Бид үрийг хайр, итгэлээр тарьж, суулгавал тэд ургадаг!

Хятадаас Мэн-Пинг-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эрхэм хүндэт, Хайрт Их Багшдаа мөргөн ёсолъё! Таны шавь болсон нь гурван насны их ерөөл билээ. Та Дэлхийн Энх Тайван үнэхээр ирж, Орос болон Украин (Урейн) хоёр удахгүй энхийн гэрээнд гарын үсэг зурна гэж дэлхий нийтэд мэдэгдсэнийг Суприм Мастер ТВ-ээр үзээд бид асар их баяр хөөрөөр дүүрсэн. Энэ өдрийг авчрахын тулд Та бие махбодын хувьд ч, сүнслэг байдлаар ч хэмжээлшгүй их үнэ төлөөс төлснийг бид мэднэ. Талархал — зөвхөн талархал! Тангүйгээр энэ дэлхий ямар байхыг бид төсөөлж ч зүрхлэхгүй.

Би Тантай сайхан мэдээ хуваалцаж, үүгээрээ Танд аз жаргалыг хоромхон зуур ч болов бэлэглэнэ гэж найдаж байна. 2010, 2011, 2012 онд бид амралтын өдрүүдээрээ ихэвчлэн олон их сургуулийн оюутны холбоодтой холбоо барьж, оюутны хотхонд нь очиж, “Веган болж, Байгальдаа ээлтэй амьдарч, Эх дэлхийгээ аваръя” үзэл санааг оюутнуудад түгээн хүргэж, веган амьдралын хэв маяг, үзэл санааг сурталчилдаг байлаа. Биднийг оюутны хотхонд очих бүрд авшигтан нөхөд маань өөр өөрсдийн авьяас чадвараа бүрэн дайчлан, хамтран ажиллаж, олон төрлийн веган хоол бэлтгэдэг байв. Хоолыг амталж үзсэнийхээ дараа оюутнууд: “Веган хоол ийм амттай байж болно гэж бид хэзээ ч төсөөлж байгаагүй. Бид ийм веган хоолыг өдөр бүр идээд байж болохоор байна!” гэж хэлсэн. Ийнхүү оюутны хотхонд веган үзэл санаа дэлгэрэх эхлэл тавигдсан. Бусад авшигтан нөхөд гэртээ веган өдрийн хоолны багц бэлтгэж, худалдааны төв, ажлын байр болон компанийн ажилтнуудад боломжийн үнээр зардаг байв. Тухайн үед олон хүн веган хоолыг зөвхөн хүнсний ногоо болон дүүфүгээс бүрддэг гэж боддог байсан. Веган хоол ийм баялаг төрөлтэй, амт шимтэй байж болно гэж тэд огт төсөөлдөггүй байлаа.

Харин одоо манай хотод веган ресторанууд борооны дараах мөөг шиг олноороо шинээр нээгдэж байна. Нэг хүнд 20 юань (~2.95 ам.доллар)-ын үнэтэй буфет буюу өөрөө сонгон идэх хоол, 200 гаруй юанийн (~29.53 ам.доллар) үнэтэй иж бүрдэл хоол, мөн 70–100 юанийн (~10.34–14.77 ам.доллар)-ын үнэтэй цэснээс тус тусад нь сонгож захиалах хоол болон халуун тогоо зэрэг нь үйлчлүүлэгчдийн төрөл бүрийн хэрэгцээг хангаж байна.

Авшигтан нөхөд веган ресторануудад байнга тусалж, боломждоо тааруулан мөнгө, хөдөлмөр, ур чадвараараа хувь нэмэр оруулдаг.

Өнөө үед веган хооллох нь улам бүр хялбар болж байна. Мөн цахимаар олон төрлийн веган бүтээгдэхүүн худалдаалагдаж байна. Веган амьдралын хэв маягийг сурталчилдаг нөлөөлөгчдийн тоо ч нэмэгдэж байгаа бөгөөд байгаль орчин болон эрүүл мэндийн шалтгаанаар веган хооллох нь шинэ чиг хандлага болж байна. Илүү олон хүн хурдан нэгдэж, амьдралын хэв маягаа өөрчилж, дэлхий дээр гамшиг тохиолдохоос сэргийлээсэй гэж хүсэн, найдаж байна. Ингэснээр хүн бүр энх тайван, хөгжил цэцэглэлт, элбэг хангалуун, аз жаргал, эрүүл энхийг эдлэн амьдарч, дэлхий маань диваажин болох болтугай. Их Багшийн хүсэл мөрөөдөл удахгүй биелэх болтугай! Дэлхийн иргэн, Хятадын Мэн-Пин

Итгэл дүүрэн Мэн-Пинг, сэтгэлийн үгээ илгээсэнд баярлалаа!

Их Багш танд баярт мэдээ уламжиллаа: “Урам зоригтой Мэн-Пинг, танд болон эрхэм багийнханд маш их баярлалаа. Таны хэлсэнчлэн үнэхээр тийм байна. Бид үрийг хайр, итгэлээр тарьж, суулгавал тэд ургадаг! Олон жилийн өмнө таны суулгасан үр танай нутагт веган хөдөлгөөн, үйлс ийнхүү өргөжин дэлгэрэхэд хүргэсэн гэж сонсох үнэхээр сайхан байна. Бид дэлхий ертөнцөө ингэж өөрчилдөг. Хайр биднийг үргэлж хамгийн зөв, сайхан зүгт хөтөлдөг бөгөөд хайраар амьдарвал бид сайхан амьдардаг. Таны сайхан үлгэр дуурайллаас олон хүн урам зориг авч, манай гараг жинхэнэ веган диваажин болтол тэд таныг даган хэрэгжүүлээсэй хэмээн хүсэж байна. ТӨГС ХҮЧИТ БУРХАНЫ Ивээлээр та болон Хятадын халамжит ард түмэн энэ насандаа гэгээрэх болтугай! Миний Хайр бол таныг жинхэнэ Гэрт тань хүргэх замыг гэрэлтүүлэх дэнлүү билээ.”