Хайх
Монгол хэл
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
Гарчиг
Тайлбар
Одоо үргэлжлүүлэн
 

Онцлох мэдээ / Шуурхай мэдээ

Энхтайвны зүгт явж, илүү сайхан амьдрахдаа талархаж байгаарай

2023-01-18
Дэлгэрэнгүй
Татаж авах Docx
Дэлгэрэнгүй уншаарай

Ерөнхийлөгч Ши дайнд улам бүр дургүйцэх болж. Тэр ямар нэг байдлаар энхтайвныг л гэх болжээ. Сүүлд тэр Путиныг дайнаа яг хэзээ дуусгахаа бич гэж хүсэж байсанчлан. (Тийм, тийм.) Дургүйцсэн байдалтай. (Тийм.) Энэ бүхнээс ерөнхийлөгч Ши дотооддоо үнэхээр тайван амгалан хүн гэдгийг харж болно. Энэ түүний мөн чанар. (Тийм.) Тов тодорхой харж болно. Яагаад гэвэл, уг нь Орос бол Хятадын холбоотон байхаар даа. Гэтэл Кремль энхтайвнаас эсрэг зүгт яваад байна. […]

Тэгэхээр энэ этгээд (Путин) хүн биш. Диваажин надад тэгж хэлсэн. Тэр бол хүн биш. (Биш байж таарна.) Бэлхнээ харж болохоор байна. Яагаад гэвэл хүн ийм зүйлүүд хийдэггүй. […] Түүнд муу ёр, чөтгөр шүглэсэн. Тэр сүнсээ чөтгөрүүдэд арилжсан. […] Тэр хүмүүсийг тайван байлгахгүй, улс орондоо өөрийн бизнесээ эрхлээд байж байхад нь зүгээр байлгачихгүй юм. (Тийм, Багш аа.) Тийм түрэмгий юм шиг санагдах юм. […]

Борис Жонсон эргэн ерөнхий сайд болох эсэх нь тэдний намынхан болон Английн ард түмний шийдэх асуудал. (Тийм, яг үнэн.) Бас тэдний үйлийн үр түүнийг эргүүлж авах хэмжээнд хангалттай сайн эсэхээс болно. (Тийм, яг үнэн.) Тэдний гарз болохоос түүнийх биш. […] Олон хүн төрсөн өдрийн зүсэм бялуунаас болж гарын үсэг зурснаас болж ерөнхий сайд огцорсон. Бурхан минь, төрийн албаныханд хүн чанар байдаггүй юм уу хаашаа юм? […]

2023 оны 1-р сарын 16-ны даваа гарагт Суприм Мастер Телевизийн ажлын багийн гишүүнтэй ажлын зорилгоор холбогдохдоо дэлхийг өргөх дияан бясалгал үйлдэж буй бидний Хамгаас Нигүүлсэнгүй Төгс Гэгээрсэн Их Багш Чин Хай (веган) сүүлийн үед Хятад, Их Британи зэрэг улсуудад болсон үйл явдлын зарим мэдээг онцоллоо.

(Сайн байна уу, Багш аа?) Сайн уу? (Хэр байна, Багш аа? Таны бүх зүйл зүгээр үү?) Асуусанд баярлалаа. Халамж тавьсанд баярлалаа. Заримдаа зүгээр гэдэгтээ итгэлгүй байх юм. (Өө!) Заримдаа ч хэтэрхий л байх юм. Гэхдээ л ажилласаар байгаа. Яалтай билээ? Яалтай билээ? Зүгээр ч нэг ажил биш, үүрэг хариуцлагын мэдрэмж юм. Бас дэлхий дээр дэндүү их, хэтэрхий их зовлон шаналал байна. Хүмүүс, амьтан-хүмүүс дэндүү их зовж шаналж байна. Энэ бүхнийг тэднээс яаж нуухаа мэдэх юм алга. (Яг тийм. Ай, Багш минь.) Энд ч, тэнд ч, хаа сайгүй дайн. (Тийм ээ, үнэн шүү.) […]

Саяхан уншсан мэдээнүүдийн заримд нь баярлаад, заримд нь. гуниглаад л байна Та нар тэгж нөлөөлөх зүйл уншсан уу? (Тийм ээ, хоёр гурван хэлмээр мэдээ үзсэн. Жишээ нь, ерөнхийлөгч Ши Путин болон түүний дайнаас зайгаа авах болсон. Мөн Хятадын албаныхан Путинийг галзуу гээд, Хятад улс одоо Орос улс Украин (Урейн)-ныг ялж чадахгүй, хүч нь маш багасна гэж итгэж байгаа гэсэн байна.)

Хөөх! Ерөнхийлөгч Ши дайнд улам бүр дургүйцэх болж. Тэр ямар нэг байдлаар энхтайвныг л гэх болжээ. Сүүлд тэр Путиныг дайнаа яг хэзээ дуусгахаа бич гэж хүсэж байсанчлан. (Тийм, тийм.) Дургүйцсэн байдалтай. (Тийм.) Энэ бүхнээс ерөнхийлөгч Ши дотооддоо үнэхээр тайван амгалан хүн гэдгийг харж болно. Энэ түүний мөн чанар. (Тийм.) Тов тодорхой харж болно. Яагаад гэвэл, уг нь Орос бол Хятадын холбоотон байхаар даа. Гэтэл Кремль энхтайвнаас эсрэг зүгт яваад байна. (Яг тийм. Тийм ээ.)

Дайн хийж, зовлон удаж, харгислал, энэ мэт дайны гэмт хэргүүд тэр бүү хэл коммунизмын үзэл баримтлалын эсрэг зүйл хийж байна. (Тийм.) Коммунизм угтаа ард түмнийг, ялангуяа хохирогчдыг, ядуусыг баяр жаргалтай болгохыг хичээдэг шүү дээ. (Яг тийм. Тийм ээ.) Тэгтэл Путиний удирдлага доор Кремль бүгдийг эсрэгээр хийж байна. Ядуу, ядарсан эмэгтэйчүүд, хүүхдүүдийг хүчиндэх гэх мэтийг үйлдэж байна. Эд зүйлийг нь бас дээрэмдэж байна. (Тийм.) Тэдний ургацаас эхлээд бүх юмыг нь дээрэмдэж байна. Өвлийн хүйтэнд бөмбөгдөн хөлдөхөд хүргэлээ. Тэднийг ингэж осгоож алахыг тэд хүссэн. Хүн ёсноос гажуудсан адгийн муухай. (Тийм, үнэн. Аймшигтай.) Ээ, Бурхан минь.

“Media Report from BBC News – Nov. 18, 2022 Reporter (m): Өчигдөр пуужингийн ээлжит цохилт Оросын өмнөх дайралтаас болж сүйдсэн эрчим хүчний сүлжээнд нэмж хохирол учрууллаа. Оросын шинэ стратеги дайны талбарт гарсан алдагдлыг арилгахын тулд хий, ус, хамгийн ноцтой нь өвлийн хүйтний эрч чангарч буй энэ үед олон сая украинчуудыг хохироохоор цахилгааны дэд бүтцийг ониллоо.”

“Media Report from Sky News – Dec. 1, 2022 Reporter (f): Цахилгаан сүлжээний энэ хэсэг 10-р сард болсон хэд хэдэн цохилтод өртсөн. Оросууд украинчуудыг хөлдөөх зорилготой юм шиг санагдлаа.”

Тэд үүнийг л хүссэн. Тэд хүмүүсийг бүгдийг нь ингэж алж, эсвэл зугтаалгаж байгаад газар нутгийг нь авахыг хүссэн. Хүмүүсийг нь бүгдийг алчхаад хэнийгээ удирдах гээ вэ? (Яг үнэн.) Ямар ч ард иргэд байхгүй бол хэний хаан, эсвэл ерөнхийлөгч болж, яана гэж? (Тэр үнэн.) Хот, тосгодыг нь эзэллээ гэхэд юу нь сайхан санагдах юм бэ? (Тийм шүү, яг үнэн.)

Тэгэхээр энэ этгээд бол хүн биш. Диваажин надад тэгж хэлсэн. Тэр бол хүн биш. (Биш байж таарна.) Бэлхнээ харж болохоор байна. Яагаад гэвэл хүн ийм зүйлүүд хийдэггүй. (Тийм, яг үнэн. Тэр үнэн.) Догшин амьтан-хүмүүс хүртэл үүрэг нь учраас үнэхээр өлссөн үедээ л ганц хоёрыг хөнөөдөг шүү дээ. Тэд хэнийг ч ингэж үй олноор, ямар ч шалтгаангүйгээр хяддаггүй. (Тийм.) Хорон муухай гэж хэлэхэд ч багадна.

Үүнд би маш их шаналж байна. Дайнаас болоод хүн бүр айдастай байна. Энэ айдсын энерги бас намайг тавгүйтүүлдэг. Ойлгож байна уу? (Ойлгож байна. Төсөөлж байна.) Орчин болон энергид би маш мэдрэг. Иймд тэдний зовлонд би шаналж байна. Энэ айдас намайг айлгаж байна. (Тийм байх нь, Багш аа.)

Тэгэхээр энэ бүх дайнаас болж, хүнс болон эрчим хүчний хомсдол болж, олон хүн үхэж - тайван улс оронд хүртэл дайнаас болж хомсдол үүссэнээр үнэ тэнгэрт хадаж, төлбөрийн чадваргүйгээс өлсгөлөн, осголтоос болж хүмүүс үхэж байна. (Тийм ээ.) Англид хүртэл зарим газар хүмүүс цахилгааны төлбөр төлж чадахгүй учраас “дулаан байх уу, хоолтой байх уу” гэдгээ сонгох ёстой болж байна. (Харин тийм.)

Би тэгж уншсан. Бас хаа нэгтээ нэг мэдээн дээр нэг эмэгтэй 10 фунт стерлинг төлөх чадахгүйгээсээ болж цахилгаанаа таслуулахад хүрлээ гээд нулимс унгасан байсан. (Хөөх.) Би түүнд яаж туслах аргаа олоогүй. Би түүнд үнэхээр тусалмаар байлаа. (Хөөх.) Яаж туслахаа мэдээгүй. Яаж гэдгээ мэдэхгүй байна. Би ганцаархнаа, тэгээд энэ бүхнийг хэрхэх талаар олж мэдэхдээ сайн биш. Тэгээд ч би дотоод болон гадаад ажилдаа хэдийн хэтэрсэн их ачаалалтай байгааг ч хэлэх үү.

Түүнд тусалж чадсан ч болоосой. Сонин дээр нийтлэгдсэн юм чинь түүний ойр орчмын иргэд түүнд туслах байх гэж би найдаж байна. Ер нь хүмүүс тэгдэг. (Тийм ээ, Багш аа.) Тэдэнд бас хүнсний банк гэх зэрэг зүйлс байдаг. Өнөө цагт хүртэл дайнаас өмнөх үеийнхээс илүү олон хүн хүнсний банканд хандах болж. Хэвийн биш болж.

Дайнаас болоод бидний ажилд бас зарим талаар саад төвөг учрах боллоо. (Яг тийм.) Би үргэлж зугтаж байгаа болохоор (Өө, Багш минь.) орон гэргүй юм шиг л байна. (Хөөх.) Яг зугтах биш л дээ. Гэхдээ өөрийгөө болон бүх ажилтнаа өөр өөр арга замаар хамгаалах хэрэгтэй. Бидний ажилладаг арга, хийдэг зүйлээс болоод тэр. (За, Багш аа.) Хүмүүст туслахыг хүсээд үнэнийг хэлэхээр хүмүүс өөрт чинь дуртай байгаад, зөвлөгөөг чинь дагаад байдаг юм биш. Тийм байдаггүй. Эс бөгөөс тэд Есүсийг цовдлохгүй, Будда болон олон өөр Их Багш нарыг харгис, хэрцгий, аймшигтай байдлаар хороохыг хүсэхгүй шүү дээ. (Тийм.) Их Багш нар яагаад дахин энэ дэлхий дээр хүмүүст туслах гэж бууж ирсээр байгааг гайхах юм. Яагаад Их Багш нар Өөрийгөө хохироон байж, Өөрийгөө доромжлуулан, энэ бүх худал гүтгэлгийг хүлээн байж ийм зүйл хийхийг хүсдэг юм бол оо. […]

Энэ дэлхий энгийн биш юм. (Биш.) Алах л гээд байдаг. Тэд фашист байсан ч ална гэнэ, эсвэл сайн сайхныг зааж сургалаа гээд Есүсийг ч хөнөөж л байдаг. Муу зүйл хийх юм бол ална, эсвэл хилсээр буруу зүйл хийсэн гэж гүтгээд ч хороож мэднэ. Бас сайн зүйл хийлээ гэхэд, сайн зүйл хэлэхэд, сайн зүйл гэдэг нь ойлгомжтой байсан ч бас л алчихна. (Тийм.) Энэ дэлхий маш аюултай атал Их Багш нар яагаад бууж ирсээр байсан болон бууж ирэх гээд байгааг мэдэхгүй байна. […]

Хүмүүс дайтахыг одоо хүртэл хүссээр байхын оронд илүү дээр амьдарч байгаадаа, илүү тухтай, улам орчин үеийн амьдралыг туулж, таашааж байгаадаа талархаад байж байж яагаад болдоггүйг би ойлгохгүй байна. (Тийм, яг үнэн.) Би ойлгохгүй юм. Мэдээж үүнд дэлхийн үйлийн үр, хамтын үйлийн үр болон хүмүүс чөтгөрт сүнсээ арилжиж байгааг, дэлхийн иргэдийг зовоож байгааг буруутгаж болох л юм. (Тийм.) Зөвхөн үүнд буруутгаж болох юм. Чөтгөрүүд л хүмүүсийг удирдаад, бие юм уу, ухаан санаагаар нь ийм зүйл хийлгээд байна. (Тийм байж таарна.) Тэд сүнсээ чөтгөрт арилжсан.

Үгүй бол тэгж чадахгүй. Жишээ нь Путин тэгэхгүй, хэн ч тэгэхгүй байх сан. Түүний найз нөхөд, хамтрагч, холбоотнууд нь хүртэл одоо түүний эсрэг болж байна. (Тийм.) Энэ бүх харгис удирдагчид, дайн өдөөгчдийн эсрэг болж байна. (Тийм ээ.) Ээ, Бурхан минь. Ай, ёстой ой тойнд багтамгүй юм. Одоо чинь хорин нэгдүгээр зуун. Маш олон Их Багш ирж буцлаа. Маш их тансаг зүйлс хэрэглэн амьдарч болохоор байхад дайн хийж хүмүүсийг ингэж зовоосоор байх гэж. (Тийм ээ. Итгэх аргагүй.)

“Media Report from ABC News – Jan. 16, 2023 Matt Gutman (m): Оросын пуужин Днепр хотын 72 айлын орон сууцыг устгасны дараа нэг өдрийн дотор амь үрэгдэгсдийн тоо 29-д хүрчээ. Албаныхны мэдээлснээр 40 гаруй хүн сураггүй хэвээр байна. […] Дэлбэрэлтийн улмаас цогцолборын хашаа сөнөсөн сар шиг болж хувирав. Амьд үлдэгсэд айсандаа хашхирч байна. […]

Өнөө шөнө аврагчид тэрхүү сүйрсэн бетонон овооноос гайхамшигтайгаар амьд үлдсэн нэг хүнийг гаргаж ирэв. Украины аврагчид тэр эмэгтэйг болгоомжтойгоор өргөж байна. Хүзүүндээ бэхэлгээтэй тэрээр 20 гаруй цаг гадаа байснаас бээрсэн хэдий ч амьд байна. […] Энэ зурагт бетонон тавцан дээр утсаа барин сууж буйгаар буусан энэ залуу эмэгтэй эмнэлэгт хэвтэн эмчлүүлж байгаа ч эцэг эх нь хоёулаа дэлбэрэлтийн улмаас нас барсныг бид өнөө орой мэдэж авлаа.”

Тэр бүү хэл үр хүүхдийг нь, өнчрөгсдийг нь, нялхсыг нь, хүүхдүүд, эмэгтэйчүүд, иргэдийг нь хулгайлж, барьцаалж, тэднийг нь Орос руу авчирч байна. (Яана даа.)

“Media Report from Sky News – Dec. 22, 2022 Reporter (m): Бид Херсоны төвд байдаг асрамжийн газраас бага насны хүүхдүүдийг оросууд авч явсан гэх мэдээллийг шалгахаар очсон юм. Гурав, дөрөв, тав хүртэлх насны хүүхдүүдийг Оросын цэргийнхэн авч явахыг харж байсан гэж зэргэлдээ амьдардаг Наталья хэлэв.

Natalya Kadyrova (f): Мэдээж, би тэдэнд санаа зовж байна. Тэд жаахан хүүхдүүд шүү дээ. Тэд ердөө хаягдсан хүүхдүүд. Тэд хаана байгаа, тэдэнд юу тохиолдсон, тэднийг хаашаа аваачсаныг бид мэдэхгүй.

Reporter (m): Оросууд эндээс 3-5 насны 48 өнчин хүүхдийг авч явсан гэж Украины эрх баригчид мэдэгдлээ. Дайны үеэр 13 мянган хүүхдийг оросууд албадан гаргаж, хулгайлсан гэж тэд мэдэгдсэн юм. Зөвхөн зарим нь буцаж ирж чаджээ. Тэдний дунд байсан 14 настай Влад оросууд авч яваад украин хүүхдүүдийг сургах гэж оролдсон гэв.

Vlad (m): Тэд украинчуудыг нацистууд гэж хэлсэн. Тэд Херсоныг Оросынх, Крымыг Оросынх гэж хэлсэн. Би гэртээ харимаар байсан, бас тэнд үлдэхийг хүсээгүй болохоор бага зэрэг айж эхэлсэн.

Reporter (m): Украины албаныхны мэдээлснээр оросууд зөвхөн Херсон мужаас 97 өнчин хүүхдийг авч явжээ.”

Яагаад зөвхөн Оросыг дэмжигч гэгдэх хүмүүсээ авч явсангүй вэ? Тэднийгээ авч яваад, хаа ч юм хэсэг газар өгчих л дөө. Тэднийгээ нэг хаан ч юм уу, салан тусгаарлагчдын ерөнхийлөгч болгоно биз. Ямар хамаа байна? Орос улс том. (Тийм ээ.) Юунд Оросыг дэмжигчдээ Украин (Урейн) улсад байлгаад тэдний улс орноос салган тусгаарлуулна гэж? Ард түмнийг нь, улс орныг нь юунд ингэж хуваана вэ? Түүнд том улс бий шүү дээ. […]

Орос бол том улс. Тэр юунд ингэдэг юм? Тэдний улс оронд очоод юунд ард иргэдийг нь, хотуудыг нь хулгайлж, ингэж их цус урсгана вэ? Яах гэж тэр вэ? (Ямар ч утгагүй.) Хэрэв Путин үүрд мөнх наслах байсан бол “За яах вэ. Яагаад болохгүй гэж?” гэх сэн. Гэтэл хэн ч мөнх наслахгүй. Ийм богинохон амьдралд байгаа зүйлээ таашааж яагаад болохгүй гэж? (Тийм, яг үнэн.) Гадагш яваад тэр бүх ерөнхийлөгчдийг, бусад улс орныг, үзэсгэлэнтэй газруудыг үзэж хараад мөнгөө таатай зүйлд үрж тансагла л даа. Хүмүүс маш их зүйл санал болгоно. Юу хүссэнээ, бүх зүйлийг авч болно. Юунд бусдын амьдралыг сүйтгэж, өөрийгөө ч эрсдэлд оруулж сүйтгэнэ вэ? (Яг тийм.) Хятадын албаныхан, ерөнхийлөгч Ши нарын хэлсэнчлэн Путин үнэхээр галзуу, яргачин. (Тийм, яг үнэн.)

Гэхдээ түүнд муу ёр, чөтгөр шүглэсэн. Тэр сүнсээ чөтгөрүүдэд арилжсан. (Тэгж.) Зарим хүн баян, эрүүл болох гэх мэт зорилгоор ийм зүйл хийдэг, гэвч тэдний буруу. Чөтгөр чамд юу ч хийж өгөхгүй. Тэр амлалт өгч, ганц хоёр зүйл хийж өгч магадгүй л юм. Тэгсэн ч чи үүрд амьдарч чадахгүй. Бас түүнээс авсан бүхнийхээ өрийг төлөх л болно. (Тийм.)

Сатаныг шүтдэг гэсэн нэг дуучны талаар ярьж байсныг сана даа. Оззи Озбурн (Аан, тийм.) Тэр Сатаныг шүтдэг болохоороо КОВИД тусахгүй гэж байсан. Өө, тэгтэл маш хурдан туссан. (Яг тийм, тэгсэн.) Бас тэгээд эхнэр нь, гэр бүл нь бас туссан байх жишээтэй. (Тийм.) Саяхан, урьд нь би түүнийг их хүнд өвчтэй байсан гэх маягийн юм сонссон. (Хөөх.) Сониноос уншсан санагдаж байна. Тийм байх.

Дотоодод чинь Бурхан оршин буй гэдэгт итгэх хэрэгтэй. Тэгээд Бурханыг шүтэн, өөрийгөө, өөрт орших Бурханы оч гэрлээ Бурхантай нэгтгэхийг хичээ. (За.) Тэгээд энэ насандаа ч Диваажинд биш байлаа ч гэсэн Диваажинд байгаа юм шиг баяр жаргалтай байх болно. Яг л номын олон ах эгч нарын чинь адил, миний шавь гэгдэх хүмүүсийн нэгэн адил. Тэд бүгд баяр жаргалтай. (Тийм ээ.) Яагаад гэвэл тэд үүнийг үзэж туулаад мэдэж авсан. Тэд цаг үргэлж улам сайхныг мэдэрдэг. Тэд цаг үргэлж улам л Тэнгэрлэг, Бурханлагийг мэдэрдэг. (Тийм, яг үнэн.) Яагаад гэвэл тэд Бурхан чанартайгаа нэгддэг аргыг дадуулдаг юм. (Тийм ээ, Багш аа.)

Тэгэхээр их сайн хэрэг. Би ч бас ерөнхийлөгч Ши ямар нэг байдлаар Путинийг буруушаасан гэж уншсан. (Тийм.) Яагаад гэвэл түүний хийж байгаа зүйл капитализм биш, коммунизм ч биш, юу ч биш. Ердөө л алан хядлага. (Яг тийм. Тийм шүү.) Энэ нь бас коммунист улс орнуудын нэр төрийг маш их унагаж байна. (Тийм, яг үнэн.) Бусад олон коммунист дагагчид, эсвэл коммунист онолыг эрхэмлэгчид Орос, Хятад гэх зэрэг оройлогчдыг л харж байгаа. Гэтэл одоо маш муухай санагдаж байгаа. Муу нэртэй болсон. (Яг тийм. Тэр үнэн.) Коммунизм яаж ч сайн сайхан байлаа гэсэн Путины Украин (Урейн)-д учруулсан зүйлс коммунизмыг, коммунист итгэл үнэмшлийг үнэхээр ихээр унагаж байна. (Тийм. Яг үнэн.) Ёстой аймшигтай.

Надад коммунист байна уу, коммунист биш байна уу хамаагүй. Хүмүүс л баяртай байвал, хэвийн, энгийн, даруухан амьдрал нь амгалан бол тэр л хүмүүсийн хүсэх зүйл шүү дээ. (Тийм, яг тийм.) Гэтэл Путин одоо зөвхөн Украин (Урейн)-д ийм зүйл хийж байгаа бус, урьд нь ч өөр улсуудад ийм зүйл учруулж байлаа. (Тийм.) Украин (Урейн)-ы дараа ч олон улс орныг сүрдүүлж, дарамталж, Украин (Урейн)-ы жаахан хэсгийг авах гэж хийсэн шигээ тамлалыг үйлдэнэ.

Тэр хүмүүсийг тайван байлгахгүй, улс орондоо өөрийн бизнесээ эрхлээд байж байхад нь зүгээр байлгачихгүй юм. (Тийм, Багш аа.) Тийм түрэмгий байдал харагдах юм. Дотроо дайны хэнээт чанартай. Яавч хүн биш. (Тийм, Багш аа.) Дотор нь байгаа чөтгөр л түүгээр ийм зүйл хийлгэх боломжтой. (Яг үнэн.) Чөтгөр шүглэсэн хоосон бие гэж би хэлсэн дээ. Энэ бол Путин биш. (Үнэн. Тийм.) Одоо надад итгэв үү? (Тийм, Багш аа. Гарцаагүй. Тэр бол чөтгөр.) Түүний ойр орчмын болон түүний доторх чөтгөрийг харахгүй байлаа ч хийж байгаа үйлийг нь хараад надад итгэж болно. Би та нарт ч, өөр хэнд ч худлаа хэлэхгүй. (Тийм ээ.) Үнэндээ ийм юм.

Энэ бүхэн намайг маш их зовоож орон гэргүй болгож, орон гэргүй хүн шиг болгож байна. (Ээ, Багш минь.) Аюулгүй байдлаа хангах үүднээс байршлаа цаг үргэлж солих ёстой. (Тийм байх нь. Өө, Багш минь.) Одоо би дүрвэх шаардлагагүй байлаа ч гэсэн яг л бүх дүрвэгч адил өөрөө дүрвэгч болчихлоо. (Эвий, Багш минь.) Дэлхий дээрх энэ бүх айдсаас болоод, энэ бүх дарамттай, аймшигтай энергиэс болоод заримдаа энэ бүхэн надад тулж ажиллахад хэтийдсэн их байдаг. (Тэгнэ дээ.) Маш их хүчтэй, бас хүнд байдаг. (Эвий Багш минь.)

Бусад хүн бас яаж мэдэрдгийг төсөөлөөд үз, гэхдээ би яг л тэдний мэдэрдгийг мэдэрдэг. Би Украинд (Урейнд) байж тэр бүх бөмбөгдөлтийн чимээг сонсож, толгой дээрээс нь, ойр орчимд нь хэзээ мөдгүй дэлбэрэх их бууны сумнаас зугтахгүй л болохоос биш яг л тэдний мэдэрч байгаа зүйлсийг яг адилхан мэдэрч байна. (Өө, хөөх. Тэгнэ дээ.)

“Media Report from Al Jazeera English – Jan. 16, 2023 Reporter (f): Аврагчид Украины Днепр хотод амьд үлдсэн хүмүүсийг эрэн хайх ажиллагаа үргэлжлүүлж байхад нурангиас утаа суунаглана. Шуурхай багийнхан хүйтэн, харанхуй шөнөөр Оросын пуужинд сүйдсэн орон сууцны нурангийг өргөж зөөж байна. Зарим хүнийг эсэн мэнд гаргатал, зарим нь маш хүнд бэртжээ. Амь эрсэдсэн хүмүүсийн дотор 15 настай охин байлаа. Шуурхай албаныхан хүүгээ алдсан нэгэн эмэгтэйг тайтгаруулах гэж хичээсэн юм.

Woman (translator): Хулчгарууд та нар хүүг минь яах нь энэ вэ? Та нарыг би үүрд хараана. Дэлхий бүхэлдээ та нарыг харааг.”

“Media Report from Guardian News – Jan. 16, 2023 Man: Байшин дээр минь уначихна гэж би хэзээ ч бодоогүй болохоор шоконд орчихлоо. Дэлбэрэх чимээ сонсоод гараад ирлээ. Маш том удаа суунаглахыг цонхоор харсан юм. Байшингийн шал нурчихлаа л гэж би бодсон юм. Нэг цагийн дараа би бэлдээд хашаанд гартал хүмүүс хашхиралдаж байв. Хүүхдүүд, эмэгтэйчүүд зэрэг цусанд будагдсан хүмүүс, цагдаа нар хаа сайгүй явж байсан.”

“Media Report from Al Jazeera English – Jan. 16, 2023 Reporter (f): Энэ пуужингийн цохилт бямба гарагт Украин даяар Оросын зүгээс хийж буй довтолгооны нэг хэсэг байсан бөгөөд албаныхан энэ нь эрчим хүчний дэд бүтцийг онилсон гэлээ. Киевийн ойролцоох нэгэн тосгонд нэг пуужин энэ эрийн гэрийн ойр унажээ. Хэд хэдэн удаагийн дэлбэрэлтийн дараа нийслэлийн иргэд хаа сайгүй нуувчинд оржээ. Харьков, Львов зэрэг хотуудад харанхуй нөмөрлөө.”

Би хэтэрхий мэдрэг юм. Амьтан-хүмүүс болон хүмүүсийн зовж байгаагаас болж уйлдаг. Уйлахаа больж чаддаггүй. (Тийм дээ, Багш аа.) Яагаад гэвэл би бол тэд. (Тийм ээ, Багш аа.) Би аливаа хүнээс, аливаа төрөлтнөөс, моддоос, бүр цэцэгсээс хүртэл ангид санагддаггүй. (Тийм байх нь.) Тэгээд л би ямар ч цэцгийг тасалдаггүй. Бас ямар ч шавиа надад зориулж цэцэг таслахыг зөвшөөрдөггүй юм. (Тийм, Багш аа. Тийм шүү. Тийм.) Чимэглэлд хүртэл зөвхөн хиймэл цэцэг ашигладаг. (Тийм ээ.) Бас ногоо идэхдээ хүртэл зөвхөн ажлаа үргэлжлүүлж дөнгөх, гол зогоох төдий аль болох бага идэхэд л болно. (Тийм ээ.) Өдөр бүр би идэхээсээ өмнө залбирдаг. Би тэдний төлөө, бас Бурханд талархаж, оролцсон хүн бүхний төлөө залбирдаг. Хоол идэх буяныг надад хайрласан бүх Их Багш нарт би талархдаг.(За, Багш аа.)

Өөр олж мэдсэн зүйл байна уу? Уншсан зүйл байна уу? (Тийм ээ, хэд хэдэн мэдээн дээр Борис Жонсоныг Британийн сайн сайхны төлөө, ард түмнийх нь төлөө эргүүлэн ерөнхий сайд болгох уриалга гарсан талаар дурдсан байсан.) Хөөх. За. (Энэ урамтай мэдээ юм.) Тийм байна. Тийм. Тийм. Хөөрхий тэр залуу эргэн ирэхийг хүсэх эсэхийг мэдэхгүй юм.

Түүнийг төрсөн өдрийн үдэшлэг хийсэн энэ тэр гэх бичлэг хийж олон нийтэд цацсан байсныг л би санаж байна. (Тийм.) Тэр тэндэх хүмүүсээс, өөрт нь баяр тэмдэглэж өгч байгаа ажилтнуудаасаа нэлээд хол, нэг буланд зогсож байхыг нь би харсан. Нэг буланд нэг хуванцар юм уу, цаасан аяга бариад зогсож байсан. (Аан, тийм.) Түүн дотор нь зүсэм бялуу байсан. (Аан, тийм.) Тэр үүнийг барингаа ажилтнуудтайгаа ярилцаж байсан. Тэгээд би, Бурхан минь, яаж ийм хүнийг халж чаддаг байна аа гэж бодсон. Нэг хуванцар тавагтай зүсэм тортны төлөө. (Тийм ээ.)

Өдий хүртэл би энэ дүр зургийг л санаж байгаа болохоор түүнд харамсдаг. Тэр тун даруухан. (Тийм ээ, Багш аа.) Ямар ч бардам, эрх мэдэлдээ бардсан шинж байдлыг би түүнээс огт хараагүй. (Тийм, яг үнэн.) Бурхан минь, их даруу юм л гэж бодсон. Нэг удаагийн жаахан аягатай зүсэм бялуу авсан төдий. (Тийм.) Буланд зогсоод хүмүүстэйгээ ярилцаад, тэдэнд талархаж байсан. (Тийм.)

Дээр үед ерөнхий сайд бол хааны дараа орох хүн байдаг байсан. (Харин тийм.) Тийм хаант засагтай тогтолцоонд дээр үед бол түүнийг хүндэтгэж, дээдэлж, улсын ард иргэд бүгд эмээдэг байсан. (Тийм. Хөөх.) Дээр үед ерөнхий сайд байсан бол хааны дараа хоёрдугаарт орох хэмжээлшгүй их эрх мэдэлтэй хүн байх байсан. (Яг тийм.) Гартаа нэг удаагийн аяга барьчихсан, тэгж яриад л зогсох биш. Үс нь арзайчихсан байдалтай. Тэд нар бүр түүний үсийг шоолж ярьж байсан. Миний бодлоор тэр үсээ өөрөө тайрчихдаг байх. Эсвэл хүнээр зүгээр л богиносгосон болоод ажил руугаа явчихдаг биз. (Тийм байх.) Богино бол угааж самнахад амар. (Тийм ээ.)

Тэр дүр эсгэсэн юм уу эрх мэдэлдээ дулдуйдсан, ерөнхий сайд гэсэн шиг байдаг хүн биш санагдсан. (Огт тийм биш. Тэр үнэн.) Би түүнээс ямар ч эго хараагүй. (Тийм, Багш аа.) Тэгэхээр энэ хүн ерөнхий сайд байж болохоор хүн. (Тийм ээ, Багш аа.) Би түүнээс ийм сайн өнгө аяс мэдэрдэг. Бусад удирдагчдаас ийм зүйлийг тэр бүр харахгүй. Нэр цохож хэлмээргүй байна. (За.) Аливаа удирдагчийг сонгохын тухайд, асар хүчирхэг хэр нь сайхан ауратай, сайн сайхан аура болон сайн энергитэй хүнийг олоход маш хэцүү, үнэхээр хэцүү. (Тийм, Багш аа. Тийм, үнэн.)

Тэгэхээр би түүний буланд нэг удаагийн жаахан аяганд зүсэм бялуу хийгээд барьчихсан дүр зургийг санахаар маш их харамсдаг юм. Би байсан бол буцаж ирэхэд асуудалгүй. (За.) Гэтэл би урьд нь энэ залуу үлдэх ёстой гэж хэлж байсан даа. Түүнийг огцрохоос өмнө (Тийм.) түүнийг улс орныхоо төлөө хэчнээн хүнд хэцүү ажил байлаа ч үлдэх ёстой гэж байсан. Гэтэл тэд түүнийг буулгахыг хүссэн. Харин одоо цөхрөөд түүнийг эргүүлж авчрахыг хүсэж. Тэр эргэж ирж болох эсэх, эргэж ирэх эсэх, ирэхийг хүсэх үгүйг мэдэхгүй юм. (Тийм.) Яадаг ч байсан, тэр юу гэж хүссэн байлаа ч гэсэн Британид болон түүнд амжилт хүсье дээ. (Тийм ээ.) Миний хэлэх зүйл л энэ. (За, Багш аа. Баярлалаа.)

Гэхдээ л би түүний нэг удаагийн жаахан аяганд төрсөн өдрийн зүсэм бялуу хийж бариад буланд зогсоо дүрийг мартаж чадахгүй юм. Ажилчидтайгаа яриад инээмсэглэж байсан. (Тийм.) Тэнд тэдэнтэй хэдэн минут л байсан. Тэднийг эелдэг хандан төрсөн өдрийг нь хүртэл санасанд талархсан өдий. Тэр өдөр тэр өөрөө төрсөн өдрөө санаж байсан эсэх, өөртөө баяр тэмдэглэж өгөөрэй гэж хэлсэн эсэхийг сайн мэдэхгүй байна. Үгүй. Би түүнийг баяр тэмдэглэхийг, угаас иймэрхүү зүйлд анхаардаг ч гэж бодохгүй байна. (Яг үнэн.) Маш завгүй байсан болохоороо төрсөн өдрөө гэдгийг санаа ч үгүй байх гэдэгт би итгэнэ. (Тийм шүү.) […]

Борис Жонсон эргэн ерөнхий сайд болох эсэх нь тэдний намынхан болон Английн ард түмний шийдэх асуудал. (Тийм, яг үнэн.) Бас тэдний үйлийн үр түүнийг эргүүлж авах хэмжээнд хангалттай сайн эсэхээс болно. (Тийм, яг үнэн.) Тэдний гарз болохоос түүнийх биш. (Гарцаагүй тийм.) Сайн сайхан амьдрахад тэр ерөнхий сайд байхын ч хэрэггүй. (Тийм.) Хүмүүс түүнд байшин хандивласан. Бас намд нь, түүнийг сайхан амьдруулах гэж мөнгө хандивласан.

Тэр Даунин гудамжны 10 тоот дахь ажлаа өгөөд зургаахан долоо хоносны дараа (Тийм.) тэр дөрөвхөн удаа үг хэлсэн байх, тэгээд л 1 сая фунт стерлингтэй болсон. (Өө, хөөх.) Тэгэх хэрэг байхгүй байхад хүртэл шүү. Хүмүүс түүнийг хүндэлдэг хэвээрээ. (Тийм.) Түүнийг дуудаж, хэрэгтэй байж, эсвэл түүнд олон замаар тусалж байна. (Тийм.) Амь зуух гэж ерөнхий сайд байх шаардлага ч байхгүй. Тэгж л хэлэх гэсэн юм. (Тийм, тэр үнэн.)

“Media Report from Good Morning Britain – Oct. 19, 2022 Host (f): Борис Жонсоныг (Даунин гудамжны) 10 тоотод буцааж авчрах талаар Консерватив Постын вэб сайтад гаргасан өргөдөлд 10,000 хүн гарын үсэг зуржээ.

Host (m): Мөн Лиз Трассын танхимын зарим гишүүд, тухайлбал соёлын яамны төрийн нарийн бичгийн дарга Надин Доррис түүнийг эргэн ирэхийг үнэхээрийн их хүсэж байна гэжээ. Энэ талаар хэлэлцэхээр одоо бидэнтэй хамт байгаа ЕПГ (Европын Парламентын гишүүн) Дэвид Кэмпбелл Баннерман Борисыг цорын ганц найдвартай хувилбар гэж үзэж байна.

Bannerman (m): Борис Брекситийг хэрэгжүүлсэн. Тэр гишүүдийн дунд маш нэртэй хэвээр байгаа бөгөөд гишүүдийн гуравны хоёр нь түүнийг эргүүлэн томилох хүсэлтэй байгаа. Мөн бүх санал асуулгаар олон нийт Борист дуртай хэвээр байгаа нь харагдаж байна. Тэр бол намын маш том хөрөнгө гэж бодож байна. Асар олон хүн түүнийг дэмжсэн хэвээр байгаа. Тэр 80 суудлаар олонх болсон нь 1987 оноос хойших хамгийн олон суудал юм. Тэр олны өмнө гарсан. Өөр хэн ч олны өмнө гараагүй.

Host (m): Борис эргэж ирэхийг хүсэж байгаа эсэхийг та мэдэх үү? Өөрөөр хэлбэл бидний сонссон хөшигний ар дахь бүх мэдээллээр тэр Америкт үлдэхийг хүсэж байгаа.

Bannerman (m): Тэгэхээр, тэр сайн байгаа. Тэр Америкт хагас цаг ганц илтгэл тавиад л ерөнхий сайд байсан үеийнхээ цалингаас хоёр дахин ихийг олж байгаа харагддаг.

Host (m): Энэ сайхан байшинд тэгэхээр тэр яах гэж ирэхийг хүсэх билээ?

Bannerman (m): Үүрэг гүйцэтгэх гэж хүсдэг байх. Миний бодлоор тэр зүтгэх хүсэлтэй.”

“Media Report from GBNews – Jan. 11, 2023 Greenhalgh (m): Би түүнийг хамгийн сайн хувилбар гэж бодож байна. Гэхдээ Борисыг эргүүлж авчрахаар ятгах хэрэгтэй. Тэр (Даунин гудамжны) 10 тоотод эргэж ирье гэдэггүй. Бид түүнийг ятгах л хэрэгтэй. Борис бол сонгуулийн ялагч. Тэсрэх бодис мэт хүн. 2012 онд хотын даргын сонгуульд ялах хэн ч байхгүй байснаас би хоёр дахь удаагаа сонгогдсон тул Борисоос өөр хэн ч Кен Ливинстоныг бүх нийтийн санал асуулгаар ялж чадаагүй юм. Тэр бол гайхалтай улстөрч. Борисоос өөр хэн ч 80 суудалтай, 80 гаруй суудалтайгаар олонх болж чадаагүй. Хэрэв бокстой зүйрлэвэл тэр мандат авсан хүн гэж бид хэлдэг юм. Жинхэнэ эрх мэдэл, сонгуульд нэр нөлөө авчрах сайн сайхны төлөө хүчтэй хүн энд байна.”

Даунин гудамжинд эргэж очих эсэх нь түүний шийдэх хэрэг. Гэхдээ би хэдийн хэлсэн дээ. Тэр газар хаягаа өөрчлөх ёстой байсан юм. (Тийм ээ.) Ая тух дэндүү их алдагдах байх. Гэхдээ л хэдийн дасчихна. Бас миний бодлоор тийм олон ажилтантай албан газар нүүхэд амаргүй байх. (Тийм ээ.) Гэхдээ яагаад болохгүй гэж? Улс оронд нь сайн бол нүүх л ёстой байсан. (Үнэн шүү.) Тэнд тамын зам байдаг гэж би та нарт хэлсэн дээ. (Тийм ээ, хэлсэн.) Дэлхийн юм уу, тухайн улсын, тэр орчны үйлийн үр хүнд бол чөтгөрүүд тэр замын гарцыг нээх боломжтой болж, түүгээр гарч ирээд асуудал тарьдаг. Асуудал байхгүй байлаа ч асуудал гаргаж ирж чадна. (Өө, хөөх.)

Эс бөгөөс ерөнхий сайд бялуу идсэн төдийд юу гэж халагдах билээ дээ. (Тийм ээ.) Төрсөн өдрийн ганц зүсэм бялуу. (Тийм шүү.) Хөл хорионы үед хүртэл тэд бүгдээрээ албан газартаа хамт ажиллаж байсан. (Тийм.) Бүгд гарч болохгүй хатуу хөл хорионы үе ч байгаагүй. Одоо хаа сайгүй хөл хорихоо больсон байна шүү дээ. Тэгэхээр тэд тийм ч буруу зүйл хийгээгүй. (Тийм ээ.) Гэтэл энүүхнээс болоод түүнийг унагасан. Түүний буруу биш зарим бага сага асуудал байсан байж магадгүй. (Яг үнэн.) Хэний ч буруу байгаагүй. (Тийм, Багш аа.)

Амьдралд хаа нэг бага сага алдаа гарч л байдаг. Заримдаа нөхцөл байдал тохиромжгүй байсан гээд хэнийг ч хохироогоогүй. Тэр хэнийг ч хөнөөгөөгүй. (Яг тийм.) Авлига, хээл хахууль ч болоогүй. Огт тийм юм болоогүй. (Тийм.) Бага сагахан зүйл. Тэгэхээр Даунин гудамжинд тамын зам байгаа гэхэд минь итгээгүй бол одоо итгэсэн биз. (Тийм, гарцаагүй. Ёстой тийм байна.)

Төрсөн өдрийн зүсэм бялуунаас болж ерөнхий сайд суудлаасаа бууж, олон хүн огцорсон. Бурхан минь, төрийн албаныханд хүн чанар байдаггүй юм уу хаашаа юм? (Харин тийм.) Аймаар юм. Бурхан минь, түүний төрсөн өдөр жилд ганц удаа л тохионо. Тэгээд ч тэр бол Их Британийн ерөнхий сайд. (Тийм.) Энэ улс ямар гээч эрх чөлөөг эрхэмлээд байна вэ? (Яг үнэн.) Муу байлаа гэхэд яах вэ түүнийг торго л доо. Хэдэн мянган фунтээр ч юм уу торго. (Харин тийм.) Бялуу идлээ гээд, хэдэн хүн түүнд жилд ганц тохиодог төрсөн өдрөөр нь гэнэтийн бэлэг барилаа гээд ерөнхий сайдыг халчхаж болохгүй шүү дээ. Гэгээн минь. (Тийм ээ.) Ямар ч байсан утгагүй юм. (Тийм шүү. Яг үнэн.)

Хүн итгэх аргагүй. Тэд өөр олон шалтаг гаргаж ирсэн. Жишээ нь ажилчдынх нь нэг ижил хүйстэн байгаад хэн нэгэнд хүрсэн ч билүү дээ. Бурхан минь, насанд хүрсэн хүн байж тэр залууд боль гээд хэлчхэж болно доо. (Тийм шүү дээ.) “Хөөе, миний өгзгөнд бүү хүр. (Гараа тат.) Гараа тат. Арилж үз. Өгзөгнөөс минь арилж үз. Алга бол! Алга бол чи!” гэж хэл.

Яах гэсэн юм? Үүнээс болж ерөнхий сайдыг халдаг нь ямар учиртай юм бэ? (Харин тийм.) Тэр хүрээгүй. Тэр огт хараа ч үгүй. (Тийм.) Шүүхэд ямар ч гэмт хэргийг шүүхэд нотолгоотой байдаг шүү дээ. (Тийм шүү. Тийм.) Бүгдээрээ насанд хүрсэн том хүмүүс байж. Тэр хүнийг боль гэж, эсвэл бүр ууртай байвал гарыг нь алгадаад авч болно. Биед чинь хүрсэн бол алгадаад ав. (Тийм.) Бурхан минь. Арай ч дээ. Тэд нар таван настай, эсвэл хоёр настай цэцэрлэгийн насны хүүхэд биш шүү дээ. (Харин тийм.) Тийм жаахан зүйлийг тэгж том асуудал болгоод л. (Тийм.) […]

Өөр зүйл байна уу? (Тийм ээ, бас нэг юм байна. Нохой-хүнээ тэвэрч болохгүй гэж хаа нэгтээ бичсэн байсан.) Энэ бол эмзэг сэдэв гэдэг нь мэдээж хэрэг, мэдээж хэрэг. Бүгд л нохой-хүмүүсээ хайрлахдаа тэвэрдэг. (Тийм ээ.) Ажлаасаа ирэхэд нь тэдний хайрыг мэдэрч, тэднийг угтан авах хэрэгтэй байдаг. Энэ бол зөнгөөрөө хийдэг зүйл. (Тийм. Яг тийм.)

Гэхдээ гол нь судлаачид И. коли гэх зэрэг олон бактерийг нохой-хүмүүс савартаа тээгээд гэртээ орж ирдэг гэдгийг судалж мэдсэн. (Өө, хөөх.) Яагаад гэвэл нохой-хүмүүсийн саварт хуруу хооронд зай байдаг. (Тийм. Тийм шүү.) Тэд бас гудамжаар алхаад, гарч яваад, дуртай зүйлээ хийнэ, заримдаа өөрийнхөө баас шээсэн дээр, эсвэл өөр нохой-хүмүүсийн баас шээсэн дээр гишгэчихдэг. (Хөөх.) Тэгээд өөр нохой-хүн өвчтэй байж болно, ямар ч бактеритай байж мэднэ. Тэд нохой-хүмүүсийн савраас маш их, асар их бактери илрүүлсэн.

“Media Report from Inside Edition – Sep. 16, 2017 Lisa Guerrero (f): “Нохойн бохир сарвуу”-ны үр дүн гарч, дэлгэрэнгүй мэдээллийг дэлгэх цаг боллоо. Таны анч нохой Кевин 10 төрлийн бактери, хоёр төрлийн мөөгөнцөртэй. Таны пудель Саши зургаан төрлийн бактери, нэг мөөгөнцөртэй. Пудель Чарли тань найман төрлийн бактери, нэг мөөгөнцөр, бас юу байсан гээч? Таны бүх нохойд E. coli байсан.

Leah Glatzerman (f): Өө, Бурхан минь. Өнгөрсөн шөнө тэд миний хажууд унтсан.

Lisa Guerrero (f): Бид бас Шаннад мэдээ хүргэх хэрэгтэй болсон юм. Энэ залуу Скоттийн хувьд бид долоон төрлийн нян, нэг мөөгөнцөр, тэр дундаа уушгины хатгалгаа, менингит, шээсний замын халдварт өвчин (Үгүй ээ.) үүсгэдэг үнэхээр муу хорхойг олсон. (За, сайн биш байна шүү.) Сайн биш ээ. (Огт сайн биш байна.) Өө, энэ нь улам дордох болно. Хөөрхөн бяцхан Сахиулсан тэнгэр, энэ хөөрхөн царай, хөөрхөн бяцхан Сахиулсан тэнгэр (За, надад хэлээрэй, хэлээрэй.) зургаан төрлийн бактери, түүний дотор E. Coli-той байна.”

Бас нохой-хүмүүс тэгж их тэврүүлээд байх дургүй. Нохой-хүмүүс надад хэлсэн юм. (Хөөх, тийм үү. Хөөх.) Тэд амьтадтай ярьж чаддаг зарим хүмүүст ноход тэврэлтэд тийм ч дуртай биш гэж хэлсэн байна лээ. Тэд биднээс өөр учраас ихэнх ноход тэврүүлэх дургүй. Хөөх.) Хүмүүс хүртэл тийм байдаг. Тийм ч олон хүн тэврэлдэх дуртай байдаггүй. (Тийм. Бас үнэн.)

Нохой-хүмүүсээ тэвэрлээ гэхэд үр дагаврыг нь өөрөө хүлээх ёстой болно. Үгүй бол сайн усанд оруулаарай. Саврыг нь бүлээн усаар угаагаад гэртээ орохоос нь өмнө хатаа. Бас 40/60 харьцаатай цагаан цууны уусмалаар арчаарай. 40% цагаан цуу, 60% ус хийгээд нохой-хүний явсан газрыг арч.

Гэрт орсон хойно нь тэднийг цэвэрлэхээсээ өмнө бүхэлд нь арчиж, нохой-хүний саврыг бүлээн усаар угаагаад цагаан цуутай уусмалаар арч. Эсвэл нярайн салфеткаар арчиж болно. Нохойны савар нойтон байвал, эсвэл нярайн салфетка зэргээр арчсан бол бүлээн усаар дараа нь арчих хэрэгтэй. Бүлээн усаар арчсаныхаа дараа дахин арчих хэрэгтэй. Үгүй бол тэр химийн бодисын найрлага нохой-хүмүүст сайн, муу эсэхийг мэдэхгүй юм. Сайн гэж бодохгүй байна. Тэгэхээр цагаан цууны уусмалаар арчаад саврыг нь бүлээн усаар угаагаарай. Нохой-хүмүүсээ тусад нь унтуулж чадахгүй бол, хамт унтах дуртай бол хамт л унтчих.

Харин ноход тэврүүлэх дургүй. (За.) Тэд үргэлж ажиглаж байдаг төрөлх чанартай. Тэдний мөн чанар нь сэрэмжтэй. Тэд анхаарамжтай байдаг. Саатуулахад тэд дургүй- халуун тэврэлтээр хүртэл. Хориглогдсон юм шиг санагдаад зугтахыг хүснэ. (Хөөх.) Бас тэд гүйгээд явчихгүй гээд өөрсдийгөө хязгаарлах юм бол, дотоодын сэтгэлийн түгшүүрээсээ болоод тэд өвдөлт мэдэрдэг. (Өө. Хөөх.) Тэдний үе мөч өвдөх юм уу, өдөр тутамдаа сэтгэл санааны байдал нь таагүй болдог. (Өө, хөөх. Тэгдэг байх нь.) Зарим нохой-хүн үүнд дасчихсан байдаг байх. Бүх ноход адил үгүйг би мэдэхгүй байна. (За, Багш аа. Баярлалаа.)

“Zoo Land YouTube Channel – June 9, 2018 Reporter (m): Эрдэмтэд нохдыг бидний халуун тэврэлтийг хүсдэггүй гэж хэлж байна. Кеннел Клубийн судлаачид энэ тал дээр байр сууриа илэрхийлсэн байна. Тэд бидний тэжээвэр амьтадаа хүүхэд шиг үзэх нь зохисгүй гэдэг. Учир нь тэврүүлэх дургүйгээрээ хүүхдээс ялгаатай аж.

Кеннел Клубийн Каролин Киско хэлэхдээ: “Ноход ихэвчлэн гэр бүлийн бүрэлдэхүүнд ордог. Тэд хүн биш учраас тэд тэврэлт зэрэг зарим үйлдэлд өөрөөр хариу үйлдэл үзүүлж магадгүй юм.”

Нас бие гүйцсэн нохдын зан байдал судлаач Клэйр Мэттью хэлэхдээ: “Тэврэлт нь хүмүүсийн хувьд энгийн нэг мэндчилгээ байж магадгүй. Харин нохдын хувьд үгүй. Стрессийн нарийн шинж байдлыг та амьтнаа тэврэхдээ анзаарахгүй байж магадгүй. Үүнд сөрөг хариу үйлдэл үзүүлж болно. Тэгвэл нохойд чинь тухгүй байгаа гэсэн үг.”

Др. Стэйнли Корен нохдын талаар болон тэднийг тэврэхэд үзүүлдэг хариу үйлдлийг судалжээ. Түүний туршлага Бритиш Колумбын их сургуулийн нохойн зан байдлын мэргэжилтэн, сэтгэл судлалын профессор байхаас эхтэй. Тэрээр 250 нохойн зургийг ажаад тэвэрсний дараах тэдний хариу үйлдлийг зураглажээ. Эдгээр тэжээвэр амьтдын 10 тутамд наймынх нь хувьд дургүй байх болон тэврэлтээс айх байдал илэрсэн байна. Эдгээр шинж байдлаа тэд чихээ арагш болгох, нүднийхээ цагааныг гаргах, нүд рүү харахаас зайлсхийж толгойгоо эргүүлэх, хэтэрхий их долоох, эвшээх, нэг савраа өргөх зэргээр илэрхийлжээ.

“BrightDog Academy Dog Training YouTube Channel - May 1, 2016 Alex Antoniazzi (m): Би гараараа нохойгоо ороон тэвэрч эхлэхэд тэр амаа хуламдаж, цааш түлхэх, эвшээх, надаас өөр тийш харах, нүд рүү харахгүйг хичээх зэргийг нь ажигладаг. Энэ бүх дохиогоороо нохой маань “Болж буй зүйлд дургүй байна” гэж хэлж байгаа юм. Мөн миний нохой тэврэлтийг таашаахгүй байгаа бөгөөд энэ нь түүнд стресс үүсгэж байна гэсэн үг.

Одоо би түүнийг тэврэхээр яахыг харцгаая. Архирч байна. Энэ бол анхааруулах том дохио бөгөөд миний үйлдэл таалагдахгүй байна гэж тодорхой хэлж байна. Би дахиад тэвэрье. Түүний архирах нь “Хийж байгаа үйлдэл чинь таалагдахгүй байна” гэж байна. Бас тэр эвшээн амаа хуламдаж байна.”

“Zoo Land YouTube Channel – June 9, 2018 Reporter(m): Ноход угаасаа хурдан гүйхэд зохицсон байдаг. Энэ нь стресс, аюул заналын үед нохойн хамгийн эхний хамгаалалт бол шүд нь биш, харин зугтах чадвар нь юм. Тэрээр нэмж хэлэхдээ: “Зан байдал судлаачид нохойг тэвэрснээр хөдөлгөөнийг хориг нь түүний стрессийн түвшинг нэмэгдүүлдэг гэж үздэг. Хэрэв нохойн түгшүүр мэдэгдэхүйц хүчтэй болбол тэр хазаж ч магадгүй” гэлээ. Др. Корен зөвлөж байна: “Тэврэлтээ хоёр хөлтэй гэрийн хайртай гишүүддээ л зориул. Гэрийн тэжээвэр амьтандаа хайртай гэдгээ зөөлөн цохиж, эелдэг үг хэлж, эсвэл амттан өгч илэрхийлэх нь нохойны үүднээс харахад илүү дээр юм” гэлээ.”

Надад нэг жижигхэн нохой байлаа. Надад олон нохой байдаг ч (Тийм.) зарим жижиг нь үүнд дасдаггүй. Би тэднийг тэвэрч, мөрөн дээрээ авч явах дуртай. Гэтэл тэд дандаа тэврэлтээс зугтахыг хүсдэг. (Хөөх.) Тэврээс мултрах гэж тэмцдэг. (Аан.) Хэдий би тэднийг жаахан байхад нь, ганц хоёрхон сартай байхад нь авсан байсан ч гэсэн адилхан. (Хөөх. Тийм байх нь.) Заримдаа хэсэг зуур тэвчиж байгаад зүтгэхийг нь би мэдэрнэ. (Хөөх.)

Иймд би тэднийг тэгж их тэвэрдэггүй. Тэвэрлээ ч түрхэн зуур тэвэрдэг. (Аан.) Ердөө “хөп” гээд л духан дээр нь үнсээд “Сайн уу?” гэх мэтчилэн. (Тийм.) […]

Эзэн гэгдэх хүмүүс нохой-хүмүүсээ юу мэдэрч байгааг, юу хүсэж, эсвэл хүсэхгүй байгааг мэдрэх хэрэгтэй. Тэврэх хэрэгтэй бол түргэхэн тэвэр. (За, Багш аа.) Секунд ч хүрэхгүйгээр. (Хөөх.) Маш хурдхан. Хурдхан тэврээд явуул. Үгүй бол дэндүү стресстэй.

Бас дандаа тэврээд байх ч хэрэггүй. Хажууд нь суугаад хүзүүнд нь хүрч, хүзүүг нь маажиж, эсвэл гэдсийг нь илж болно. (За.) Эсвэл ердөө л “Сайн уу?” “Би чамд хайртай,” “Чамтай уулзсандаа баяртай байна. Үзэсгэлэнтэй шүү,” “Чи царайлаг шүү. Намайг үргэлж баяртай болгодог. Амьдралд минь байгаад баярлалаа. Найз минь байгаад баярлалаа. Намайг хайрладагт баярлалаа. Итгэдэгт баярлалаа” гэж болно. Би нохдодоо цаг үргэлж ингэж хэлдэг. Харах бүртээ хэлдэг. (Юутай сайхан.)

“Footage recorded by Supreme Master Ching Hai (vegan): Хайртай шүү. Сайн охин. Сайн охин шүү. Үзэсгэлэнтэй охин шүү, чи. Хайртай шүү.”

Тэднийг тэврэх гэж, чанга ороож тэврэх гэж тэднийг хүчлэх хэрэггүй. Хөдөлгөөн хязгаарладаг. Учир нь тэд та нараас жаахан учраас тэврэхээр бүхэлд нь битүүлчихнэ шүү дээ. (Яг үнэн.) Нүүр ам нь бүхэлдээ бүтээгдчихээр бачимдсан мэдрэмж төрнө. (Яг үнэн, тэгнэ.) […]

Тэд эрх чөлөөтэй байх байгалийн мөн чанартай. (Тийм ээ, Багш аа.) Тэд бидэнд хайртай болохоороо л, бидэнтэй хамт байхыг хүсдэг ч гэсэн тэдний чөлөөт орон зайд хүндлэлтэй хандах хэрэгтэй. (Тийм ээ, Багш аа.) Хэрэв нохой-хүмүүс тэврэлт хүсвэл тэднийг тэвэр. Харин хүсэхгүй байвал тайван орхиж тэднийг хайрла. Хайрыг үргэлж биеэр илэрхийлэх албагүй. (Тэр үнэн.) […]

Бид Өршөөлт Их Багшийнхаа манай дэлхийд энэ шалгуурт цаг үед хайраа зориулан туслахаар хичээн зүтгэж буйд бид мэхийн талархаж байна. Хамагт төрөлтнийг Өрөвдөх хязгааргүй сэтгэл Тань бидний сэтгэлийг ихэд хөдөлгөж, гэгээрэхэд тусалдаг билээ. Энхтайван болон нигүүлслийг түгээх нь хүн төрөлхтний энэ эмзэг байдлыг аль болох хурдан өөрчилж, бидний жинхэнэ зорилго болох Бурханыг шүтэн, Түүнтэй нэгдмэл болохыг тэмүүлэх ёстойг сануулаасай хэмээн залбиръя. Мөн удирдах албан тушаалд байгаа сайн сайхан буянтай хүмүүсийг илүү эв эетэй оршнолын төлөө хувь нэмрээ оруулахыг нь дэмжицгээе. Зоригт Их Багш маань бүхий л Диваажингийн Бурхдын Хамгаалал дор цаг үргэлж эрүүл саруул, аюулгүй, амар амгалан нөхцөлд байх болтугай.

Төгс Гэгээрсэн Их Багш Чин Хай (веган)-н өдөр тутмын амьдрал ямар байгаа талаар болон гэм зэмгүй оюун санааны бясалгагчийг гүтгэн буруутгах нь ямар үр дагавартай талаар мэдэхийг хүсвэл 2023 оны 1-р сарын 31-ний мягмар гарагт Багш шавийн шүтэлцээгээр энэхүү яриаг бүрэн эхээр үзээрэй.

Мөн дэлгэрүүлэн мэдээлэл авахыг хүсвэл, үүнтэй холбоотой өмнөх Багш шавийн шүтэлцээ хөтөлбөрүүдийг үзнэ үү:

Өөрийгөө ариусган зөвхөн Бурханыг шүт

Бид бусдыг уучилбал Бурхан биднийг өршөөнө

Энэрэнгүй веган зам мөртэй хэн бүхэнд Диваажингууд тусалдаг

Их Британи Амьтан-хүмүүсийг хамгаалж, мэдрэхүйт төрөлтөн гэж үзсэн хуулиа сахих ёстой

Веган болж чин сэтгэлээсээ наманчлах сүүлчийн дуудлага

Гэх мэт... 

Дэлгэрэнгүй үзээрэй
Хамгийн сүүлийн бичлэгүүд
2024-03-29
73 Үзсэн
2024-03-28
236 Үзсэн
2024-03-28
113 Үзсэн
1:57

Animals are People, Part 23

2024-03-28   102 Үзсэн
2024-03-28
102 Үзсэн
2:06

Animals are People, Part 24

2024-03-28   89 Үзсэн
2024-03-28
89 Үзсэн
2:29

Animals are People, Part 25

2024-03-28   81 Үзсэн
2024-03-28
81 Үзсэн
39:42

Онцлох мэдээ

2024-03-27   22 Үзсэн
2024-03-27
22 Үзсэн
9:36

Ukraine (Ureign) Relief Update

2024-03-27   95 Үзсэн
2024-03-27
95 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд