Их Багшийн Хүч нь зүүдээр маань дамжуулан бидэнд нээлттэй байх өдрийн бусад мөчийн адил биднийг сургадаг.

Би зүүдэндээ Их Багшийг том майханд олон нарийн боов өрсөн урт ширээн дээр бялуу хийж байхыг харсан. Их Багш майхны нэг буланд лимбэний уут барьчихсан зогсож байв. Түүний хажууд авшигтнууд бялуугаа авахаар дугаарлаж байв. Би сэтгэл догдлон урагшилж байсан ч гартаа барьсан сав маань яагаад ч юм бялуу хийхэд тохиромжгүй байв. Энэ бол миний зүүдэнд таних боломжгүй хачирхалтай зүйл байсан; тиймээс би Их Багш руу ойртож байхдаа сандарч эхэлсэн ба үүний зэрэгцээ би бялуу авч чадна гэж найдаж байв.

Их Багш миний хачирхалтай савыг хараад гайхсан шинжгүй ч инээмсэглэсээр миний авчирсан огт өөр саванд нийцүүлэх мэт Тэрээр нялх үрсийг чамбай, анхааралтай асарч байгаа мэт миний савыг нямбай арчиж, веган царцдасаар хийсэн цэцэгсээр бага багаар чимэглэв. Зүүдэндээ би нийгэмд хүлээн зөвшөөрөгдөөгүй миний нэг хэсгийг хүлээн зөвшөөрч байгааг мэдэрсэн. Зөөлөн, бүлээн урсгал миний зүрхний гүнд урсаж, надад маш их аз жаргал, дулаан мэдрэмж төрүүлэв ...

Би бялуу авсны дараа түүнийг амтлахын тулд хожим нь хадгалахыг хүссэн; гэвч бялуу гэнэт амьд юм шиг өөрчлөгдөв. Веган царцдас нь хөвөн шиг зөөлөн бүтэцтэй болж хувирав. Би маш их гайхсан тул бүгдийг нь яаран үмхэлж, зүүднээсээ шууд сэрлээ. Сэрсэнийхээ дараа би маш их сэргэсэн.

Би байнга хар дарсан зүүд зүүдэлдэг байсан ба амарч, сайн унтах надад амаргүй байсан. Энэ зүүд маш баяр хөөртэй, тайван, эелдэг байсан ба сэрсний дараа би сэтгэлдээ юутай ч зүйрлэшгүй хөнгөн, их аз жаргалыг мэдэрсэн. Зүүдэнд минь Их Багш миний дутагдлыг зохицуулж, бодит амьдрал дээр хүлээн зөвшөөрөгдөөгүйн улмаас бухимдсан сэтгэлийг минь тайлж, түгшсэн сэтгэлд минь амар амгалан, урам зориг мэдрэх боломж олгосон мэт санагддаг. Өөрчлөгдөж буй бялуу нь надад энэ ертөнцийн бүх зүйл түр зуурынх гэдгийг, бүх зүйлийг оюун ухаанаар зохицуулах ёсгүйг сануулсан. Зөвхөн дотоод Их Багшийн зааварчилгааг дагаж, нөхцөл байдалд дасан зохицож, үүний дагуу үйлдэл хийж байж л би хүлээснээсээ салж, амар тайван, аз жаргалд хүрч чадна.

Их Багш аа, надад ийм сайхан зүүд илгээсэн Тандаа баярлалаа. Миний түүхийг сонссон авшигтнууд ч бас Диваажингийн энхтайван, амар амгаланг эдэлнэ гэж найднам. Их Багшдаа эрүүл энхийг, хүсэл бүхэн Тань биелэхийг ерөөе. Суприм Мастер ТВ-ийн хамт олон Тэнгэрлэг Жаргалд умбаг. Син-Ин Тайвань (Формоса) -аас

Азтай Син-Ин, гайхамшигтай дотоод ахуй ойлголтоо бидэнтэй хуваалцсанд баярлалаа. Их Багшийн агуу хайр бол бидний дутагдлаас, энэ дэлхийн туршлагаас үл хамааран сэтгэлээ анагааж, өөрсдийгөө хүлээн зөвшөөрөхөд хэрэгтэй гүгэл юм. Их Багш гадаад байдлаас чанад харж, биднийг адислан, өөрийн Жинхэнэ Би-гээ сэрээхэд зориулан бүх аргыг хэрэглэдэг. Таны сүнслэг аялалд туслах ийм анагаах зүүд зүүдэлсэнд тань бид баяртай байна. Та болон цоглог Тайванийн ард иргэд үргэлж энх тайван орших болтугай. Тэнгэрлэг нинжин сэтгэлээр, Суприм Мастер ТВ-ийн баг

Жич. Их Багшийн танд урам зориг өгөх хайрын захиас: “Чин сэтгэлт Син-Ин, таны гэнэн цайлган байдал, сайхан дотоод ахуй ойлголт миний сэтгэлийг хөдөлгөлөө. Олон хүн дэлхийг хайрлаж, хүлээн зөвшөөрдөг газар гэж үздэггүй тул бид маш их зовж, шаналж, өөртөө эргэлздэг. Их Багш биднийг жинхэнэ Хайрын туршлагаар ивээх гэж ирдэг бөгөөд ингэснээр бид өвдөлтөө эдгээж, гэгээрсэн ухамсар болгон хувиргаж чадна. Энэ ертөнцөд түр зуурын биш зүйл, жинхэнэ аз жаргалыг авчрах юу ч байхгүй. Та ахуй ойлголтынхоо утгыг хүлээн авч, таны зүрх сэтгэл, оюун ухааныг ямар нэг байдлаар анагаасанд баяртай байна. Өдөр бүр бясалгаж, чадахаараа ахиу хийгээрэй. Унтахын өмнө орондоо мөн бясалган суувал унтаж байхдаа ч бясалгалын төлөв байдалд байх болно. Тэгвэл хар дарахын оронд илүү сайхан ахуй ойлголт үзэхэд тань тусална. Их Багшийн Хүч нь зүүдээр маань дамжуулан бидэнд нээлттэй байх өдрийн бусад мөчийн адил биднийг сургадаг. Буддагийн гэрэл та болон даруу Тайвань (Формоса)-ийн ард түмэнд мөнхөд тусах болтугай."