Хайх
Монгол хэл
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
Гарчиг
Тайлбар
Одоо үргэлжлүүлэн
 

Онцлох мэдээ / Шуурхай мэдээ

Эмэгтэйчүүд хамгаалагдах хүндлэгдэх ёстой

2021-08-24
Дэлгэрэнгүй
Татаж авах Docx
Дэлгэрэнгүй уншаарай

2021 оны 8-р сарын 19-нд Төгс Гэгээрсэн Их Багш Чин Хай Суприм Мастер Телевизийн ажлын багийнхантай ажлын шаардлагаар утсаар Афганистаны нөхцөл байдлын талаар ярьсан яриагаа үргэлжлүүлэн Бидний Хамгаас Хайрт Төгс Гэгээрсэн Их Багш Чин Хай тус улсыг Талибан эзэлсний дараа Афган эмэгтэйчүүдийн хувьд ирээдүй тодорхойгүй бүрхэг болох талаар өгөөмрөөр цааш ийн айлдлаа. Мөн Тэрээр барууны орнуудын болон Талибаны тогтолцоон дахь эмэгтэйчүүдийн талаарх үзэл ойлголтын тухайд мэргэн ухаанаа хуваалцлаа.

(Багш аа, Афган эмэгтэйчүүд ямар учраас Талибанаас айгаад байгаа юм бол?)

Өө, тийм. Талибан сүүлийн хэдэн арван жил эмэгтэйчүүдэд юу хийсэн болохыг ухаад судлаад үзээрэй, тэгвэл ойлгох болно. (За.) Энэ бол зөвхөн ямар ч сонголтгүйгээр хэнтэй ч хамгаагүй гэрлэх төдий хэрэг биш юм. Харин энэ бол эмэгтэйчүүдийн эрх, эмэгтэйчүүдийн нэр төр, эмэгтэйчүүдийн сонголт гэх зэрэг бүх зүйлийн тухай юм.

Тэд бол хүмүүн төрөлт; тэд бол Бурханы үр сад. (Тийм ээ.) Тэднийг хүчилж болохгүй, тэгэх ёсгүй, тэдний бүсгүй хүн, эх хүн гэсэн нэр төрийг уландаа гишгэсэн аливаа нөхцөл байдалд хүчлэх ёсгүй. Бүхий л мэдээллээс үзэхэд тэд залуу насныхаас эхлээд дунд насны эмэгтэйчүүдийг тэдний хүслийг харгалзалгүй хүчээр цэрэг дайчидтайгаа гэрлүүлдэг. (Тийм ээ.) Дэлхий дээр хэрэв эр хүн бүсгүй хүнийг энэ янзаар бие махбодын харилцаанд орохыг хүчлэх юм бол шоронд ордог шүү дээ. (Яг тийм.) Яагаад гэвэл энэ бол бэлгийн хүчирхийллээс өөрцгүй. Хүчин гэсэн үг. (Тийм ээ, Багш аа.) Тэгэхээр эмэгтэйчүүдийг мэдэх ч үгүй хүнтэйгээ, таалагддаггүй, хайртай биш, хүсэл сонирхол ч нэг биш нэгэнтэй Талибан хүчээр харилцаанд оруулж байна. (Тийм ээ, Багш аа.)

Адислалт Зөнч Мухаммед, Тэрээр Амгалан Байг, мөн Коран нь бидэнд хэзээ ч хүмүүсийн өмчийг дээрэмдэхийг сургаагүй – охидыг өмч гэж бодож байсан ч! эмэгтэй хүнийг ямар ч зүйл эсвэл харилцаанд тэдний хүслийн эсрэг хүчилж ч үл болно, иймд энэхүү сургаалын эсрэг ямар ч үйл хэрэгт оролцож буй ямар ч Муслим хүн Коран болоод агуу Зөнчийн сургаалаас урваж буй хэрэг. Тэд Исламын хуулийн дагуу шийтгэгдэх ёстой, эмэгтэй хүний бие дэх зөөлөн, гэм зэмгүй итгэгчдийг бус!!! Аллах Ариун Кораны бүхий л эрх чөлөө хүндэтгэлийг заяасан эмэгтэйчүүдийг хамгаалаг!

Талибан ерөнхийдөө өв тэгш байдлыг чухалчилдаг; төгс төгөлдөр амьдарч, төгс төгөлдөр байдлын төлөө тэмц гэдэг. Харин энэ янзаар тэд эмэгтэйчүүдэд өв тэгш байдлыг өгдөггүй. Эмэгтэйчүүд өөрсдийн гэсэн хүсэл сонирхолтой байдаг. (Тийм. Тэгэлгүй яах вэ.) Гэтэл тэд хэн нэгнийг өөрсдийн хүсэл сонирхолд хүчилж байна, энэ нь хэзээ нэгэн цагт тэсэрч магадгүй. Мэдэх аргагүй. Бүсгүйчүүд зүгээр л энгийнээр амьдарч, жаахан боловсрол эзэмшин нийгэмдээ хувь нэмэр оруулж, үр хүүхдээ зөв замаар хүмүүжүүлэхийг л хүсдэг. (Тийм ээ, тэгэлгүй яах вэ) Бие махбодын ийм хүчилсэн харилцаа сайн сайхан нийгмийг огтхон ч бүтээхгүй. Учир нь энэ явдал тоймгүй олон аз жаргалгүй эмэгтэйг бий болгоно. Тэгээд аз жаргалгүй эмэгтэй аз жаргалгүй гэрлэлтийг бүтээнэ. Аз жаргалгүй гэрлэлт аз жаргалгүй нийгэм бий болоход нөлөөлнө. Ямар удирдагч, ямар засгийн газар гэхээрээ ийм аз жаргалгүй, стресстэй, тэр чигтээ уй гашууд автсан нийгмийг удирдахыг хүсдэг байна аа гэдгийг би мэдэхгүй юм. (Тийм ээ. Яг үнэн.) Энэ бол сайн бодлого биш. (Биш, биш.) Тэр даяараа уй гашууд автсан улс орныг тэд амжилттай засаглахгүй. (Тийм ээ.) Гэр бүлээс эхлээд бүхэлд нь уй гашуу, уйтгар гуниг хэдийнээ дүүрсэн байна.

Хэрэв бүсгүй хүн жаргалтай биш бол нөхрөө жаргалтай болгохгүй. Хүчилсэн ч, үгүй ч. Учир нь хайргүй гэрлэлт, дарангуйлсан гэрлэлт бол огтоос гэрлэлт биш. Боолчлол гэсэн үг. (Яг тийм.) Бид хэдийн 21-р зуунд байна; одоо ийм төрлийн зүйл байхгүй. (Тийм ээ.) Байх ч ёсгүй. (Тийм ээ.) Энэ бол хэт хоцрогдсон, хэтэрхий соёлгүй, хэтэрхий зэрлэг балмадаар нэр төртэй эмэгтэй хүнд хандаж байгаа хэрэг. Иймээс тэд айж байна. Үүгээр ч зогсохгүй энэ бол тэдний хүсэл, зорилго, мөрөөддөг, боддог бүхий л зүйлийнх нь эсрэг зүйл юм. (Үнэн. Тийм.) Эрэгтэй хүний нөхцөл байдлыг, байр суурийг нь эмэгтэй хүнийхтэй солиод ийм нөхцөлд оруулан хүчилбэл ямар байх бол? (Тийм ээ.) Хэрэв Талибаны удирдагчийг хүчээр эмэгтэй хүн болгоод өөр нэгний оронд оруулаад тэр мэтчилэн сексийн үйлд өөрийнх нь зөвшөөрөлгүй оруулаад байвал Талибаны удирдагчид ямар санагдах бол? Хэлж байгааг минь ойлгож байна уу? (Тийм, ойлгож байна Багш аа.)

Тэд илүү анхааралтай, илүү ухаалгаар, илүүтэй бусдын бодолцож, зөвхөн өөрсдөдөө бус, аливааг үйлдэх ёстой. Ямар ч засгийн газар ийм байх ёстой (Тийм ээ, Багш аа.) Эмэгтэйчүүд бид энх тайвныг хүсдэг. (Тийм ээ.) Хүүгээ өсгөж торниулаад дараа нь бас нэг дайчин болгоод тэгээд хүү нь явж бас л аллага хийж байна гэж бодоход - мэдээж ямар ч ээжид энэ таалагдахгүй. (Үгүй.) Ирээдүйн ямар ч ээжид таалагдахгүй Ямар ч охин ийм гэр бүлийг хэзээ ч мөрөөдөхгүй. (Үгүй ээ.) Тэр охид ямар ч боловсрол эзэмшилгүй дарлуулж, харин хөвгүүд тэгж яваад... юу ч юм болно. (Тийм ээ, Багш аа.) Тэгээд үхнэ, аймшигтай, бас олон хүнийг өөртэйгөө хамт үхүүлэх гэх мэтийн зүйл болно. Үүнийг ямар ч эмэгтэй дэмжихгүй. Ямар ч эх хүн хүүгээ ийм нэгэн болгохыг хүсэхгүй. (Үгүй.) Иймээс л тэд бүх зүйлээс айж байна. Зөвхөн Талибанаас биш юм. Энэ бол тэр бүхний (Ойлголоо.) ард байгаа учир шалтгаан. Миний юу гэснийг ойлгов уу? (Тийм ээ, Багш аа.) Албадаж, хүчилж юм уу дарамталж, айлган сүрдүүлж байж хамтарсан юунд ч хэзээ ч амжилт олохгүй. (Тийм ээ. Үнэн.)

Үүнээс гадна, бид 21-р зуунд байгаа биз дээ. Эмэгтэйчүүд сансрын нисгэгч болж сансарт хөөрч байна. Эмэгтэйчүүд шинжлэх ухааны талбарт гарсан. (Тийм ээ.) Эмэгтэйчүүд хүмүүст, амьтдад, дэлхий дахинд хэрэгтэй олон зүйл зохион бүтээгээд байна. (Тийм, тийм.) Бас эмэгтэйчүүд ерөнхий сайд, ерөнхийлөгч болж дэлхийг хөгжил цэцэглэлт рүү манлайлж байна. Дор хаяж улсаа манлайлж байна. Мэдээж дэлхий үр шимийг нь бас хүртэнэ. (Тийм ээ.)

Иймээс афган эмэгтэйчүүд гэртээ л байж шал угааж, дандаа “за за, эрхэм ээ” гэсээр баяр жаргалтай байхгүй. (Тийм ээ.) Бүсгүйд хэдий илүү дээр санаа оноо байлаа ч, илүү ухаалаг байлаа ч ялгаагүй. (Тийм ээ.) Олон эмэгтэй зарим эрчүүдээс илүү дээр ухаалаг байх боломжтой. Энэ бол гарцаагүй. Гэтэл яаж тэгдэг байна аа? Ямар улс орон ийм энергитэй, ийм нөхцөл байдалтай, ийм аз жаргалгүй уур амьсгалтай урагшилж болох юм бэ? (Тийм ээ, ойлгож байна.) Эмэгтэйчүүд ухаалаг. (Тийм ээ.) Тэд энэ бүхнийг ойлгодог. Тэд холын ирээдүйг харж чадна. Тэд зөвхөн өөрсдийнхөө төлөө санаа зовсон юм биш. (Тийм ээ.) Тэд улс орныхоо төлөө хүүхдүүдийнхээ, (Тийм ээ.) үр хүүхдийнхээ ирээдүйн төлөө санаа зовж байна. (Тийм ээ.)

За. Өөр зүйл байна уу? (Тийм ээ, барууны тогтолцоо нь дээр юм болов уу, Талибаных илүү дээр юм болов уу?) Ерөнхийд нь үү, эмэгтэйчүүдийн хувьд уу? (Эмэгтэйчүүдийн хувьд.)

За. Мэдээж хэрэг аль аль тогтолцоонд сул талууд бий. Сайн, муу тал. (Тийм ээ.) Барууны орнуудад эмэгтэйчүүд илүү хүндлэгддэг. (Тийм ээ.) Бараг газар сайгүй илүү хүндлэгддэг. Эрэгтэй хүнтэй адил тэгш. Тэд ижилхэн ажил эрхэлдэг. Адилхан цалин. Адил амбиц. Адил байр суурь. Тэд чадах л юм бол хүссэнээ хийж чадахаар боломжтой байдаг. (Тийм ээ. Үнэн.) Харин гэтэл бид, барууныхан гэх гэсэн юм, эрх чөлөөгөө хэтрүүлэн эдэлж хил хязгаарыг хэтэрхий давуулдаг. (Ойлгож байна.) Тэгээд өөрсдийн эмэгтэй гэсэн мөн чанараа хадгалахаа мартдаг.

Жишээлбэл, барууны нийгмийн миний дургүй зүйл бол охид дэндүү ил задгай хувцаслаж, биеэ хэт ил гаргах явдал. (Тийм ээ. Ойлгож байна.) Тэд эд зүйлээрээ хэт их гайхуулж, хэт ил задгай байна. (Ойлгож байна. Тийм ээ.) Ийм байх нь тачаангуй, өдөөн дуудсан байж болох ч бас эргээд маш олон тохиолдолд тухайн охинд гамшиг авчирдаг. (Тийм ээ. Үнэхээр тэгдэг.) Тэд эрчүүдийн гормоныг өдөөн хатгаж тэднийг галзууруулж орхидог. Тэгээд тэд араас нь дагаад бэлгийн хүчирхийлэл, хүчин хийж, заримдаа тэднийг алж хөнөөх зэрэг явдал болбол охинд яавч сайн зүйл биш. (Тийм ээ.) Эрчүүд гормоноо хянах нь хэдийн бэрхшээлтэй гэдгийг шинжлэх ухаан баталсан байдаг. (Тийм ээ.) Иймээс л тэд ихэнхдээ гэрлэх хэрэгтэй болдог юм. За яах вэ, тэр нь сайн. Харин зарим эрчүүд гэрлээгүй байдаг бөгөөд тэдний гормон нь хуримтлагдсаар байдаг. Тэгээд хэрэв бүсгүй хүн тэгж их урин дуудсан ил задгай байвал тийм эрд улам ч бүр өдөөн дуудсан санагдаж гормон нь дэвэрч, бөөгнөрөн хөөрдөг. (Тийм ээ.) Тэгэхээр эрэгтэй хүнд ч бас энэ нь шударга бус. (Ойлголоо. Тийм юм.)

Иймд манай нийгэмд бэлгийн хүчирхийлэл, хүчин болон эдгээрээс үүдэлтэй үхлийн тохиолдол олон. (Үнэн. Тийм) Гэр бүлд ч гэсэн энэ нь сайн зүйл биш. Миний бодлоор эцэг эх нь хүүхдэдээ, ялангуяа охиддоо илүү даруухан, илүү зохистой хувцаслах талаар зааж сургах хэрэгтэй. (Тийм ээ.) Асуудал бэрхшээлийг битгий дууд. (Тийм ээ.) Хэрэв зохистой хувцаслаагүй бол биеэ илүүтэй халхал. Эрчүүд, хөвгүүд чамайг харах мэдээж дуртай, энэ нь ч чамд бахартай санагддаг. Гэхдээ энэ бол эрсдэлгүй биш юм. Тэд бас чамайг бэлгийн дур хүслээр хардаг. Энэ нь хүндэтгэл биш, хайр биш. (Тийм ээ, Багш аа.)

Хайр бол сексээс өөр. (Тийм ээ.) Бүсгүй хүнийг хайрлаж аядуу зөөлөн харилцаатай байна гэдэг бол түүнийг зөвхөн сексийн төлөө хүсэх биш юм. (Тийм ээ.) Тэгэхээр эмэгтэйчүүд ч бас нэр төр, ёс суртахуунаа хадгалбал (Тийм ээ.) эргээд хүндэтгэл хүлээж, тэгээд эр хүнтэй учирвал тэрээр бүсгүйг зөвхөн хайрын төлөө л хайрлана. (Тийм ээ.) Секс бол хоёрдогч дагалдах зүйл л болно. (За.)

Манай нийгэм эрх чөлөөтэй байх ёстой. Гэхдээ эрх чөлөөг билиг ухаанаар залах учиртай. (Тийм ээ, яг үнэн.) Бүсгүй хүн өөрийн нэр төр, ёс суртахуунаа хамгаалах хангалттай ухаалаг байх ёстой. Эр хүнтэй гэрлэхээсээ өмнө түүний хүндэтгэлийг хүртэх хэрэгтэй. (Тийм ээ.) Ингэвэл илүү дээр; харилцаа аз жаргалтай, өнө удаан байх болно. (За.) Яагаад гэвэл хэрэв та тачаангуй хувцаслаад, нэг эрийг урхидаад, тэгээд тэр сохроор тантай гэрлэлээ гэхэд хаа сайгүй, эргэн тойронд тачаангуй охид олон бий. (Тийм ээ.) Харилцаа чинь хайр, хүндлэл дээр тогтоогүй учраас та нэг л өдөр түүнийг алдана. (Яг тийм. Тийм ээ.)

Мөн Исламын тогтолцоонд бас дутагдал байдаг. Эмэгтэйчүүд өөрийгөө хөлөөс толгой хүртэл бүтээж явах ёстой гэх мэт. (Өө, тийм.) Ингэж явахад эргэн тойрныг харах маш хэцүү. Заримдаа бүдэрч унаж мэднэ. (Тийм ээ.) Эсвэл аюул айсуй ирж явааг харж чадахгүй. (Тийм.) Магадгүй булан тойрсон машин хурдтай ирэх, эсвэл эрчүүд, дээрэмчин зэрэг ойртон ирэх гэх мэт. (Тийм ээ.) Илүү дээр харж чадах нөхцөлөөс (Тийм.) урьдчилан болгоомжлох илүү хүндрэлтэй байх болно. Ажил дээр ч гэсэн хэрэв ингээд бүтээчихвэл чих заримдаа дүн дүн хийгээд сайн сонсож чадахгүй, бас сайн ажиллаж ч чадахгүй. (Тийм ээ.) Ингэж бүтээлгэтэй байх нь бас маш халуун. Зарим улсад дэндүү халуун. (Тийм, тийм. Яг үнэн.) Энэ нь маш тухгүй, бас зарим өвчнийг үүсгэж магадгүй. Тийм ч аюултай биш байж болох ч гэсэн эмэгтэйчүүдэд маш тухгүй.

Христийн болон Муслимын аль алины Библид байдаг шиг санаж байна. Бурхан хүнийг бүтээжээ, хүнийг Өөрийн төрхөөр бүтээжээ гэж. (Тийм ээ.) Өөрийн төрхөөрөө, Өөрийн хүмүүсийг бүтээсэн. Тэгэхээр эмэгтэй хүмүүний нүүр царай, эрэгтэй хүмүүний нүүр царайг нууж таарахгүй. (Тийм) Учир нь Бурхан биднийг ямар ч бүтээлэггүй төрүүлсэн. (Тийм ээ.) Энэ дэлхийд зүй зохистой байхын тулд бид биеэ бүтээн халхалдаг. Харин нүүрийг бүтээх ёсгүй. (Тийм ээ.) Энэ бол миний бодол. Гэхдээ зүгээр ээ. Энэ хамгийн муу нь биш. (За.)

Бас энэ нь эмэгтэйчүүдэд ажил хийхэд, гэрт гадаа олон зүйлийг зохицуулахад маш тав тухгүй байлгана. (Тийм, яг үнэн.) Бас анхаарал халамж тавихад, хүүхдээ сургуульд хүргэх зэрэг зүйлд маш тухгүй. Ая тух багатай. Ийм хувцастай ажиллах тийм ч амаргүй. Харин барууны нийгэмд эсрэгээрээ, бүр хэтрүүлсэн байдаг.

Аль аль тал нь тунг нь тааруулж хамгийн сайн талыг ашиглах нь сайн гэж бодож байна. (Тийм ээ, яг тийм.) Бүсгүй хүн мэдээж нэр төрөө хадгалах ёстой. Гэхдээ бүхэлдээ бүтээлгэж биш. Яг л нэг муухай, нүгэлтэй, нуух ёстой зүйл шиг. (Тийм ээ, ойлголоо. Тийм. Баярлалаа.)

Бас энэ тогтолцоонд заримдаа буркан доор эрэгтэй хүн байна уу, эмэгтэй хүн байна уу гэдгийг мэдэх аргагүй. Хэрэв эр хүн байлаа гэхэд муу санаа өвөрлөөд буркан дор ямар нэг юм нууж байж мэднэ. Эмэгтэй хүний дүр эсгээд хэн нэгэнд, эсвэл засгийн газрын зарим хүнд хөнөөл учруулах гэж, алан хядлага хийх гэж байж ч болно. (Тийм ээ, Багш аа.)

Тэгэхээр дундыг барь, миний бодлоор дундыг барих нь (Тийм.) ямар ч улс оронд, ялангуяа эмэгтэйчүүдэд хамгийн гол, хамгийн сайн шийдэл.

Тэгэхээр хэрэв бид нийгмийн хүн амын тал хувийг эмэгтэй гэж дарангуйлбал улмаар бид авьяастнуудаа, эрдэмтэн, сансрын нисгэгч, физикч, багш, Их Багш, сүнслэг удирдагч, ерөнхийлөгч, ерөнхий сайд гэх мэт онцгой авьяастнуудаа алдаж мэднэ. (Тийм.) Эмэгтэйчүүдийг аль ч нийгэмд гадуурхсанаар маш их зүйлийг маш их авьяас чадвар, ажиллах хүчийг алдаж магадгүй. (Ойлгож байна.)

Эмэгтэйчүүдэд эрчүүдийн адил дэлхийд туслахын тулд авьяас чадамжаа хөгжүүлэх (Яг тийм.) нөхцөл бололцоо олгох ёстой. Манай дэлхий илүү дээр болоход илүү ухаалаг хүмүүс хэрэгтэй гэдгийг Бурхан мэднэ.

Бас эмэгтэйчүүд бол манай гарагийг адисалсаар ирсэн бүхий л Бошиглогчдын, бүхий л Их Багш нарын ээжүүд, өнөөг хүртэлх, мөн ирээдүйн бүхий л ерөнхийлөгч ерөнхий сайд, агуу удирдагчид, буянтай зүтгэлтнүүдийн ээж гэдгийг битгий мартаарай. Иймээс бид эмэгтэйчүүдийг хүндлэх ёстой. Эмэгтэйчүүдийг хамгаалж, хүндлэх ёстой. Мөн тэдний нэр төр хамгаалагдах ёстой, хүндлэгдэх ёстой. Ингэж байж дэлхий маань голдирлоороо болно. Эмэгтэй хүнгүйгээр бидний дэлхий одоогийнхоор байхгүй, бидэнд хүнлэг ёс гэж байхгүй байх байсан. (Тийм ээ, Багш аа.)

Гол нь эмэгтэй хүнийг дарлаж хорьж цагдахын өөр нэг гаж нөлөө байгаа. Миний бодлоор ийм нөхцөлд, эсвэл ийм улс оронд эрчүүд эмэгтэйчүүдээс айдаг. Иймээс л тэднийг маш их дарлах гээд байна. Миний хардлага. Тэд эмэгтэйчүүдийг маш ухаантай бас шал угааж сав суулга зүлгэхийн оронд ямар нэг зүйлд төвлөрөх юм бол амжилтад хүрнэ гэдгийг мэддэг. Иймээс л тэднийг дарахыг хичээдэг. Тэгээд л эмэгтэйчүүд эрийн дарангуйлал дор сул дорой, хэрэггүй, боол мэт нэгэн болдог. Миний хэлж байгааг ойлгож байна уу? (Ойлголоо.)

(Sources: WHO, UNICEF, UNFPA: Эмэгтэйчүүд болон Охидыг Хүчирхийлсэн зарим баримт

- Дэлхийн 3 эмэгтэй тутмын 1 нь буюу 736 сая нь бие махбодын болон бэлгийн хүчирхийлэлд орсон байдаг.

- Эмэгтэйчүүдийг хөнөөсөн алуурчдын 38% нь эрэгтэй хамтрагч нь.

- Дэлхий дээр жил бүр 5,000 эмэгтэй гэр бүлийн гишүүдийнхээ гарт буюу “нэр төрийн” аллагад өртдөг.

- Бэлэг эрхтнээ зэрэмдэглүүлж зовсон 200 сая охид бүсгүйчүүд одоо амьдарч байна.

- Дэлхий дээр 5 эмэгтэй тутмын 1 нь (650 сая нь амьд байгаа) хүүхэд байхдаа, 18 нас хүрээгүй байхдаа хүчээр гэрлэсэн.

- 126 сая охид нялхдаа алуулах, тэжээлийн дутагдал, үл тоогдох зэргээр хохирон дэлхийн хүн амаас арчигдаад байна.

- Дэлхийн бичиг үсэггүйчүүдийн гуравны хоёр нь эмэгтэй.

- Таван бүсийн парламентын эмэгтэй гишүүдийн 82% нь сексийн үг хэллэг, танхайрал, үхлийн аюул занал зэрэг сэтгэлзүйн ямар нэг хүчирхийлэлд өртсөн гэжээ.)

Би тэдний мэдэрдгийг мэдэрдэг. Би тэдний зовлон шаналлыг, тэдний өвдөлтийг, тэдний цөхрөлийг дэлхий даяар нь мэдэрдэг. Би амьтдын шаналал бүгдийг мэдэрдэг. Энэ бас миний зовдгийн шалтгаан. (Ойлгож байна аа, Багш аа.)

Зүгээр дээ, хайр минь. Бурхан таныг ивээг. (Багшийг маань Бурхан ивээг.) Суприм Мастер Телевизийн ажилтнууд, дэлхий даяарх дэмжигчид, авшигтан, авшигтан бус бүгдийг тань Бурхан ивээг. Бурхан дэлхийг маань ивээг. (Баярлалаа, Багш аа.) Учир зүй, шалтгааныг олж хардаг бүхий л удирдагчдыг Бурхан ивээг. Бурхан тэднийг бүгдийг гэгээрүүлэх болтугай.

Хамгаас Энэрэнгүй Их Багш аа, бид энэхүү үймээнт цаг үед ялангуяа эмзэг, дарлагдсан олны төлөө Таны эрс шулуун, чин сэтгэлийн Халамж, хайрын Айлдварт тань талархаж байна. Бид тэдгээр эмэгтэйчүүдийн төлөө болон төрөлх эрх чөлөө, амар амгалангаа хараахан олж авч чадаагүй энэ гарагийн зэрэгцэн оршигчдын төлөө чин сэтгэлээсээ залбиръя. Бүгд нэр төртэйгөөр, адил тэгш хүндлэл хүлээсэн дэлхийн иргэдийн ёсоор амьдрах цаг удахгүй ирэх болтугай. Хайрт Их Багшийгаа үргэлжид сайн сайхан, амар амгалан байж, бүхий л Диваажингийн Бурхадаар хамгаалагдах болтугай гэж ерөөе.

Утасны энэхүү яриа 9-р сарын 4-ний бямба гарагт бүрэн эхээр гарахад Талибануудад Их Багш юу гэж хэлэхийг үзээрэй.

Дэлгэрэнгүй үзээрэй
Хамгийн сүүлийн бичлэгүүд
2024-03-29
283 Үзсэн
2024-03-28
340 Үзсэн
2024-03-28
167 Үзсэн
1:57

Animals are People, Part 23

2024-03-28   151 Үзсэн
2024-03-28
151 Үзсэн
2:06

Animals are People, Part 24

2024-03-28   130 Үзсэн
2024-03-28
130 Үзсэн
2:29

Animals are People, Part 25

2024-03-28   123 Үзсэн
2024-03-28
123 Үзсэн
39:42

Онцлох мэдээ

2024-03-27   54 Үзсэн
2024-03-27
54 Үзсэн
9:36

Ukraine (Ureign) Relief Update

2024-03-27   121 Үзсэн
2024-03-27
121 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд