Диваажин руу хийсэн аян – Авид Бурханы Өрнөд Диваажин буюу “Машид баясгалант ариун орон”

ны талаар Их Багш бидэнд нэгэнтээ айлдахдаа Их Багшаа даган бясалгал дадуулах нь “амьд ахуйдаа өдөр бүр үхэх юм” хэмээсэн нь бидний сүнслэг ухамсар Диваажин болон Дэлхийн хооронд ирж очихдоо энэ биеийг бүрмөсөн үхэх цагийг хүлээх шаардлагагүй гэсэн үг.

Бясалгаж байхдаа би хэд хэдэн удаа Авид Бурханы Өрнөд Диваажин буюу “Машид баясгалант ариун орон”-д зорчих завшаан тохиосон билээ. Би хэдий “Буддагийн Ариун Орон”-ыг бясалгадаггүй ч Төгс Гэгээрсэн Их Багш Чин Хайн уламжилж өгсөн “Арьяабалын Арга”-аар бясалгадаг. Энэ аргаар Өрнөд Диваажинд хүрч чадсан юм. Ийм ч учраас “Арьяабалын Арга”-ыг бүхий л сүнслэг бясалгалын аргуудаас хамгийн төгс төгөлдөр оройн дээд арга хэмээдэг билээ.

Өрнөд Диваажинг харахад яг л Буддын Сударт өгүүлсэнтэй адил байсан юм: Газар нь алтаар хучаастай, орд харш нь зөөлөн уян алтаар хийгдсэн агаад нэвт харагддаг, алтлаг гэрэлтэй ажээ. Орд харшуудын гадна болон дотор орших багануудад долоо юм уу, есөн өнгөт эрдэнийн чулуу битүү шигтгэжээ. Тэндэх бүх зүйл гэрлээр бүтсэн байв. Гэрэлтсэн тэдгээр барилгууд Дэлхий дээрх эртний барилгууд шиг тухайлбал Буддын, Исламын хэв маягтай, эсвэл тансаг Католикийн хэв маягтай байлаа. Дэлхий дээр тэр бүх барилгыг Диваажин дахийг дуурайн хийжээ. Диваажингийн барилгууд энэ ертөнцийн ямар ч үгээр илэрхийлэх аргагүй үзэсгэлэнтэй. Орд харш болгон нь өөрийн гэсэн ухамсартай, яг л амьд төрөлтнүүд шиг тул харилцах боломжтой. Хэдий тэдгээр нь хаалгатай харагдах боловч ямар ч зүйлийг нэвтрэх, давах саад, хаалганы хэрэггүйгээр шууд дотогш орно.

Цэцэгс, ургамлууд нь нэвт харагддаг, гэрэлтдэг, мөн бүгдээрээ дуулж чаддаг. Модод нь гэрлээр гялтганаж, гэрэлтэх агаад дуулах үеийн нарийн чичиргээ цацруулах ажээ. Гэрэл нь асар хурц учраас мод, цэцэг, ургамлыг би ялгаж харж чадахгүй байлаа. Тэндэх амьтан-хүмүүс нь ч бүгдээрээ гялтганана. Уулс нь мөн ногоон бөгөөд маш тод өнгө гэрэлтэй.

Эхлээд би энэ Өрнөд Диваажингийн доод түвшинд нь очсон. Дэлхий дээр амьдарч байхдаа буян хураасан юм уу“Авид Бурхан”-ны нэрийг уншсаар үйлийн үр багатай байсан хүмүүс тэнд байв. Тэнд очоод тэд эхлээд Дэлхийн том будагч саванд амьдарч бохирдсон хэсгүүдээ цэвэрлэх ёстой. Тэгээд сайтар цэвэрлэгдсэнийхээ дараа аажмаар дээшлэн дунд түвшинд дэвшинэ.

Дунд түвшинд оюун санааны бясалгал хийж байсан, ахиухан бясалгасан ч самуун бодол санаа ихтэй хэвээр байсан хүмүүс байдаг. Тэдний зарим нь өмнө төрлийнхөө ертөнцийн таашаалыг үгүйлсээр байхыг харсан. Тухайлбал тэдний идэхийг хүссэн зүйлс тэр даруй гарч ирэхэд таашаах ба юу хүснэ тэр бүхэн нь бодох төдийд бий болох ажээ.

Анхаарал татахуйц нэг зүйл гэвэл би Ариун Орны Буддын шашныг шүтэгч, сахилуудыг чанад сахигч лам нар болон гэлэнмаа нарыг харсан. Тэд хүний биед оршиж байхдаа сайтар бясалгаагүйгээсээ болж доод юм уу дунд түвшинд төрсөндөө харамсаж тэнд очоод хичээнгүйлэн бясалгахыг хүсэж байлаа.

Иймд “Машид баясгалант ариун орон”-ы түвшин бүрд Будда нар болон Бодисадва нар өршөөлт сургаалаа айлдаж байв. Арьяабалын Бодисадва тэнд ном айлдаж байхад бүхий л төрөлтнүүд тэрхүү номыг сонсохоор гайхамшигтайяа залуу охид болон хувирах агаад бүгд адилхан хувцастай байв. Тэгээд Арьяабалын Бодисадва ном тайлахдаа бүхий л ном дуулагчдад ойлгомжтой хэлбэлзлээр айлдах ажээ.

Мөн би Авид Бурхан тэнд ном тайлахад бүх төрөлтөн гайхамшигтайгаар залуу хөвгүүд болж хувиран сонсож байхыг харсан бөгөөд Авид Бурхан ч мөн ямар нэгэн хэлээр бус, бүгдийн ойлгох хэлбэлзлээр айлдаж байв. Айлдварын дараа бүгдээрээ өөрсдийн урьд байсан хувцас сэлттэйгээ болж байсан нь надад тун сонин байв. Би ч бас тэдэнтэй хамт номын дуу сонссон билээ.

Тэнд төрөлтөн бүр “гэр”-тэй. Тэр нь “бадамлянхуа цэцэг.” Тэд өөр өөрсдийн бадамлянхуад бясалгаж, оюун санааны дадал бясалгал хийж, судар уншина. Нэг бадамлянхуа л гэхэд манай Дэлхийгээс том ажээ. Учир нь Авид Бурханы нэг мэлмий гэхэд бүр энэ Ертөнцөөс ч том. Тийм болохоор Өрнөд Диваажингийн төрөлтнүүд асар том. Дэлхийн жижигхэн хүмүүс бидэнтэй адилгүй. Хэдий энэ бол Бурханы орон ч гэлээ тэндэх төрөлтнүүд сайтар бясалгахгүй бол бадамлянхуа нь хатаж, гэрэл бүүдийх тул яах ч аргагүй.

Сударт Өрнөд Диваажингийн “Найман Буяны Рашаан”-ыг тодорхой дурдсан байдаг. Миний харснаар энэ бол гайхамшигтай “цэнгэг, сэрүүн, амтлаг, зөөлөн, чийглэгч, тайтгаруулах, цангаа тайлах, бүх чанарыг тэтгэгч” чанартай байсан. Төрөлтнүүд үүнд сүнсэндээ оршсон бохир юуг ч бай угаан ариулсны дараа өөрийн гэр – бадамлянхуа руу буцаж очоод бясалгалаа үргэлжлүүлж байсан юм.

Өрнөд Диваажинд ямар ч зовлон, уй гашуу гэж үгүй бөгөөд зөвхөн баяр жаргал орших тул үүнийг “Машид баясгалант ариун орон” хэмээжээ. Өрнөд Диваажингийн дээд түвшний оршин суугчид нь Будда нар, Бодисадва нар байх агаад тэнд Тэд Ертөнцийн хуулиуд болон нууцуудыг, төрөлтнүүдийг гэтэлгэхэд хэрхэн бэлтгэх талаар суралцана. Тэдний тэнд оршин буй зорилго нь улам өндөр түвшний Будда болон Бодисадва болохын тулд юм.

“Машид баясгалант ариун орон”-д хэдэн удаа зорчсоны дараа миний ойлгосон зүйл гэвэл: энэхүү хүмүүний биед оршин байхдаа бид веган байж, оюун санааны дадал бясалгал хийж буян хураан, хайрлагч амьдралын хэв маягаар амьдарч, ханьцашгүй дээд “Арьяабалын Арга”-аар бясалгах учиртай ажээ. Мөн ухамсраараа өндөр дээд олон Диваажинд зорчихын тулд бид заавал өөд болохоо хүлээх албагүй. Та бидэн шиг оюун санааны бясалгалтныг Диваажин угтан авдаг.

Их Багш “Шинэ Газар” хэмээх бүр ч илүү эгнэшгүй гайхамшигт Диваажинг сайн шавь нартаа болон сайн хүмүүст зориулан бүтээгээд байгаа билээ. Тандаа баярлалаа, Багш аа! Таныхаа Ивээлийг хариулах аргагүй. Эндээс би Тандаа гурвантаа мөргөж л чадах байна даа. Хүндэтгэсэн Жи-Гуан, Хятадаас

Веган: Диваажингийн иргэн

Веган: Диваажинд нэгэн шинэ цэцэг дэлгэрлээ.

Их Багшийн шавь бүр ижил болон өөр, ба/эсвэл илүү их дотоодын сүнслэг ахуй ойлголт, гадаад ертөнцийн адислалтай байдаг Эдгээр нь ердөө цөөн жишээ юм. Бид ихэвчлэн Их Багшийнхаа зааварчилгаагаар энэ бүхнээ дотроо хадгалж явдаг билээ.

Илүү гэрчлэлүүдийг үнэгүй татаж авахыг хүсвэл дараах хаягаар зочлоорой SupremeMasterTV.com/to-heaven