Хайх
Монгол хэл
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • Bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • Čeština
  • ਪੰਜਾਬੀ
  • Русский
  • తెలుగు లిపి
  • हिन्दी
  • Polski
  • Italiano
  • Wikang Tagalog
  • Українська Мова
  • Бусад
Гарчиг
Тайлбар
Одоо үргэлжлүүлэн
 

“Үйлийн үрээсээ хамааран хоолло” 6 цуврал лекцийн 1-р хэсгийг

2024-06-13
Lecture Language:English
Дэлгэрэнгүй
Татаж авах Docx
Дэлгэрэнгүй уншаарай

Мөн агшин зуур гэгээрэхийн тулд үүнийг онцгой хүчирхэг Их Багшаас хүлээн авах чөлөө учрал бүрдүүлэхэд мянга мянган жил хураасан адислал буяндаа найдах хэрэгтэй. Үгүй бол урт удаанаар биеэ хатамжлан юу ч идэхгүй явлаа гээд тийм ч их нэмэр болохгүй. Мэдээж хэрэг үйлийн үрээсээ хугасалж магадгүй. Харин зөвхөн бие махбодын үйлийн үр өөрийг тань гэтлэлд хүргэж, эсвэл шийтгэлд унагаж чадахгүй. Учир нь сүнслэг ойлголт бол гаднах мэдлэгээс өөр зүйл юм. […]

Сайн уу, хайр энэрэлт сүнснүүд минь. Дотооддоо бид үргэлж холбоотой байдаг ч гэсэн дахин та нартайгаа ярих сайхан байна. Та нартай нэг зүйлийн талаар ярилцах гэсэн юм. Та нарын зарим нь намайг өдөрт нэг удаа хоол иддэг гэсний төлөө өдөрт ганц удаа хооллохыг хүсэх болсон гэж саяхан дууллаа. Битгий дуурайгаарай. Яагаад гэвэл та нар үймээнтэй ертөнцөд ажиллаж байгаа бол өөртөө хэтэрхий хатуурхах хэрэггүй шүү. Ганцаараа юм уу итгэлт хэдэн найзтайгаа дияан хийж байхдаа өдөрт ганц хоол идэх нь хэвийн зүйл. Эс бөгөөс өдөр бүр махран ажиллаад гэртээ харьж, тэгээд гэр бүлийнхнээ, тэжээдэг амьтан-хүмүүсээ, найз нөхөд, хамаатан саднаа халамжилсаар байдаг бол үүнийг дуурайх хэрэггүй. Мэдээж туршиж үзээд хэр байх нь вэ гэдгийг нь харж болох юм. Гэхдээ ингэвэл хурдан Будда болж магадгүй гээд өөрийгөө хүчлэх хэрэггүй. Тийм биш. Учир нь хэр их идэх нь бас урьд насны тань юм уу энэ насны тань буянаас хамаарна.

Эрхэм гэгээрсэн Буддад тухайн цаг үед нь тийм их стресс байсангүй. Яагаад гэвэл бохирдол, уур амьсгалын өөрчлөлт зэрэг санаа зовних юм байсангүй. Будда үхэл амьдрал дүйсэн зүйлд санаа зовдог байсандаа тэр биш, харин гэгээрсэн хүмүүс үргэлж бусдын төлөө л санаа тавина уу гэхээс өөрсдөдөө санаа зовдоггүй.

Тэгэхээр Будда амьд сэрүүндээ хувраг шавь нартаа үдээс хойш жимсний шүүс уухыг зөвшөөрдөг байсан. Яагаад гэвэл тэр үед Будда болон лам нар нь өдөрт ганц удаа үдэд л хооллодог байлаа. Үдээс хойш тэд ер нь хооллох ёсгүй байж. Мэдээж ус ууна л даа. Та нар ч бас тэгж болно. Харин Будда айлдахдаа лам нартаа бүх төрлийн навч, ногоо, жимсний шүүс уухыг зөвшөөрсөн. Багийнхныг үүнийг та нарт хэвлэж өгөөрэй гэж би хэлнэ ээ. Эсвэл би одоо та нарт хэлээд өгч болох юм.

Буддагийн заавар Махаваггад бий. Учир нь Будда дээр хүрч ирсэн дияанч Буддаг болон хуврагуудыг нь зоогт урьдаг. Тухайн үед хэдийнээ үд өнгөрчихсөн байв. Будда болон түүний хуврагийн чуулганы лам нар үдээс хойш ямар ч бүхэл хоол иддэггүй байсан. Тэд гагцхүү үдийн үед хооллоно. Тиймээс дияанч Кения Буддад жаахан жимсний шүүс хийн барьжээ.

Тэгэхэд Будда “Үүнийг шавь хуврагуудад тарааж өгнө үү.” хэмээн айлдав. Харин бадар баригч шавь нар машид санаа зовнижээ. Хоолны цаг биш тул тэд татгалзсан байна. Тэр үед Будда “Өө, зүгээр дээ. Та нар хүртэж болно.” хэмээн айлджээ. Тэгээд дараа нь дияанч Кения бүх бадар баригчдыг хийсэн жимсний шүүсээрээ ханатал нь дайлсан байна.

Тэгээд энэ нөхцөл байдлаас үүдэн Будда хуврагуудад нэгэн зааварчилгаа өгч, ийн айлдаж гэнэ ээ: “Хуврагууд минь, би та нарт найман төрлийн унд уухыг зөвшөөрч байна. Үүнд: мангоны, жамбуны, плантайны, моканы, усан үзмийн шүүс, мөн идэж болдог усны сарааны үндэсний шүүс, зөгийн бал болон фарусаканы шүүс орно. Хуврагууд та нарт би эрдэнэ шишийн шүүснээс бусад бүх жимсний шүүс уухыг зөвшөөрье. Хуврагууд та нарт хоол амтлагч өвснөөс бусад бүх төрлийн навчнаас гаргасан ундааг уухыг зөвшөөрч байна.” Хоол амтлагч өвс гэдэг нь гаа юм уу розмарин юм шиг байна. Тэгээд Будда үргэлжлүүлэн “Би Хуврагууд та нарт чихэр өвснөөс бусад бүх цэцгээс гаргасан шүүс уухыг зөвшөөрч байна. Хуврагууд та нарт чихрийн нишингийн шүүсийг зөвшөөрч байна.” гэжээ. Будда энэ бүх шүүсийг лам нартаа үд хэдийнээ өнгөрсөн байсан ч уухыг зөвшөөрсөн байна. Мөн энэ явдлаас өмнө Лам нар бядан явахдаа, эсвэл төстэй нөхцөл байдалд хоол идэх цаг тодорхойгүй болох үед хоол идэхийг зөвшөөрдөг байжээ.

Тэгэхээр та нар үнэхээр өдөрт ганц удаа хооллохоор бол сая миний хэлсэн Буддагийн зааврыг анхаарч үзээрэй. Үүнд зөгийн балыг зөвшөөрсөн. Гэхдээ үүнээс өмнө Будда зөгийн балыг зөвхөн эмчилгээний зорилгоор долоо хоног л хэрэглэхийг зөвшөөрдөг байв. Би ямар ч шүүс уудаггүй. Тун ховор, амьдралдаа магадгүй хэдхэн удаа л уусан байх.

Эдгээр шүүс сайхан, зүгээр. Та нар үдийн цагаар ганц удаа хоол идэж байхыг хүсэж байгаа аваас үдээс хойш эдгээрийг ууж болох юм. Гэхдээ хангалттай шим тэжээл авч буй эсэхээ анхаараарай. Учир нь ертөнцийн ажил хийж байгаа, бас ойр хавьд тань өлссөн, хоол идэх дуршилтай хүмүүсийн энергийн нөлөө байгаа шүү дээ. Харин гэхдээ дияанч болж, өдөрт ганц удаа хооллоод Будда болно гэж бодож байвал тийм биш шүү.

Та нар бас энэ насныхаа үйлийн үрээс хамаараад хоол идэх хэрэгтэй. Би ч бас тэгсэн. Миний сүнслэг ажилд хэрэг болохгүй гэж Диваажин зогсоох хүртэл би бас хэсэг зуур агааран хоолтон байж үзэхэд болж байсан. Тухайлбал илүү их хоол хүнстэй холбоотой үйлийн үрээр дамжуулан, дэлхийд илүү их Адислал буулгах болно! Миний жижигхэн бие махбод зөвхөн чадах зүйлээ л хийдэг! Гэхдээ та нарт гэж хэлэхэд тийм их эрх чөлөө, нисэх мэт хөнгөн мэдрэмжийг зогсоох тун гунигтай байсан!!! Одоо ч гэсэн бодохоор гунигладаг.

Тэгэхээр хэдийгээр сэтгэлийн тэнхээ сайтай, хүссэн бүхнээ хийж чадах ч байсан биеэ тэгтэл нь битгий хүчлээрэй. Харин үйлийн үр тань өөрөөр зурагдсан юм уу сүнслэг дадал бясалгал, дотоод сүнслэг хүч тийм их биш бол бие тань дийлэхгүй байж мэднэ. Тэгэхээр хэр байх нь вэ гээд хэсэг туршаад үзэж болох юм. Болохооргүй бол, веган л байхад болно, хуучин хооллолтоо эргээд дагахыг хичээгээрэй. Заавал биеэ хатамжлах нь манай бясалгалд зайлшгүй зүйл гэж та нарт ойлгуулах хүсэл надад байхгүй. Үгүй шүү, үгүй. Тэгээгүй. Ердийнхөөр л байгаарай. Ердийн бай. Амьдралдаа болох зүйлсийг хүртэн таашаагаарай. Хэдийнээ олон зүйлээс татгалзсанд тань би маш талархаж явдаг. Иймд бүх зүйлийг тааруулахыг хичээ. Биеэ хатамжлах нь дангаараа нэг их юм өгөхгүй. Би та нарт үнэнийг хэлэх учиртай.

Зөв бясалгалын зам мөрөөр амьдрах нь гол зүйл. Та нар Дэлхий, Ертөнцийн хамгийн агуу хувь заяа болох Гэгээрэлд хүрэх бясалгалын “арга”-ын сэтгэлийн авшгийг Өөртэй нь учран, соёрхол тавих хувь тавилантай хэн бүхэнд уламжилж чадах жинхэнэ гэгээрсэн, асар их Хүчтэй Их Багшаас авсан байх ёстой. Харж байгаа биз, оюун санааны гэгээрэл гэдэг бол жинхэнэ оршихуй дотор тань болдог зүйл. Энэ бол сүнсний тань орон гэр болсон бие хэмээх гаднах хувцсанд хамаагүй. Цахилгааны утас хачин сайхан байлаа гээд, маш сайхан харж хамгаалдаг байсан ч гэсэн цахилгаанд холбоогүй л бол гэрэл асахгүй, бусад цахилгаанаар ажилладаг хэрэгсэл бүгд ажиллахгүй шүү дээ. Цахилгаанд холбосон байх хэрэгтэй.

Үүний нэгэн адил биедээ хэчнээн сайхан халамж тавилаа ч дотоодынхоо Бурханы Хүчтэй холбогдоогүй бол хэрэггүй гэсэн үг. Мэдээж хэрэг цахилгааны утас маш сайн байснаар цахилгааныг бусад зорилгоор ашиглана шүү дээ. Гэхдээ цахилгааны утсанд хэтэрхий анхаарах хэрэггүй. Цахилгааны утсанд л илүү анхаараад байлгүй үүнийг сайн, хангалттай байлгах л хэрэгтэй. Цахилгааны утсаа цэцгээр чимээд л, эсвэл торго, хамба зэрэг гоёмсог бөсөөр ороож, эсвэл өнгө бүрээр будан, цахилгааны хайрцаг, залгуурыг нь чимэглээд ямар ч хэрэггүй. За юу? Ийм л юм. Би хангалттай тайлбарласан гэж найдаж байна. Та нар ухаалаг даа.

Мөн агшин зуур гэгээрэхийн тулд үүнийг онцгой хүчирхэг Их Багшаас хүлээн авах чөлөө учрал бүрдүүлэхэд мянга мянган жил хураасан адислал буяндаа найдах хэрэгтэй. Үгүй бол урт удаанаар биеэ хатамжлан юу ч идэхгүй явлаа гээд тийм ч их нэмэр болохгүй. Мэдээж хэрэг үйлийн үрээсээ хугасалж магадгүй. Харин зөвхөн бие махбодын үйлийн үр өөрийг тань гэтлэлд хүргэж, эсвэл шийтгэлд унагаж чадахгүй. Учир нь сүнслэг ойлголт бол гаднах мэдлэгээс өөр зүйл юм. Үүнийг хэрхэн тайлбарлахаа би бодох хэрэгтэй байна. Тэгэх шаардлага байна уу??

Photo Caption: ХАМГИЙН ДАРУУ АЖИЛ ОДОО Ч ХЭРЭГТЭЙ.

Зураг татаж авах   

Дэлгэрэнгүй үзээрэй
Хамгийн сүүлийн бичлэгүүд
2024-07-15
685 Үзсэн
32:47
2024-07-14
262 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд