Бид энэ бие махбодоос илүүтэй Бурхантай, Сансар огторгуйд байгаа бүх зүйлтэй Нэг.

Одоо Канад улсаас Абигэйлийн илгээсэн сэтгэгдлийг хүргэе:

Хамгаас Хайрт Их Багш болон Суприм Мастер ТВ-ийн хамт олон, Их Багш хүнд сорилтыг тэсвэрлэсэнд би маш их баярлаж, тайвширлаа. Саяхан Их Багш Есүс Христийг оролцуулан өнгөрсөн, одоогийн жинхэнэ мөн чанараа зоригтойгоор илчилсэн. Хэдийгээр би үүнийг үргэлж мэддэг байсан ч Их Багш үүнийг олон нийтэд батлахыг сонсоод үнэхээр сэтгэл хөдөлсөн.

Би оюун санааны бясалгал хийж эхлэхдээ хоёр цаг хагасын турш хөдөлгөөнгүй суух надад хэцүү байсныг санаж байна. Их Багш маш тэвчээртэй байж, надад дотоод, гадаад олон ахуй ойлголтыг өгсөн нь сүнслэгээр үргэлжлүүлэн бясалгах итгэлийг төрүүлсэн. Арьяабалын бясалгалынхаа үеэр (хагас унтаа, хагас сэрүүн) нэг удаа би нэг ахуй ойлголт үзсэн ба үүнд би өөд болж, сүнс маань биеэ орхин явж, Есүс Христ намайг гартаа яг л нялх хүүхэд шиг тэвэрч, агаар луу нисэв. Дүүрэн одтой тэнгэрт хоёр Сар байлаа. Энэ үзэсгэлэнтэй өөр ертөнц байв. Есүс Христийн бялхам Хайр намайг үнэхээр баяртай болгов. Энэ бол энэ дэлхийд хэзээ ч миний мэдэрч байгаагүй мэдрэмж байв. Зөвхөн Багшийн хайр л надад ийм мэдрэмжийг өгсөн. Тэр цагаас хойш Их Багш бол Есүс Христ гэдгийг би мэдэрсэн.

Хэсэг хугацааны турш би шөнө бүр нойрсох үедээ өнгөрсөн амьдралуудаа номын хуудас эргүүлж буй мэт хэрнээ кино шиг жижиг хэсгүүдээр дагалдаж байхыг харсаар байв. Гэсэн хэдий ч би дараа нь нэг удаа энэ амьдралд миний ойр орчимд буй хүн өнгөрсөн амьдралдаа намайг гүнзгий гомдоож байсныг хараад зүрх зүсэгдсэн.. Тэр өглөө би Их Багшид аль ч өмнөх амьдралынхаа талаар дахин харахыг хүсэхгүй байгаагаа гунигтайгаар хэлсэн. Түүнээс хойш Их Багш тэднийг миний төлөө далдалсан.

Есүс Христ цовдлогдсон тухай түүхийг харах болгондоо би үргэлж уйлдаг. Их Багш мэдрэхүйт төрөлтнүүдийн төлөө ахин дахин хорвоод ирж, бүхнээ золиосолж, бүхий л төсөөлөмгүй зовлон зүдүүрийг тэвчсэн. Их Багш маань удахгүй эдгэрч, бидэнтэй хамт байж, Дэлхий, түүн дээр амьдардаг бүх төрөлтний төлөө эцсийн хүчин чармайлтаа гаргана гэж найдаж байна. Та бол бидний цорын ганц найдвар. Би Танд маш их хайртай! Канадаас Таны шавь Абигэйл

Халамжтай Абигэйл, Хайрт Их Багш маань маш олон төрөлдөө хязгааргүй их зовж шаналж, биднийг хүрээлж буй ертөнцийн зовлон зүдгүүрт эмгэнэж буй таны захиа бидний сэтгэлийг хөдөлгөж байна. Арьяабалын бясалгалын туршлага, дотоод ахуй ойлголтоо хуваалцсанд баярлалаа. Та болон ерөөлтэй Канадын ард түмэн, бүхнийг энэрэгч бүх гэгээрсэн Их Багш, Гэгээнтэн, Мэргэдэд мөнхийн нинжин сэтгэлийнх нь төлөө талархах болтугай. Тэнгэрлэг Гэрэлд, Суприм Мастер ТВ-ийн баг

Жич: Их Багшийн энэ захиаг танд илгээж буйдаа бид баяртай байна. “Хайр татам Абигэйл, таны дэвшсэн, гэгээрсэн билиг үүнийг харуулж буй учраас дотоод сүнслэг ахуй ойлголтыг тань магтууштай! Таны төлөө маш баяртай байна, хонгор минь, чин сэтгэл, хичээнгүй зүтгэлд тань баярлалаа! Дэлхий дээрх бидний оршин тогтнол бол ердөө орон зайн заль мэх юм. Энэ бүхэн хуурмаг зүйл гэдгийг санаарай. Бид энэ бие махбодоос илүүтэй Бурхантай, Сансар огторгуйд байгаа бүх зүйлтэй Нэг. Арьяабалын бясалгал дадлаар дамжуулан бид энэ нь 7 хоногийн 24 цагийн турш үнэн гэдгийг, мөн Бүхнийг Чадагч Бурханы Тааллыг биелүүлэхийн тулд юу хийх хэрэгтэйг мэддэг. Бид маш азтай, үүнийг үгээр илэрхийлэхийн аргагүй юм. Гэгээрлээр бид зовлонгоос ангижирдаг. Та болон өргөн уудам Канад улс бүх Диваажингийн чиглүүлсэн хамгийн дээд буянтай үзэлд анхаарлаа төвлөрүүлсээр байг. Таныг үргэлж хайрладаг шүү.”