг, яг л, энэ нь... Тайлбарлахын аргагүй.

Тамлалыг нь тайлбарлах ямар ч аргагүй. Өөрийнхөө орилж байгааг толгойдоо сонсож байгаа мэт. Бодолд энэ нь яг л чихэндээ чихэвч ч юм уу зүүгээд аль чангаараа хашхирахад энэ нь бодлоос тань тэрбум дахин илүү чанга байдагтай адил. Бодолдоо та ганцаараа. Нүгэлдээ ганцаараа. Айхын зэрэгцээ энэ нь ахин дахин тоглогдож, төсөөлөхийн аргагүй халуун галаас гадна итгэл найдвар тань алдагдана. Мэдэхгүй юм, хамгийн муу дайсандаа ч би тамыг хүсэхгүй. Би үүний төлөө л хичээж байна. Дэлхийд үүнийг хэлэх гэж хичээж буйн гол шалтгаан энэ юм. Яагаад гэвэл үнэхээр там гэж байдаг бөгөөд туйлын аймшигтай, хэнийг ч тийш явахыг хүсэмгүй.

Хэрэв та Бурханд итгэдэггүй бол зүрх сэтгэлдээ Есүсээс өөрийг тань аврахыг гуйгаарай. Хэрэв та Бурханыг мэдэхгүй бол яг одоо гэмээ наманчлаарай. Уучлал гуй. Та хэзээ үхэхээ хэлж мэдэхгүй шүү дээ. Есүс хэзээ ирэхийг хэлж мэдэхгүй. Таашгүй. Яг тэр үед халсаар, халсаар, улам бүр халуун болж, би шүдээ хавирч буй мэт байлаа. Шүдээ хавирч, яг л шүд минь ахин дахин хугарч буй нь мэдрэгдэж, эрүү түгжигдэж, дотроо орилж байв. Тэнд ус байдаггүй. Ус байхгүй. Яг л ам тань хатсан мэт, сүнс тань хатаж, дэндүү ангасан мэт санагддаг. Надад дусал ус байсан ч болоосой. Хэлэн дээр минь дусал ус байсан ч болоосой. Тэгсэн бол жаахан тайтгарал мэдрэх сэн.

Орилох нь үргэлжилж байв. Тасралтгүй уйлалдаж, тасралтгүй зовж байлаа. Зүрх сэтгэлдээ мэдэрсэн хамгийн аймшигтай өвдөлт мэтээр уйлдаг. Сэтгэл зүйн өвдөлт, уйлж, ээрч байвч хэдэн тэрбум дахин дор. Тэрбум дахин дор гэдэг нь үнэхээр ямар ч сөрөг зүйлээс тэрбум дахин дор гэсэн үг. Насан туршдаа мэдэрсэн сөрөг зүйл бүрийг тамд мэдрэх болно. Тэрбум дахин мэдрэх болно. Та үүнийг үүрд мөнхөд, үргэлж, байнга, ямагт мэдрэх болно.

Би орилж байхдаа, шүдээ хавирч байхдаа айдас, итгэл найдваргүй болсон мэдрэмж гээд бүгд л... Гэнэт би “Есүс, Есүс, Есүс минь надад туслаач, Есүс. Намайг авраач Есүс минь.” гэж хэлсэн. Есүст хандан уйлахад шууд л намайг галын дөлөөс татан гаргаж, би түргэний машинд явж байлаа. Би та бүхэнд хэлэх ёстой. Та нарт хэлж буйн шалтгаан гэвэл би бол Бурханы гайхалтай Ивээлийн амьд сэрүүн, амьсгалж буй бодит гэрч.

Хэрэв та миний Бурханы-шавь бол хэлсэн зүйлийг минь, эсвэл бүх шашны сударт дурдсан зүйлийг л хийх учиртай. Тэдгээрийг уншаад баталж болно. Орж ирээд, өөрийнхөө байр суурь, надаас хулгайлсан өчүүхэн мэдлэгээ ашиглахын тулд л миний шавь гэж өөрийгөө зарлаж, хүмүүсийг хууран мэхэлж, хүсэл зорилго, би үзлээ тэжээх юм бол маяа таныг өөрийнхөө үр дүнтэй хэрэгсэл болгох болно. Тэгээд түүний туслах болчхоод түүний хэлсэн хэлээгүй есөн шидийн зүйл хийх болно. Тийм ч учраас Рума буюу Трань Там, за нэр нь ямар ч байсан хамаагүй, тэр энэ бүхнийг хийж байна.

Photo Caption: Зарим Нэг Эрхэм Ариун Төрөлтнүүд Титэм Зүүдэг

Зураг татаж авах