Initiates and All Humans Need to Be Well-prepared for Difficult Times Ahead

Одоо бид Ау Лак буюу Вьетнамын Хан Миний сэтгэгдлийг хүргэе:

Эрхэм Хүндэт Их Багш аа, Суприм Мастер Телевизийн эрхэм номын ах, эгч нар аа, миний зүгээс гүнээ талархал хүндлэл өргөж байна. Саяхан би “Диваажингуудын Дэлхийд ирээдүйд болох үйл явдлуудын талаарх илчлэл” хэмээх Шуурхай мэдээгээр Дэлхий ноцтой аюулд байгааг үзлээ. Гэтэл хүмүүс дүлий, сохор хэвээр байж, юу ч болоогүй юм шиг хайхрамжгүй байх аж. Их Багшийнхаа уйлж буйг хараад зүрх минь шимширч, тэсэх аргагүй байлаа. Даанч би Таныхаа зовлонг нимгэлэхээр юу хийх ёстойгоо мэдэхгүй юм даа. Гагцхүү Таны сургаалуудыг чанад даган, хичээнгүй, чин сэтгэлээсээ бясалган байж болох бүх арга замаар веганизмыг түгээдэг. Үүнээс гадна Их Багшийн сануулсанчлан энэ эгзэгтэй цаг үед чухал шаардлагатай зүйлсийг бэлтгэн, ялангуяа дэлхий дахины бүх авшигтнууд Түүнд итгэн, Түүнийг сонсох байх хэмээн найдаж байна. Яагаад гэвэл 2020 онд Их Багш бидэнд олонтоо сануулсан ч олон хүн хайхраагүй. Тэгтэл төдөлгүй мужууд, хотууд хооронд “хөл хорьж”, хамгийн хүнд нь гудамжинд ч явж болохгүй болсноор бүхий л үйл ажиллагаа маш их хүндрэлтэй болсон.

Диваажин хүмүүст дахин жаахан хугацаа өгч, эсвэл шийтгэлээ багасгаасай гэж залбиръя. Тэгвэл Их Багш тэгж их уйлж, зүрх сэтгэлдээ зовох нь нимгэрэх сэн. Их Багшаасаа би ийн гуйхыг хүслээ: Та минь биеэ илүүтэй сайн бодож байгаарай. Бид Тандаа хайртай болохоор, Та бидэнд хэрэгтэй болохоор, олон хайртай хүмүүс, эцэг эх, үр хүүхэд байвч бидэнд цор ганц Их Багш минь байдаг болохоор. Төгс эерэг хүчнүүд Их Багшид илүү их Хүч дэм болж байг хэмээн би Бурхан, Диваажин хоёрт залбиръя. Тэгэх аваас Их Багшийн Ертөнцийн бүх төрөлтний сүнсийг аврах, гэтэлгэх, өргөх үйлсийг гийгүүлэх биз ээ. Их Багштай ойр байдаг бүхий л номын ах, эгч нар хичээнгүйлэн бүх талаар бэлтгэн Их Багшид шаардлагатай хоол хүнсийг базаан Түүнийг аюулгүй байлгах болтугай. Амьдралд минь байгаа бүх сайн сайхан зүйлс Их Багшид минь хүрэг. Их Багшдаа маш их хайртай, бас Их Багшид шадарлан байдаг номын бүх ах, эгч нартаа маш их хайртай. Хан Мин, Ау Лак (Вьетнам)-аас

Хайрт Хан Мин, итгэл найдвар тээсэн захидал илгээсэнд, мөн манай гарагт нүүрлээд буй энэ эгзэгтэй цаг үед Их Багшийн сайн сайханд анхаарал тавьсанд баярлалаа. Хүн төрөлхтөнд өөрчлөгдөх илүү боломж олгох болтугай гэсэн, мөн бидний Хайрт Их Багшийг машид асран туслаг гэсэн залбиралд тань бид нэгдье. Бид бас таны авшигтнууд болон бүх хүн айсуй хүнд хэцүү цагт бэлтгэлтэй байхыг сануулсанд талархаж байна. Та болон үзэсгэлэнт аулак (вьетнам)-чууд аюулгүй, амгалан оршиг. Суприм Мастер ТВ-ийн баг

Жич: Их Багш танд хариу илгээлээ: “Сайхан сэтгэлт Хан Мин, санаа чилээсэн, ухаалаг үгсээ тээсэн захидалд тань баярлалаа. Хүмүүс даруй веган болж үйлийн үрээсээ бид гарах боломж олдоосой хэмээн би залбирч байгаа хэдий ч болзошгүй бүхэнд бэлэн байх нь чухал. Танд болон ухаант аулак (вьетнам)-чуудад их Хайраа илгээе.”