Хайх
Монгол хэл
Гарчиг
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Others
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Others
Гарчиг
Тайлбар
Одоо үргэлжлүүлэн
 

Төгс гэгээрсэн Их Багш Чин Хайн дэлхийн бүх удирдагчид болон засгийн газруудад илгээсэн яаралтай илгээмж

Дэлгэрэнгүй
Татаж авах Docx
Дэлгэрэнгүй уншаарай

Хүндэт удирдагчид, төрийн эрх мэдэлтнүүд ээ! Та бүхэн энэ дэлхийдээ туслахаар чармайн хичээж өнөөдрийг хүртэл хийсэн бүх зүйлсэд тань би үнэхээр талархаж байна. Бүгдэд тань баярлалаа. Энэ бол сануулга л юм, учир нь та нар юу хийвэл зөв гэдгийг мэдэж байгааг би мэднэ. Та бүхэн далбаан дороо байгаа бүх ард иргэд, зэрэгцэн орших төрөлтнүүд буюу амьтад гээд бүгдийг хамгаалах ёстой. Тэд туйлын дорой ба хүмүүсийн эрх мэдлээс өршөөл хүсэж байна. Үнэнийг хэлэхэд ХҮНЛЭГ АЛЛАГА ГЭЖ БАЙХГҮЙ, гэмгүй амьтдыг үй олноор хөнөөх хууль ёсны аллага гэж байхгүй. Дэлхий шатаж байна, мөн дэлхий хэзээд ч улам дордож магадгүй, ХҮН АМЬТАД түгшүүртэй хурдаар ҮХЭЖ ҮРЭГДЭЖ БАЙНА. Диваажин болоод Газар Дэлхий бид бүгдийг цоо шинэ, илүү хачин өвчнөөр өвчлүүлж байна. Хөнөөлт дохио тэмдэг хаа сайгүй байна. АНХААРУУЛАХ ДОХИО АСАЖ, дэлхий даяар ойлгомжтой байна! Уур амьсгалын өөрчлөлт хурдасч байна. Мал амьтан өсгөж үржүүлэх, загас, өндөг, сүүний үйлдвэрийн салбар гэх мэт амьтадтай холбоотой бүхэн нь дэлхийг халаадаг хорт метан хийн хамгийн их ялгаруулагч юм. Тиймээс эдгээр харгис, аллагын бизнесийг зогсоох нь дэлхийг сэрүүцүүлэх хамгийн хурдан арга юм. Та нарт үүнийг зогсоох хүч чадал нь байна. Та нарт ВЕГАН ХУУЛИЙГ ХЭРЭГЖҮҮЛЖ, АМЬТАНТАЙ ХОЛБООТОЙ БИЗНЕСИЙГ ЗОГСООХ эрх мэдэл нь байна. Бүх төрөлтнүүд хүн, амьтдад өвчин, зовлон учруулахгүй. Учир нь нинжин сэтгэл нь нинжин сэтгэлийг татах бөгөөд энэрэл нигүүлсэл, энэрэл нигүүлслээ татна. Ивээл нь диваажингаас ивээлийг татна. Харин энэ ВЕГАН ХУУЛЬ БОЛ ДЭЛХИЙГ АВРАХ ХАМГИЙН ҮР ДҮНТЭЙ АРГА ЮМ. Иймээс энэ зайлшгүй шийдвэрээс ахин бүү зугтаач. Зүгээр л ВЕГАН ХУУЛИЙГ ГАРГАЖ БАТАЛ. Зөв зүйлийг шийдэхэд хэтэрхий оройтохоос өмнө, харамсахад ч хэт оройтохоос өмнө батал. Бурханы уур хилэн бидэн дээр илүү ихээр буун ирж, илүү ноцтой цаг агаар, илүү их өвчин, илүү их аймшиг, илүү их амь үрэгдэхээс өмнө, илүү үнэт нөөцүүд алга болохоос өмнө, илүү их санхүүгийн гамшиг болохоос өмнө батал. Бурханы төлөө ажилла, Бурхантай хамт ажилла. Тэгвэл та илүү хөнгөн, цэвэр ариун байж, ЯГ ОДОО ЗӨВ ЗҮЙЛИЙГ ХИЙЖ БУЙДАА баяртай байх болно. Дэлхийгээ аврахын тулд ВЕГАН ХУУЛИЙГ ГАРГА. ВЕГАНИЗМЫГ ХУУЛЬ БОЛГО.

Энэ бол дэлхийн бүх засгийн газрууд тэдгээрийн удирдагч нарт илгээх нээлттэй захидал юм.

Юуны өмнө би та бүхэнд чин сэтгэлийн талархал илэрхийлье. Та бүхэн олон нийтэд урт цагаар үйлчилж, ард иргэдийнхээ хэм хэмжээг олон талаар илүү таатай түвшинд хүргэхийн тулд өөрийгөө умартан хувийн жаргал, эрүүл мэнд, үнэт цагаа золиослохын сацуу зарим үед шүүмжлэлийг тэвчин ажилладаг билээ. Ялангуяа улс орноо удирдахын төлөө чадах бүхнээрээ чармайн хичээж буй тэдгээр удирдагч, сайд нар болон төрийн бусад өндөр албан тушаалтнуудад би тусгайлан талархаж байна. Би та бүхэнд ингэж бас үл үзэгдэх байдлаар тусалж байна. Би та бүхнийг сэтгэл санаа болон сүнслэг байдлаар дэмжиж байна.

Би бүхий л хайр, хүндлэл, сайн сайхан ерөөлийн хамт энэхүү захидлыг ТВ-р гарган хүргэе. Үүгээр та бүгдийн зарим асуулт болон өмнө нь та нарт илгээсэн захидлууд дээрх санаанууд маань тодорхой бус байсан бол ойлгомжтой болох байх. Мэдээж хамгийн гол хариулт нь хүнлэг байдлаар нядлах тухай биш харин бид НЯДАЛГААГ БҮР МӨСӨН ХАЛАХ, амьтны гаралтай бүтээгдэхүүнийг огт хүлээн зөвшөөрөх ёсгүйн тухай юм.

Хүндэт удирдагчид, төрийн эрх мэдэлтнүүд ээ! Та бүхэн энэ дэлхийдээ туслахаар чармайн хичээж өнөөдрийг хүртэл хийсэн бүх зүйлсэд тань би үнэхээр талархаж байна. Тэр дундаа хаад, хатад, ханхүү, гүнж нар, ерөнхий сайдууд, ерөнхийлөгчид, өөр өөр салбарын сайд нар зэрэг өндөр албан тушаалтнууд. Та нарт бүгдэд нь баярлалаа. Дэлхийн бүх оршин суугчдын нэрийн өмнөөс та бүхний хийсэн ажлуудыг үнэлж,талархаж байна. Удирдах үүргийг хүлээж өөр өөр зан чанар, үзэл бодолтой олон янзын хүмүүстэй ажиллах амаргүй.

Та бүхэн хийх зөв зүйлийг мэдэж байгаа учраас энэ бол зөвхөн сануулга юм. Энэ юу болохыг та нар мэднэ, тийм, та нар ухаантай учраас та бүхнийг удирдагчаар сонгож, хаа ч, хэнд ч тусламж хэрэгтэй үед нь туслуулахаар сонгосон, үүнд бидэнтэй зэрэгцэн орших амьтад ч багтана. Гэвч та нар юу хийхээ мэднэ. Та бүхэн сэтгэлийнхээ гүнд дэлхийнхээ төлөө юу хийхээ, юуг хийвэл зөв бэ гэдгийг мэдэж байгаа.

Дэлхий дээр шударга ёсыг төлөөлж, Бурханы хүүхдүүдийг асран халамжлах ажлаар тань Диваажин та бүхэнд хариуцлага хүлээлгэдэг. Мөн та бүхэн зөв хийгээгүйн төлөөсийг мэднэ. Та бүхний удирдлагад байгаа бүх ард иргэд, зэрэгцэн орших төрөлтнүүд буюу амьтад гээд бүгдийг хамгаалах ёстой. Тэд туйлын дорой ба хүмүүсийн эрх мэдлээс өршөөл хүсэж байна.

Би та бүгдэд олон захидал бичсэн, төрийн гол албан тушаалд буй бүгдэд бичсэн. Та нарын ихэнх нь хариу өгсөн. Олонх нь асуулт асуусан. Бүгд өөр өөрөөр. Зарим нь хариу илгээгээгүй магадгүй та нарт энэ талаар бодох хугацаа хэрэгтэй байсаар байгаа учир тэгсэн байх. Үнэхээр зүрх зүсэм байгаа биз? Учир нь надад амьтдын өвдөж шаналсан орилоон сонсогддог, гэтэл та нар яаж үл сонсоно вэ? Та нарт эрүүл мэндийн гэх мэт илүү олон хамгаалалт бий... Ядуу иргэдэд бага байдаг. Тэдний ихэнх нь шаардлагатай хамгаалалтыг авах чадваргүй. Амьтдад дуу хоолой эсвэл сонголт бүр ч байхгүй, тэднийг хамгаалах ямар ч хуульч байдаггүй. Диваажин биднийг болоод амьтдыг өршөөг хэмээн залбиръя. Өөрсдийгөө тэдний оронд тавиад үз, харгис хэрцгийлэлд эсэргүүцэх чадваргүй илгээгддэг. Магадгүй та бүхэн энэ тухай бодож цэгнэсээр л байгаа байх.

Манай дэлхийд болон энэ дэлхийн бүх оршихуйд үзүүлсэн бүхий л тусламжид Диваажинд бид талархаж байна. Амэн.

Амьтад сүнстэй, оюун ухаантай, мэдлэгтэйгээс гадна тэдэнд зарим үзэгдэх ба үл үзэгдэх ид шидийн хүч хүртэл байдаг. Заримдаа бид үүнийг харж чаддаг, ба энэ нь гайхамшигтай. Би та нарт нэг түүх ярьж өгье л дөө. Би нэг тийм алслагдсан уулархаг хэсэгт өндөр ууланд амьдардаг. Миний тэр хавиар хэсэг сармагчин ирээд, үндэс ухаж иддэг юм. Би тэдэнд хэсэг хоол өгсөн. Тэд үргэлж надад талархаж “Танд баярлалаа” гэдэг. Би хариуд нь, “Диваажинд таларх. Би зүгээр бэлгийг чамд дамжуулж байна. Бурханд таларх.” гэдэг. Тэд надтай таарах бүртээ “Сайн сайхныг хүсье.” гэж надтай мэндэлдэг. “Вүү! Вүү!” (Багш инээд алдав) Энэ бол “сайн сайхныг хүсье.” Бас баярлалаа гэхийг “Ххрр” Яг ингэж дуугардаг. Би тэд нарт гадаа хоол үлдээдэг болохоор тэд ирэх болгондоо ямар нэг юм иднэ. Тэгээд тэднийг идэхийг дандаа хүлээгээд байж чадахгүй, би гэртээ ордог. Тэд хоолоо идээд дууссан байлаа ч хүлээж байдаг. Сармагчингуудын хаан нь намайг гарч ирэхийг хүлээх юм уу эсвэл явахаасаа өмнө хаа нэгтээ цонхон дээр ирж “Ххрр!” гэдэг.

Надад тусалсан амьтад, эсвэл надад оюун ухаанаа ихэд харуулсан амьтадын түүхийг энд бүтнээр нь ярих цаг хугацаа бидэнд байхгүй билээ. Миний амийг аварсан аалзны тухай нэг л түүхийг би ярья. Аалз. Энэ аалз маш том байсан, миний алганаас ч том. Бараг л миний алга дэлгээтэй байгаа шиг том. Нэг шөнө, өглөөний хоёр цагийн орчимд би бясалгаж байгаад гэнэт боссон. Өдрийн тэмдэглэлдээ ямар нэг зүйл бичихийг хүссэн юм, тэгээд би нэгэн том аалзыг харсан, энэ бол түүний надад ямар нэг зүйлийг анхааруулах гэж ирсэн хоёр дахь удаа байсан. Тиймээс би, “Өнөөдөр юу болоо вэ?” гэхэд тэр надад, “Гэрлээ бүү унтраа. Буйдангаас хол бай.” гэж хэлсэн. Би, “Яагаад тэгдэг билээ?” гэж бодсон. Тэгтэл би нэгэн могойг харсан, мөлхөөд бараг л миний сууж байсан газарт ирсэн байсан. Тэгээд мэдээж би хүмүүсийн эрвээхэй барихдаа ашигладаг торон төрлийн багаж шиг байшиндаа байсан зүйлийг ашиглан тэдгээрийг гаргасан. Би үүнийг ашиглан түүнийг мөлхүүлж оруулаад гадагш гаргасан. Тэр өдөр аалз миний амийг аварсанд би маш их талархсан, учир нь тэр могой үнэхээр хортой могой байсан, түүний өнгө, гурвалжин толгойн хэлбэрээр нь үүнийг мэдсэн.

Мөн сармагчнуудын түүх бол хувьгүй илүү урт, захиа нь урт учраас би амьтдын талаар хэт их зүйл яримааргүй байна. Магадгүй шавь нартаа өөр нэг үед ярих байх. Мөн, хэрмүүдийн тухай гэх мэт олон түүх бий. Оюун ухаа, сайн чанараа харуулсан амьтдын маш олон түүх бий.

Үнэндээ би аалзнаас, “Чи яагаад надад ийм сайн байдаг юм бэ? Энэ бол чи надад тусалсан хоёр дахь удаа.” гэж асуухад аалз надад, “Өө яагаад гэвэл Та үнэхээр сайхан сэтгэлтэй. Та хэзээ ч биднийг алж байгаагүй.” гэж хэлсэн. Би, “Та нарыг алах аа? Би яаж ийм зүйлийг бодох вэ.” гэж хэлсэн. Тэр, “Зөвхөн аалзны төрлийг ч биш, Та гэрээсээ бүх шавжийг авардаг. Та хэзээ ч ямар ч шавж биднийг алж байгаагүй. Тиймээс бид бас Танд туслах ёстой.” гэсэн. Тэр тэгж хэлсэн.

Амьтад, тэд гайхамшигтай. Бид телепат харилцаагаа хадгалж үлдээгүй нь азгүй хэрэг. Телапат харилцаа бол бүх төрөлтний хувьд хэл ашиглалгүй бие биетэйгээ харилцах маш тохиромжтой, ерөнхий хэл юм. Яагаад гэвэл бид маш олон хэлтэй, амьтад ч мөн адил өөрийн гэсэн хэлтэй. Тиймээс бид хэрхэн дотооддоо харилцахаа санаж чадах юм бол бидний хувьд илүү таатай байх сан.

Амьтад, бүр модод хүртэл, надад олон удаа тусалсан учраас би тэдэнд асар их өртэй. Саяхан, би дэлхийн энх тайван, амьтдын энх тайвны талаар олон яриа хийсэн учраас мэдээж сөрөг хүчний туслахын үлдэгдэл тэр бүгд, надад төрөл бүрийн асуудал үүсгэж ихээхэн үймүүлж байна. Хэрэв тэд шууд над руу чиглэж чадахгүй бол миний туслахуудад асуудал тарьдаг, гэх мэт., эсвэл ямар нэг зүйл хийдэг. Миний цагийг л үрэх, эрчимжүүлсэн даяан бясалгалын төвлөрлийг минь сарниулах гэж тэгдэг.

Би одоогоор гүн бясалгалд байгаа ч Бурхан намайг та нарт үүнийг бичих ёстой гэж хэлсэн. Урьдын адил надад хүн нэг бүрд нэг бүрчлэн бичдэг байсан шиг хангалттай цаг алга. Иймээс үүнийг бичлэгээр нь гаргуулахаар илгээнэ. Энэ нь та бүхний хувьд сонсоход илүү тохиромжтой байх, учир нь ганц л хариулт бий: ВЕГАН ХООЛНЫ ДЭГЛЭМ, ВЕГАН ДЭЛХИЙ манай гарагийг аварч Дэлхий дээрх бүх төрөлтний мөнхийн энх тайвныг тогтооно.

Та нар юу хийхээ хэдийнээ мэднэ гэж би бодож байна. Итгэж байна. Веганизмын энэрэнгүй ертөнц рүү бяцхан алхам хийж буйг би харж байна. Ядаж л олон улс орон бусад буурай орнуудад болон дэлхий даяарх зарим ядарч зүдэрсэн хүмүүст тусалдаг. Үүнд тань би үнэхээр их талархаж байна. Бурханы аврал, Бурхан таныг ивээг. Манай дэлхий улам сайжирсаар байгаа нь үнэн. ГЭВЧ ОДОО БИД ДАХИН НЭГ АЛХАМ ХИЙХ ЁСТОЙ: ВЕГАН АЛХАМ. Тэгвэл бүх зүйл төгс болно, та нар харах болно. Бүгд амар амгалан болно. Бүгд амарч аз жаргалтай болно. Одоогийнхоос илүү аз жаргалтай, илүү амар амгалан байх болно. Диваажин ч байж болно.

Гэхдээ та нар веган хуультай болох, хүн бүрд веган болох ёстой гэж хэлэх, бүх мах, өндөг, сүү, загаснаас ангижрахын тулд юу хийх тухайгаа бодож байгаа. Мах гэж хэлж буй маань загас, түүнчлэн хөдөлдөг болгоныг би хэлж байгаа юм шүү. Өндөг ч бидний биед сайн биш, бас маш их аллагыг дагуулдаг. Аль ч төрлийн мал амьтныг өсгөх нь метан хий болон эдийн засагтай холбоотой олон асуудлаас болж манай дэлхийн цаг уурын өөрчлөлтийг улам бүр муутгасаар байна. Та бүхэн ухаан бодлоо дайчилж байгаа. Тийм учраас та нар дэлхийн маань хамгийн аюултай дайснаас зайлсхийхээр машид хичээж буй байх. Энэ дайсан бол хүний хэм хэмжээг бууруулж, олон тэрбум хүн амьтдыг үхэлд хүргэж, дахиад хэд хэдэн тэрбум амьд оршихуйг гэмтээж, тахир дутуу болгож, үүнийгээ өдөр бүр үргэлжлүүлдэг!!!

Гэвч одоо бодох хугацаа байхгүй. Тиймээс, ХУРДАН ХӨДЛӨӨРЭЙ. Бид ЭНЭ БҮХНИЙГ ЗОГСООХ ЁСТОЙ. Бид бол иргэншсэн төрөлтнүүд, ухамсартай төрөлтнүүд. Одоо бол 21-р зуун. Олон Их Багш нар ирж буцаж, бид бүгдэд, бүх төрөлтнүүдэд энэрэнгүй байхыг заадаг. Бид бусад төрөлтнүүдийг, эсвэл хүмүүсийг хядаад байж болохгүй.

Та нарт энэ бүхнийг зогсоох эрх мэдэл нь байна. Та нарт ВЕГАН ХУУЛИЙГ ХЭРЭГЖҮҮЛЖ, АМЬТАДТАЙ ХОЛБООТОЙ ХАРГИС БИЗНЕСИЙГ ЗОГСООХ эрх мэдэл нь байна. Бүх төрөлтнүүд хүн, амьтдад өвчин, зовлон учруулахгүй. Мөн АМЬТДЫН ХУУЛЬ БОЛ ХАМГИЙН САЙН. АМЬТАН ХАМГААЛАХ ХУУЛЬ буюу ВЕГАН ХУУЛЬ, амьтдад өвчин зовлон ахин учруулахгүй байх хууль. Учир нь нинжин сэтгэл нь нинжин сэтгэлийг татах бөгөөд энэрэл нигүүлсэл, энэрэл нигүүлслээ татна. Ивээл нь диваажингаас ивээлийг татна. “Юу тарина, түүнийгээ хураана.” Библид ингэж дурдсан байдаг. Дэлхийн бүх гол шашнууд ингэж хэлсэн байдаг. Харин энэ ВЕГАН ХУУЛЬ БОЛ ДЭЛХИЙГ АВРАХ ХАМГИЙН ҮР ДҮНТЭЙ АРГА ЮМ.

Учир нь одоо та бүхэн НҮБ-н сануулга, шинжлэх ухааны судалгааны тайланг сайн мэдэж байгаа. Мах, загас, өндөг, сүү, бүр лабораторид амьтад дээр турших, арьс ширний салбар гээд тэжээвэр, эсвэл зэрлэг АМЬТДЫГ ГЭМТЭЭЖ ХОХИРООДОГ ЮУ Ч БАЙ ДЭЛХИЙД МААНЬ МУУ гэдгийг мэднэ. Бид уур амьсгалын өөрчлөлтийг бууруулах, агаарын бохирдлыг бууруулах гэх мэт олон зүйл ярьдаг. ГЭВЧ мал амьтан өсгөж үржүүлэх, загас, өндөг, сүүний үйлдвэрийн салбар гэх мэт амьтадтай холбоотой бүхэн нь гарагийг халаадаг хорт метан хийн хамгийн их ялгаруулагч юм. Тиймээс эдгээр харгис, аллагын бизнесийг зогсоох нь дэлхийг хөргөх хамгийн хурдан арга юм.

Дашрамд хэлэхэд, халим, далайд байдаг нөгөө аварга том “загас”, тэд бол манай дэлхийн аврагчид, хүчилтөрөгчийн аврагчид юм. Тэд биедээ CO2-г маш удаан хугацаагаар хадгалдаг бөгөөд манай дэлхийн хүчилтөрөгчийн багадаа 50%-г ялгаруулдаг. Төсөөлж байна уу? Гэтэл зарим хүмүүс тэднийг хоол болгон агнасаар байна! Шинжлэх ухааны судалгаа гэх мэтээр шалтаг болгодог. Далай дотор магадгүй олон зуун мянган жил оршсоор ирсэн загасан дээр бид ямар судалгаа хийх шаардлагатай юм бэ? Хэрэв бид тэдэнд хүрэхгүй бол, тэднийг тайван орхивол, Бурхан тэднийг харж ханддаг.

Нэг тайлан байдаг. Би уншаад өгье, др. Ралф Чами, др. Томас Косимано, др. Коннел Фүллэнкамп болон Сена Озтосун нарын гаргасан нэгэн тайланг бид саяхан Суприм Мастер Телевизээр 2019 оны 12 сарын 28-нд гаргасан. Та бүхэн эндээс үзэж болно: “Олон улсын валютын сангийн тайланд, уур амьсгалын өөрчлөлтийг зогсоохын тулд халимыг нэн даруй хамгаалахыг уриаллаа” бүр! Үнэхээр ухаантай. “АНУ-н эдийн засагчид, халим нүүрстөрөгчийг шингээн авдаг талаарх судалгаанд дүн шинжилгээ хийсэн байсан. Олон улсын валютын сангийн ‘Санхүү, хөгжлийн’ нийтлэлд, халим насан туршдаа 33 тонн нүүрстөрөгч шингээдэг бол харин модод жилд 22 кг-г шингээн авдаг гэсэн байсан. Нүүрстөрөгч нь халимын биед хадгалагдаж, агаар мандлаас олон зуун жил хол байдаг, халим үхсэний дараа ч мөн адил.” Энэ нь түүний биед үлддэг ба агаар мандалд дэгддэггүй. Үүнийг төсөөлж байна уу? Тэгэхээр Бурхан бидэнд туслуулахаар маш олон дүрээ хувиргасан, амьтны дүртэй аврагчид, сахиусан тэнгэрүүдийг бүтээсэн. Жам ёсоороо бол халим далайд байдаг, хэрэв тэр жам ёсоороо далайд үхвэл тэндээ байдаг. “Түүнээс гадна, халимын амьдралын хэв маяг нь фитоплактоны өсөлтийг дэмждэг. Давтан хэлье: “Халимууд фитопланктон ялгаруулдаг бөгөөд агаар мандлын хүчилтөрөгчийн багадаа 50%-ийг хангаж, дэлхийн нийт нүүрстөрөгчийн 40%-ийг шингээн авдаг.” Дөчин хувь. Халим жил бүр дэлхийн нүүрс- төрөгчийн 40%-г шингээн авдаг. Төсөөл дөө. Гайхалтай. Амьдрах хугацаандаа. Бүх халим тийм байдаг. Энэ бол тэдний зорилго. Би дахин хэлье: “Халим жил бүр дэлхийн нүүрстөрөгчийн 40%-ийг шингээн авдаг.” Халимууд. Энд та бүхэн шалган нягтлах боломжтой веб хуудас байна. Өө, би та нарыг уншиг гээд дэлгэцэн дээр гаргая. За юу? https://www.imf.org/external/pubs/ft/fandd/2019/12/natures-solution-to-climate-change-chami.htm

Манай уур амьсгал хурдсаж, дэлхий маань аюулд өртжээ. Гэтэл та нар үүрд нэг л тойрогтоо эргэлдсээр, мөн магадгүй юу хийх ёстойгоо бодсоор байх шиг байна. Та нар төрөл бүрийн зүйлийг дурдсан ч, гол байг биш. Бид бусад олон хэсгийг онилдог ч гол төв цэгийг нь биш. Яг л зузаан оймсны гадна талаас маажлаа гээд загатнааг арилгадаггүй шиг юм.

Өдийд, эрдэмтэд бидэнд ХХХХХ удаа сануулсан, маш олон удаа, ахин дахин сануулсан, - веган хоол хамгийн сайн, дэлхийн дулаарлыг бууруулахад хамгийн үр дүнтэй арга юм. Уур амьсгалын өөрчлөлтийг бууруулах юм уу зогсоох нь, тогтворжуулах нь бидэнд, оршин суугч хүн, амьтдад сайн. Тийм, бид бол зүгээр л энэ дэлхийн оршин суугчид. Хүндээр торгуулахгүйгээр гэмтээх эрхгүй.

Санаанд орсон үгсээрээ л би үүнийг эмх цэгцгүй тааруухан бичиж буулгаж байна. Та бүхнээс хүлцэл өчье. Зовж шаналсан зүрх минь цэцэг жимс дэлгэрүүлж, гол сэдвээс нь тойруулаад байж чадахгүй нь. Бурхан гарыг минь захирч, зүрх сэтгэлд минь Дэлхийн бүх төрөлтнүүдэд мөнхийн АМГАЛАН ДЭЛХИЙГ авчрах ВЕГАН ДЭЛХИЙ төлөөх залбирал огцом нэмэгдлээ! Бурханд залбирч, өөрийн хувь нэмрээ оруулахыг гуйж байна. Та нар чадна, та нарт дэлхийн иргэдийг зөв амьдралын хэв маягт хөтөлж, Диваажин болоод Дэлхийн амьд бүхнийг баярлуулах хүч бий.

Бид бүгд том болсон, үнэнч иргэд, Бурханаас айж, хуулиа дээдэлдэг. Тиймээс долигоносон хуурамч байх шаардлагагүй. Би таныг, таны ухамсрыг хүндэлдэг учраас шударга үнэнээс өөр юу ч хэлэхгүй. Дээрээс нь Диваажингийн нүдээр бид бүгд ил тод, өдөр бүр хэлэхийн аргагүй их зовлон дэлхий даяар болж байдгийг Диваажин болоод Газар дэлхий харж байдаг.

Манай дэлхий дээр үхэлд хүргэдэг №1 шалтгаан бол мах идэх гэдгийг бид бүгд мэднэ. Гэвч миний бодлоор ихэвчлэн, зарим засгийн газрууд үүнийг халхалж нуух гэж хамаг чадлаараа хичээн, анхаарлыг өөр хавьгүй бага эсвэл бүр ямар ч нөлөөгүй сэдэв рүү, үйл ажиллагаа руу чиглүүлж, хазайлгадаг. Бид хүмүүнлэгийн талд, Бурханы талд байх уу эсвэл алуурчны талд байх уу гэдгээ өөрсдөөсөө асуух учиртай??? Өөрсдөө хариулаад үүнийг нэн даруй хэрэгжүүлээрэй. Бурханы энэрэнгүй талд үйлд, үгүй бол бид алуурчид гэдгээрээ түүхэнд үлдэх болно... Учир нь үр дагавар нь өнөөг хүртэлх ямар ч дайн, аллага нийлснээс илүү байх болно. Та нар ухаантай учраас үүнийг мэдэж байгаа. Ухаантай учраас мэдэж байгаа. Тийм! Та бүхэн үйлдэх, удирдагчаар сонгогдсон ухаантай хүмүүс байх. Зарим Азийн орнуудад удирдагчид, засгийн газруудаа, “ард түмний эцэг эх” гэж нэрлэдэг. Та бүхэнд тавгүй сэтгэгдэл төрүүлсэн бол уучлаарай. Гэвч бид бүхэнд, хүн болоод амьтдад мөхлийн аюул тулгараад байгаа учраас хэлэхгүй бол болохгүй нь. Гаргаж хэлэхээс өөр аргагүй учир нь ДЭЛХИЙ ШАТАЖ БАЙНА, хэзээ мөдгүй бүр ч дордож, ХҮН АМЬТАД түгшмээр олноороо ҮХЭЖ ҮРЭГДЭЖ БАЙНА. Диваажин болоод Газар Дэлхий бид бүгдийг цоо шинэ, хачин жигтэй өвчнөөр өвчлүүлж байна. Хөнөөлт дохио тэмдэг хаа сайгүй илт байна. АНХААРУУЛАХ ДОХИО АСАЖ, дэлхий даяар мэдэгдэж байна!

Хэн нэгэн илүү чангаар ярих ёстой. Би илүү чангаар ярих ёстой. Бүх засгийн газрууд махыг багасгах тогтоолд гарын үсэг зурсан ч үүний төлөө ямар ч баттай зүйл хийгээгүй байна. Өө! Бурхан минь манай дэлхийд туслаарай! Гэвч магадгүй Бурхан биднийг сонсохыг хүсэхгүй болсон байх. “Та нарын гар гэм зэмгүй цусаар дүүрэн учраас Тэр биднээс нүүрээ буруулсан” байж магадгүй. Би та нарын олонх мэдэх Библиэс иш татаж байна. Энэ бол Исаиа бүлэг 1:15. Бид амьдралын хэв маягаа өөрчилж, бусад төрөлтнүүдийг хоморголон нядалсан нүгэлт үйлдлээсээ гараа угаахгүй бол Бурхан бидний залбирлыг сонсохыг хүсэхгүй. Бид яагаад Бурханы тааллын эсрэг зүйл хийдэг юм бэ? Бид яагаад өөрсдийнхөө ухамсрын эсрэг зүйл хийдэг юм? Ухамсартай төрөлтний ямар ч логик, учир шалтгааны эсрэг? Бид, “Бүтээлийн шилдэг нь” байх учиртай, Бурханы хүүхдүүд, ирээдүйн Будда нар байх учиртай.

Гэвч нэг талаараа, бид амьтдыг гэмтээхээс хамгаалж, зүй бусаар харьцаж, ямар нэг өвчин, айдас учруулахаас хамгаалах хууль гаргадаг. Гэвч нөгөө талаараа, тэднийг үй олноор нь хүйс тэмтэрдэг, мөн тэднийг үхэхээс нь өмнө туйлын ихээр, үнэхээр ихээр хэлэхийн аргагүй тамладаг. ТИЙМЭЭС ЭНЭ БОЛ МИНИЙ ОЙЛГОДОГГҮЙ ЭСРЭГЦЭЛ. Эсвэл магадгүй та нар тэднийг жижигхэн талбайд шахаж, гинжилж, ариутгалын саванд живүүлж, амьдаар нь хоолойг нь хэрчих гэх мэт үйлдлийг энэрэнгүй, хамгаалсан үйлдэл гэж боддог юм уу? Эдгээр нь энэрэнгүй хамгаалсан үйлдэл үү? Мөн эдгээр нь үнэхээр шударга хууль уу? Үнэнийг хэлэхэд ХҮНЛЭГ АЛЛАГА ГЭЖ БАЙХГҮЙ, гэмгүй амьтдыг үй олноор хөнөөх хууль ёсны аллага гэж байхгүй. Амьтад бидэнд ямар ч хор учруулдаггүй. Ямар ч гэм хийдэггүй. Энэ бол шударга бус. Энэ бол шударга ёс биш.

Энэ талаар бодож үзээрэй, мөн хурдан бодоорой. Бид эсрэгээр нь үйлдэх ёстой. Гуйж байна, ВЕГАН ХУУЛИЙГ ОДОО ТУНХАГЛАНА УУ. АХИН ямар ч төрлийн АМЬТАН ЗОВООСОН БҮТЭЭГДЭХҮҮН-г хоригло. Маш амархан, үнэхээр амархан. Хүн бүр цус дусалсан хэрчим махаа л одооноос орхичих. Ямар ч амьтны мах, бүтээгдэхүүн байсан орхичих. Зүгээр л бүгдийг нь хориглочих. ВЕГАН ХУУЛИЙГ ГАРГАЖ БАТЛА. Амьтдыг зовоох бүх л үйл ажиллагаануудыг хорь, хэрэв өөрсдөдөө гэмшиж гараг дэлхийгээ аврахыг хүсвэл бүгдийг нь хоригло. Бурхан биднийг илүү их адисална. Тэрээр Библид дурдсанаар, “Өөртөө хүртэл зориулж амьтдыг золиослохыг хүсэхгүй байна” гэж хэдийн хэлсэн байдаг. “Надад ахин тахил өргөл бүү авчир. Надад ахин амьтны өргөл бүү авчир.” Тийм ээ. Үүнийг Библийн аль нэг хэсэгт дурдсан байдаг. “Та нар гараа өргөн залбирахад би харахгүй. Гар чинь гэмгүй хохирогсдын цусанд булхсан байгаа учраас та нар хэчнээн олон удаа залбирсан ч би сонсохгүй.” Амьтад бол хохирогчид.

Би энэ цагаан туузыг зүүж байна. Энэ бол Азийн уламжлал. Энэ бол гашуудлын тэмдэг. Надтай хамт гашуудагтун. Тоолшгүй олон зуун жил, тоолшгүй олон мянган жилээр хүмүүсийн гар, дайн дажин, хоолонд зориулагдан нядлагдсан бүхий л гэм зэмгүй, өвдөж шаналсан сүнснүүдийн төлөө залбирагтун, тэдний авралын төлөө залбираарай. Тэд өвчин зовлон, шаналал, үзэн ядалтаас чөлөөлөгдөхөд залбир. Тэд дээд Диваажинд очин тайван амраг. Бурхан өөртөө зориулж ямар ч амьтны өргөл хүсэхгүй атал яахан биднийг амьтдыг алаад, цуст махыг нь идэхийг хүсэх билээ дээ?

Иймээс энэ зайлшгүй шийдвэрийг гаргахаас ахин бүү зугтаарай. Өнөө үед, бидэнд хаа сайгүй маш амттай веган хоолнууд байдаг болсон. Бүх хүмүүст болон бусдад эрүүл, жаргалтай. Бид эртхэн Веган Хуультай болох энэ шийдвэрийг гаргах тусам энэ дэлхий дээр байгаа бид бүгдийн ухамсарт сайн. Ингэснээр бид мөн шүүлтээс аврагдах юм. Тиймээс өөрийн хайр энэрэлт дотоод мөн чанараар үйлд. Өө, эелдэг хүн төрөлтнүүд минь, Бурхан та нарт энэ дэлхийг харж хандах хүчийг өгсөн. Та бүхэн үүгээр юу хийнэ вэ? Яг одоо өөрчлөгд, дэлхийгээ авар. Зүгээр л ВЕГАН ХУУЛЬ ГАРГАЖ БАТАЛ. Зөв зүйлийг шийдэхэд хэтэрхий оройтохоос өмнө, харамсахад ч дэндүү оройтохоос өмнө батал. Бурханы уур хилэн бидэн дээр илүү ихээр буун ирж, илүү ноцтой цаг агаар, илүү их өвчин, илүү их аймшиг, илүү их амь үрэгдэхээс өмнө, илүү үнэт нөөцүүд алга болохоос өмнө, илүү их санхүүгийн гамшиг болохоос өмнө батал.

Дээр үеийн Дэйвид хаан зөвхөн нэг хүнийг хэлмэгдүүлэн алахад ард иргэд нь гурван өдрийн тахлаар шийтгүүлдэг. Бидний цаг үед, мөнхийн тахалтай байгаа мэт, ар араасаа гарч байна. Бид хааш зугтах вэ?

Аюулт тахал өвчнүүд анх амьтдыг идсэнээс халдварласан

ХДХВ / ДОХ - шимпанзе-с халдварласан

Мутант Криүтсфэлд-жакоб өвичн (Үхрийн галзуу өвчин) үхрээс халдварласан.

H5N1 Шувууны ханиад тахиа, нугаснаас халдварласан.

SARS (Амьсгалын замын хурц халдварт өвчин) - суусраас халдварласан.

H1N1 Гахайн ханиад (Гахайн өвчин) - гахайнаас халдварласан

MERS (Ойрх Дорнодын амьсгалын замын халдварт өвчин) тэмээнээс халдварласан

Эбола - сарьсан багваахайнаас халдварласан.

COVID-19 –сарьсан багваахайнаас панголинд халдварласан.

Эдгээр бүх өвчнүүд бүгд АМЬТДААС ХҮМҮҮСТ ХАЛДВАРЛАСАН

Бид өөр хаашаа явах вэ? Бидэнд зөвхөн ганц л гараг бий. Тэгээд, аюулт гал түймэр, хар салхи, газар хөдлөлт, цунами гэх мэт... төгсгөл үгүй. Газар Тэнгэр голд ортол донсолж, бидний анд нөхөд хүмүүс хийгээд Дэлхийн оршин суугч амьтдаар жиших харгислалуудыг харж байна. Тиймээс, бүхий л төрлийн гай зовлонг тойрч боломгүй. Хамгийн сүүлийн Уханийн тахлаар нас барагчдын тоо өссөөр байгаа ба хэдэн сая хүн, хөл хорионд орсон байна. Олон нийтийг сандраахаас айж, мөн эдийн засагт үзүүлэх нөлөөллөөс нь айж зарим засгийн газрууд нас барсан болон, тусгаарлагдсан хүмүүсийн тоог хамгийн багаар хэлж байна! Та нар ч мэдэж байгаа байх.

Нүдээ нээ, бодлоо нээ, зүрх сэтгэлээ нээж, эргэн тойрны бодит байдлыг хар. Дэлхийг маань зөв болгоход зориулан Бурханы бэлэглэсэн тэрхүү хүндтэй байр сууриа ашигла. Та бүхэн энэ өндөр албан тушаалд энэ гараг дэлхий дээрх бүхнийг халамжлах гэж, зөв болгох гэж, Дэлхийн сайн харгалзагч байх гэж томилогдсон. Тиймээс цаг хугацаагаа болон Бурхны адислалыг бүү дэмий үр. Юмсыг илүү хяналтаас гарахаас өмнө, ахин бодох шаардлагагүйгээр яг одоо хий, яг одоо өөрчил. Гай гамшгууд бидэнд гэнэт тохиолдож, хариулах хугацаагүй болохоос өмнө өөрчил. Миний залбирал та нартай хамт, бидний хайрт анд нөхдийн залбирал та нартай хамт.

Бурханы төлөө Бурхантай ажилла. Та илүү хүчирхэг, аз жаргалтай, бие, сэтгэл сүнсээрээ илүү амгалан болж, зүрх сэтгэлд тань байсан гэмшлийн хүнд ачаа үгүй болно. Тэгвэл та илүү хөнгөн, цэвэр ариун байж, ОДОО ЗӨВ ЗҮЙЛИЙГ ХИЙЖ БУЙДАА баяртай байх болно. Дэлхийгээ аврахын тулд ВЕГАН ХУУЛЬ ГАРГА. ВЕГАНИЗМЫГ ХУУЛЬ БОЛГО.

Бурхан ямар ч төрөлтөнд ямар ч зовлонг хүсэхгүй. Амьтдын эсвэл ямар ч төрөлтний мах, цусыг огтхон ч хүсэхгүй. Хөвч таслахыг хүртэл. Юуны тулд? Бурханд өрөвдмөөр хөөрхий нялхсыг зовоож үхүүлэх ямар хэрэг байх билээ? Энэ зан үйл эхэлснээс хойш, хөвч тастсанаас үүдэлтэй, дараах нөлөөллөөс болж төрөөд хэдхэн хонож байгаа тоолшгүй олон хүүхэд зовж, үхсэн. Цус алдаж, эсвэл халдвараар. Эцэг эхийнх нь зовлонг төсөөлөөд үз дээ. Бурханд ямар санагдахыг төсөөл? Бид Бурханыг ч зовоож байна. Учир нь Бурхан биднийг Өөрийн дүрээр бүтээсэн. Бид бол Бурхны хүүхдүүд. Хүүхдүүд нь зовоход, Бурхан зовдог. Бурхан надад, энд Түүний хүсэл огтхон ч байгаагүй гэсэн. Энэ бол Түүний нэрээр ариун сэтгэлтнүүд, эмзэг итгэгч нарт хор учруулах гэж Сатан чөтгөрийн хийсэн зүйл. Тэднийг илүү их зовлон шаналалд унагахаар, голомт залгагчдыг алах гэж, улс орныг хүчтэй болгож, хүмүүсийг үржүүлэн, хөгжүүлэх чадалтай эрэгтэй залгамжлагчдыг алах гэсэн урхи. Бодоод үз, ямар гээч Бурхан хөөрхий гэмгүй, өрөвдөлтэй нялхас, хүүхдүүд эсвэл эрэгтэй насанд хүрэгчдийг яах гэж зовоохыг хүсэх вэ? Юуны тулд Бурхан эцэг эхийнх нь санааг зовоож, шаналгана гэж. Тэд ч мөн Түүний хүүхдүүд. Хэдийгээр тэд миний хүүхдүүд биш ч, би тэдний эцэг эх биш ч, тэдний өвдөж зовж байгааг мэдрэн зүрх сэтгэл минь маш гүн шаналж байна. Нэн ялангуяа хөөрхий нялхсын төлөө. Бүхнийг Хайрлагч Бурхан үүнийг яаж тэсэх вэ, Бурхан яаж ингэж тушаасан байх вэ дээ!?

Бурханы нэрийн өмнөөс, дээдийн шударга, өршөөлөөр, би балар эртний цагаас эхлэн хүний гарт зориудаар эсвэл зориуд бусаар хөнөөгдөж, тарчилсан тоолшгүй олон гэм зэмгүй төрөлтнүүдээс өршөөл эрье. Одоо бол 21-р зуун, бид илүү иргэншсэн байх ёстой. Бид мухар сүсгийн догшин уламжлалуудыг зогсоох ёстой. Бид гэм зэмгүй хүүхдүүд болон амьтад, мөн хүмүүсийг гэмтээхээ болих ёстой. Төрөлтнүүдийг зовоох зүйлсийг бий болгодог нь Сатан чөтгөр юм. Энэ бол түүний тамын хэв маяг. Тэр бол Там, мэдээж, зовлон, шаналал, өвчин, тарчлаан болон ямар ч сайн бус зүйл, сөрөг, харанхуй, зовлон учруулагчийн бэлгэдэл юм.

Тиймээс өөрсдийн гэмгүй нялхас, хүүхдүүдийг авар. Би яагаад чөтгөр эрэгтэй нялхас, эсвэл эрэгтэй хүүхдүүд, эрэгтэйчүүдийг зовоохыг хүссэнийг хэлье. Би яагаад гэдгийг нь хэлье.

Бурхан надад ингэж хэлсэн, ингэсэн нь өршөөлт Бурхан биш байсан. Энэ бол хүсэл шуналт чөтгөрүүд, Сатаны хараатууд. Тэд дайн, зөрчилдөөн, уур хилэн гэх мэт зүйлст амиа алдагсдын цусыг идэх дуртай. Саяхан, би дахин тэсэхийн аргагүй болсон, тэд бас надад хэт их төвөг тарьдаг. Тиймээс, эдгээр чөтгөрийн 80% нь хэдийнээ там руу Анхдагч Ертөнцийн Бурхдын Хамгаалагчдаар саяхан чирүүлэн очсон. Эдгээр төрлийн чөтгөрүүд, тэд Сатан өөрөө ч биш байх боломжтой ч Сатаны төлөө ажилладаг, тэгээд тэд үргэлж хүмүүсийн дунд, бас хүн болоод амьтдын хооронд, эсвэл амьтдын дунд, эсвэл бүх төрөлтний дунд дүрэлзэх энергийг таашаахын тулд үзэн ядалт бий болгохыг оролддог. Тэд үүгээр амьдардаг, тэдний зовлон шаналал, үхсэн цусанд баясдаг. Тэд надад хэлсэн. Хүслэнт чөтгөрүүд (сахиуснууд) хүртэл надад бүр Дэлхий дээр энх тайвныг бүү тогтоо гэж хэлсэн, тэдэнд идэх зүйл юу ч үгүй болох учраас тэр. Би “Хүслийг чинь биелүүлж чадахгүй нь, та нар зөвхөн намайг дагаж гэр рүүгээ, Диваажин руу явж болно. Үүнийг л би амлаж чадна. Би хүмүүс эсвэл амьтдыг энэ гараг дэлхий дээр цаашид зовохыг хүсэхгүй. Хангалттай. Хэдийнээ хэтэрсэн!” гэж хэлсэн.

Тэд өөр юу ч идэж чадахгүй гэсэн. Би тэднээс, зүгээр байгалийн жамаараа үхсэн эсвэл хаягдсан цогцос зэргийг идэж болохгүй юу гэдгийг асуулаа. Энерги нь өөр учраас тэд чадахгүй гэж хэлсэн. Тэд зовж шаналсан, хорсож зэвүүцсэн, гасалж гансран, айж балмагдан, алуулж хядуулсан төрөлтний махыг, тийм махан төрлийн зүйл идэх хэрэгтэй байдаг гэсэн. Бусад бүх мах өөр энергитэй байдаг тул тэд идэж чаддаггүй. Би тэдэнд, “За, та нар өөрчлөгдөх ёстой. Ямар нэг юм идэх гэж дайн гаргаад байхыг чинь цаашид би зөвшөөрч чадахгүй.” гэсэн. Тэд ингэж зовж шаналан, алуулж хядуулсан энергитэй хэрчим мах байхад л удаан хугацаанд сэтгэл хангалуун байж чадахаа хэллээ. Би, “Яадаг ч бай, би энэ хүсэлтийг чинь зөвшөөрөхгүй, энэ явдлыг чинь зөвшөөрөхгүй. Би хүмүүст, амьтдад хайртай. Бүх сүнс энэ гарагт тохиолдлоор өгөөшинд орох хүртлээ гэмгүй байдаг. Би тэднийг дахин зовоохыг зөвшөөрөөд байж чадахгүй. Тиймээс хамгийн сайн зүйл бол намайг дагаж гэр рүүгээ явах юм.” гэж хэлсэн. Зарим нь тэгж байгаа ч их цөөхөн (цөөн тоогоор). Үнэндээ өнөөг хүртэл тэдгээр чөтгөрийн 82% нь хэдийнээ тамд зовж байгаа. Тэд надад саад болсон тул үүнийг хийх шалтгаан надад байсан юм.

Эрхэм нандин үр хүүхдүүдээ аварцгаана уу. Та бүхэн олон тохиолдолд тэднийг зовоож, бүр үхүүлэх нь ямар ч ашиггүйг харж болно. Америкт хөвч таслах ажилбарын дараах нөлөөтэй холбоотойгоор жил бүр хамгийн багадаа 100 хүүхэд энддэг гэж мэдээлсэн байдаг. Энэ тоо илүү их байж болох ч зарим эцэг эх мэдээлдэггүй. Яагаад гэдгийг та бүхэн ойлгож байгаа. Тэд үүнийг мэдээлэх талаар бодохыг ч, бүр ярихыг ч хүсэхгүйгээр дэндүү их зовж шаналдаг.

Гэхдээ түүхээс хараад та бүхэн яргачин маягийн “бурхан” мэтийг шүтэх нь ямар ч сайн зүйлд хүргэдгүйг харж болно. Энэ бол Бурхан байх боломжгүй. Бурхан бол хайр юм. Бурхан бол хүнлэг, хайрлагч, энэрэл нигүүлсэлтэй, өршөөнгүй. Тэр хүүхдүүдийг бүтээсэн, Тэр өөрийн гэсэн дүр төрхөөрөө хүнийг бүтээсэн. Тэр хүүхдүүдээ зовоож, шаналгахыг яахан хүсэх билээ? Энэ бол утгагүй явдал. Та бүхэн ухаантай, ойлгоно. Тиймээс эргээд хар даа. Эргэн тойрноо хар. Ийм яргачин төрлийн чөтгөрүүдийг шүтсэнээр ямар ч сайн зүйл гарахгүй. Ердөө эцэс төгсгөлгүй дайн, асар их зовлон, зуурдаар нас нөгчих тоймгүй олон хүүхэд, нялхас байна. Хэдэн арван жилийн өмнө ч тэр. Та бүхэн үүнийг санаж байгаа. Бөөнөөр хядсаныг мэдэж байгаа.

Үүнийг зогсоогтун. Үр хүүхэд, нялхастаа, өөрсдөдөө, найз нөхдөдөө эрүү шүүлт тулгахаа боль. Сэрэгтүн. Сэрээрэй, сэрэгтүн. Үр хүүхдийг тань зовоодог тийм Бурхан гэж байхгүй. Та бүхэнд үр хүүхдүүд тань үнэ цэнтэй, Бурхан үүнийг мэднэ. Бурхан та бүхнийг сэтгэл санаа, бие махбодыг зовоохыг хүсдэггүй үр хүүхдийг тань ч зовоохыг хүсээгүй. Яах гэж? Тэр үр дагаврыг мэддэг, ядаж л их өвддөг. Бид гараа жаахан зүсчихэд л маш их өвддөг шүү дээ. Хүүхэд яахан тэвчих билээ? Хүүхдүүд яаж тэвчиж чадах билээ?

Ямар нэг таагүй зүйл хэлсэн бол уучлаарай. Гэвч миний сэтгэл ... Яг л буцалж буй мэт байна. Би мэдэрдэг... мэдэрдэг... Буцалж байгаа юм шиг санагддаг. Энэ нялх хүүхдүүдийг бодоод, ямар ч аргагүй байдалд хүрч, юу мэдэрч байгааг нь төсөөлөхөөр. Төрөөд ердөө хэдхэн өдөр болж буй хүүхдүүд, Бурхан минь. ҮҮНИЙГ ЗОГСООГООЧ ДЭЭ! Эс бөгөөс Бурхан та бүхнийг улам их шийтгэх болно. Чөтгөрүүд, зөвхөн чөтгөрүүд л, тэд танай улс орныг сулруулахыг хүсэж байгаа юм. Та бүхэн үүнийг харж чадахгүй байна гэж үү? Учир нь эрэгтэй нялхас, эрэгтэй хүүхдүүд, эрэгтэй хүмүүс бол бидний ирээдүй юм шүү дээ. Нэн ялангуяа нялх хүүхдүүд (би уншиж чадахгүй байна) ялангуяа эрэгтэй нялхас, эрэгтэй хүүхдүүд тэд бол ирээдүйн еврейн шашны лам нар, тэд бол ирээдүйн ерөнхийлөгчид, тэд бол танай улсын ирээдүйн хамгаалагчид. Тиймээс чөтгөрүүд тэднийг хорлохыг, алахыг хүсдэг. Ингэснээр улс орон тань сул дорой болдог. Улс орныг тань хүчирхэгжүүлж, нийгэмд олон ажил хийхэд туслах эрчүүд цөөхөн болно гэсэн үг. Үүнийг ойлгож байна уу? Би үнэнийг хэлж байна. Би яах гэж үүнийг хийж байна вэ? Та бүхэнд эвгүй сэтгэгдэл төрүүлэх эрсдэлийг өөртөө авч байна. Чөтгөрүүд хаа сайгүй бий. Тэд өөрсдийгөө хүн болгон харуулж чадна. Тэд сүр жавхлантай харагдах болно, мөн өөрсдийгөө бурхан, гэгээнтэн гэж хэлнэ.

Соломоны түүхийг санагтун. Тэр цөллөгт гурван жил байсан. Тэгтэл чөтгөрүүд түүний хаан ширээг, ордныг, улс орныг авч, маш их жигшүүртэй, харгис үйл хийсэн. Хүмүүс үүнийг Соломон гэж бодож байсан боловч энэ бол тэр байгаагүй. Соломон эргэн ирэх хүртлээ бүхэл бүтэн гурван жилийн турш цөллөгт байсан. Тэгээд чөтгөрүүдийг хөөдөг. Мөн Есүс байна. Түүнийг цөлд бясалгаж байхад бас л чөтгөр ирээд, Түүнийг уруу татдаг даа. Хэрвээ Есүс зүгээр л Сатанд мөргөвөл, Түүнд бүхий л ертөнцийг бэлэг болгон өгнө гэж амлан хахуульдах гэдэг. Тэгэхэд Есүс юу гэсэн билээ? Эндээс алга бол гэсэн утгаар “Чи далд орж үз!” гэдэг.

Будда бас Түүнийг чөтгөрүүд уруу татахаар ирэхэд адилхан зүйл хийдэг. Харин оюун бодлын төлөв нь эмзэг, маш цайлган итгэл үнэмшилтэй байсандаа хэн нэгэн буруу сонссон юм уу, орчуулга нь буруу байсан юм болов уу? Үүнийг Бурхны дуу хоолой гэж эндүүрсэн. Тэгээд Бурхан залруулга хийхээр, Түүний нэрийг цэвэрлэхээр, айлдвараа ойлгомжтой болгохоор өөр Элч нарыг илгээдэг. Ийнхүү бусад Элч нар ирээд, Тэрээр ямар ч амьтны махыг бүр амьтны мах болон цусыг ч хүсдэггүй байтал хэрхэн энэ хүүхдийг гэмтээхийг хүсэх билээ? Тэр амьтдад маш их хайртай, амьтдад хор хөнөөл учруулахыг хүсдэггүй атлаа хэрхэн хүүхдийг тань, нялх үрийг тань бүр үхэх эрсдэлд оруулан хор учруулах билээ дээ? Бодоод үз, за?

Буруу орчуулга хэдэн сая, хэдэн тэрбум гэм зэмгүй хүний амь насыг золиосолдог. Жишээ нь: Энэтхэгт эрт дээр үед Ригведагийн 10.18.7-д нөхөр нь нас барсан бэлэвсэн эхнэрүүд амьдралдаа цаашид зоригтой байхыг сургамжлан тэмдэглэсэн байдаг. “Агре” гэдэг нь “зоригтойгоор цааш явах” гэсэн утгатай. Гэтэл агре гэдгийг буруу орчуулж, гал гэсэн утга бүхий агне гээд буруу ойлгосон. Тэгээд энэ магтаал ийм болсон: “Эдгээр эхнэрүүдийг ямар ч гунигт нулимсгүйгээр, сайтар гоёж, хүүр шатаах овоотой түлээн дээр эхэнд нь тавь.” Иймээс “галд ор” биш харин “зоригтой бай.” юм. Энэ хоёр бол огт өөр тодорхойлолт. Олон эмэгтэйчүүдийг үхэгсдийг шатаадаг овоотой түлээ рүү албадан оруулж үхүүлдэг. Хэрэв нөхөр нь нас барсан бол түүнийг шатаах ба эхнэр нь түүнтэй хамт шатах ёстой болдог. Ингэж дээр үед олон эмэгтэйчүүд агре гэж үгийн утгатай адил амьдралаа цааш үргэлжлүүлэхийн оронд тэднийг нөхөртэй нь хамт хүчээр галд шатаадаг байжээ. Энэ бол аймшиг. Мөн нь Ведийн тарнийн хамгийн их эш татдаг эшлэлүүдийн нэг Аттарваведа 18.3.1-д нөхрөө нас барахаар эмэгтэйчүүд түүнтэй хамт шатах ёстой гэдгийг дэмжсэн байдаг: “Хань нөхрийнхөө ертөнцийг сонгон Эр хүн минь, энэ эмэгтэй өөрөө амьгүй цогцсын дор хэвтэв. Эртний ёс заншлыг үнэнчээр хадгалан байна. Эд хөрөнгө ба үр удмын аль алиныг энд хүртээнэ үү.” Энд “хань нөхрийнхөө ертөнцийг сонгох” гэдгээс эхнэр нь дараа төрөлдөө, нөгөө ертөнцөд нас нөгчсөн нөхөртэйгөө нийлнэ хэмээн эхнэрт нь зөвлөж буй утга буруу орчуулгаас болж алга болсон байна. Тэгээд эхнэр нь нөхрийнхөө оршуулгын галд өөрийгөө шатаах ёстой болж. 1829 оноос хойш Энэтхэгт амьд бэлэвсэн эхнэрийг нөхөртэй нь цуг шатаах тус үйлдлийг хууль бус гэж зарласан. Гэхдээ энэ нь зарим ҳиндү шашинтнууд эмэгтэй хүний чин бишрэл, золиослолын хамгийн дээд хэлбэр гэж үзсэн ховор тохиолдолд болсоор байна.

Тэгэхээр та нар буруу орчуулга аминд хүрч, аймшигтайгаар алж, гэм буруугүй хүмүүсийг алж болохыг харлаа. Бид юунд итгэж, юуг дагаж буйдаа болгоомжтой байх ёстой, учир нь учир зүйтэй оюун ухаант шалтгаанаар сонсох хэрэгтэй. хэрэв бид Бурханы гэрээслэлийг дагахыг хүсэж байгаа бол шүү. Зүгээр л жишээ хэллээ, учир нь Ведийнхтэй ижил зөрчилдсөн эшлэл энд байна. Аттарваведа 18.3.2-т ингэж дурдсан байна: “Босогтун, амьдралын ертөнцөд ир Ай эмэгтэй: ир, хажууд чинь буй хүн, тэр амьгүй болсон.” Тэгэхээр энэ тарнид бүсгүйг нөхрийнхөө үхсэн цогцсын дэргэдээс босож амьдын хорвоод урагшлан амьдрахыг заасан байна. Ведас-д мөн ижил бэлэвсэн эхнэрийн дахин гэрлэлтийн тухай ярьсан байна. Иймээс буруу орчуулга асар олон гэм буруугүй хүнийг алж чадна. Иймийн учир би хүмүүс буруу сонссон эсвэл буруу орчуулсан байж мэднэ гэж хэлсэн юм. Нялх үрсээ авар, хүүхдүүдээ авар, эрчүүдээ авар. Тэднийг амьдруул Тэднийг бүрэн бүтэн, эрүүл саруул, сайн сайхан байлга. Бурхан тэднийг төгс бүтээсэн юм. Бид үүнд халдах эсвэл биеийнх нь хэсгийг хасаж танах учиргүй. Энэ нь Бурханы тааллын эсрэг үйлдэл болно.

Тиймээс өөрсдийнхөө төлөө, нийтлэг чиглэл, ёс суртахуун, нэр төр, алдар хүндийн төлөө одоо хийх цорын ганц зөв зүйл бол ВЕГАН ХУУЛИЙГ БАТЛАХ юм. ГЭМ БУРУУГҮЙ АМЬТАД, ХҮМҮҮСИЙГ ДАХИН БҮҮ ХӨНӨӨ.

Дашрамд хэлэхэд энэ дэлхийн бүх иргэд өөрсдийн засгийн газрыг ВЕГАН ХУУЛЬ хэрэгжүүлэхэд нь дэмжээрэй. Тэгвэл амьтад дахин зовж шаналах хэрэггүй болно. Үр хүүхдүүдээ хамгаалаарай. Бурхан тэдэнд хор учруулахыг хүсдэггүй. Бурхан тэднийг хайрлаж, хамгаалахыг хүсдэг. Ингэж тэд танай улс орны төлөөх, танай гэр бүлийн төлөөх еврейн шашны сайн лам, сайн хувраг, сайн лам, сайн ерөнхийлөгч, сайн удирдагч, эсвэл хүчтэй ажиллах хүчин болно. Энэ бол жинхэнэ Бурхан. Миний мэддэг Бурхан ийм байдаг. Бүгдэд өршөөл үзүүлдэг. Та ердөө гэмшин наманчлахад л өршөөгдөх болно. Би үүнийг өөрт буй нэр төрөөр андгайлж байна. Надад итгээрэй. Бурхан бүгдийг хайрладаг, бүгдийг өршөөдөг. Зүгээр л эргэ, зөв зүйл хий. Гэмшиж наманчил. Бурхан та бүхнийг 100% өршөөх болно. Энэ бол жинхэнэ Бурхан, та бүхний сайн сайханд үнэхээр анхаарал тавьж, Диваажинг та нарын төлөө хүлээлгэж байгаа. Амьтны мах идэхийг хүсэн, амьтны цус ууж, нялхас, хүүхдүүдэд хор хөнөөл учруулагч Бурхан байж таарахгүй. Ялангуяа эрчүүд, ямар ч улс үндэстэн, айл өрх эрчүүдийн хүч чадалд найддаг, тэдний хамгаалалт болон хүч, эр зориг, зорилгодоо үнэнч байхад хэрэгтэй бүхний төлөө найддаг. Тиймээс бид нялх бүстэй хүүхэд, эрэгтэй хүүхэд, эрэгтэй хүмүүст хор хөнөөл учруулж болохгүй. Тэд бидэнд хэрэгтэй.

Түүнчлэн зарим нэг газар бүр эмэгтэйчүүдийг залхаадаг, үүнтэй төстэй өөр зан заншил буюу аюултай уламжлал бий. Эмэгтэй хүний эрхтний хэлүүг тайрч, тэднийг өвтгөж зовоон, цус алдуулж, халдвар авхуулан, үхэлд ч хүргэдэг. Ихэвчлэн мэдээ алдуулалгүй тайрна. Та бүхэн төсөөлж байна уу? Өөрсдийгөө ийм нөхцөл дор байна гэж төсөөлж чадах уу? Биеэ хамгаалах ямар ч аргагүйгээр ингэж өвдөж зовдог. Энэ бүхнээ зогсоо. Та бүхний мэргэн засгийн газарт, та бүхэнд эрх мэдэл бий. Энэ бүх зэрлэг мухар сүсгээ зогсоо.

Та бүхэнд энэ бүгдийг зогсоох хангалттай боловсрол, хангалттай эрх мэдэл бий. Эс бөгөөс Бурхан өршөөхгүй, үүрд өршөөгөөд байхгүй. Бусад хамтран оршигч амьтдаа гэмтээж буйг минь хараад Бурхан мөнхөд тэвчээртэй байж чадахгүй. Гэхдээ бид зогсоож, гэмшиж наманчилбал, Бурхан тэр даруй өршөөн, мартаж, бид бүгд элбэг дэлбэг, аз жаргалтай амьдралдаа баясан, энэ дэлхийг орхихдоо Диваажинд очих болно. Би амлаж байна. Диваажин миний гэрч, Бурхан миний гэрч.

Гараг дэлхий оршин тогтнож, мөн дэлхий тэсэж үлдэж магадгүй. Гэвч ухамсраа үл тоомсорлон, амьтан нядлах зэрэг бусад гэм зэмгүй төрөлтний зовлонгоор амьдарч буй хүмүүс дараа нь шүүлтээс мултарч чадахгүй. Тиймээс өөрсдийн төрөлхийн хайрын чанараар үйлд. Дэлхий ертөнцөө амьдрах жаргалтай газар орон болгохоор энэ дэлхийн засгийн газрууд, энэ дэлхийн иргэд зөвшилцөн хамтран ажилла. Үр хүүхдүүддээ илүү сайхан гараг үлдээцгээе.

Бурхан та бүхэнтэй хамт байсаар байг. Бурхан ВЕГАН ХУУЛЬ гаргах шийдвэрийг тань адислаг. Бурхны эрхэм зорилго, хамгаалалт дор эр зоригтой, баатарлаг, үнэнч шударга, мэргэн ухаантай, аймшиггүй байгаарай. Та бүгд, удирдагчид, засгийн газрууд, энэ дэлхийн ард иргэдээ, гэм зэмгүй амьтад, нялхас, эрчүүдийг алж хядахаа зогсооно уу. Диваажин та бүхэнд тусална. ВЕГАН ХУУЛЬ гаргаж, ГАРЫН ҮСГЭЭ ЗУРААРАЙ, тэгээд дагаж мөрд. Энэ дэлхийн бүх засгийн газар, бүхий л удирдагчид, бүх оршин суугчдын хувьд ЭНЭ БОЛ ЗӨВ ЗҮЙЛ юм. Дэлхийгээ оршин тогтнуулахыг хүсэж байвал, ТАМЫН ГАЛЫН ШИЙТГЭЛЭЭС ЗАЙЛСХИЙХИЙГ ХҮСЭЖ БАЙВАЛ яг одоо байгаа цорын ганц нэн тэргүүний зүйл энэ юм.

Би та бүхэнд талархаж байна. Энэ дэлхийн төрөлтнүүд та бүгдэд талархаж байна. Дахин хэлье, зүгээр л ЗӨВ ЗҮЙЛ ХИЙ. ВЕГАН ХУУЛЬ ГАРГА. ҮҮНИЙГ БАТАЛ. Ажил хэрэг болго, дагаж мөрд. Веган бай. ЭНЭ БОЛ ЗӨВ ЗҮЙЛ, та бүгдийн хийх ёстой зүйл. Бусад бүх зүйл байрандаа орох болно. Хэрвээ та бүхэн үүнийг хийвэл, манай гараг дэлхий даяараа энэрэл, өршөөл, нигүүлсэл, аз жаргалтай болох болно. Бүх хайрынхаа хамт хамгийн сайн сайхан, Бурхны адисыг хүсье. Дахин баярлалаа. Та нар бүгдийг ойлгосон. Зүгээр л үүнийг хэрэгжүүлнэ үү. Ганц л зөв үйлдэл, ВЕГАН ХУУЛЬ ба ВЕГАН АМЬДРАЛЫН ХЭВ МАЯГ. Баярлалаа. Манай дэлхийг Бурхан адисалсаар байх болтугай. Бурхан бид бүгдтэй хамт байг.

Дэлгэрэнгүй үзээрэй
Хамгийн сүүлийн бичлэгүүд
32:50
2024-04-16
60 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд