Би Диваажингаас асууж байв, “Миний хийж чадах өөр зүйл байна уу эсвэл би хангалттай хийгээгүй учир дэлхий ийм байна уу?” гэж. Тэгтэл Тэд, “Дэлхий энх амгалан, эрхэм замыг дагахгүй байгаа нь Таны буруу биш. Худалдагдсан чөтгөрүүд бүх асуудлуудын буруутан юм. Тэд зарим нь байсаар л байгаа” гэсэн. Би тэгээд, “Тиймээс л би тэднийг явахыг тушаасан юм. Тэгэхээр, би сайнаа хийжээ” гэв.
(Сайн байна уу, Багш аа!) Гүнжүүд та нар бүгд сайн уу? (Тун сайн байгаа, Багш аа. ) За. ( Та сайн уу, Багш аа? ) Давгүй дээ. Амьдарч л байна. (Өө) Бясалгаж байна. Заримдаа бидэнд гарах боломж гарч магад гээд хэдэн түүх уншиж байгаа. Та нарт болон хүмүүст уншиж өгч болно, (Өө, тэгвэл тун сайхан байх сан.) Мөн ажиллаж байна. Хийх ажил тун их байна. Намайг даяан хийж байхад тэд надаар Суприм Мастер Телевизийн ажил хийлгэж байна гээд төсөөл дөө. (Өө.) Бичиж, нэвтрүүлэг шалгах гэх мэт. (Өө, үнэхээр их ажил.) Сүүлд би зохицуулалгүй даяанд байхад тийм ч сайн байгаагүй. Санаж байна уу? (Тийм, Багш аа.) ( Суваг цааш үргэлжилж сайн байхад Багш бидэнд хэрэгтэй. ) Мэдэхгүй юм. За, магадгүй тустай байх. Гар минь хөнгөн ажил хийдэг. (За, Багш аа.) ( Багшид гүн бясалгалаасаа бидэнтэй хуваалцах зүйлс байгаа болов уу? ) Тийм ээ, нэлээд хэд байна, гэвч байнга хэлээд байж болдоггүй. Өөр юу байгааг харья. За юу? (Баярлалаа, Багш аа.) Дэлхийн үйлийн үр үргэлж тийм таатай биш. Угаалгын өрөөнийхөө толинд харахад, би давгүй харагддаг. Харин энд бол тийм биш. ( Багш үргэлж гайхалтай харагддаг. ) Баярлалаа.
Би жаахан гуниглаж, Диваажингаас, “дэлхий ийм хэмжээнд байх миний хангалттай хийгээгүй, илүү хийж болох зүйл байна уу?” гэж асуухад Тэд, “Дэлхий эрхэм ариун, амар амгалан хэв маяггүй байгаа нь Таны буруу биш. Худалдагдсан чөтгөрүүд бол бүх асуудлын цаана байгаа буруутан. Тэднээс ахиад хэд нь байсаар байгаа.” гэсэн. Би, “Тийм учраас би тэднийг явуул гэсэн юм. Тиймээс би аль чадахаа хийсэн.” гэж хэлсэн ба (Тийм, Багш аа.) Тэдэнд талархсан. Тэгтэл Тэд надад, “Дэргэдээ ямар ч хүн, ямар ч ажилтан бүү ойртуул.” Өөртөө. (Хөөх. Өө.) Энэ нь та нарыг хэлж байгаа юм. Би, “Тэд хэр ойрхон байж болох вэ?” гэхэд Тэд, “Багадаа есөн метрийн зайтай.” гэж хэлсэн. (Хөөх.) Тэд харшилтай мэт сонсогдсон. Миний хэлж болохгүй бусад олон зүйлс бий. Сүүлийн үед бага зэрэг бие дааж байгаа, учир нь Суприм Мастер ТВ-ийн ажил хийхэд компьютероо хэрхэн зохицуулахыг сурсан. (Ашгүй!) Тийм, тиймээс надад арай дээр байна, илүү бие даасан. Учир нь бусдаас хараат байна гэдэг бол амьдралд тань байж болох хамгийн дор зүйл. (За, Багш аа.) Би тэдгээр чөтгөрүүдийг маш олноор нь явуулахыг тушаасан ч хэд нь байсаар байгаа. Хувь нь бага ч, их хэвээр. (За, Багш аа.) Мөн тэд намайг үймүүлэх гэж их хичээдэг хэвээр. Тэр нэг өдөр, зургаан сарын 6-нд, Бямба гаригт би Икос Кү-н Хамгаалагчдыг болон бусад Бурхадыг бас, тусалж чадах хэнийг ч бай бүх хор хөнөөлт чөтгөрүүдийг там руу чирч аваач гэж тушаасан. (Хөөх.) Эсвэл тэд үнэхээр гэмшвэл Дөрөвдүгээр Түвшинд. Дөрөвдүгээр Түвшний эзэнд зүгээр бол тэд тэнд түр очих боломжтой. Эсвэл үүрд байсан ч болно, надад хамаагүй.
Надад хэдэн сайн мэдээ байгаа ч одоохондоо хэлж болохгүй, учир нь та нарт хэлчихвэл, хойшлогдох юм уу, хазайна. Тэр нэг өдөр, Хамгаалагчид надаас, “Худалдагдсан чөтгөрүүд хүлцэж, өршөөхийг байхыг гуйж байна, Та уучлахгүй юу?” гэхэд нь би, “За. Сүүлийн удаа хүлцье. Ахиад гурван л өдөр өгье. Тэд хамаг төрөлтнүүдэд хийсэн зүйлийнхээ төлөө устгагдах учиртай.” гэж хэлсэн. (Хөөх.) Гэвч одоо Дөрөвдүгээр Түвшний Эзэн тэднийг энэрэнгүйгээр хүлээн авбал тэд нэг бол тэндээ үлдэж эсвэл Шинэ (Сүнслэг) Газар руу дараа нь явна. (Хөөх.) Тэд үнэхээр гэмшвэл шүү дээ. (За, Багш аа.) Би Ихос Кү-н Бурхадаас “Та нар бүгдийг нь барьсан уу?” гэхэд Тэд, “Үгүй, зарим нь хүмүүс болон амьтад дотор нуугдсаар байгаа.” гэж хэлсэн. Хүн болоод амьтдын завсарт. Тэгэхэд нь би, “За, эхлээд урдаа байгаа хэдээ зааварчилсны дагуу зохицуулаарай. Нүднээс минь далд оруул.” гэж хэлсэн. Жишээлбэл ийм. Тэгэхээр 10,000 худалдагдсан чөтгөрүүд болон муу чөтгөрүүд Дэлхий дээр байсаар байна. Энэ бол 6 сарын 5. Тэгээд нэг өдөр, би бүх шийтгэлээс үнэхээр залхсан. “Үнэхээр би ийм зүйл хүртэх учиртай гэж үү?” гэж бодсон. Би үхэж байгаа ч юм уу, бэртсэн зүйл байхгүй, гэсэн ч энэ бол сэтгэл санааны маш их тамлал. Тамлал. Тэгэхээр Анхдагч Ертөнцийн Хамгаалагч надад, “Хэн ч Танд хандаж байгаа шиг ийм зүйл хүртэх учиргүй.” гэж хэлсэн. (Тийм.) Тиймээс би, “Харин тийм. Миний мэдэх зүйлийг хэлсэнд баярлалаа. Гэвч намайг өрөвдсөнд бас баярлалаа.” гэж хэлсэн. “Ямар нэг зүйл хий. Тэгвэл бүх чөтгөрүүдийг алга болго. Хамаагүй, ач тустай л байвал би зовж чадна. Хамаагүй.” гэж хэлсэн. “Би тоохгүй” гэж хэлсэн. Тоохгүй дээ ч биш л дээ, харин хүлээн зөвшөөрнө. (Баярлалаа, Багш аа.) Тэгэхээр тэр нэг өдөр, 6 сарын 6-нд Тэд их бага хэмжээгээр, 10 – магадгүй 11, 12 мянган худалдагдсан чөтгөрүүд -ойлгож байна уу? (Тийм, Багш аа.) байсаар байгаа гэж хэлсэн. Тэд надад, “Бид тэднийг барина.” гэж хэлсэн. (Хөөх.) “Танд асуудал тарьдаг нь үнэндээ Таны шавь нар биш. Тэднийг түлхдэг нь худалдагдсан чөтгөрүүд.” гэсэн. Би, “Тэр бүхнийг би мэднэ.” гэж хэлсэн. Тийм учраас л би бүгдийг нь уучилсан. Өө, хэдэн сайн мэдээ байна, гэхдээ одоо ярьж болохгүй. Цаг нь болохоор та нарт харуулна аа. Энд бичсэн зүйлээ та нарт харуулъя. За юу? (За, Багш аа! Тийм! Баярлалаа.) Би бүх худалдагдсан чөтгөрүүдэд, “Гурван өдрийн дотор....” гэж хэлсэн. 6 сарын 6-нд тэгж хэлсэн ба одоо хугацаа нь дууссан. Ахин өршөөхгүй. Тэр хугацаа нь болоход тэд гэмшиж, Дөрөвдүгээр Түвшинд хүргэгдээгүй байвал ахин боломж олдохгүй. Би, “Хамаг төрөлтнүүдэд хийсэн зүйлийнхээ төлөө та нар устгагдах учиртай. Тэгэхээр энэ бол та нарт олдсон боломж. Ахин боломж байхгүй.” гэж хэлсэн. За, өөр юу тэнд байна? Эдгээр нь саяхны л зүйлс. (За, Багш аа.)
Зарим шувууд маань надад ирээдүй болон өнгөрсөн төрлийн талаарх зүйлсийг хэлдэг. (Хөөх.) Би “өдөр бүр завгүй” гэж хэлсэн. “6 сарын 4-нд. Өдөр бүр завгүй, заримдаа амрах, яг үнэхээр амрах цаг дэндүү бага байгаад гомдоллодог. (За, Багш аа.) Мөн зарим дотоод ажил сайн хийгдээгүй, дуусах хангалттай хугацаагүй, гүйцэх хангалттай хугацаагүй байдаг. Тиймээс би шөнөөр гүн бясалгал илүү хийж байж гүйцэх ёстой болдог.” Өдрийн цагаар олон ажил хийх ёстой. Өдрийн цагаар ажиллаад зогсохгүй бас бясалгадаг. Гэвч заримдаа өдрийн цагаар ямар ч цаг гардаггүй учраас шөнөөр гүйцэх ёстой. (Ойлголоо.) Заримдаа дэндүү ядарч, юм идэх үү эсвэл явж унтах уу гэдгээ боддог. (Өө.) Унтах идэх хоёрын хооронд сонголт хийх ёстой болдог. Тиймээс зүгээр л явж унтдаг. Заримдаа хэт ядардаг.
Тэгээд би энд Dе-гийн тухай, намайг ирж аварсан шувууны тухай бичсэн байна, тэр могойг алаад, сөрөг хүч түүнийг зомби болгох боломж олгохгүйн тулд зарим хэсгийг нь идсэн. Би хэдийнээ хэлсэн. (Тийм, Багш аа.) “Одоо түүний бичлэгийг үзүүлж болно. Түүнд одоо ямар ч хор хөнөөл очихгүй учраас тэр зөвшөөрсөн. Зарим хүмүүс ийм төрлийн шувуу ихээр хардаг.” гэж тэр хэлсэн. Урьд нь тэр бага байхдаа, надтай учрахдаа бүрэн боловсроогүй байсан. Хүмүүс түүнийг барьж авна гэж эмээсэн учраас тэр надад зураг эсвэл ТВ-р хаана ч бүү үзүүл гэж хэлсэн. Харин одоо түүнд зүгээр. Мөн би, “Хэрэв могойг ингэж албал чи ямар нэг маш муу үйлийн үр хураах уу?” гэж асуухад тэр, “Үгүй, үгүй.” гэсэн. (Хөөх.) “Үгүй. Хамгаалах нь миний үүрэг. Тэр муу учраас...” гэсэн. Би, “Чи намайг тэгж хамгаалбал ямар нэг үйлийн үр хураах уу?” гэж асуухад тэр, “Гэхдээ өмнө нь Та намайг хамгаалсан.” гэж хэлсэн. (Хөөх.) Мөн Анхдагч Ертөнцийн Хамгаалагч бас надад, “Та түүнийг хамгаалж байсан учраас зүгээр.” гэж хэлсэн. Би урьд нь түүнийг хамгаалсан. (За, Багш аа.) Нэг удаа, зарим ноход энд тэнд давхилдаж, түүнийг айлгахыг хичээж байсан учраас би нохдыг үргээн хөөж, түүнийг дээш нь өргөж авсан. Түүнийг зарим нэг зүйлээс аврахын тулд, бутанд гацсан байхад нь салгах гэж, мөн ноход болон бусад том шувуудаас хамгаалах гэж хэд хэдэн удаа түүнийг барьж байсан. Мөн түүнд авшиг өгсөн. ( Өө, хөөх! ) Хүсэлтийнх нь дагуу. (Хөөх!) Би шувуудад, нэн ялангуяа зэрлэг шувуудад авшиг өгнө гэж хэзээ ч бодоогүй ч түүнд бол авшиг хүртээсэн. (Хөөх.) Мөн түүнээс, “Чамтай адил төрлийн бусад шувуудад ямар нэг гэм хор учрах уу? Чамайг Суприм Мастер ТВ-р үзүүлснээс болоод ижил төрлийн шувуудад ямар нэг гэм хор учрах уу?” гэж асуухад тэр, “Үгүй, тэгэхгүй.” гэсэн. Өө, үгүй, тэр биш, Анхдагч Ертөнцийн Хамгаалагчид надад тэгж хэлсэн. Тийм учраас би залуус та нарт түүнийг Суприм Мастер ТВ-р үзүүлж болно гэж итгэлтэй хэлсэн юм. Тэгээд би, “Маш их баярлалаа Хамгаалагчдаа.” гэж хэлсэн. “Би эмээсэн...” Энд уншиж байна за юу? (За, Багш аа.) “Энэ нь түүнд эсвэл түүн шиг төрлийн шувуудад нөлөөлж мэднэ гэж эмээж байлаа. Түүнд хос байгаа эсэхийг асуусан. Тэр ганцаар хэвээр үү? гэхэд тэр үгүй хосгүй байгаа гэсэн.” Та нар ийм төрлийн зүйлс сонирхдог эсэхийг мэдэхгүй. Үүнд сүнслэг зүйл юу ч үгүй. Зүгээр үү? Хүсэж байна уу? ( Тийм, Багш аа. ) Миний түүнтэй өрнүүлсэн харилцан яриа. Би зүгээр л түүнийг зүгээр эсэхийг, бусад шигээ хостой эсэхэд нь санаа зовсон юм. Тэр үгүй гэсэн. Хашилтад хэлье, “Би бүх насаараа ганц бие байна,” гэж тэр хэлсэн. (Хөөх.) “Тэр энэ төрөлд намайг хамгаалах гэж шувуу болж төрсөн. Энэ бол түүний цор ганц зорилго, хайрын төлөө.” Тиймээс би, “Баярлалаа, De. Бурхан ивээг.” гэж хэлсэн. (Өө, хөөх. )(Гайхалтай.)
Та нарт юу уншиж өгөхөө мэдэхгүй байна, их олон зүйл бий. Би бодох хэрэгтэй. Ийм зүйл асууна гэдгийг мэдээгүй. Мэдээгүй учраас их зүйлс бэлтгээгүй. Зүгээр л уншъя. (За Багш аа.) “Бямба гаригт, 6 сарын 3-нд эрэгтэйчүүдийг хуучин хоосон оффист бясалга гэж хэл, сайтар тусгаарла, зай талбайтай ба бас тав тухтай.” Өө, номын ах нарт тань юу хийхийг хэлэх гэж өөртөө ингэж сануулсан байна. Үүнийг дэлхийд хэлж болох эсэхийг, энд бичсэн зүйлсээ хэлж болох эсэхийг бодсон. Би өөртөө бичсэн. “Хэрэв би үүнийг дэлхийд хэлбэл, зүгээр үү?” Тиймээс одоо асуух ёстой. Учир нь би хэлнэ гэж бодоогүй. Тухайн үед би зүгээр эсэхийг асуусан ч хариу аваагүй. Одоо асуух ёстой. Тэвчээртэй байгаарай. (Баярлалаа, Багш аа.) Зарим худалдагдсан чөтгөрүүд надад мессеж илгээж, “Та веган болгох эсэх нь Танаас хамаарна. Та бидний төлөө ийм зүйл, тийм зүйл хийх ёстой.” гэж хэлсэн. Би, “Өө, алга болж үз.” гэсэн. (Тийм ээ!) “Алга бол. Хэнтэй чи яриа вэ?” (Яг тийм.) ( Тэд юу шаардсан бэ, Багш аа? ) Өө, утгагүй зүйлс. Дэлхийн энх тайвны төлөө би нохдоо хайрлаж болохгүй. (Өө!) Веган дэлхийн төлөө бас би тэгж болохгүй. Бла, бла. ( Багш аа, тийм учраас хэрэв Та ноходтойгоо уулзвал хүмүүст зориулах сүнслэг хүч болон аврах хүчнийхээ 14%-г алддаг уу? ) Тийм. Энэ бас үнэн ч, энэ нь нохдоос болоогүй. ( Тэгвэл юунаас вэ, Багш аа? ) Нохдыг надад авчирдаг хүмүүсээс болдог. (Аан!) Ирэх ёстой болдог, нохдыг гаргаж, авч явж хооллох гэх мэт зүйлс хийдэг нь хүмүүс юм. (Аан, ойлголоо.) Мөн яг ч бүх хүмүүс өндөр түвшнийх биш, эсвэл миний энергитэй таардаггүй ялангуяа миний даяаны үеэр. (За, Багш аа.) Эмзэг цаг үе байдаг. (За Багш аа.) Даяанаар хэнтэй ч уулзах учиргүй, Зурагт үзэх ёсгүй, дуртай юугаа ч бай үзэх учиргүй гэх мэт. Дэлхийг бүхэлд нь ардаа орхих ёстой. Би бас үнэндээ Суприм Мастер Телевизийн төлөө ч ажиллах учиргүй. Тэгэхгүй байсан ч болоосой, учир нь заримдаа би биедээ хангалттай хурдан ордоггүй. (За, Багш аа.) Мөн заримдаа би ямар нэг зүйл барихад, гараас минь ямар ч шалтгаангүй унадаг, яг л би бариагүй мэт. Миний утас үргэлж л унаад байдаг, гар утас мэдэх үү? (Тийм, Багш аа.) Би, “Уучлаарай, утсаа би санаатай тэгээгүй шүү.” гэж хэлдэг. Утас эвдрэхээс эмээсэн юм, гэвч утас бат бэх байсан, та нар iPhone мэднэ дээ. (Тийм.) Би Суприм Мастер ТВ-н төлөө зарим хэсгийг нь хэрхэн ашиглахыг сурсан. Өөрийнхөө төлөө бус бүгдийн төлөө. Би юу ч сонирхдоггүй.
