Ийм үнэнч, жинхэнэ халамжит эхнэр одоо ч байдагт би үнэхээр сэтгэл хөдөлж байна. Аулак (Вьетнам)-ын гэр бүлийн уламжлалд эрхэмлэн хүлээдэг үнэт зүйлтэй яг нийцэж байна!

Ау Лак буюу (Вьетнам)-аас Нгок Ань-ийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

ХАМГААС ЭНЭРЭНГҮЙ ТИМ КО ТҮ, ОРЧЛОН ЕРТӨНЦИЙН ИХ БАГШ АА, хүндэт Суприм Мастер Телевизийн хамт олон! Азтай нэгэн учралаар би Таны шавь нарын нэгний урилгаар Веган фестивальд очиж, ‘Хүн болж төрсний зорилго’ хэмээх лекцийг сонсохоор уригдсан юм. Тэр лекцийг сонссоны дараа сэтгэл минь ариусаж — цэвэр тунгалаг, гэрэл гэгээтэй болсон юм шиг санагдсан! Урьд нь миний бодлыг дүүргэж байсан бүх эргэлзээ арилсан. Дотроос нэг дуу хоолой “ВЕГАН БОЛ, ВЕГАН БОЛ...” гэж ахин ахин ятгаж байв. Тэр аялгуу яг л надад амар амгалан, баяр баясал авчирч буй намуухан хөгжим мэт байсан. Би огт өөр хүн болсон мэт санагдсан!

Бүр ч азтай нь, миний веган хоолтон болох шийдвэрийг нөхөр маань дэмжсэн! Шавь нар тань надад Таны номыг хэрхэн унших, веган хооллолтыг хэрхэн нямбай хэрэгжүүлэх талаар чин сэтгэлээсээ зааж зөвлөсөн! Өдөр бүр миний хувьд шинэ туршлага болж байлаа. БУРХАН-ы жинхэнэ Хайранд умбахдаа би үнэхээр их аз жаргалтай байснаасаа болоод нулимс асгаруулсан!

Арьяабалын авшиг хүртэхийнхээ өмнө би, нэгэн Будда бууж ирээд тэнгэр дэх үүлэн сүйх тэргийг мэндчилэн угтаж байна гэж зүүдэлсэн. Түүнд мөргөсний дараа сэтгэл минь хөнгөрч, чөлөөлөгдөн, баяр баясал, жаргалаар дүүрсэн. Урьд өмнө нь хэзээ ч мэдэрч байгаагүй тийм жаргал байсан тул би аз жаргалдаа умбасан! Авшиг хүртсэний дараа би илүү ухаалаг болж, олон эелдэг, сайхан үг хэлж чаддаг болсноо анзаарсан. Амьдрал миний хувьд үнэхээр гайхамшигтай болсон!

Намайг авшиг хүртсэнээс таван сарын дараа нөхөр маань архи уухаа больж, веган хоолтон болоод, мөн авшиг хүртэхийг хүссэн. Би хязгааргүй их баярласан. Өдөр бүр бид Таны номыг хамт уншиж, хоол хийж, Будда-гийн сургаалуудын талаарх бодлоо хуваалцаж ирсэн! Гэвч түүний хувь тавилан төдийлөн сайн байсангүй. Түүний авшиг авах өдөр дөхөж байхад, тэр эдгэршгүй хорт хавдартайгаа мэдсэн! Амьдралынхаа үлдсэн гурван сарын хугацаанд тэр эмч нар болон төрөл садныхаа үгийг сонсохоос эрс татгалзсан. Тэр зөвхөн намайг өөрт нь Веган хоол хийж өгч, Их Багшийн лекцүүдийг л түүнд сонсгож байхыг хүсдэг байлаа. Тэр ямар ч өвдөлтгүй, маш тайван өөд болсон. Би түүний сүүлчийн хүслийг биелүүлж, оршуулгад нь бүрэн Веган өргөл бэлдсэн! Түүний төлөө шөнөжин Арьяабалын бясалгал хийж, залбирсны дараа, маргааш өглөө нь хаалгаа нээхэд тэр дээрээс над руу инээмсэглэн харж байгаа мэт санагдсан!

Манай гэр бүлд соёрхсон Таны хязгааргүй Ивээлд гялайлаа! Таны сайн шавь болохын тулд хичээнгүйлэн бясалгахаа тангараглая! Хүн болж төрсний жинхэнэ зорилго, утга учрыг хүн бүр над шиг ойлгоосой гэж би хүсэж байна! Тэгвээс ВЕГАН ДЭЛХИЙ, ЭНХ ТАЙВАН ДЭЛХИЙ бодитоор цогцолж, Та минь хэсэгхэн ч гэсэн амрах боломжтой болно! ТАНД БИ МАШ ИХ ХАЙРТАЙ! Шавь Нгок Ань, Ау Лак (Вьетнам) улсаас

Талархалт Нгок Ань, Та Тэнгэрлэг Нигүүлслийг хүртсэн үнэхээр ерөөлтэй хүн юм. Амьд сэрүүн гэгээрсэн Их Багшаас авшиг хүртэх нь тоо томшгүй олон төрөлтний одоо ч олж мэдэхийг хүсэмжлэн тэмүүлж буй зам мөрийн үүдийг нээж өгдөг нэн ховор завшаан билээ. Та болон дөлгөөн Аулак (Вьетнам) ард түмэн үеийн үед энх амгалан, хөгжил цэцэглэл дунд цаашид ч улам бүр бадран дэлгэрсээр байх болтугай, Суприм Мастер ТВ-ийн хамт олон

Жич: Их Багш эелдэг захиас танд илгээлээ: “Гүн бодолтой Нгок Ань, Таны чин сэтгэлийн итгэл, эрхэм сайхан үлгэр дуурайлал, зөв замаар явах зоригийн ачаар азтай нөхөр тань Тим Ко Тү-гийн Шинэ Ертөнцөд аль хэдийн очсоныг дуулгая. Нөхрөө гэсэн таны гүн гүнзгий хайр түүний итгэлийг бэхжүүлж, эцсийн амьсгал хүртлээ Тэнгэртэй холбоотой хэвээр байхад нь тусалснаар Их Багшид түүний сүнсийг аврахад нь тусалжээ. Ийм үнэнч, жинхэнэ халамжит эхнэр одоо ч байдагт би үнэхээр сэтгэл хөдөлж байна. Аулак (Вьетнам)-ын гэр бүлийн уламжлалд эрхэмлэн хүлээдэг үнэт зүйлтэй яг нийцэж байна! Дотоод удирдамжаа сонсож сүнслэг аяллаа дэмжихийн сацуу энэрэнгүй амьтан-хүмүүсийг өрөвдөн энэрсний үүднээс амьдралын сонголтуудаа өөрчлөх хүчтэй хүсэл зоригтой байсанд нь баярлалаа. Таны амьдралын илүү эерэг хэв маягийг сонгон, тууштай баримталж буй чин сэтгэлийн хичээл зүтгэл яг л хайрт нөхөрт тань урам өгсөн шигээ өөр олон хүнийг тантай адил энэ замаар явахад зоригжуулна гэж найдаж байна. Та болон сэтгэл татам Ау Лак (Вьетнам) улс зөвхөн хөгжил дэвшлээрээ төдийгүй, ухамсраараа цэцэглэн, нинжин сэтгэлийг эрхэмлэж, билиг ухааныг хөгжүүлэн, амь бүрийг хүндэтгэдэг улс орон болох болтугай. БУРХАН-ы энгүй Хайр таныг мөнхөд тэвэрч байдгийг үргэлж санаж яваарай.”