Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хайн Олон улсын Нийгэмлэгийн тусламжийн мэдээнд Энэтхэгээс… Тавдугаар сарын сүүлчээс хойш Энэтхэгийн зүүн хойд хэсэгт хүчтэй бороо орж, хөрсний гулгалт үүссэний улмаас үер болж, хот, хөдөөгийн аль алинд нь ихээхэн хохирол учирсан. Брахмапутра зэрэг гол мөрөн аюулын түвшинд хүрч, бүр үерлэснээр өргөн уудам газар нутаг усанд автжээ. Үерийн улмаас олон мянган хүн газар тариалангаа сүйтгүүлж, гэр орноо орхин дүрвэхэд хүрчээ. Нөлөөлөлд өртсөн хүмүүсийн төлөө чин сэтгэлээр өрөвдөн залбирч, Төгс Гэгээрсэн Их Багш Чин Хай Энэтхэгт яаралтай тусламж үзүүлэхэд зориулж 30,000 ам. доллар өргөн, манай орон нутгийн Нийгэмлэгийн гишүүдийг очиж, хамгийн эмзэг бүлгийн хүмүүст туслахыг хүссэн юм. Энэтхэг дэх манай Нийгэмлэгийн тусламжийн баг веган хоол болон үндсэн хэрэгцээт зүйлс болох сэвэг зарам, элсэн чихэр, хавтгай будаа, гичийн тос, шар буурцаг, тэрчлэн цэвэрлэгээний бүтээгдэхүүн, лаа, шумуулаас хамгаалах эм, тор, сари, ор хөнжлийн даавуу зэргийн хангамжийг цуглуулсан. Ус татарч, зам зорчих боломжтой болмогц манай Нийгэмлэгийн гишүүд хамгийн алслагдсан бүс нутгийн үерт нэрвэгдсэн ард иргэд рүү очихоор явсан. Тэд нэг жижиг сууринаас нөгөө рүү шилжин явж, 2,000 орчим өрхөд бэлтгэсэн барааг багцаар нь өгч чадлаа. Эдгээр алслагдсан тосгонд хүмүүс өөр тусламж авч амжаагүй байсан тул хоол унд багатай, эсвэл огт хоолгүй байсан. Тэд Төгс Гэгээрсэн Их Багш Чин Хайд энэ хүнд хэцүү үед хайраар халамжилж байгаад маш их талархаж байлаа. Яаралтай тусламжийн ажлын үргэлжлэл болгон манай Нийгэмлэгийн гишүүд ойролцоох хоёр тосгонд эмнэлгийн бааз байгуулахад тусалсан. Эндхийн оршин суугчид үерийн гамшгаас үүдэлтэй өвчнөөр өвчилсөн тохиолдолд шаардлагатай эмчилгээ, мөн эм тариа, эрүүл ахуйн иж бүрдлийг эндээс авах боломжтой. Төгс Гэгээрсэн Их Багш Чин Хай Таны, үерт нэрвэгдсэн Энэтхэгийн ард түмний төлөөх нөхцөл болзолгүй хайр, дэмжлэгт бид чин сэтгэлээсээ талархаж байна. Мөн манай Энэтхэгийн Нийгэмлэгийн гишүүдэд тусалсан орон нутгийн удирдлагууд болон сайн дурын ажилтнуудад анхаарал халамж, эрхэм ариун үйлсэд нь талархаж байна. Диваажингийн хайр, адислалаар, Энэтхэгийн эелдэг ард түмэн өдөр тутмын хэвийн амьдралынхаа тогтвортой байдлыг хурдан сэргээх болтугай.
