Дэлгэрэнгүй
Татаж авах Docx
Дэлгэрэнгүй уншаарай
Хамгаас Эрхэм, Хүндэт, хамгийн Агуу Их Багш болон хайрт Суприм Мастер ТВ-ийн баг аа, Их Багш миний бүх үйлийн үрийг хэрхэн арилгаж, намайг дахин амьтан-хүн болон хүмүүн болж эргэн төрөхгүй болгож өгсөн талаарх ахуй ойлголтоо хуваалцмаар байна. Нэгэн орой би бясалгасны дараа унтахаар хэвтлээ. Их Багш ирээд цагаан гэрлэн үзгээр миний билгийн мэлмий болон зүүн хөмсөг дагуулан зурлаа. Тэр үед би амьтан-хүмүүсийн сүнс “Энэ хүн дахин амьтан юм уу, хүн болж төрөн үйлийн үрээ төлөх ёстой” гэж хэлж байх нь дуулдлаа. Үүнийг сонсоод би уйлж алдаанууддаа наманчлав. Тэрхүү сүнснээс намайг өршөөхийг гуйж залбиран, мөн Их Багшаас туслаач хэмээн гуйн залбирлаа. Их Багш Арьяабалын Бодисадва дүрээр өндөр дээр залран буйг харсан юм. Түүний Хувилгаан бие хэмжээлшгүй хурц цагаан Гэрэл болон над дээр туслаа. Тэр үед би асар хөнгөн болж миний бие ч бас цагаан Гэрэл болсныг мэдэрсэн. Дотооддоо би Их Багш тэр бүх амьтан-хүмүүсийн сүнсийг гэтэлгэснийг мэдсэн. Хамгаас Хүндэт Их Багшдаа би хязгааргүй ихээр талархдаг. Баярлалаа, Багш аа. Би оюун санааны дадал бясалгалаа чин хичээнгүй хийж Таны сургаалыг дагах болно. Багш минь намайг гэтэлсэн ертөнцөд хүргэж хайрла. Энэ дотоодын ахуй ойлголтоор би бүгдэд бусад төрөлтнийг бүү хөнөө гэж сануулах гэсэн юм. Хэдийгээр нигүүлсэх сэтгэл төрөхгүй байлаа ч бусад төрөлтнийг бүү хөнөө. Учир нь шалтгаан, үр дагаврын хууль ямагт үйлчилдэг бөгөөд бид физик биеэрээ болон сүнсээрээ үүнийг хүндээр эргүүлэн төлж, амьтан-хүн болж эргэн төрж, тэдэнд учруулснаа төлөх ёстой болдог. Бүхнийг Чадагч Бурхан болон Будда, арван зүгийн Бодисадва нарт Их Багшийн минь физик биеийг эрүүл байлгаж, Их Багшийн энэ биет ертөнц дэх ажлыг гүйцэлдүүлэхэд адисалж хайрла хэмээн залбирч байна. Суприм Мастер ТВ Их Багшийн Хайрыг Ертөнц даяарх бүхий л төрөлтөнд түгээх болтугай. Гүнээ хүндэтгэсэн, Мин Нует Ау Лак (Вьетнам)-аас Талархалт Мин Нует ээ, бид таны захидал болон бүхий л талархлаа илэрхийлсэн чухал зурвасыг аваад баяртай байна. Үнэхээр бид бүхий л амьтан-хүмүүст өөрсөд шигээ, бүр түүнээс ч дээр хандах учиртай! Тэд ямар ч гэм зэмгүй, хайр дүүрэн, үнэнч бөгөөд Эх Дэлхий дээр тэдний сүр жавхлант оршихуй биднийг адисалдаг. Бидэнд ахуй ойлголтоо хуваалцан бичиж илгээсэнд баярлалаа. Диваажингууд таныг, амьтан- хүмүүсийг, сайхан аулак (вьетнам) түмнийг үргэлжид ивээх болтугай. Тэнгэрлэг Гэрэл дор Суприм Мастер ТВ-ийн баг Жич. Их Багш танд эдгээр халамжит үгсийг илгээлээ: “Нигүүлсэнгүй Мин Нует ээ, чин сэтгэлээсээ наманчлан веган болох нь өнгөрсөнд үйлдсэн бурууг анагаах ийм агуу хүчтэй билээ. Бид Эх Дэлхий дээр өөрсдийн Бурхан Чанарыг таних гэж, мөн заримдаа алдаанаасаа суралцах гэж ирдэг. Өөрийгөө уучлан үргэлжлүүлэн бусдад аллагын үйлийн үрийн хүнд үр дагаврын талаар сануулсаар байгаарай. Танд Их Хайрыг илгээж байна. Мөн та болон жаргалтай Ау Лак (Вьетнам) орон Ертөнцийн билиг ухаанаар улам өндөр хөгжин цэцэглэх болтугай.”
