Дэлгэрэнгүй
Татаж авах Docx
Дэлгэрэнгүй уншаарай
Тэгээд одоо энэ эрхэм Хүэ Бюу. Тэр бас өөрийгөө миний шавь гэж мэдүүлдэг. Миний шавь гэж зүтгэдэг. Эхэндээ намайг магтсан гэх мэт сайхан бичвэрүүдийг нь би харж байсан ч сүүлдээ тэр яагаад ч юм надтай нягт холбоотой байхыг оролдсоныг олж мэдсэн. Гэвч тэр Буддын шашны судрыг өөрчлөх гэх мэт маш шударга бус, эргэж буцсан арга хэрэглэсэн.Жишээ нь: “Аватамсака судар” буюу “Цэцгийн чимэг судар” гэж бас нэрлэгддэг судрын 39-р бүлэгт тэрээр намайг Өөрийгөө зориулсны ачаар гайхалтай хүч чадал эзэмшсэн агуу эмэгтэй “Сума” гэж тодорхойлсон. Надад Бурханаас заяасан эдгээр гайхалтай хүч бас бий. Намайг дэмжиж, маш их буян хайрласан Бурханд талархъя, бүх Их Багш нарт талархъя. Энэ хэсэгчлэн адилхан мэт санагдаж байж болно. Багахан хэсэг нь адилхан гэж бодож магадгүй.Гэхдээ энэ эмэгтэйг “Цэцгийн чимэг судар”-т Сума гэж нэрлээгүй. Түүнийг Васумитра гэдэг. Харин тэр үүнийг “Васуматра” болгож өөрчилсөн. Магадгүй тэр үүнийг Тран Тамаас сурч, нэрийн дунд хэсгийг аваад, тэрхүү агуу Бодисадваг “Сума” гэж нэрлэн, надтай, Сума Чин Хайтай холбосон байх. Ер нь бол тэр сударт Васумитраг а-тай биш, и-тэй В-А-С-У-М-И-Т-Р-А гэж бичсэн байдаг. Иймд Васумитра шүү, Васуматра биш. Харин тэр өөрчилсөн. Агуу Бодисадвагийн нэрийг надтай холбохын тулд тэр өөрчилсөн.
“Аватамсака судар”-ын санскрит хэл дээрх хувилбар, 39-р бүлэг, 28-р хэсэг. Энэ хэсэгт дараах нэрийг дахин дахин эш татсан бөгөөд гарчиг нь: वसुमित्रा буюу ром цагаан толгойн үсгээр галиглавал Васумитра юм. Эджертоны Буддын шашны холимог санскрит толь бичигт Васумитра нь бхагавати (эмэгтэй сахиус)-н нэр билээ. Гэтэл харин “Аватамсака судар”-ын санскрит бичвэр дэх “и”-гийн оронд “а” үсгээр бичсэн “Васуматра” гэдэг үг хаана ч байдаггүй. Эджертоны санскрит хэлний толь бичигт ч байхгүй.“Сума Чин Хай “Аватамсака судар” дахь эмэгтэй Их Багш мөн үү?”-гээс эшлэв : “Ба Ту Мат Да” гэдэг нэр бол санскрит хэлний “Васуматра” нэрийн орчуулга юм. (Сайн хүмүүсийг хуурахын тулд зохиосон худал нэр. Жинхэнэ нэр нь ВасуМИтра) Эхэнд нь байгаа “Ва” нь үгийн толгой буюу угтвар. Дунд хэсэг дэх “Сума” нь үгийн бие буюу үндсэн хэсэг. (Жич: Худал нэр. Жинхэнэ нэр нь ВасуМИтра) Төгсгөлийнх нь “Тра” нь үгийн дагавар буюу сүүл юм. “Васуматра” гэдэг үгийг санскрит хэлнээс орчуулбал вьетнамаар “Ба Ту Мат Да” болно. “Васуматра” нэрээс санаа аван, Татагата (Будда) Сума хэмээх нэрийг нууцлагаар зөгнөсөн байдаг ба “Васуматра” нэрээс “Сума” хэмээх хэсгийг нь авчээ.Болгоомжлогтун: Хүээ Бюугийн хэлж байгаа нь “Аватамсака судар”-ын санскрит эхтэй ОГТ таарахгүй.
Тэгээд тэр түүхийг бүрмөсөн өөрчилсөн. Тэр бүлэгт сүнслэг бясалгагчийн тухай өгүүлсэн байдаг. Түүний нэрийг аулак (вьетнам)-аар Тиень Таи дон тү гэдэг. Хятадаар善财童子 (Шаньцаи Тунзы) гэдэг. Сударт түүний нэрийг Судхана гэсэн байгаа. Тэгэхээр энэ бүхэн Хүэ Бюутай огт хамаагүй. Гэтэл Судхана буюу Шаньцаи Тунзы нэрийн дээр Судхана буюу Шаньцаи Тунзы – тэрхүү сүнслэг эрэгтэй бясалгагч – Майдар Бурханы дүртэй гэж тэр, Хүэ Бюу хэлсэн.Эх сударт “Шаньцаи Тунзы бол Майдар Бурхан” гэсэн зүйл огт байхгүй. Байхгүй шүү. Тэр эмэгтэй Бодисадвагийн нэрийг сольж, Шаньцаи Тунзыгийн түүхийг өөрчилсөн. Тэр яагаад ингэж өөрчилж, Майдар Бурханыг нэмсэн бэ гэхээр Ау Лак (Вьетнам)-д тэр өөрийгөө Дон Тү гэж дууддаг байсантай холбоотой болов уу. Дон Тү нь аулак (вьетнам)-аар бас “дамжуулагч”, янз бүрийн төрлийн дамжуулагч гэсэн утгатай. Као Даи-измд бид үүнийг “дамжуулагч” гэж нэрлэдэг.Тэр бас дамжуулагч тул өөрийнхөө байр суурь, нэрийг Тиень Таи Дон Тү буюу Шаньцаи Тунзы нэр цолонд хавчуулахыг хүссэн. Энэ түүнтэй огт хамаагүй. Цор ганц Тиень Таи Дон Тү бий. Өөрөөр хэлбэл цорын ганц Судхана гэсэн нэр бий. Харин тэр “дамжуулагч” биш, түүний нэр биш. Яагаад гэвэл Шаньцаи Тунзы бол цорын ганц ийм нэртэй хүн юм... Түүний хэрхэн тэнд очсон нь урт түүх боловч Тэр бол Арьяабал Бодисадвагийн бараа бологч.Арьяабал Бодисадва хоёр бараа бологчтой байсан. Нэг нь нэг талд нь байдаг Лон Ню нэртэй бяцхан охин. Тэр ихэнхдээ Арьяабал Бодисадвагийн баруун талд байдаг. Харин хүү, Шаньцаи Тунзы буюу Судхана Түүний зүүн талд байдаг. Тэр хоёр Хоёулаа Арьяабал Бодисадвагийн бараа бологч. Харин одоогийн энэ хүн Дон Тү гэсэн нэртэй ч Шаньцаи Тунзытай ямар ч хамаагүй. Ойлгомжтой болгосон гэж найдъя. Би та нарт ингэж бага зэрэг тайлбарлах хэрэгтэй байна. Гэхдээ хэрэв та бүхэн Арьяабал Бодисадвагийн бараа бологч Шаньцаи Тунзыгийн тухай мэдэхийг хүсвэл Буддын судар, Буддын шашны түүхийг ярих өөр цаг бидэнд хэрэгтэй.Энэ Хүэ Бюу гэдэг хүн өөрийгөө зориуд Майдар Бурхан гэж дуудуулахыг хүсэж байна. Үнэндээ түүний хаа нэгтээ хийсэн яриа мэт нь тиймэрхүү л юм байгаа. Би түүнийг мэддэг болоод хэдхэн долоо хонож байна. Өөрийгөө Майдар юм уу юу гэж дууддагийг нь мэдсэнгүй. Би хэдхэн долоо хоногийн өмнө чөтгөр Трань Тамыг мэдэж авсантай бараг зэрэгцэн түүний бичсэнээс хэдийг нь интернэтээс олж харсан юм. Гэнэт хоёулаа ямар нэгэн байдлаар нийлсэн шүү. Тэгээд би түүнийг миний тухай магтаал бичсэн гэж бодсон ч тэр намайг Буддагийн өөр нэг нэр, Билиг Ухааны Бодисадва – Манзушир хэмээх нэрээр нэрлэсэн. Тэгэхээр Манзушир бол нярай хүүхдийн биед анх орж ирсэн нь гэдгийг, дараа нь би үүнийг өөрийн бие болгон, Бурханыг дээдлэн шүтэж, Бурханы номлолд зориулах сүм болгон ашигласан гэж аль хэдийн та нарт хэлсэн дээ. Та бүхэнд би саяхны Яаралтай мэдээгээр хэлсэн болохоор энэ талаар дахиж яримааргүй байна. Яривал хэтэрхий урт, хэтэрхий олон зүйл бий.Надад илүү хугацаа байсан ч болоосой, жилийн 365-аас илүү олон өдөр байсан ч болоосой. Та нар төсөөлөх ч үгүй, ихэвчлэн би цагтаа хооллож чаддаггүй, унтаж чаддаггүй, тэгээд их бясалгах ёстой. Дэлхийг харж хандахын тулд илүүхэн бясалгаж чадах ч болоосой. Гэвч Суприм Мастер ТВ бас нэг хэсэг нь учраас орхигдуулж болохгүй. Олон удаа маш олон ажил нэгэн зэрэг ирж байсан бөгөөд, тэр үед нойроо мартах ёстой болно. Олон өдөр, олон шөнө унтаж чадаагүй. Болохгүй, унтах цаг байдаггүй. Гүнждийн үрийг будаатай болгоод ч идэж амждаггүй. Ямар ч цаг гардаггүй. Жаахан юм аваад л, магадгүй зүсэм талх, бор талх аваад, өөртөө байгаа зүйлтэйгээ хамт идэх юм уу дангаар нь иднэ, эсвэл веган масло ч юм уу түрхдэг. Болдог л юм. Би амьд байна. Саяхан дэндүү их үйлийн үрээс болоод үнэхээр их ядарч байгаа ч боломж гарах бүрд амарч байгаа. За яагаад энэ тухайн ингэж их ярьсан билээ?Одоо шууд Хүэ Бюу руу орцгооё. Түүний тухай бодох, зохицуулах, ер нь юу ч хийх цаг зав надад тийм ч их байсангүй. Гэхдээ би түүнийг ичээж зовоохгүй гэсэндээ нэрийг нь дурдалгүйгээр түүний тухай ярьсан юм. Хүмүүс түүнийг таньчхаасай, түүнийг таньдаг зарим хүн очоод юм асууж, өдөөсэй гэж би хүсээгүй. Энэ надад таалагдаагүй. Учир нь би түүний тухай энэ бүх мэдээллийг хэдхэн хоногийн өмнө авсан болохоор л түүнийг шалгаж амжсангүй.Тэгээд Као Даи-измийн Гэгээнтнүүд “тэр бол сувдаг сүнс” гэж надад хэлсэн. Чөтгөр биш, сүнс. Тэгэхээр үүнтэй төстэй, арай бага хүчтэй. Сувдаг сүнснүүдийн Эрхэмсэг Дээд Хааны үгийг сонсдоггүй, миний тэдэнд зориулан бүтээсэн Диваажинд очоогүй сувдаг сүнс. Дэлхий дээр цөөхөн үлдсэний ихэнх нь хүний дүрээр, хүний биед нуугдаж байгаа. Тэд явахыг хүсдэггүй. Зүгээр л үлдэж, балаг тарих юм уу биет хоол хүнс, аливаа биет зүйлээс таашаал авах дуртай. Тиймээс “тэр (амьтны) мах идэж, дарс уудаг.” Өдөр бүр биш ч “тэр хүссэн үедээ тэгдэг.” гэж надад хэлсэн.Би энэ хүнийг өмнө нь мэддэггүй байсан. Мэдээж надад дэндүү олон шавь бий. Зарим нь тэр чигтээ хуурамч! Хүний дүрд нуугдсан энэ сувдаг сүнс бол жинхэнэ шавь биш. Тэр зүгээр л дорд төлөвлөгөөтэйгөөр сэмхэн шургалж. Тэр нь одоо дэндүү ойлгомжтой боллоо! Өө, хайрт Бурхан минь, хэрэв энэ зохисгүй зүйл ухаан санааг үймүүлдэггүй бол дээр болох сон! Дэндүү их цаг үрж байна. Учир нь бид өнөө цагт хаа сайгүй маш их аюул дунд байна: Дэлхийн хүмүүс болон хамаг төрөлтнийг хохироож, хөнөөж байна. Бид амьд гарахын тулд хурдан шийдэл олох хэрэгтэй! Энэ этгээд адгийн муу, тэнэг галзуу юм шиг ярьж, аяглахаас өөр хийх юм алга!Би тэднийг (шавь нараа) сүнсээр нь л илүү тодорхой сайн мэддэг. Майдар Бурханы нэрийг зээлдэж, судрыг өөрчилсөн гэх мэт зүйл гарч ирэхгүй л бол өдөр бүр нэг нэгээр нь бие махбодоор нь шалгаад байх цаг зав надад байдаггүй. Энэ бол түүний хийсэн маш том нүгэл. Өөрт нь ямар ч хамаагүй байхад тэр өөрийгөө Арьяабал Бодисадвагийн бараа бологч Судхана ч хэмээн бас нэрлэгддэг Шаньцаи Тунзы гэж тунхагласан. Тэрээр өмнөх олон төрлөө харсан гэж өчдөг.Као Даи-измийн Гэгээнтнүүд надад “Энэ бол худлаа.” гэж хэлсэн. Тэгээд Тэд энэ талаар “Као Даи-изм Хүэ Бюуг буруушаагаад удаж байна. Тэр боломж олдохыг удаан хүлээсний эцэст гарч ирээд өөрийгөө Будда гэж худал мэдүүлсэн. Энэ бол түүний хийсэн маш том нүгэл.” гэдгийг дэлхий дахинд хэлж өгөхийг надаас хүссэн юм. Ямартай ч тэр юу хийж чадах вэ? Амьдралынхаа туршид тэр юу ч хийгээгүй. “Као Даин дагагчдыг мөлжиж амьдарч байна! Дараа нь Буддын шашинд орж, тэгээд Нийгэмлэгт сэм шургалж... Энэ Зам мөрийг болон энэ бүхнийг олох гэж мэрийсэн гэж тэр өчжээ. Үгүй, тэр зүгээр л ашиг хонжоо хайж, алдар нэр, эд баялаг, тав тухыг олохын тулд Као Даи-измийн сүмд очсон. Мөн тэр яг ийм шалтгаанаар Таны авшиг хүртээх бүлэгт сэмхэн орсон.”Photo Caption: Бид Учирч Байсан Билүү? Тийм ээ, Хаа сайгүй, Хурдны Замын Хажууд ч, Харин Та л Огт Анзаардаггүй! Эгэл Даруухан Зүлэг шүү дээ!
