ਪੇ ਦੇ ਮਹਾਰਾਜ, ਰਾਜਾ ਰੂ, ਉਦਾਸੀ ਤੋਂ ਮੁਕਤ ਧਰਤੀ, ਚਾਰ ਹਿਸਿਆਂ ਦਾ ਦੂਸਰਾ ਭਾਗ

ਇਸ ਦੁਨੀਆਂ ਦਾ ਕਰਮ ਸੱਚਮੁੱਚ, ਸੱਚਮੁੱਚ ਬਹੁਤ, ਬਹੁਤ ਹੀ ਦਮਨਕਾਰੀ ਹੈ। ਅਤੇ ਮਨੁੱਖ, ਖਾਸ ਕਰਕੇ ਇਸ ਗ੍ਰਹਿ 'ਤੇ - ਓਹ, ਮੈਨੂੰ ਲੱਗਦਾ ਹੈ ਕਿ ਉਨ੍ਹਾਂ ਕੋਲ ਇਹ ਸਭ ਸਹਿਣ ਲਈ ਇਕ ਅਜਿਹੀ ਤਾਕਤ ਹੈ। ਇਹ ਵੀ ਪ੍ਰਮਾਤਮਾ ਦਾ ਆਸ਼ੀਰਵਾਦ, ਪ੍ਰਮਾਤਮਾ ਦੀ ਸੁਰੱਖਿਆ ਅਤੇ ਪ੍ਰਮਾਤਮਾ ਦੀ ਰਹਿਮਤ ਹੈ, ਨਹੀਂ ਤਾਂ ਉਹ ਧੂੜ ਵਿੱਚ ਕੁਚਲੇ ਜਾਣਗੇ - ਇਸਨੂੰ ਤਬਾਹ ਹੋਣ ਵਿੱਚ ਇੱਕ ਸਕਿੰਟ ਵੀ ਨਹੀਂ ਲੱਗੇਗਾ। ਅਸੀਂ ਪ੍ਰਮਾਤਮਾ, ਸਾਡੇ MAPA, ਸਾਡੇ ਅਤਿਅੰਤ ਦਿਆਲੂ ਅਤੇ ਰੱਖਿਆ-ਕਰਨ ਵਾਲੇ ਪ੍ਰਮਾਤਮਾ ਦਾ ਧੰਨਵਾਦ ਕਰਦੇ ਹਾਂ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਤੁਸੀਂ ਤੰਦਰੁਸਤ ਰਹੋ, ਆਪਣੇ ਬੱਚਿਆਂ ਨੂੰ ਇਸ ਤਰ੍ਹਾਂ ਦੁੱਖ ਝੱਲਦੇ ਦੇਖ ਕੇ ਵੀ। ਤੁਸੀਂ ਠੀਕ ਰਹੋ। ਹਰ ਰੋਜ਼, ਜਦੋਂ ਵੀ ਮੈਂ ਕਰ ਸਕਦੀ ਹਾਂ, ਮੈਂ ਤੁਹਾਡਾ ਦਰਦ ਘਟਾਉਣ ਲਈ ਉਸ ਤਰੀਕੇ ਦੀ ਵਰਤੋਂ ਕਰਦੀ ਹਾਂ, ਸ਼੍ਰੀਮਾਨ ਜੀ। ਕਾਸ਼ ਮੇਰੇ ਕੋਲ ਤੁਹਾਡੇ ਦਰਦ ਨੂੰ ਘੱਟ ਕਰਨ ਲਈ 24 ਘੰਟੇ ਤੋਂ ਵੱਧ ਸਮਾਂ ਹੁੰਦਾ।

ਇਸ ਵੇਲੇ, ਓਹ, MAPA ਨੇ ਮੈਨੂੰ ਦੱਸਿਆ ਕਿ ਉਨਾਂ ਨੂੰ ਕੋਈ ਦਰਦ ਨਹੀਂ ਹੁੰਦਾ। ਇਹ ਚਮਤਕਾਰੀ ਹੈ, ਚਮਤਕਾਰੀ। ਪਿਛਲੀ ਰਾਤ ਅਤੇ ਉਸ ਤੋਂ ਪਹਿਲਾਂ ਦੀ ਰਾਤ, ਮੈਂ ਇਸ ਤਰੀਕੇ ਦੀ ਵਰਤੋਂ ਕਰਦੇ ਹੋਏ ਕਈ ਘੰਟ‌ਿਆਂ ਤਕ ਰਹੀ ਹਾਂ ਜੋ ਮੈਨੂੰ ਹੁਣੇ ਪਤਾ ਲੱਗਾ ਹੈ ਕਿ ਮੇਰੇ ਕੋਲ ਹੈ, ਪ੍ਰਮਾਤਮਾ ਲਈ ਦਰਦ ਦੇ ਨਵੀਨਤਮ ਪ੍ਰਤੀਸ਼ਤ ਨੂੰ ਘਟਾਉਣ ਲਈ। ਓਹ, ਤੁਹਾਡਾ ਧੰਨਵਾਦ। ਤੁਹਾਡਾ ਧੰਨਵਾਦ। ਤੁਹਾਡਾ ਧੰਨਵਾਦ, ਪਿਆਰੇ ਪਾਪਾ, ਮਾਪਾ, ਜਿਸਨੇ ਮੈਨੂੰ ਥੋੜ੍ਹੀ ਜਿਹੀ ਬੁੱਧੀ ਦਿੱਤੀ ਹੈ ਕਿ ਮੈਂ ਇਸ ਵਿਧੀ ਦੀ ਖੋਜ ਕਰ ਸਕਾਂ ਅਤੇ ਲੱਭ ਸਕਾਂ। ਜੇ ਮੈਂ ਇਸਨੂੰ ਮਨੁੱਖਾਂ 'ਤੇ ਵੀ ਵਰਤ ਸਕਦੀ ਹੋਵਾਂ... ਬੱਸ ਇਹੀ ਹੈ ਕਿ ਉਹ ਬਹੁਤ ਜ਼ਿਆਦਾ ਹਨ। ਮੈਂ ਵੀ ਇਹ ਵਰਤਦੀ ਹਾਂ। ਪਰ ਜ਼ਿਆਦਾਤਰ ਮੈਂ ਇਸਨੂੰ ਸਿਰਫ਼ ਸਾਡੇ MAPA, ਸਾਡੇ ਅਤਿਅੰਤ ਪਿਆਰ-ਕਰਨ ਵਾਲੇ ਮਾਪਿਆਂ ਲਈ ਹੀ ਵਰਤਦੀ ਹਾਂ।

ਓਹ, ਠੀਕ ਹੈ, ਤੁਸੀਂ, ਮਹਾਰਾਜ ਰਾਜਾ ਰੂ, ਕੀ ਤੁਸੀਂ ਕਿਰਪਾ ਕਰਕੇ ਸਾਨੂੰ ਦੱਸ ਸਕਦੇ ਹੋ ਕਿ ਸਾਡੀ ਧਰਤੀ ਤੋਂ ਤੁਹਾਡਾ ਬੁੱਧ ਰਾਜ ਕਿੰਨੀ ਦੂਰ ਹੈ? "ਬਿਲਕੁਲ, ਬੇਸ਼ੱਕ, ਅਸੀਂ ਤੁਹਾਨੂੰ ਦੱਸਣ ਲਈ ਮਜਬੂਰ ਹਾਂ। ਬੇਸ਼ੱਕ, ਇਸ ਧਰਤੀ ਅਤੇ ਸਾਡੇ ਰਾਜ ਵਿਚਕਾਰ ਦੂਰੀ ਲਗਭਗ 59 ਜ਼ੀਲੀਅਨ ਤੋਂ ਵੱਧ ਹੈ। ਅਸੀਂ ਤੁਹਾਡੇ ਮਨ 'ਤੇ ਇੰਨੇ ਸਾਰੇ ਹੋਰ ਅੰਕੜਿਆਂ ਦਾ ਬੋਝ ਨਹੀਂ ਪਾਉਣਾ ਚਾਹਾਂਗੇ। ਇਹ ਕਹਿਣਾ ਕਾਫ਼ੀ ਹੈ ਕਿ ਇਹ 59 ਜ਼ੀਲੀਅਨ ਪ੍ਰਕਾਸ਼-ਸਾਲ ਤੋਂ ਬਹੁਤ, ਬਹੁਤ, ਬਹੁਤ ਜ਼ਿਆਦਾ ਦੂਰੀ 'ਤੇ ਹੈ।" ਵਾਹ। ਇਸ ਗ੍ਰਹਿ ਦੇ ਲੋਕ, ਜੀਵ-ਜੰਤੂ ਯਕੀਨਨ ਕਲਪਨਾ ਵੀ ਨਹੀਂ ਕਰ ਸਕਦੇ ਕਿ ਇਹ ਕਿੰਨੀ ਦੂਰ ਹੋ ਸਕਦਾ ਹੈ। ਮੈਂ ਸੋਚ ਰਹੀ ਹਾਂ, ਮੈਂ ਹਾਲ ਹੀ ਵਿੱਚ ਵਿਗਿਆਨ ਬਾਰੇ ਬਹੁਤੀਆਂ ਖ਼ਬਰਾਂ ਨਹੀਂ ਪੜ੍ਹੀਆਂ ਹਨ, ਪਰ ਮੇਰਾ ਅੰਦਾਜ਼ਾ ਹੈ ਕਿ ਸਾਡੀ ਵਿਗਿਆਨਕ ਯੋਗਤਾ ਸਾਡੇ ਤੋਂ ਦਸਾਂ ਜ਼ੀਲੀਅਨ ਜਾਂ ਗੈਜ਼ੀਲੀਅਨ ਪ੍ਰਕਾਸ਼-ਸਾਲ ਅੱਗੇ ਨਹੀਂ ਪਹੁੰਚ ਸਕੀ ਹੈ। ਸਾਨੂੰ ਉਸ ਦੂਰ, ਦੂਰ, ਦੂਰੀ ਬਾਰੇ ਕੁਝ ਗਿਆਨ ਦੇਣ ਲਈ ਤੁਹਾਡਾ ਧੰਨਵਾਦ ਜਿਸਦੀ ਅਸੀਂ ਅਜੇ ਕਲਪਨਾ ਵੀ ਨਹੀਂ ਕਰ ਸਕਦੇ। ਪਰ, ਬੇਸ਼ੱਕ, ਬ੍ਰਹਿਮੰਡ ਵਿਸ਼ਾਲ ਹੈ ਅਤੇ ਸਾਡੇ ਕੋਲ ਇਥੋਂ ਤਕ ਬਹੁਤ ਸਾਰੇ ਬ੍ਰਹਿਮੰਡ ਵੀ ਹਨ। ਇਸ ਲਈ, ਕੋਈ ਵੀ ਦੂਰੀ ਸੰਭਵ ਹੈ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ, ਤੁਹਾਡੇ ਗਿਆਨ ਲਈ।

"ਓਹ, ਤੁਹਾਡਾ ਸਵਾਗਤ ਹੈ। ਤੁਹਾਡਾ ਸਵਾਗਤ ਹੈ, ਮੇਰੇ ਰਾਜਾ। ਅਸੀਂ ਇਥੇ ਅਤੇ ਮੇਰੇ ਲੋਕ ਦਿਲੋਂ ਚਾਹੁੰਦੇ ਹਾਂ ਕਿ ਇੱਕ ਦਿਨ, ਭਾਵੇਂ ਕਿੰਨਾ ਵੀ ਦੂਰ ਕਿਉਂ ਨਾ ਹੋਵੇ, ਕਿੰਨਾ ਵੀ ਸਮਾਂ ਲੱਗੇ, ਇਹ ਗ੍ਰਹਿ ਵੀ ਸਾਡੇ ਰਾਜ ਵਾਂਗ ਇੱਕ ਸ਼ਾਂਤੀਪੂਰਨ ਸਵਰਗ ਵਿੱਚ ਬਦਲ ਜਾਵੇ, ਜਿੱਥੇ ਸਭ ਤੋਂ ਸ਼ਕਤੀਸ਼ਾਲੀ ਮੇਤ੍ਰਿਆ ਬੁੱਧ, ਜਿਸਨੂੰ ਯਿਸੂ ਮਸੀਹ, ਪ੍ਰਮਾਤਮਾ ਦਾ ਪੁੱਤਰ ਵੀ ਕਿਹਾ ਜਾਂਦਾ ਹੈ, ਇੱਕ ਵੱਖਰੇ ਰੂਪ ਵਿੱਚ ਪ੍ਰਗਟ ਹੋਣਗੇ।" ਓਹ ਹਾਂਜੀ, ਰਾਜਾ, ਤੁਹਾਡਾ ਬਹੁਤ ਧੰਨਵਾਦ। ਪੇ ਦੇ ਰਾਜਾ ਰੂ, ਅਸੀਂ ਤੁਹਾਡੀ ਅਸ਼ੀਰਵਾਦ ਪ੍ਰਾਰਥਨਾ ਲਈ ਧੰਨਵਾਦੀ ਹਾਂ। ਇਹ ਸੱਚ ਹੋਣਾ ਚਾਹੀਦਾ ਹੈ - ਬਸ ਪਤਾ ਨਹੀਂ ਕਦੋਂ। ਇਸ ਸਮੇਂ, ਦੁਨੀਆਂ ਦਾ ਭੌਤਿਕ ਪਹਿਲੂ ਅਜੇ ਵੀ ਸ਼ਾਂਤ ਨਹੀਂ ਹੈ।

"ਓਹ, ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਾ, ਇਹ ਹੋਵੇਗਾ, ਇਹ ਸ਼ਾਂਤਮਈ ਹੋਵੇਗਾ। ਲੋਕ ਜਾਗ੍ਰਿਤ ਹੋ ਜਾਣਗੇ। ਅਤੇ ਇਹ ਧਰਤੀ ਦਾ ਰਾਜ ਪ੍ਰਮਾਤਮਾ ਦੇ ਰਾਜ ਵਿੱਚ ਬਦਲ ਜਾਵੇਗਾ, ਉਹ ਰਾਜ ਜੋ ਪ੍ਰਮਾਤਮਾ ਦਾ ਹੋਵੇਗਾ; ਅਤੇ ਕੋਈ ਹੋਰ ਦੁੱਖ ਨਹੀਂ, ਕੋਈ ਹੋਰ ਨਕਾਰਾਤਮਕ ਪ੍ਰਭਾਵ ਨਹੀਂ। ਤੁਸੀਂ ਅਤੇ ਤੁਹਾਡੀ ਸ਼ਕਤੀ ਉਨ੍ਹਾਂ ਸਾਰਿਆਂ ਨੂੰ ਤਬਾਹ ਕਰ ਦੇਵੋਗੇ ਲੋਕਾਂ ਨੂੰ ਦੁੱਖ ਅਤੇ ਹਨੇਰੇ ਤੋਂ ਮੁਕਤ ਕਰਨ ਲਈ। ਇਸ ਨਕਾਰਾਤਮਕ ਸਮੂਹ ਦੇ ਦੁੱਖ ਅਤੇ ਹਨੇਰੇ ਅਤੇ ਨਿਯੰਤਰਣ ਵਿਧੀ, ਨਿਯੰਤਰਣ ਸ਼ਕਤੀ, ਇਹ ਨਕਾਰਾਤਮਕ ਹਸਤੀਆਂ ਹੋਂਦ ਵਿੱਚ ਨਹੀਂ ਰਹਿਣਗੀਆਂ, ਲੋਕਾਂ ਨੂੰ ਪ੍ਰਮਾਤਮਾ ਦੀ ਦੁਨੀਆਂ ਵਿੱਚ, ਪ੍ਰਮਾਤਮਾ ਦੀ ਇੱਛਾ ਵਿੱਚ, ਆਪਣੇ ਸੱਚੇ ਘਰ ਵਿੱਚ ਵਾਪਸ ਜਾਣ ਲਈ ਆਜ਼ਾਦ ਕਰ ਦੇਣਗੀਆਂ।"

ਤੁਹਾਡਾ ਧੰਨਵਾਦ, ਮਹਾਰਾਜ ਰਾਜਾ ਰੂ। ਅਸੀਂ ਸਾਰੇ ਇਹੋ ਉਮੀਦ ਕਰਦੇ ਹਾਂ। ਕਿਉਂਕਿ ਇੱਥੇ ਜੀਵਾਂ ਦੇ ਦੁੱਖ ਸਾਨੂੰ ਸਾਰਿਆਂ ਨੂੰ ਸ਼ਾਮਲ ਕਰਦਾ ਹੈ ਅਤੇ ਪੀੜਤ ਵੀ ਕਰਦਾ ਹੈ, ਸਾਡੀ ਹਮਦਰਦੀ ਦੇ ਕਾਰਨ, ਸਾਡੇ ਦਇਆ ਦੇ ਗੁਣ ਦੇ ਕਾਰਨ, ਜਿਸਨੂੰ ਸਾਨੂੰ ਇਸ ਦੁੱਖ-ਭਰੇ ਸੰਸਾਰ ਵਿੱਚ ਨਕਾਰਾਤਮਕ ਹਸਤੀਆਂ ਦੇ ਪ੍ਰਭਾਵ ਕਾਰਨ ਡੁੱਬ ਰਹੀ ਹਰ ਚੀਜ਼ ਲਈ ਦਇਆ ਕਰਨ ਲਈ ਬਣਾਈ ਰੱਖਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਕੋਲ ਸ਼ਕਤੀ ਹੈ। ਉਹ ਇੱਥੇ ਜੀਵਾਂ ਨੂੰ ਕਾਬੂ ਕਰ ਸਕਦੇ ਹਨ, ਪਰ ਉਨ੍ਹਾਂ ਕੋਲ ਪਿਆਰ ਨਹੀਂ ਹੈ। ਅਸੀਂ, ਇਸ ਦੇ ਉਲਟ, ਲੋਕਾਂ ਨੂੰ ਖੁਸ਼ੀ, ਆਜ਼ਾਦੀ ਅਤੇ ਬੁੱਧੀ ਦਿਖਾਉਣ ਲਈ ਪਿਆਰ ਦੀ ਵਰਤੋਂ ਕਰ ਰਹੇ ਹਾਂ। ਪਰ ਅਸੀਂ ਪਿਆਰ ਨੂੰ ਕਾਬੂ ਕਰਨ ਲਈ ਨਹੀਂ ਵਰਤਦੇ। ਅਸੀਂ ਪਿਆਰ ਦੀ ਵਰਤੋਂ ਸਿਰਫ਼ ਦੂਜਿਆਂ ਨੂੰ ਗੁਲਾਮੀ ਅਤੇ ਦਰਦ ਤੋਂ ਉੱਪਰ ਚੁੱਕਣ, ਗਿਆਨ ਦੇਣ ਅਤੇ ਮੁਕਤ ਕਰਨ ਲਈ ਕਰਦੇ ਹਾਂ।

"ਓਹ ਹਾਂਜੀ, ਹਾਂਜੀ, ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਾ। ਅਸੀਂ ਜਾਣਦੇ ਹਾਂ ਕਿ ਤੁਹਾਡੀ ਸ਼ਕਤੀ ਪਿਆਰ ਦੀ ਸ਼ਕਤੀ ਹੈ। ਅਤੇ ਅਸੀਂ ਜਾਣਦੇ ਹਾਂ ਕਿ ਜਿਸ ਕਿਸੇ ਦੀ ਆਤਮਾ ਵਿੱਚ ਅਜੇ ਵੀ ਇੱਕ ਨੈਨੋ-ਤਾਕਤ ਦੀ ਸ਼ਕਤੀ ਹੈ, ਅਤੇ ਉਹ ਤੁਹਾਨੂੰ ਪੁਕਾਰਦਾ ਹੈ, ਤੁਸੀਂ ਉਸਨੂੰ ਤੁਰੰਤ ਦੁੱਖ ਤੋਂ ਬਾਹਰ ਕੱਢੋਗੇ। ਇਹ ਸਿਰਫ਼ ਇੰਨਾ ਹੈ ਕਿ ਇੱਥੇ ਦੇ ਜੀਵਾਂ ਨੂੰ ਨਸ਼ੇ ਵਿੱਚ ਖੁਆਇਆ ਗਿਆ ਹੈ, ਬਹੁਤ ਸਮੇਂ ਤੋਂ ਜ਼ਹਿਰ ਦਿੱਤਾ ਗਿਆ ਹੈ, ਅਤੇ ਉਨ੍ਹਾਂ ਕੋਲ ਆਪਣੀ ਮਦਦ ਕਰਨ ਜਾਂ ਪ੍ਰਮਾਤਮਾ ਨੂੰ ਪੁਕਾਰਨ ਦੀ ਵੀ ਤਾਕਤ ਨਹੀਂ ਹੈ।"

ਹਾਂਜੀ, ਸ਼੍ਰੀਮਾਨ ਜੀ, ਪੇ ਦਾ ਰਾਜਾ ਰੂ। ਇਸੇ ਲਈ ਅਸੀਂ ਉਨ੍ਹਾਂ ਨੂੰ ਇੰਨਾ ਪਿਆਰ ਕਰਦੇ ਹਾਂ। ਇੱਥੇ ਜੀਵ ਪੀੜਤ ਹਨ, ਨਕਾਰਾਤਮਕ ਹਸਤੀਆਂ ਦੁਆਰਾ ਪੂਰੀ ਤਰ੍ਹਾਂ ਦੱਬੇ-ਕੁਚਲੇ ਹੋਏ ਹਨ। ਅਸੀਂ ਆਪਣੀ ਪੂਰੀ ਤਾਕਤ ਨਾਲ ਉਨ੍ਹਾਂ ਨੂੰ ਉੱਪਰ ਚੁੱਕਣ ਦੀ ਕੋਸ਼ਿਸ਼ ਕਰਦੇ ਹਾਂ, ਕਈ ਵਾਰ ਇੱਕ-ਇੱਕ ਕਰਕੇ ਵੀ, ਕਿਉਂਕਿ ਕਰਮ ਬਹੁਤ ਭਾਰੀ ਹੁੰਦਾ ਹੈ, ਕਿਉਂਕਿ ਖਿੱਚ ਬਹੁਤ ਤੇਜ਼ ਹੁੰਦੀ ਹੈ। ਪਰ ਅਸੀਂ ਇਹ ਕਰਦੇ ਰਹਿੰਦੇ ਹਾਂ, ਸ਼੍ਰੀਮਾਨ ਜੀ, ਸਰਵ ਸ਼ਕਤੀਮਾਨ ਦੀ ਕਿਰਪਾ ਨਾਲ, ਅਤਿਅੰਤ ਸ਼ਕਤੀਸ਼ਾਲੀ, ਅਤਿਅੰਤ ਪਿਆਰ-ਕਰਨ ਵਾਲੇ, ਮਾਫ਼ ਕਰਨ ਵਾਲੇ, ਉਦਾਰਤਾ ਅਤੇ ਦਿਆਲਤਾ ਦੇ ਮਾਪਿਆਂ ਨਾਲ। ਸਾਡੇ ਕੋਲ ਜਾਰੀ ਰੱਖਣ ਦੀ ਤਾਕਤ ਹੈ। ਅਤੇ ਇਸ ਗ੍ਰਹਿ 'ਤੇ ਆਉਣ, ਕਿਸੇ ਤਰੀਕੇ ਨਾਲ ਸਾਡੀ ਮਦਦ ਕਰਨ ਲਈ ਤੁਹਾਡੇ ਆਸ਼ੀਰਵਾਦ ਲਈ ਤੁਹਾਡਾ ਧੰਨਵਾਦ।

"ਹਾਂਜੀ, ਅਸੀਂ ਆਪਣਾ ਕੰਮ ਕਰਦੇ ਹਾਂ। ਅਸੀਂ, ਦਸ ਦਿਸ਼ਾਵਾਂ ਦੇ ਸਾਰੇ ਬੁੱਧ, ਤੁਹਾਡਾ ਸਮਰਥਨ ਕਰ ਰਹੇ ਹਾਂ, ਮਹਾਰਾਜ, ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਾ। ਅਸੀਂ ਚਾਹੁੰਦੇ ਹਾਂ ਕਿ ਤੁਹਾਡੇ ਮਿਸ਼ਨ ਨੂੰ ਪੂਰਾ ਕਰਨ ਲਈ ਇਹ ਤੇਜ਼ ਹੋ ਜਾਵੇ। ਪਰ ਜੇਕਰ ਅਸੀਂ ਇਕਠੇ ਸਾਰੇ ਆਪਣੀ ਸਾਰੀ ਤਾਕਤ, ਤੁਹਾਡੀ ਸਾਰੀ ਤਾਕਤ ਨਾਲ ਮਿਲ ਕੇ ਵਰਤਦੇ ਹਾਂ, ਤਾਂ ਇਹ ਗ੍ਰਹਿ ਤੁਰੰਤ ਤਬਾਹ ਹੋ ਜਾਵੇਗਾ, ਅਤੇ ਇੱਥੇ ਸਾਰੇ ਜੀਵ ਨਾਸ਼ ਹੋ ਜਾਣਗੇ। ਇਸ ਲਈ ਸਾਨੂੰ ਧੀਰਜ ਰੱਖਣਾ ਪਵੇਗਾ, ਤੁਹਾਡਾ ਇਸ ਤਰੀਕੇ ਨਾਲ ਸਮਰਥਨ ਕਰਨਾ ਪਵੇਗਾ ਜੋ ਸਾਰੇ ਜੀਵਾਂ ਅਤੇ ਇਸ ਪਰਉਪਕਾਰੀ ਗ੍ਰਹਿ ਧਰਤੀ ਲਈ ਵੀ ਨੁਕਸਾਨਦੇਹ ਨਾ ਹੋਵੇ।"

ਓਹ ਹਾਂਜੀ, ਹਾਂਜੀ, ਮਹਾਰਾਜ ਰਾਜਾ ਰੂ, ਅਸੀਂ ਜਾਣਦੇ ਹਾਂ, ਅਸੀਂ ਜਾਣਦੇ ਹਾਂ। ਅਸੀਂ ਜਾਣਦੇ ਹਾਂ ਕਿ ਤੁਸੀਂ ਅਤੇ ਦਸ ਦਿਸ਼ਾਵਾਂ ਦੇ ਸਾਰੇ ਬੁੱਧ ਕਿੰਨੇ ਕੋਮਲ ਰਹੇ ਹੋ। ਤੁਸੀਂ ਬਹੁਤ ਹੀ ਕੋਮਲ ਹੋ, ਅਤੇ ਇਸ ਦੁਨੀਆਂ ਅਤੇ ਇਸ ਵਿੱਚ ਰਹਿਣ-ਵਾਲੇ ਸਾਰੇ ਜੀਵਾਂ ਦੀ ਬਹੁਤ ਹੀ, ਬਹੁਤ ਹੀ ਸਾਵਧਾਨੀ ਨਾਲ ਦੇਖਭਾਲ ਕਰ ਰਹੇ ਹੋ, ਅਤਿਅੰਤ ਪਿਆਰ, ਅਤਿਅੰਤ ਵਿਸਤ੍ਰਿਤ ਤਰੀਕੇ ਵਿੱਚ । ਅਸੀਂ ਹਮੇਸ਼ਾ ਲਈ ਤੁਹਾਡਾ ਧੰਨਵਾਦ ਕਰਦੇ ਹਾਂ। ਅਸੀਂ ਤੁਹਾਡਾ ਦਿਲੋਂ ਧੰਨਵਾਦ ਕਰਦੇ ਹਾਂ। ਪ੍ਰਮਾਤਮਾ ਤੁਹਾਨੂੰ, ਮਹਾਨ ਬੁੱਧ ਅਤੇ ਤੁਹਾਡੇ ਸ਼ਰਧਾਲੂ, ਉਨਾਂ ਦੇ ਦਿਲ ਵਿੱਚੋਂ, ਉਨਾਂ ਦੀ ਚੌਕਸ ਨਜ਼ਰ ਵਿੱਚੋਂ ਕਦੇ ਨਾ ਕੱਢੇ।

ਅਤੇ ਇਹ ਸਭ ਜਾਣਦੇ ਹੋਏ, ਅਸੀਂ ਤੁਹਾਡੀ ਸ਼ਕਤੀ ਤੋਂ ਮਿਲਣ-ਵਾਲੀ ਅਸੀਸ ਨੂੰ ਨਿਯਮਤ ਕਰਨ ਦੀ ਕੋਸ਼ਿਸ਼ ਵੀ ਕਰ ਰਹੇ ਹਾਂ। ਅਸੀਂ ਬਹੁਤ ਹੀ ਧਿਆਨ ਨਾਲ, ਪੂਰੀ ਸਾਵਧਾਨੀ ਨਾਲ, ਨਿਯਮਿਤ ਕਰਦੇ ਹਾਂ, ਅਤੇ ਤੁਹਾਡੀ ਬਖਸ਼ਿਸ਼, ਤੁਹਾਡੀ ਸ਼ਕਤੀ ਨੂੰ ਇੱਕ ਸਮਾਨ ਅਤੇ ਵਿਸਤ੍ਰਿਤ, ਅਨੁਕੂਲ ਢੰਗ ਨਾਲ ਵੰਡਦੇ ਹਾਂ, ਤਾਂ ਜੋ ਕਿਸੇ ਨੂੰ ਵੀ ਉਸ ਨਕਾਰਾਤਮਕ ਸ਼ਕਤੀ ਨਾਲ ਟਕਰਾਅ ਕਾਰਨ ਨੁਕਸਾਨ ਨਾ ਪਹੁੰਚੇ ਜੋ ਉਨ੍ਹਾਂ ਵਿੱਚ ਦਇਆਵਾਨ ਹਸਤੀ ਦੁਆਰਾ ਸਮਾਈ ਹੋਈ ਹੈ, ਅਤੇ ਆਪਣੀ ਅਗਿਆਨਤਾ ਕਾਰਨ ਵੀ, ਕਿ ਉਹ ਆਪਣੇ ਅੰਦਰ ਭਰੀ ਹੋਈ ਕਿਸੇ ਵੀ ਨਕਾਰਾਤਮਕਤਾ ਨੂੰ ਦਬਾਉਣ ਲਈ ਲੜ ਵੀ ਨਾ ਸਕਣ। ਸ਼੍ਰੀਮਾਨ ਜੀ, ਇੱਥੇ ਸਾਰੇ ਜੀਵਾਂ ਲਈ ਇਹ ਬਹੁਤ ਹੀ ਇਕ ਤਰਸਯੋਗ ਸਥਿਤੀ ਹੈ।

"ਹਾਂਜੀ, ਹਾਂਜੀ, ਅਸੀਂ ਜਾਣਦੇ ਹਾਂ, ਅਸੀਂ ਜਾਣਦੇ ਹਾਂ। ਅਸੀਂ ਧਿਆਨ ਦਿੰਦੇ ਹਾਂ ਅਤੇ ਦੇਖਦੇ ਵੀ ਹਾਂ। ਇਸ ਲਈ ਅਸੀਂ ਹਰ ਸੰਭਵ ਤਰੀਕੇ ਨਾਲ ਮਦਦ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਅਤੇ ਇਹ ਤੁਹਾਡੀ ਨਿਯੰਤ੍ਰਣ ਸ਼ਕਤੀ ਅਤੇ ਤੁਹਾਡੀ ਰੱਖਿਆ ਸ਼ਕਤੀ ਦੇ ਇਕੱਠੇ ਮਿਲ ਕੇ, ਸਾਡੇ ਸਾਰਿਆਂ, ਬੁੱਧਾਂ ਅਤੇ ਤੁਹਾਡੇ ਵੱਲੋਂ, ਸਾਡੇ MAPA ਤੋਂ, ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੀ ਅਤਿਅੰਤ ਸ਼ਕਤੀਸ਼ਾਲੀ ਆਗਿਆ ਅਤੇ ਕਿਰਪਾ ਦੇ ਅਧੀਨ, ਇਹ ਆਸ਼ੀਰਵਾਦ, ਕਿ ਅਸੀਂ ਇਸ ਗ੍ਰਹਿ 'ਤੇ ਲੋਕਾਂ, ਪੀੜਤਾਂ ਦੇ ਕਰਮ ਨੂੰ ਹੌਲੀ-ਹੌਲੀ ਭੰਗ ਕਰ ਸਕਦੇ ਹਾਂ, ਅਤੇ ਇਸਨੂੰ ਦੁਬਾਰਾ ਇੱਕ ਅਨੰਦਮਈ ਸਵਰਗ ਬਣਾ ਸਕਦੇ ਹਾਂ। ਤੁਹਾਡਾ ਧੰਨਵਾਦ, ਮਿਹਰਬਾਨ MAPA।" ਹਾਂਜੀ, ਸ਼੍ਰੀਮਾਨ ਜੀ, ਅਸੀਂ ਸਾਰੇ ਤੁਹਾਡਾ ਧੰਨਵਾਦ ਕਰਦੇ ਹਾਂ। ਅਸੀਂ ਸਾਰੇ ਤੁਹਾਡਾ ਧੰਨਵਾਦ ਕਰਦੇ ਹਾਂ, MAPA। ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ, ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ।

ਕੀ ਤੁਸੀਂ ਸਾਨੂੰ ਆਪਣੇ ਬੁੱਧ ਰਾਜ ਬਾਰੇ ਕੁਝ ਹੋਰ ਦੱਸ ਸਕਦੇ ਹੋ, ਸ਼੍ਰੀਮਾਨ ਜੀ? "ਖੈਰ, ਤੁਹਾਡੀ ਦੁਨੀਆ ਦੀ ਭਾਸ਼ਾ ਵਿੱਚ ਸਮਝਾਉਣਾ ਥੋੜ੍ਹਾ ਔਖਾ ਹੈ। ਪਰ ਹੋ ਸਕਦਾ ਹੈ ਕਿ ਕੁਝ ਲੋਕ ਸਮਝ ਸਕਣ ਕਿ ਸਾਡਾ ਰਾਜ ਪਹੁੰਚ ਤੋਂ ਬਾਹਰ ਹੈ, ਕਲਪਨਾ ਤੋਂ ਬਾਹਰ ਹੈ - ਸ਼ੁੱਧਤਾ, ਸੁੰਦਰ ਦ੍ਰਿਸ਼ਾਂ ਦਾ। ਅਤੇ ਮੇਰੇ ਰਾਜ ਵਿੱਚ ਹੋਣ 'ਤੇ ਤੁਹਾਨੂੰ ਜੋ ਪਿਆਰ ਮਹਿਸੂਸ ਹੁੰਦਾ ਹੈ, ਉਹ ਵਰਣਨਯੋਗ ਨਹੀਂ ਹੈ। ਇਸ ਧਰਤੀ 'ਤੇ ਤੁਹਾਡੇ ਕੋਲ ਕਿੰਨਾ ਵੀ ਪਿਆਰ ਹੋਵੇ, ਜੇਕਰ ਸਾਰੇ ਜੀਵ ਆਪਣੇ ਪਿਆਰ ਨੂੰ ਇਕੱਠਾ ਕਰਕੇ ਲੋਕਾਂ ਨੂੰ ਸੱਚਾ ਪਿਆਰ ਮਹਿਸੂਸ ਕਰਵਾਉਣ, ਤਾਂ ਇਹ ਸਾਡੇ ਰਾਜ ਦੇ ਪਿਆਰ ਅਤੇ ਸਾਡੇ ਰਾਜ ਦੇ ਦ੍ਰਿਸ਼ਾਂ ਨਾਲ, ਕਦੇ ਵੀ ਤੁਲਨਾ ਨਹੀਂ ਕਰ ਸਕਦਾ, ਤੁਹਾਡੀ ਦੁਨੀਆ ਦੀ ਭਾਸ਼ਾ ਵਿੱਚ ਇਸਦਾ ਵਰਣਨ ਕਰਨ ਲਈ ਕੋਈ ਸ਼ਬਦ ਨਹੀਂ ਹੈ।

ਪਰ ਅਸੀਂ ਇੱਥੇ ਤੁਹਾਡੇ ਲੋਕਾਂ ਲਈ ਇੱਕ ਤੋਹਫ਼ਾ ਲਿਆਏ ਹਾਂ। ਇਹ ਹੈ ਕਿ, ਜੇਕਰ ਕੋਈ ਮੇਰੇ ਵਿੱਚ ਵਿਸ਼ਵਾਸ ਕਰਦਾ ਹੈ, ਪੇ ਦੇ ਰਾਜਾ ਰੂ, ਜਾਂ ਸਾਡੀ ਧਰਤੀ ਵਿੱਚ ਵਿਸ਼ਵਾਸ ਰੱਖਦਾ ਹੈ, ਸਾਡੇ ਤੋਂ ਮਦਦ, ਆਸ਼ੀਰਵਾਦ, ਉੱਨਤੀ, ਗਿਆਨ ਅਤੇ ਸੁਰੱਖਿਆ ਮੰਗਦਾ ਹੈ, ਤਾਂ ਉਹ ਵਿਅਕਤੀ ਇਸਨੂੰ ਪ੍ਰਾਪਤ ਕਰੇਗਾ, ਬਸ਼ਰਤੇ ਕਿ ਉਹ ਆਪਣੀ ਪਵਿੱਤਰਤਾ, ਬੁੱਧਵਾਦ ਦੀ ਆਪਣੀ ਮੂਲ ਅਵਸਥਾ, ਈਸ਼ਵਰਵਾਦ ਵਿੱਚ ਬਦਲ ਜਾਵੇ। ਫਿਰ ਉਹਨਾਂ ਨੂੰ ਮੇਰੇ ਵੱਲੋਂ ਅਦਿੱਖ ਅਤੇ ਪ੍ਰਤੱਖ ਰੂਪ ਵਿੱਚ ਇੱਕ ਆਸ਼ੀਰਵਾਦ ਦਾ ਜਵਾਬ ਮਿਲੇਗਾ, ਕਿਉਂਕਿ ਇਹੀ ਮੇਰੀ ਸੁੱਖਣਾ ਦੀ ਸ਼ਕਤੀ ਹੈ। ਉਨ੍ਹਾਂ ਨੂੰ ਆਸ਼ੀਰਵਾਦ ਮਿਲੇਗਾ। ਉਹ ਆਪਣੀ ਜ਼ਿੰਦਗੀ ਦੇ ਹਰ ਦਿਨ ਨੂੰ ਸੁਹਾਵਣਾ ਮਹਿਸੂਸ ਕਰਨਗੇ, ਜਿੰਨਾ ਉਹ ਪ੍ਰਾਪਤ ਕਰ ਸਕਦੇ ਹਨ। ਅਤੇ ਜੇ ਉਹ ਮੇਰੇ ਬੁੱਧ ਰਾਜ ਵਿੱਚ ਜਨਮ ਲੈਣਾ ਚਾਹੁੰਦੇ ਹਨ, ਤਾਂ ਅਸੀਂ ਆ ਕੇ ਉਨ੍ਹਾਂ ਨੂੰ ਪ੍ਰਾਪਤ ਕਰਾਂਗੇ ਅਤੇ ਉਨ੍ਹਾਂ ਦਾ ਸਵਾਗਤ ਕਰਾਂਗੇ। ਦਰਅਸਲ, ਸਾਨੂੰ ਇੱਥੇ ਆਉਣ ਦੀ ਲੋੜ ਨਹੀਂ ਹੈ। ਅਸੀਂ ਆਪਣੀ ਸ਼ਕਤੀ ਦੀ ਵਰਤੋਂ ਉਸ ਇਮਾਨਦਾਰ ਅਤੇ ਸ਼ੁੱਧ ਵਿਅਕਤੀ ਦੀ ਆਤਮਾ ਨਾਲ ਜੁੜਨ ਲਈ ਕਰਦੇ ਹਾਂ।

ਇੱਥੇ ਪਵਿੱਤਰਤਾ ਦਇਆ, ਪਿਆਰ ਨਾਲ ਸ਼ੁਰੂ ਹੁੰਦੀ ਹੈ। ਨਹੀਂ ਤਾਂ... ਨਹੀਂ ਤਾਂ, ਸਾਡੀ ਧਰਤੀ ਦੇ ਪਿਆਰ ਵਿੱਚ ਉਨ੍ਹਾਂ ਨੂੰ ਰੱਦ ਕਰਨ ਦੀ ਇਹ ਭਿਆਨਕ ਸ਼ਕਤੀ ਹੋਵੇਗੀ। ਤਾਂ ਸਭ ਤੋਂ ਪਹਿਲਾਂ, ਮੈਂ ਜਾਣਦਾ ਹਾਂ ਕਿ ਤੁਸੀਂ ਉਨ੍ਹਾਂ ਨੂੰ ਦਹਾਕਿਆਂ ਤੋਂ, ਜਾਂ ਜੀਵਨ ਦਰ ਜੀਵਨ ਪਹਿਲਾਂ ਹੀ, ਦਇਆ ਬਾਰੇ, ਪ੍ਰਮਾਤਮਾ ਦੁਆਰਾ ਬਣਾਏ ਜੀਵਨ ਦਾ ਸਤਿਕਾਰ ਕਰਨ ਬਾਰੇ ਸਿਖਾ ਰਹੇ ਹੋ। ਇਸ ਲਈ ਜੇਕਰ ਕੋਈ ਕਿਸੇ ਹੋਰ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦਾ ਅਤੇ ਸਾਡੇ ਅੱਗੇ ਪ੍ਰਾਰਥਨਾ ਕਰਦਾ ਹੈ, ਮੇਰਾ ਨਾਮ ਜਪਦਾ ਹੈ ਅਤੇ ਮੇਰੇ ਲੋਕਾਂ ਅੱਗੇ ਵੀ ਪ੍ਰਾਰਥਨਾ ਕਰਦਾ ਹੈ, ਤਾਂ ਤੁਹਾਡਾ ਜੀਵਨ ਸੁਹਾਵਣਾ ਹੋਵੇਗਾ, ਖੁਸ਼ਹਾਲ ਜੀਵਨ। ਇੱਕ ਸੁਹਾਵਣਾ ਜੀਵਨ, ਅਤੇ ਸਾਡੇ ਰਾਜ ਵਿੱਚ ਵੀ ਜਨਮ ਲਿਆ ਜਾ ਸਕਦਾ ਹੈ। ਇਹੀ ਤੋਹਫ਼ਾ ਹੈ ਜੋ ਅਸੀਂ ਅੱਜ ਇੱਥੇ ਲਿਆਏ ਹਾਂ। ਹੁਣ ਅਸੀਂ ਇਸਨੂੰ ਤੁਹਾਡੇ ਹਵਾਲੇ ਕਰਦੇ ਹਾਂ ਤਾਂ ਜੋ ਤੁਸੀਂ ਇਸਨੂੰ ਆਪਣੇ ਲੋਕਾਂ, ਇਸ ਧਰਤੀ 'ਤੇ ਤੁਹਾਡੇ ਸਾਰੇ ਜੀਵਾਂ ਲਈ ਸਵਾਗਤ ਦੀ ਯੋਗਤਾ ਦੇ ਅਨੁਕੂਲ ਬਦਲ ਸਕੋ।" ਓਹ, ਤੁਹਾਡਾ ਭਲਾ ਹੋਵੇ, ਸ਼੍ਰੀਮਾਨ ਜੀ। ##ਤੁਹਾਨੂੰ ਅਸੀਸ। ਤੁਹਾਨੂੰ ਅਸੀਸ, ਸ਼੍ਰੀਮਾਨ ਜੀ, ਪੇ ਦੇ ਰਾਜਾ ਰੂ। ਅਸੀਂ ਹਮੇਸ਼ਾ ਲਈ ਧੰਨਵਾਦੀ ਹਾਂ; ਜਿੰਨਾ ਤੁਸੀਂ ਸਾਨੂੰ ਦਿੰਦੇ ਹੋ, ਪ੍ਰਮਾਤਮਾ ਤੁਹਾਨੂੰ ਕਈ ਗੁਣਾ ਵਧ ਬਖਸ਼ੇ।

Photo Caption: "ਸੁੰਦਰ ਰਸਤਾ, ਘਰ ਪਿਆਰਾ ਘਰ।"

ਫੋਟੋ ਡਾਊਨਲੋਡ ਕਰੋ