Испани дахь Украин (Урейн)-ы дүрвэгсдэд үзүүлсэн тусламж

Төгс Гэгээрсэн Их Багш Чин Хайн Олон Улсын Нийгэмлэгийн Испани дахь тусламжийн мэдээ...

Орос Украин руу халдан довтолсон цагаас эхлэн Төгс Гэгээрсэн Их Багш Чин Хай залбирлаар, адислалаар, олон удаагийн санхүүгийн тусламжаар Украин дахь болон Европын олон улс орон руу аюулгүй байдлыг эрэлхийлэн дүрвэсэн ард олонд нь тусламж үзүүлсээр байгаа билээ. Испани дахь манай Нийгэмлэгийн гишүүдээс тус улс дахь Их Багшийн украин дүрвэгсдэд зориулсан халамж анхаарлын талаарх мэдээг дамжуулахыг хүссэн юм.

“Их Багшаас 8-р сарын эхээр өгөөмөр тусламжийг хүлээн аваад Испанийн Валенсиа, Андалуси, Мадридад хэд хэдэн хотын гурван төвөөр дамжуулан тусламжийн ажил өрнүүллээ. Манай Нийгэмлэгийн гишүүд мөн тусламжид хувь нэмрээ оруулж Суприм Мастер Телевизийн танилцуулга, ном зэргийг хэвлэсэн.

Валенсиа Валенсиад бид украин дүрвэгсдэд зориулсан тусламжийн агуулахтай холбогдсон. Тэд биднийг холбогдоход ихэд баярласан. Яагаад гэвэл тэдний агуулахад хүнс болон ариун цэврийн зүйлс дуусаж байсан учраас маш их хэрэгцээтэй байжээ. Бид тэдэнд паста, улаан лоолийн соус, будаа, олив, наран цэцгийн тос, шар буурцгийн болон овьёосны сүү, хүүхдийн веган өглөөний хоол, веган жигнэмэг, веган шоколад, цай, кофе, буурцгууд, (ангаахай шош, буурцаг, сэвэг зарам) гурил, сахар, лаазалсан чихэрлэг эрдэнэ шиш, вандуй болон веган ариун цэврийн хэрэгсэл, хүүхдийн тэжээл зэргийг өгсөн. Тэд Их Багшид цагаа олсон тусламжид нь хамгийн их талархаж, “Баярлалаа” гэсэн юм.

Бид хэд хэдэн удаа нэмж веган хүнс болон ариун цэврийн хэрэгслүүд, хичээлийн шинэ жилд зориулан хүүхдийн хичээлийн хэрэгслүүдийг хүргэсэн. Бид мөн Суприм Мастер ТВ-ийн мэдээлэл бүхий сурталчилгааны хуудас болон “Өөрөөр амьдаръя хуудас, “Хайр бол цор ганц шийдэл” ном зэргийг украин хэл дээр хэвлэснээр тараасан. Бид тэднийг эргэж тойрч, хангамж хэрэгтэй үед нь тусалж байх болно.

Андалуси Андулисид бид Алмериа, Рокетас де Мар, Малага, Кордоба, Хуэлва зэрэг таван хотод очсон. Алмериа болон Рокетас де Март бид веган хүнс болон ариун цэврийн бүтээгдэхүүнүүдийг дүрвэгсдийн гэр бүлүүдэд шууд хүргэсэн. Шинэхэн жимс, өглөөний хоол, веган шоколад, кофе болон бусад үндсэн хүнс болох гурил, веган тос, паста, будаа зэргийг хүлээн аваад бүгдээрээ ихэд талархсан. Бид мөн хүүхдүүдэд хичээлийн хэрэгсэлтэй цүнх өглөө. Хүүхэд, томчууд ялгаагүй Их Багшид нулимс дуслуулан ихэд талархаж байгаагаа илэрхийлж бидний зүгээс үзүүлсэн тусламж хэсэгтээ тусламж аваагүй тэдний хувьд анхных байсан гэв.

Үүний дээр бид оёдлын машин, нүдний шил зэргийг оёдол үйлээр амьжиргаагаа залгуулдаг хоёр хатагтайд зориулан худалдан авсан. Тэд хоёул дайнд хүүгээ алдсан бөгөөд Их Багшийн өгөөмөр тусламжид сэтгэл нь ихэд хөдөлсөн. Бид мөн нэгэн украин гэр бүлийн найрсаг урилгаар гэрт нь байрлах болсон дөрвөн хүнтэй гэр бүлд зориулан матрас худалдан авсан.

Малага Малагагийн өмнөд хотод бид хүүхдүүдэд зориулсан цүнх болон нэлээд хэмжээний веган хүнсийг орон нутгийн ашгийн бус байгууллага Майданаар дамжуулан тэндэх украин дүрвэгсдэд тараасан. Майданы дарга бүсгүй Төгс Гэгээрсэн Их Багш Чин Хайд талархал илэрхийлэн Их Багшийн Укрианы төлөө хийж буй бүх зүйл, тэр дундаа энхтайвны төлөөх залбиралд нь сэтгэл хөдөлсөн гэж хэллээ.

Кордоба Кордобад бид засгийн газрын тусламжийг хүртээгүй 11 гэр бүлийг сонгон (36 хүнд) тусламж хүргэсэн юм. Халаагч болон биеийн тамирын хувцас, пүүзийг хүүхдүүдэд зориулан өгсөн.

Хуэлва Хуэлвагийн өмнөд хотод Украины номлогч Дмитро Савчук бидэнд хэлэхдээ Хуэлва болон Испанийн бусад хотод украинчууд нэмэгдэн ирсээр байгаа учраас орон байр олох асуудал маш их тулгамдаж байгаа гэлээ. Иймд бид украин дүрвэгсдэд түрээсийн төлбөрт нь дэмжлэг болгох, мөн веган хүнс авахад зориулан тусламж үзүүлсэн.

Мадрид Испанийн нийслэл хот Мадридад бид их хэмжээний веган хүнс, хувийн ариун цэврийн хэрэгслүүд, цүнх болон хүүхдийн сургуулийн хэрэгслийг өглөө. Бид эдгээрийг Украины Нийгэмлэг (Asociación Voluntarios por Ucrania)-ийн сайн дурынханд хүргэсэн. Тус байгууллага 350 гэр бүлд анхаарал халамж тавьдаг бөгөөд 25 гэр бүл нь засгийн газрын хөтөлбөрийн тусламж хараахан авч амжаагүй байсан учраас нэмэлт тусламж хэрэгтэй байлаа. Энэ гэр бүлүүд болон хүүхдүүд веган хоол хүнс, сургуулийн хэрэгслийг хүлээн аваад ихэд талархсан. Нийгэмлэг дэх украин сайн дурын ажилтны хэлснээр тэд Их Багшид талархаж байгаагаа илэрхийлсэн бөгөөд тэр ч мөн украин дүрвэгсдэд маш их хэрэгтэй үед нь тусалсан Их Багшийн тусламжид ихэд сэтгэл хөдөлжээ.

Испанийн энэ бүх хотод дүрвэгсдэд өөр зүйлсийн тусламж хэрэгтэй бол бидэнтэй холбогдоорой хэмээн бид хүссэн байгаа.

Бидэнд Бурханы ажлыг хийж гайхалтай украинчуудад туслах боломжийг бидэнд олгосон Хайрт Их Багшдаа бид хамгийн ихээр талархаж байна. Их Багш минь Та үргэлж биднийг бусдад сайн хандахад урамшуулж, бүр Өөрийн мөнгөөр тусламж үзүүлэхээр илгээдэг билээ. Хайр, хүндлэл, талархлаа Тандаа илэрхийлэхэд үгс бидэнд олдохгүй. Бид Тандаа маш их хайртай мөн Таны шавь байх хэмжээнд байхаар хичээн зүтгэсээр байх болно. Хайрын хамт, Испани дахь Нийгэмлэгийн гишүүд.”