Бидний Хамгаас Хайрт Төгс Гэгээрсэн Их Багш Чин Хай (веган) Иханктонван Дакота, Чикасау үндэстнүүдийн гишүүн, эрхэм ахлагч бага Фил Лэйн (веган)-ий чин сэтгэлийн урилгыг хүлээн авч дэлхий дахинд онлайн хэлбэрээр болсон “Зам мөрөө хамтдаа гийгүүлэх дэлхийн нэгдэл” хэмээх хуралд оролцсон билээ. Тус арга хэмжээ 2023 оны 12-р сарын 15-22-нд болсон юм.
Эрхэм тэргүүн бага Фил Лэйн Их Багшид илгээсэн урилга захидалдаа, “Дэлхий дахины энэ нэгдэл нь эх дэлхий болон түүний бүх үр хүүхдийн сайн сайхны төлөө эв нэгдэл, ойлголцол, хамтын амлалтыг биелүүлэхийн тулд олон янзын дуу хоолой, үзэл бодлыг нэгтгэх зорилготой билээ... Таны оюун санааны ойлголт, залбирал оролцогчдод гүн гүнзгий нөлөөлж, гүн бат холбоо, хамтын зорилгыг бий болгох биз ээ. Энэ Ариун Залбиралд Та оролцсоноор цугларсан бүх хүнд удаан хугацаанд нөлөөлөн, эв найртай, тогтвортой дэлхийн төлөөх хүчин чармайлтаа үргэлжлүүлэхэд урам зориг өгөх нь дамжиггүй.”
Хариуд нь Их Багш Дэлхийн Нэгдлийн оролцогчдод дараах захиасыг эелдгээр уламжилсныг хүргэж байна:
Ахой, Анхны Үндэстнүүдийн бүх гайхалтай ард түмэн минь! Хөрсөн дээр нь алхахаас эхлээд энэ гараг дээр бидний оршин тогтнолыг тэтгэх цорын ганц эх сурвалж Байгаль Ээжийг хайрлан халамжилж буйн тань төлөө бүгдэд нь хайр, хүндлэлээ илгээе. Мэдээж хэрэг бидний эрдэнэт амьдралыг тэтгэдэг Нар, борооны,гол мөрний зэрэг бүхий л гайхамшигт усны эх сурвалжуудад бид мөн адил талархах учиртай. Анхны Үндэстнүүдийнхээ угсаа гарвал, ёс заншил, Эх Дэлхий болон ихэд адилхан бусад бүхий л төрөлтнүүдээ дэлхий даяарх өөрийн гэр бүл шигээ үзэж талархаж явдагт тань би баярлалаа. Бурханы Ивээлээр танд хамгийн сайн сайхныг хүсье. Мөн би таны бүхий л эрхэм ариун хүслийг биелэг гэж ерөөе. Тэргүүн Лэйний эелдэг, өгөөмөр урилгад талархал илэрхийлье.
Би таны талаар маш их боддог бөгөөд яаж амьдарч байгаа бол, Бурхан хэр зэрэг харж хандаж байгаа бол, улам ая тухтай амьдруулах гэж Байгаль Эх, Дэлхий Ээж бүх хайр, сайн сайхан зөвлөгөө, сайн хэрэгцээ бүрийг нь хангаж өгч байгаа болов уу гэж боддог. Гадаад дэлхий хэрхэн өөрчлөгдөж байгаа эсэхээс үл хамааран ёс уламжлалуудаа, үнэт зүйлсээ, оюун санааны мэдлэг зэрэг бүхий л эрдэнэсээ та бүхэн хэзээ ч орхиж байгаагүй. Энэ бол та бүхний хадгалж ирсэн агуу зүйл бөгөөд энэ нь аливаа биет болон материаллаг эд баялгаас хамаагүй илүү үнэ цэнтэй. Анхны Үндэстнүүдийн ард иргэд та бүхэн бүгдээрээ үүнийг мэддэг учраас тэр аяар нь сайтар нандигнажээ. Үүний тань төлөө миний сэтгэл ихэд уяран талархдаг билээ.
Бурхан, Эх Дэлхий цаг үргэлж та нартай хамт шүү гэдгийг санаж яваарай – Тэд бидний ойлгосон эсэхийг үл харгалзан ямагт хамт байдаг. Гагцхүү бид л хэзээ ч ганцаараа биш гэдгээ, энэ ертөнцөд ганцаараа биш гэдгээ санаж явах учиртай. Анхны Үндэстнүүд ч бай, үгүй ч бай Бурхан ямагт бидэнтэй хамт байж, биднийг хайрладаг. Эх Дэлхийгээ дээдлэн хүндэтгэх уламжлал, ур чадвараа хадгалж, амьдралынхаа туршид олон олон тохиолд Түүнд хүндлэл үзүүлэн авран хамгаалж, Бурханы Ивээлээр Байгалийн бүхий л адислал, зөвлөгөө, ёс журамд бишрэл хүндлэлтэй хандсаар ирсэнд би талархаж байна. Юу хамгийн сайн бэ гэдгийг Анхны Үндэстнүүд мэддэг. Учир нь та бүхэн эргэн тойрныхоо бүх зүйлтэй оюун санааны арга замаар, хамгаас хүндэтгэлтэйгээр, туйлын чин бишрэлтэйеэ чин сэтгэлээсээ холбогдохыг ямагт хичээдэг.
Тэргүүн Лэйний урилгыг хүлээн авах нь надад маш хүндлэлтэй хэрэг бөгөөд та бүхэндээ бүгдэд нь Байгаль Эхээс, Оройн Дээд Цаглашгүй Бурханы Ивээлээр хайрласан бүгдэд талархалтай хандахаа ямагт санадагт нь даруухан хүндлэл, талархлаа илэрхийлж байна. Баяр ёслолоо хийж, хамтдаа талархал, баяр наадмаа тэмдэглэснээр хэрхэн сайн сайхан, талархалтай, эгэл даруу болон хамгийн гол нь Бурханд хайраа өргөн буянтай амьдардаг вэ гэдгээ дэлхий дахинд сануулж байна.
Бурханд, сүнслэг өв болон бидний эргэн тойронд байгаа бүхий л зүйлийн төлөө даруу байдлаа, талархал, хайраа үргэлж хадгалж үлдэхийн тулд бидний оршиж эхэлснээс хойших бүх цаг хугацаанд хийсэн бүх зүйлд нь талархаж байна. Амьдрал тань дан эрхэм ариун, сүнслэг, ертөнцийн бүх эгэл ухамсар, хүсэл тэмүүллээс дээгүүр энэхүү хайр, адислалаар цаг үргэлж дүүрэн байх болтугай.
Миний хэлж чадах ганц зүйл бол: Бүхий л хайраа, бүхий л чин сэтгэлийн хүндлэлээ та нартаа илгээе. Хамаг зүрх сэтгэл минь та нартай холбоотой байгаа шүү. Бид үүнийг юу гэж үздэг байсан ч гэлээ бүгдээрээ Оройн Дээдтэй холбоотой билээ. Анхны Үндэстнүүдийн ард иргэд миний бодлоор, миний ажиглаж мэдсэнээр Бурхантай болон энэ гарагийн бүхий л оршнолтой холбоотой байдаг талаар асар өндөр мэдлэгтэй. Ийм хэвээр байгаарай. Ийнхүү өөрийгөө болон ойр орчныхоо бүхнийг адисалсан хэвээр байгаарай.
Дахин нэг удаа бүгдэд тань сануулан хэлэхэд, Анхны Үндэстнүүдийн ард түмэн та бүхэн сүнслэг мэдлэгээ, ёс уламжлалаа хамгийн сайнаар хадгалж үлдэн, дадуулсаар байвал улам бүр бэхжих болно. Энэ мэдлэгээ ой ухаандаа улам бүр бэхжүүлэн хойч үедээ үлдээх болно. Дадуулан хэвшүүлснээр ямар ч хамаарлаас, ялангуяа оюун санааны хамаарлаас ангид байлгаж чадна.
Энэ цаг үед Дэлхий гараг маань үнэхээрийн хүнд аюул нүүрлэсэн тулгамдуу нөхцөлд байна. Тиймээс бид энэ нандин Дэлхий гараг дээр зэрэгцэн амьдардаг хэн бүхэнд нигүүлсэнгүй, хайрын сайхан сэтгэлээр хандахын тулд оюун санааны дадал бясалгалаа илүү хичээнгүйлэн хийж, веган хоолны дэглэмийг баримтлахыг хичээх хэрэгтэй. Үүний тань төлөө Бурхан ивээг. Амен.
Бидний амьдралын хамгийн үнэ цэнтэй зүйл бол Бурхантай сүнслэг холбоотой байхыг надад мөн сануулсан энэхүү урилгад тань би даруухнаар дахин дахин талархаж байна. Та бүхний энэ сайхан, эрхэм ариун цугларалт, цаашилбал та нарын амьдралд оюун санааны хувьд үнэ цэнтэй бүх зүйлд амжилт хүсэн хойч үедээ өвлүүлэн үлдээхийг хүсэн ерөөе.
Хамгаас Хайрт Бурхан таныг болон бүхий л үндэстнүүдийг тань ивээг. Бурхан Хайр, Адислал, Өршөөлөө бид бүхэнд хайрлах болтугай. Амен. Амен. Амен.
Байгаль Эхийн гоо үзэсгэлэн, сайн сайхныг магтан дуулж, Анхны Үндэстнүүдийн ард түмэн Эх Дэлхийгээ хэрхэн нандигнан хайрлаж, хүндэлж байдгийг онцлон, амьдралын хамгийн үнэтэй зүйл бол бидний Бурхантай холбогдсон сүнслэг холбоо гэдгийг сануулж буй Таны сэтгэл сэргээм захиасанд талархаж буйгаа илэрхийлье.
Энэхүү арга хэмжээ болон бусад олон хүчин чармайлтаараа хүн төрөлхтний нэгтгэж, дэлхийнхээ энхтайвныг эрэлхийлэхэд тус дөхөм болохын төлөө чин сэтгэлээсээ хичээл зүтгэл гаргасан эрхэм тэргүүн бага Фил Лэйн (веган)-д болон Дэлхийн Нэгдлийн бүх оролцогчдод маш их баярлалаа. Та болон Анхны Үндэстнүүдийн бүхий л агуу ард түмэн Диваажингийн ивээлд үүрд адислагдах болтугай.
“Зам мөрөө хамтдаа гийгүүлэх дэлхийн нэгдэл”-ийн тухай дэлгэрэнгүй мэдээлэл авахыг хүсвэл дараах хаягаар зочилно уу: GlobalFire.Earth
