Дэлгэрэнгүй
Татаж авах Docx
Дэлгэрэнгүй уншаарай
“Гэрт тань хүргэж өгөхөөр Би ирлээ” нэртэй энэхүү ном нь Төгс Гэгээрсэн Их Багш Чин Хайн (веган) сүнслэг сургаалуудын түүврийг толилуулдаг билээ. Энэхүү ном нь Амьд Их Багшийн мэргэн сургаал, нигүүлсэнгүй ач тусаар л боломжтой болдог сүнсний сэхээрэл, гэгээрлийн тухай өгүүлдэг. Өнөөдөр бид та бүхэндээ “Гэрт тань Хүргэж Өгөхөөр Би Ирлээ” номын 4-р хэсгэээс толилуулна.4-р Бүлэг Гэрлийг Олохуй Дотоодын Бурханы Орон"Эзэн Бурханыг яаж олох вэ? Тун энэрэнгүй, өршөөнгүй, нигүүлсэнгүй, билиг ухаант тэр зарчмуудыг эргэн баримталж, мунхгийн уршгаар үйлдсэн өнгөрсөн үеийн буруу үйлдэлдээ гэмшиж, түүнийгээ дахин давтахгүй гэж шийдсэнээр олж чадна. Ийм чин сэтгэлийн гэмшил наминчлалын ачаар Эзэн Бурханы гэрэл дахин цацарч, өнгөрсөн хамаг нүгэл хилэнц чинь өршөөгдөнө. Энэ бол усаар бус, харин Ариун Сүнс, билиг ухаан учир зүйн Гэрлээр адислах жинхэнэ баталгаа."Хүн бүр төрөлхийн Бурхантай, учир нь Бурханы орон бидний дотор байдаг. Хүн бүрт байдаг болохоор түүнийгээ эрж олж чадна. Та ч мөн түүнийгээ олж чадна тэгэхдээ агшин зуурын дотор шүү гэдгийг би танд нотолж болох юм. Та үүнийг хүссэн даруйдаа л тэр дороо олоод авчихна, ийм хурдан. Гэхдээ ургуулах гэж тарьсан үрээ услах хэрэгтэйн адилаар дотоодын энэ мөн чанараа өдөр бүр тэжээн тэтгэх хэрэгтэй. Та өөрийн Бурхан чанараа өнөөдөр ч таньж мэдэж болно, гэхдээ нэлээдгүй бясалгасныхаа дараа Бурханы хутгийг олно. Учир нь бид харанхуй мунхаг байдалд их удсан тул дадал зуршил, өөртөө үл итгэх зангаасаа ангижран салахад урт хугацаа шаарддаг. Хүмүүсээр юу хийх ёстойгоо заалгаж, нүгэл хилэнцтэйгээ дуудуулсаар бид дасчихсан байдаг. Гэгээрсний дараа бидний тархи толгой саруулхан болж, хэчнээн агуу их гэдгээ мэдэрч, өөртөө илүү их итгэлтэй болно.“Гэрт тань Хүргэж Өгөхөөр Би Ирлээ” номыг үнэ төлбөргүй татаарай SMCHBooks.com
