“Өвдөлт, үйлийн үр бага тарь: идэж болох ургамал ногоо” 5-ын 2-р хэсгийг

Юм иддэггүй лам гэлэнмаа нарын тухай олон нэвтрүүлгийг бид Суприм Мастер ТВ-ээр гаргаж байсан. Орчин үед энэ нь хэвийн үзэгдэл болсон. Гэхдээ энэ бүхнийг турших гэсний хэрэггүй. Үнэхээр оролдож үзмээр байвал мэргэжлийн зааварчилгаа олох ёстой, хэрхэн ингэхийг мэддэг хүмүүсийг олох ёстой. Үгүй бол зүгээр л энгийн хоол идэж, дасгал хий, өдөр бүр дасгал хий, цэвэр агаарт алх, гэх мэт. Аль болох цөөн төрлийн хоол хүнс хэрэглэ, төрөл нь бага байх тусмаа сайн, энгийн амьдар. Гэхдээ бие махбод тань тийм хязгаарлагдмал жимс ногоонд тохирч буй эсэхийг ажиглаарай. […]

Бид үйлийн үр хураахгүй гэсэндээ биш, тэднийг өвтгөхгүй гэсэндээ зарим ургамал, ногоог иддэггүй. Ийм л байна. Та нар ургамлыг айлган зовоож, сандаргахыг хүсэхгүй байвал миний уншсан жагсаалт дахь ногоонуудаас сонгож байгаарай. Тэд өвдөлт мэдэрдэггүй. Өвдлөө ч бараг өвдөхгүйтэй адил. Миний уншсан жагсаалтад байгаа нь огт өвддөггүй. Огт өвдөхгүй. Тэднийг сонгохыг хүсэж юуны магад л гэсэн юм. Биед тань ийм хязгаарлагдмал ногоо, жимс хангалттай эсэхийг хараарай. Гэхдээ ихэнх нь гадил жимсний нэгэн адил хангалттай хоол болно. Коста Рикад байдаг та нарын нэг лам ах голчлон дандаа гадил иддэг байсан юм. Ийм маягаар олон жил болсон. Одоо тэр тийм байхаа больсон. Учир нь би бүх төрлийн хангалттай хүнс нийлүүлдэг. За тийм байна. Та нар шинэ хоолны дэглэм сонгоод зугаатай байна гэж найдъя, ингэж сонговол шүү дээ, аажуухан туршаад үз.

Бусдаар бол миний таньдаг байсан нэг лам бий, түүний хийдэд нь би хэсэг хугацаанд амьдарсан юм. Тэр зөвхөн бор будаа, гүнждийн үр идэж, ус уудаг байсан. Тэр их урт насалсан шүү, бас их хүчтэй, Чигонгийн их багш байсан. Хутгаар түүний хоолойг хэрчвэл боломжгүй, нэвтлэх боломжгүй, гэх мэт. Үнэхээр хүчтэй. Гэхдээ тэр мэдээж өдөр бүр дадуулдаг байсан. Буддын лам байж, төрөл бүрийн ламын зан үйл хийхээс гадна тэр өдөр бүр Чигонг-ийг дадуулдаг байсан. Тэрээр Тайвань (Формоса-д) бусад хүмүүст Чигонг заадаг нэг сургуультай байлаа. Хэдэн жилийн өмнө өөд болчихсон л доо, гэхдээ амьд байхдаа тэр тийм л юм иддэг байсан. Миний мэдэх бас нэг гэлэнмаа бий, өөрийн биеэр харсан гэсэн үг. Яг л энэ лам шиг би бусад лам гэлэнмаа нарын хамтаар хэсэг хугацаанд түүний хийдэд амьдарсан юм.

Юу ч иддэггүй нэгэн гэлэнмааг би таньдаг байлаа, жаахан л ус уудаг. Гэвч тэр усыг уухаасаа өмнө мэдээж Будда нарын нэрсийг уншиж адислуулсан байдаг. Тэр бас өөд болчихсон л доо, гэхдээ амьд байхдаа юу ч ярьдаггүй байсан. Ярихыг ч хүсдэггүй. Дохионы хэл ашигладаг байсан бөгөөд шавь нар орчуулж өгдөг. Түүн дээр зочлон очиход тэд тэгж байсан, түүний дохионы хэлийг бидэнд орчуулж өгч байсан. Хүмүүс яаж түүн шиг зөвхөн ус ууж амьдрах боломжтойг асуухад тэр дохионы хэл ашиглан надад, “Нэг нэг алхмаар аажуухан яваарай” гэж хэлсэн. Тэр усан хоолтон болохоосоо өмнө жимс иддэг байсныг нь би сонссон. Тэд өдөр бүр түүнд нэг таваг жимс аваачиж өгдөг байж, тэгтэл нэг өдөр тэр түлхсэн гэсэн. Тэгээд л тэд түүнийг ахин жимс идмээргүй байгааг ойлгосон. Тэр үеэс хойш зөвхөн ус л уусан. Түүнийг би биечлэн таньдаг байсан бөгөөд мэдээж дохионы хэлээр түүнтэй ярьсан.

Юм иддэггүй лам гэлэнмаа нарын тухай олон нэвтрүүлгийг бид Суприм Мастер ТВ-ээр гаргаж байсан. Орчин үед энэ нь хэвийн үзэгдэл болсон. Гэхдээ энэ бүхнийг турших гэсний хэрэггүй. Үнэхээр оролдож үзмээр байвал мэргэжлийн зааварчилгаа олох ёстой, хэрхэн ингэхийг мэддэг хүмүүсийг олох ёстой. Үгүй бол зүгээр л энгийн хоол идэж, дасгал хий, өдөр бүр дасгал хий, цэвэр агаарт алх, гэх мэт. Аль болох цөөн төрлийн хоол хүнс хэрэглэ, төрөл нь бага байх тусмаа сайн, энгийн амьдар. Гэхдээ бие махбод тань тийм хязгаарлагдмал жимс ногоонд тохирч буй эсэхийг ажиглаарай. Туршаад үзэх хэрэгтэй. Тэгэхгүй бол олон хүн тун багахан хүнсээр амьдарч болдгийг хараа биз.

Туршиж үзэх гээд хэрэггүй. Мэдэг гэж л хэлж байгаа юм. Веган болчихсон бол би хэдийнээ та нарт талархана. Бас бүхий л Диваажингууд та нарт тусална. Гараг дэлхий маань тогтворжиж, цаашид үргэлжлэн та бүхэн болон дараа дараагийн үр хойчид аюулгүй, таатай байх болно. Үр хүүхдэдээ хайртай л бол веган болоорой гэж гуйя. Бас тэдэндээ веган болж, үйлийн үрийг аль болох бага тарин, дэлхийдээ буянтай энергийг үүсгэж байхыг зааж өгөөрэй. Тэгвэл гараг маань ч, бид ч аврагдаж үлдэх болно.

Өмнө дурдсанчлан зарим ургамал, ногоог соёолуулаад, биежиж хатууран, ургамал юм уу мод болохоос нь өмнө идэх юм бол зүгээр байх болно. Гэхдээ өөрийн гэсэн цэцэрлэгтэй байвал дээр. Тэгвэл өөрөө шийдэж болно. Жишээлбэл гааны ургамлыг өөрийнхөө цэцэрлэгт тариад хэрэглэж болно. Иш юм уу их биеэс нь хол ургаж байгаа навчнаас нь тайрч авах юм бол тийм их өвдөлт мэдрэхгүй. Маш бага, бараг өвдөхгүй.

Бас базил байна. Навчных нь гуравны хоёрыг тайрч аваад доод хэсгийн навчнуудыг ургамалд нь үлдээж болох юм. Тэгвэл шинэ навч тэр хэсэгт ургах болно. Навчны иш болон ургамлын эх биеийн хоорондох хэсгээс шинэ навчнууд ургана.

Олон ургамал ийм байдаг. Харин зарим ургамлын мөчрийг бүтнээр нь тайрах ёстой болдог. Жижиг мөчир байсан ч тэр. Тэгвэл өвтгөнө. Жишээ нь розмари байна. Розмариг хэрэглэхийг хүсвэл мөчрөөр нь, эсвэл мөчрийг нь хагаслан авах болдог. Тэгэхээр розмари ургамал буюу бут нь өвдөх болно.

Хүрэх төдийд гар дээр тань унаад ирдэг, түүхэд амархан зөөлөн төрлийн жимсгэнүүд бол зүгээр байдаг. Тэд нэг их өвдөлт мэдэрдэггүй. Бага сага зүйл бий. Гүзээлзгэнийн ургамал өвдөлт мэдэрдэг. Харин газрын самар зэрэг ургамлууд түүхээс өмнө хатаж шарласан байдаг. Гүнждийн ургамал мөн адил. Цагаан будаа, улаан буудай хэдийнээ амьгүй болсон байдаг. Хүмүүс тэднийг хурааж авахаас өмнө амьгүй болсон байдаг тул идэхэд зүгээр. Өөр олон

Идэхэд зүгээр ногоо, жимснүүд байгаа гэдэгт итгэлтэй байна. Харин манго, алим гэх зэрэг жимснүүдийг түүхэд мод нь өвдөлт мэдэрдэг. Харин газар унасан байхад нь авах юм бол асуудалгүй. Тиймийг идвэл ямар ч үйлийн үргүй. Модноосоо хэдийнээ уначихсан юм чинь. Түүж авснаас өөр яагаа ч үгүй гэсэн үг. Модноосоо унасан жимсийг хараад би дандаа авч, хэрэглэж болохоор байна уу, үгүй юу гэдгийг хардаг. Сайхнаараа ч байдаг. Бас улаан лоолийг идэж болно. Өвддөггүй учраас өвтгөсөн үйлийн үр тарихгүй. Гайхалтай байгаа биз? Ургамал хүртэл үйлийн үртэй.

Ямартай ч дараагийн удаа та нарт өөр мэдмээр зүйл байгаад би түүнийг нь мэдэж байвал хэлж өгөх болно. За. Бурхан та нарыг бүгдийг нь, бүх сайхан ургамал, ногоог, гарагийг маань бүхэлд нь ивээх болтугай.

Бусад төрөлтөнд учруулах өвдөлт, зовлонг багасгахад туслах үйлийн үр багатай хоол хүнсний талаарх дэлгэрэнгүй мэдээллийг дараах хаягаас авна уу: SupremeMasterTV.com/LowKarmaDiet

Энэ гараг өөр дээрээ буй хамаг төрөлтний үйл буянаар биежиж, үнэ цэнтэй оршихуй болдог юм гэдгийг ойлгож байна уу, бүгдийн маань буян нийлж байж энэ гаргийг амьдрах нөхцөлтэй биет ертөнц болгодог. Тиймээс энэ гараг дээрх хүмүүс болон хамаг төрөлтний буян нь хүрэхгүй, буян нь барагдчихвал энэ гараг бас мөхөж сөнөн, устаж үгүй болно гэсэн үг. Өөрсдийн үйл хэргээр, буян хураахааргүй ямар нэг зүйл хийснээр байгаа буянаа барах зүйлс хийснээр эсвэл огт буянгүй үйл хийснээр энэ гараг дэлхийгээр гэр хийх заяа дутна.

Та нар байшин авах урьдчилгаа мөнгөтэй, эсвэл байшин барих мөнгөтэй байдагтай яг адил юм. Гэтэл та нарыг мөнгөгүй болмогц буюу эсвэл өртэй, түүнийгээ төлж чадахгүй болмогц банк байрыг тань эзэмшинэ, эсвэл та нар төлж дийлэхгүй учраас тэр үл хөдлөх хөрөнгийг орхиж явахаас өөр аргагүй болж, тэнд үргэлжлүүлэн амьдарч чадахгүй. Манай гарагтай адилхан – гараг маань бидний гэр юм. Орон гэртэй байх буян хүрэхгүй бол бид амь гарч чадахгүй. Бид энэ гаргийг орхих ёстой болно, эсвэл энэ гараг сөнөнө. Тиймээс идэх юмандаа маш болгоомжтой хандаарай. Ядаж веган байгаарай, за юу? Веган бай.

Ургамлын вант улс шим тэжээл, амин дэм, эрүүл мэндийг тэтгэх зүйлсээр нэн баян. Бурхан бидэнд хэрэгтэй бүхнийг өгсөн. Зарим хүнд хангалттай хоол хүнс байхгүй, эсвэл тэд хоолны мөнгө олох гэж хөдөлмөр эрхэлж чадахгүй байлаа ч энэ гараг дээр бид тэр чигтээ веган байвал дэлхий дээрх хэнийг ч болов тэжээж дийлнэ. Хангалттай хоол хүнс байна, хүн бүрийг эрүүл, цатгалан, бүх шим тэжээлээр хангахад хэрэгтэй бүх зүйл бидэнд энэ гараг дээр байна, эсвэл бид тарьж чадна.

Хэн ч хэзээ ч хоосон хонох ёсгүй. Ганц өдөр байтугай бүр хэзээ ч огт өлсөх ёсгүй. Учир нь Бурхан бидэнд өчнөөн ихийг өгсөөр байна. Бид бүгдийг нь гарзадсаар байна. Тухайлбал, бидэнд хүмүүсийг тэжээх хангалттай хоол хүнс бий. Гэтэл бид түүгээр мал тэжээж, хүмүүсийг өлбөрүүлж байна. Энэ зөв зүйл биш. Ингэж болохгүй. Зөв зүйтэй амьдрахын тулд бид зөвийг үйлдэх ёстой. Тэгвэл бидэнд муу юм огт тохиолдохгүй. Наад захын хар ухаан, учир зүйд үл нийцэх буруу үйл хийж байгаа бол бид Диваажингийн гэсгээл, адислал ер алины ч тухай ярихын ч хэрэг алга.

Дээр үед та нарт ярьж өгч байсан үлгэрийг санаж байна уу? Нэг хүн ертөнцийн нэгэн бүсэд зочлохоор очиход Диваажингаас тэдэнд зориулж хоол хийж өгсөн ч хоёулаа тэнд зовж шаналчихсан, өлсгөлөн байдалтай сууж, юу ч идэж чаддаггүй. Гэтэл нөгөө талд нь бас адилхан Диваажин маш их хоол өгч тэд жаргалтай гэгч нь инээж, дуулж, гэдсээ цадтал дүүрэн шим тэжээл авдаг. Зочид нь урт халбагатай байсан учраас тохойгоо нугалаад амандаа хоол хийх боломжгүй байдаг, халбага нь дэндүү урт. Тиймээс эхний бүлэг өөрсдийгөө хооллож чаддаггүй. Хоёр дахь бүлэг нь урт халбагаар нэгнийгээ хооллодог учраас тэд бүгд жаргал дүүрэн цадталаа хооллодог. Тиймээс бид ямар хандлага гаргаж, ямар зан чанартай байхаа сонгох нь биднээс хамаарна. Ямар л муу чанар байна түүнийгээ хаях ёстой. Энэ нь яг л хог шиг юм. Тийм зүйл хүсэхгүй байвал зүгээр л гаргаад хая.

Photo Caption: Бүгд ЭНХ ТАЙВНЫ төлөө!