Цагаан сарын битүүний өдөр буюу 2021 оны 2-р сарын 11-нд бидний Хайрт Төгс Гэгээрсэн Их Багш Чин Хай Суприм Мастер Телевизийн ажлын багийнханд гайхалтай хоол, бялуу, амтат зүйлс, бэлгүүдийг өгөөмрөөр илгээсэн юм.
Энэ орой Их Багш маань манай дэлхийн төлөө эрчимтэй бясалгалынхаа үнэт цагаас хугаслан бидэнд Нгуен У’окийн эмхэтгэсэн “Еврейн аман зохиолын сан хөмрөг”-өөс англи хэл рүү өгөөмрөөр орчуулж уншиж өглөө. Адам Ева хоёр Эден цэцэрлэгээс хөөгдсөн тухай болон тэд дэлхий дээр дараа нь хэрхэн зүдэрсэн талаар өгүүлдэг. Их Багш мөн бүхий л төрөлтнүүдэд цагаан сарын баярын энэрэнгүй ерөөлөө айлдлаа.
Өнөөдөр бол битүүний өдөр. Тэгэхээр юуны өмнө дэлхийн бүх хүнд, өөрсдөдөө ч мөн адил илүү сайхан шинэ жилийг ерөөе, угтан ирж буй жил маань илүү сайхан байх болтугай. Та бүхэнд бүгдэд нь, энэ үзэсгэлэнт гараг дээрх бүх хүнд, бүхий л төрөлтнүүдэд илүү сайхан жил байх болтугай. Санаа зовох зүйл үгүй болог. Айдас үгүй болог. Дарлал үгүй болог. Биесээ айлгахгүй байг. Биесээ шүүмжлэхгүй байг. Биесээ залилахгүй байг. Идэх гэж, ямар нэг зүйл хүртэх гэж нэгнээ хөнөөхгүй байг. Гагцхүү Адамыг бууж ирэхэд Бурханаас заяасан тэр л хоол хүнсийг л сэтгэл хангалуун хүртэж байх болтугай. Тэрээр органик фермийг дэлгэрүүл гэж хэлсэн. Тийм. Органик байсан гэдэгт нь би итгэлтэй байна. Иймд би та бүхэнд энэ жил илүү дээр жил байх болтугай гэж ерөөе. Зөвхөн цагаан сараар биш жилжин сайхан байг.
Нас нэмэх тусам бид илүү ухаажих учиртай. Илүү сайхан сэтгэлтэй, илүү хайрладаг. Илүү нигүүлсэнгүй. Илүү тэвчээртэй. Бие биедээ илүү тусархаг байх учиртай. Би үүнийг л хүсэн ерөөж байна. (Баярлалаа, Багш аа.) Мөн бид эдгээр цар тахлууд хурдан үгүй болоосой хэмээн хүсэж байна. (Тийм ээ.) Энэ тахал их ухаантай юм шиг өөр өөр арга, хэлбэрүүдэд шилжиж байгаа харагдаад байна. Иймд хүн төрөлхтөн үргэлжид энэ маягаар хөөцөлдөж ирсэн. Удахгүй дээрдэх байх л гэж найдаж байна. Хүмүүс дээрдэж улмаар бүх зүйл ч мөн дээрдэнэ гэж найдаж байна. Энэ бол шалтгаан нь. Энэ бол бүх асуудлын жинхэнэ шалтгаан. Асуудлын шалтгаан нь бид юм.
Хамгаас Өгөөмөр Их Багшдаа биднийг болон бүхий л төрөлтнийг асар их Хайр, Нигүүлсэл, Өршөөлөөр ямагт харж хандаж байдагт Тань бид чин сэтгэлээсээ талархаж байна. Та бүхний цагаан сарын хүсэл бүхэн удахгүй биелэх болтугай хэмээн гүнээ хүсэн залбиръя. Мөн та бүхэн үхэр жилдээ ихэд амар амгалан, аз жаргалтай, эрүүл энх байх болтугай. Өндөр Дээд Бурхад Их Багшийг үргэлжид хамгаалах болтугай.
Төгс Гэгээрсэн Их Багш Чин Хайтай хийсэн энэхүү конференцыг хожмын өдөр Багш шавийн шүтэлцээгээр бүрэн эхээр нь хүлээн авч үзээрэй.
