Хүний хатуу болсон зүрхэнд хүрэх Их Багшийн Хүч үнэхээр гайхамшигтай. Түүний хэмжээлшгүй Хайр Орчлонгийн хамгийн харанхуй газрыг ч нэвтэлж чадна.

Одоо Индонезийн Фаузаны индонез хэл дээр илгээсэн захидлыг олон хэлний хадмал орчуулгатай хүргэе:

2001 онд би мэдээллийн технологийн мэргэжилтнээр, эхнэр маань компьютерын сургалтын төвд ажилладаг байлаа. Нэгэн өдөр эхнэр маань Багшийн “Агшин зуур билиг нээгдэх түлхүүр” номыг авчээ. Энэ номыг уншсаныхаа дараа тэр веган болж, Арьяабалын бясалгалаар хичээллэх зөвшөөрөл надаас хүсэв. Веган хооллолтыг эрүүл бус гэж боддог байсан тул би эрс эсэргүүцсэн. Гэвч эхнэр маань шийдвэрээсээ буцсангүй. Энэ бол насан туршдаа хайж ирсэн сүнслэг зам нь мөн гэж тэр тайлбарлав. Эргэцүүлж бодоод, чин сэтгэлээсээ өөрийн дуудлага хэмээн итгэсэн зүйлд нь саад хийх эрх надад байхгүйг ухаарсан. Би түүнийг дэмжсэн ч нэг болзол тавив. Намайг веган болохыг эсвэл өөртэй нь адил зам дагахыг хүсэх ёсгүй гэж хэллээ.

Хэд хоногийн дараа би өвдөж, гэртээ үлдэв. Ганцаараа амарч байхдаа эхнэр маань “Агшин зуур билиг нээгдэх түлхүүр” номыг гоо сайхны ширээн дээрээ орхисныг анзаарлаа. Сониучирхан уншиж эхлэв. Хэдхэн хуудас уншихад миний доторх ямар нэгэн зүйл хөдөлсөн. Тэр ном амьдрал, сүнслэг байдлын талаар миний урьд өмнө мэдээгүй гүн гүнзгий ойлголтыг нээж өгсөн. Сэтгэл татагдан, би бараг бүтэн өдрийг уншиж өнгөрөөв. Тэр шөнө тэнгэрээс солир унаж байна гэж зүүдэллээ. Дараагийн шөнө зүүд үргэлжлэв. Солир гэрийн минь ойролцоо унаж дэлбэрэхэд асар хүчтэй алтлаг цагаан Гэрэл цацарлаа. Гурав дахь шөнө зүүд дахин үргэлжлэв. Гэрэл бүдгэрэхэд дунд нь Их Багш зогсож байхыг би харав. Их Багш над руу алхаж ирээд орны минь дэргэд суун, духанд минь Хайр, Энэрлээр зөөлөн адислав. Тэгээд Их Багш “Хүний зүрх маш хатуу, далайн эргийн хад чулуунаас ч хатуу. Бүр БУРХАН нүднийх нь өмнө зогсож байхад ч итгэхээс татгалзатлаа хатуу” гэж айлдав. Эдгээр үгийг сонсоход нулимс минь өөрийн эрхгүй урслаа. Сэрэхэд нүүр минь нулимсандаа норсон байв.

Маргааш өглөө нь би эхнэртээ “Өнөөдрөөс эхлэн би веган болж, Их Багшийн сургаалыг дагана” гэж хэллээ. Урьд нь хэчнээн хүчтэй эсэргүүцэж байсныг минь мэдэх эхнэр маань ихэд гайхав. Тэр өдрөөс хойш бид хамтдаа бясалгасан. 2002 оны 10-р сарын 12-нд бид хоёул Авшиг хүртсэн. Эргэн бодоход, намайг замаа олохоос өмнө Их Багш аль хэдийн надад мутраа сунгасан байжээ. Заримдаа бид замыг хайж байна гэж боддог ч цаг нь болоход зам өөрөө биднийг олдог. Фаузан, Индонезоос

Сэрж гэгээрсэн Фаузан, эерэг өөрчлөлтийн гайхамшигт түүхээ хуваалцсанд баярлалаа. Хүний хатуу болсон зүрхэнд хүрэх Их Багшийн Хүч үнэхээр гайхамшигтай. Түүний хэмжээлшгүй Хайр Орчлонгийн хамгийн харанхуй газрыг ч нэвтэлж чадна. Өрөвдөлтэй дэлхийд маань БУРХАНЫ Өршөөлийг дамжуулагч болон залардаг Түүнд бид үүрд талархана. Учир нь Түүний оршихуй, цуцашгүй хүчин чармайлт байгаагүй бол бид аль хэдийн бүгд мөхөх байлаа. Таны хэлсэн үнэхээр үнэн. Биднийг бэлэн болох үед зам өөрөө олдог. Энэ бүхэн бидний хичээл зүтгэл бус, Ивээл билээ. БУРХАН руу хүрэх замаа олохын тулд бид өөрсдийгөө бүрэн даатгах ёстой. Та болон Индонезийн сайхан сэтгэлт ард түмэн Бүхнийг Чадагч БУРХАНЫ Хайранд амар амгаланг олог. Суприм Мастер телевизийн хамт олон