Жинхэнэ Их Багш, лам, номлогч нарыг танихуй, 10-ын 6-р хэсэг

Бид Суприм Мастер Телевизийг гаргаснаараа хуучин цагийнх шиг зөвхөн хэсэг шавь нартайгаа л холбогдох бус, бүхэл дэлхийтэй холбогдож чадаж байна. Учир нь хүмүүс санаандгүй ч гэлээ миний дуу хоолойг сонсвол бас тусыг хүртэх юм. Хэрэв тэд санаандгүй миний царайг харвал бас тустай. Бүгдэд тань би үүнийг амлаж байна. Хэр хэмжээгээр туслах нь гагцхүү тэдний үйлийн үрээс, өр төлөөснөөс хамаарна.

Энэ гараг дээрх хэн ч тамд бүү унаасай гэж би хүсдэг. Даанч унасаар байна. Зарим нь уналаа ч гэсэн хэсэг зуур байх бөгөөд удахгүй чөлөөлөгдөн, дахин хүн болж төрнө гэдгийг би мэднэ. Гэхдээ энэ гараг үгүй болбол тэд хаана төрөх болж байна вэ? Хэрэв шалгуурыг нь хангаж, гараг дээр төрөх хангалттай буянтай байвал өөр гараг дээр төрж болох л юм.

Энэ дэлхий бол маш уриалагхан гараг. Сүнс бүр энд ирэхэд илүү амар хялбар бөгөөд Их Багш нар болон олон олон Гэгээнтэн Мэргэд, Будда, Бодисадва, Гүрү, Лам, Мулла, Имамуудын сургаалууд үлдсэн байдаг. Өөр өөр шашны бүх төрлийн Их Багш нар сүсэгтэн олон уншин, цаад утгыг нь эрэлхийлж, “утга үгүй утгыг нь” олог хэмээн энэ бүхнийг үлдээж өгсөн байдаг юм. Үл үзэгдэх төрлийн судар, байхгүй төрлийн Библи, эсвэл ариун номууд бол ихэнх хүмүүсийн олж авч чаддаггүй зүйл. Эдгээр нь бичигдээгүй, бичих боломжгүй, (гаднах байдлаар) сонсогдохгүй, тайлбарлах боломжгүй зүйл. Тайлбарлаж болох л доо. Гэхдээ тэрхүү тайлбарыг гэгээрэл рүү, гэтлэл рүү хөрвүүлж чадахгүй. Энэ л гол асуудал нь юм. Тиймээс Будда “Судраас гадуур судар, Номоос гадуур ном бол жинхэнэ Ном юм.” гэсэн байдаг.

Энэ л та бүхний, миний шавь гэгдэх хүмүүсийн олж авсан зүйл юм. Арга үгүй Арга; гэрэлгүй дотоодын Диваажингийн Гэрэл; аялгуугүй (дотоодын Диваажингийн) Аялгуу ямар ч зэмсэггүй Ая юм. Энэ бол жинхэнэ Ном (Жинхэнэ Сургаал)-ын мөн чанар бөгөөд номгүй, яриа үгүй, том айлдвар тайлалгүй, чамин хүнд үгс үгүй, юу ч үгүй, үгсийн хэрэггүй байдаг. Учир нь энэ дотоодод тань бий. Дотоодод тань Будда Чанар оршин буй. Таны дотоодод Бурхан байгаа. Хийх ёстой зүйл маань гагцхүү үүнийг тань л сэрээж, хаана байгааг нь үзүүлэх явдал бөгөөд тэгж байж та зам мөрдөө орох юм. Яг л алгаа таших мэт тун энгийн. Дэлхий энийг ойлгоход яагаад ийм хэцүү байна вэ? Тэд яагаад яаравчлан очиж хүртэхгүй байна?! Энэ бол хэнд ч тохиолдож болох хамгийн сайхан зүйл.

Сугалаанд хожсон байлаа ч, тэрбум гаруй доллар хожлоо ч - юу ч биш! Асар их үнэт эрдэнийн чулуун өвлөн авлаа ч - юу ч биш! Үүнтэй харьцуулахад олон тэрбум доллар юу ч биш. Ихээхэн хэмжээний үнэт эрдэнийн чулууг ч харьцуулшгүй. Зөвхөн шавь нар та нар л үүнийг мэднэ. Мэдэж байгаад баяртай байна. Та нарт маш сайн. Гэвч ийм азтай биш, ийм нээлттэй байх боломжгүй, хий хуурмаг ертөнцийн урхи занганаас гарч чадахгүй байгаа бусдыг хараад би үнэхээр өрөвдөж, гунигладаг. Хий хуурмаг энэ ертөнц шашин шүтлэгийг ашиглаж, лам, гэлэнмаа, номлогч гэх мэт төлөөлөгчдийг ашиглан амьдралыг тань бүр ч зовлонтой болгон, тамд улам ойртуулдаг. Уучлаарай, тийм л байдаг.

Тэд яагаад ойлгодоггүй билээ? Ахиад хэчнээн, Будда Чанар дотоодод тань байдаг хэмээх энгийн зүйлийг үнэхээр ойлгуулахын тулд би өөр яах ёстой гэж? Будда та нарыг яг л өөр шиг нь Будда болно гэж хэлсэн. Бурхан дотоодод тань бий, Бурханы Орон дотоодод тань бий гэж Эзэн Есүс хэлсэн. Бурханы Орон! Төсөөлж байна уу? Зөвхөн эгэл ертөнц бүхэлдээ байдаг юм биш - Бурханы Орон дотоодод тань бий. Бурхан дотоодод тань бий. Та бол Бурханы сүм, Ариун Сүнс дотоодод тань оршдог. Тэд яагаад Үүнийг хайдаггүй юм бэ? Яагаад зүгээр л уншчихаад юу ч болоогүй мэт, тэдний хувьд огтхон ч чухал биш мэт мартдаг юм бэ? Тэд үнэхээр төөрөлдөж, хордсон байгааг хараад надад тэдний нөхцөл байдлыг бодож, тамд тэднийг юу хүлээж буйг бодон уйлахаас өөр хийж чадах зүйл алга.

Өдөр бүр би Суприм Мастер Телевизийн багийнхантай ажилладаг – олон багтай. Тэд надаар өөр өөр ажил хийлгэхээр руу илгээнэ. Бид хамтдаа ажилладаг юм, - юу л даа, алсаас, гэхдээ (нэгэнтэйгээ) хамтдаа. Өдөр бүр би олон нэвтрүүлэг дээр ажиллаж, мөн их ажил, бизнес хийдэг. Тэд бол тус бүрдээ нэг нэвтрүүлгийг зохицуулдаг. Нэг нэвтрүүлэг дээр тэд хэдэн өдөр зарцуулж мэднэ. Тэд нэг бүрчлэн над руу нэвтрүүлгээ илгээдэг. Өдөрт надад ердөө л арав ирвэл азтай, баяртай өдөр болно, гэтэл үгүй. Заримдаа бүр өдөрт хорь гардаг, эцэс төгсгөлгүй мэт. Би ядарч туйлдаж байлаа ч тэдгээр нэвтрүүлгүүдийг цагт нь гаргах ёстой учраас ажиллаж дуусгаад буцаагаад илгээдэг. Бид цагийн хуваарьтай учраас, “Өө за яах вэ, ирэх долоо хоногт хийчихье” гэж болохгүй. эсвэл маргааш ч юм уу! Маш олон байгаа учраас би цагт нь дуусгах ёстой.

Гэсэн ч бидэнд энэ Суприм Мастер Телевиз хэрэгтэй. Яагаад ч юм энэ нь хүмүүст тустай. Тус болдог, дэлхий илүү сайн ойлгож буй мэт байдаг. Маш олон шийдлүүд бий болсон. Олон зүйл дээр дэвшилт гарч байна. Тиймээс үнэхээр удахгүй бид хүссэн зүйлдээ хүрнэ гэж, -Дэлхий Веган болж, нигүүлсэнгүй хүмүүс бүхий л улс орнуудыг хаад нь болж удирдан, бүх удирдагч нар бүх улс орны ард иргэдийг аюулгүй, энх тунх байлгах хамгаалагч сэтгэлгээгээрээ бахархан энх тайван тогтоно гэж найдвар дотор найдвар тээж, мөрөөдөл дотроо мөрөөднө. Хүүхдүүд амар тайван сургуульдаа явж, бүрэн бүтэн гэртээ аав ээждээ эргэн ирдэг болоосой, гэх мэт. Бид үеэс үед үргэлжлүүлэн аз жаргал, амар амгалан, энх тайвныг хадгалж, Дэлхий дээр Диваажингийн сүр жавхааг тогтоогоосой. Энэ маш амархан.

Веган хоол л идэх хэцүү гэж үү? Амьтан-хүмүүсийн мах, загас- хүмүүс болон өндөг зэргийг идсэнээр та нар зүгээр л өвчилнө! Веган хоол идсэнээрээ эрүүлжиж, урт насалж, ухаан саруул болж, бие сэтгэлээрээ тав тухтай, бүх талаараа илүү ухаантай болно. Бусад амьд төрөлтнүүдийн махыг идэхийн оронд веган хоол идэх нь та нарт хамгийн сайн. Веган болсноороо та өөрөөрөө үнэхээр их бахархаж, бусад бүгдэд их сэтгэл хангалуун болно. Ажлаа илүү сайн хийж, улс орноо илүү сайн удирдаж, сургуульд илүү сайн багшилна. Зөвхөн веган байснаар ийм - гэгээрэл энэ тэрийн талаар хараахан ярих ч шаардлагагүй. Веган байж, тэр ч байтугай зааж сургах, асран халамжлах, одоо болон хойд насанд тань хамгаалах амьд сэрүүн Их Багштай бол та хамаг Орчлон ертөнцийн хамгийн азтай төрөлтөн! Веган байж, Гэрт тань, Диваажингийн Гэрт тань аюулгүй хүрэх замыг зааж сургах Гэгээрсэн Их Багштай бол та Олон Ертөнцөд, олон олон Ертөнцөд хамгийн азтай нь.

Хүмүүсийн төлөө би өөр юу хийж чадахаа мэдэхгүй байна. Тэд өөрсдийгөө ойлгож, өөртөө тусалж, тэр бүү хэл энэ насандаа гэтлээсэй гэсэндээ би өөр тэдэнд юу хэлж чадахаа мэдэхгүй юм. Яг л бялуу идэх мэт маш амархан. Тэд яагаад хэрэгжүүлдэггүй юм бэ? Яагаад яваад өөр хэн нэгнийг олж болдоггүй юм? Заавал намайг эрж олох шаардлагагүй; агуу Их Багшдаа найдан өөрт тань зааж сургадаг хэн нэгнийг эрж ол. Түүний Багш нь зөвшөөрсөн тохиолдолд Тэд Их Багшийнхаа Хүчийг ашиглан бусдад гэгээрч, гэтлэгдэхэд нь туслах боломжтой.

Зарим томоохон гэгээрүүлэх дадал бясалгалын бүлэгт үргэлж агуу Гэгээрсэн Их Багш байдаггүй ч ядаж л Их Багш нь саяхан өөд болсон байдаг. 300 жилийн дотор тухайн Их Багшийн залгамжлагчид, бүр дараагийн залгамжлагчид нь хүртэл уламжилсан Хүчийг хүртэх боломжтой. Би энэ бүхнийг харж байсан – сүүлийн үед маш олон Их Багш нар Нирваан дүр үзүүлсэн буюу Өндөр Дээд Диваажинд одсон агуу, агуу Их Багштайгаа адил аргыг зааж буй. Хэдийгээр тэд Гуравдугаар Төвшнийг даваагүй ч одоогийн дагалдагч нартаа хүрэлцэхүйц хангалттай Хүчтэй. Энэ ертөнцийн дараа Таван Төвшин байдаг. Энэ Таван Төвшний хэмжээс дотор Тавдугаар Төвшин хамгийн дээд нь. Тав дахь нь хамгийн өндөр.

Photo Caption: Чин сэтгэл, хичээл зүтгэлээр бид цагийн эрхэнд сүнслэгээр өсөж хөгжинө

Зураг татаж авах