Сэтгэгдэл: Цэнхэр гэрлийг хаадаг нүдний шил эсвэл хавчаартай шил нь компьютерийн дэлгэцийн хортой цацрагийг шүүж чаддаг

Эрхэм Суприм Мастер ТВ-ийн хамт олоон, юуны өмнө Төгс Гэгээрсэн Их Багш Чин Хай болон Суприм Мастер ТВ-ийн баг, мөн дэлхийн өнцөг булан бүрд алсаас ажиллаж буй ажилтнуудад тэдний суут бүтээлд хийгээд жинхэнэ баталгаатай ТВ-ийн сувагт талархлаа илэрхийлье. Суприм Мастер Телевиз бол бүх Орчлон ертөнцийн хамгийн анхны бөгөөд эерэг суваг гэж хэлэхдээ би итгэлтэй байна.

Би Хайрт Төгс Гэгээрсэн Их Багш Чин Хайдаа богино долгионы гэрэл компьютерын цэнхэр гэрлийг хэрхэх талаар зөвлөгөө өгөхийг хүсэж байна. Энэ нь хүний ​​нүдний торлог бүрхэвчийг гэмтээж, нүд ядраах, толгой өвтгөх, нойронд ч нөлөөлж болно. Виндоуз/ Windows дахь Тохиргоо > Систем > Дэлгэц рүү орох замаар, дараа нь Гэрэлтүүлэг Өөрчлөх гулсагчийг хөдөлгөж, гэрэлтүүлгийг тохируулж болно.

Их Багшаас Суприм Мастер ТВ-ийн багтай хийсэн нэгэн хурал дээр Их Багш маань дэлгэцийн тод байдал нь түүнийг “Күнз ба Шян Туо хоёрын түүх”-ийг уншихад хэцүү байсныг дурьдсан. Цэнхэр гэрлийг хаадаг нүдний шил эсвэл хавчаартай шил нь компьютерийн дэлгэцийн хортой цацрагийг шүүж чаддаг. Их Багш компьютерийн дэлгэцийг өөртөө ойр байлгах шаардлагатай үед ийм төрлийн нүдний шилнүүд авах нь Их Багшид маань тус нэмэр болж болох юм.

Бидний хамгаас нандин Төгс Гэгээрсэн Их Багш Чин Хайг маань Бүхнийг чадагч Бурхад ба Сансар огторгуйн энэрэнгүй Оршихуйнууд ямагт хамгаалж, энэ цаг үед Дэлхий дээрх эрхэм зорилгоо биелүүлэх боломжийг нь Их Багшид олгох болтугай. Маш их Хайраар, Бразилаас Жулиана

Эрхэм Хүндэт Их Багш аа, Компьютер дээр удаан ажиллахад Тань туслах нүдний шилний талаар надад нэгэн зөвлөмж байна. Компьютерын дэлгэцийн хортой цэнхэр гэрлийг хааж, нүдийг Тань ядрахаас хамгаалдаг, цэнхэр гэрлийг-хаадаг нүдний шилний нэгэн төрөл байдаг. Би ажил дээрээ компьютер дээр байнга ажилладаг учраас энэ нь надад гайхалтай нөлөө үзүүлдэг. Дэлгэц ширтэж байх үед бидний бие гадаа өдөр хэвээр байгаа мэт ажилладаг ба энэ нь бидний тайвшрах, амрах чадварт нөлөөлдөг. Энэ технологи нь Их Багшид нүд ядрах зарим асуудлыг арилгахад тусална гэж найдаж байна. АНУ-аас Жэйден

Бодолтой Жулианна, Жэйден нараа, эелдэг мессеж илгээсэнд тань талархаж байна. Хайрт Их Багшийн эрүүл мэнд, сайн сайхны төлөө санаа тавьж, зөвлөмж өгсөнд баярлалаа. Цэнхэр гэрлийн хортой нөлөөнөөс өөрийгөө хэрхэн хамгаалах тухай энэхүү мэдлэг нь олон хүмүүст бас тустай байх болно. Та хоёрыг болон Бразил, АНУ-ын тус тусын амьдрал дүүрэн улс үндэстнийг Бурхан мөнхөд хамгаалах болтугай, Суприм Мастер TV-ийн баг

Жич. Их Багш маань та хоёрт энэ тэмдэглэлийг илгээв: “Хайрлам Жулианна, Жэйден нар аа, би та бүхний зөвлөгөөг хүлээн авсандаа маш их баяртай байна. Компьютерын дэлгэцэн дээрх бичвэрийг уншиж байхад хэт их уншсан, бүдэг бадаг байснаас болж миний нүд байнга өвддөг тул та бүхний зөв юм. Намайг бодож, хэрэгтэй мэдээлэл өгсөнд тань маш их баярлалаа. Би ажлаа дуусгахын тулд өдөр бүр, ихэвчлэн шөнийн цагаар компьютер дээр суухдаа ийм төрлийн нүдний шил авах талаар анхаарах болно. Та нарын халамж анхаарал миний сэтгэлийг хөдөлгөж байна. Би ажилдаа маш их автдаг тул компьютертой ажиллахдаа өөрийгөө сайн хамгаалах аргын талаар бодох, судлах хангалттай цаг зав надад байдаггүй. Нүдний шил байхгүй багийн гишүүдэд, надад ч гэсэн нүдний шил авч өгөхийг багийнхнаас хүсэх болно. Үзэгчид энэ мэдээллийг анхаарч, хүн бүр өөрсдөдөө анхаарал тавихын тулд түгээнэ гэж найдъя. Та нарынхаа хайр, дэмжлэгт тун их баярлалаа. Бурхан таныг болон танай Бразил, АНУ-ын агуу орнуудыг үргэлж адисалж, хамгаалж байх болтугай."