Дэлгэрэнгүй
Татаж авах Docx
Дэлгэрэнгүй уншаарай
Сүүлийн үед Та илүү олон сүнсийг Бурханы Орондоо аваачин, аварч чадсан уу, Эрхэм ээ? Тухайлбал, өнгөрсөн жилээс өнөөг хүртэл. Бидэнд хэлж өгнө үү? “Өө, тэгэлгүй яах вэ. Бид Танд хэлье. Харамсалтай нь энэ хугацаанд шинэ сүнс хүлээн аваагүй. Гэхдээ чөлөөлөгдсөн олон төрөлтөн манай гарагт, өөрөөр хэлбэл манай сүнслэг оронд ирж суурьшина гэж найдаж байна. Манай гараг одоо биет ертөнц биш. Миний бүтээсэн өдрөөс өнөөг хүртэл бүхэлдээ сүнслэг орон байсаар ирсэн. Манай оршин суугч ариун, үнэнч сүнснүүдийн тоо... Тэдний тоо 60 сая 500 мянга гаруй. Намайг Бурханы хутгийг олсон цагаас дагасан 60,500,000 гаруй ариун сүнс бий. Би маш, маш эрт цагт биет ертөнцөд Бурханы хутгийг олсон юм. Энэ бол миний сургаалыг дагаж, шавь болсон хүмүүсийн тоо. Тэр цагаас өнөөг хүртэл би тэдэнд сургаалаа айлдсаар ирсэн. Үүнд тэдний төрөл садан, найз нөхөд, хайртай хүмүүс, тэр ч бүү хэл амьтан анд нөхөд нь багтдаг. Учир нь миний Хамгаалах Хүч дор дагаж, суралцсан хэн бүхний төрөл садан, найз нөхөд болон олон үеийнхэнд бидэн дээр ирж суурьших онцгой эрх олгодог. Ёроолгүй тамд байгаа төрөлтнүүдийг ч аварч, өөрсдийн Орондоо авчирна.” Гайхалтай, гайхалтай, гайхалтай. Гайхалтай. Бурхад бүгдээрээ Ертөнцийн хамгийн агуу Баатрууд. Танд болон БУРХАНЫ Ивээлд энэ хувьтай сүнснүүдийн өмнөөс би асар их талархаж байна. Эрхэм ээ, Танд итгэсэн хаанахын ч эмзэг, гэм зэмгүй, зовлонт төрөлтнүүдийг бүү мартаарай. “Өө, үгүй, үгүй. Бид тэднийг мартахгүй. Бид тэднийг мартахгүй. Бид тэднийг аварч, ариусган, чөлөөлсөөр байх болно, Эрхэм ээ.” Баярлалаа. Эрхэм ээ, баярлалаа. Эрхэм ээ, Дэлхий дээрх хүмүүсээс хэн нэг нь Таны адислалд багтаж, сүнслэг оронд Тань мөнхийн оршин суугч болох хувь хэзээ нэгэн цагт тохиох уу? “Өө, тэгэлгүй яах вэ. Бид Тантай холбогдсон холбоогоор дамжин энд ирсэн бөгөөд энэ нь амь таслахгүй, хулгай хийхгүй, мөн сайн засаглалтай эх орондоо, гэр бүл, хайртай хүмүүстээ үнэнч байх журамт, гэгээн ариун амьдралаар амьдардаг, бусад ямар ч төрөлтний амийг таслахгүй, амь хөнөөх үйлд шууд бусаар ч оролцохгүй, бас тэдний махыг идэхгүй байх замаар гэгээлэг төрөлтний цэвэр ариун үлгэр дуурайл болж, Диваажин дахь өөрсдийн Гэр рүүгээ, тэр дундаа манай Оронд буцаж харих зорилгод сүнсээ зориулж буй хэн бүхэнд тэрхүү Адислалыг түгээхийн тулд юм. Бурхадын Орон бүр уудам, энэрэнгүй Диваажингийн нэг хэсэг бөгөөд энэ төрөлдөө ч, хойд насандаа ч ариун амьдрах зорилгод өөрийгөө чин сэтгэлээсээ зориулсан хэн бүхэн тийш хүрч чадна. Манай Бурханы Оронд ч адилхан. Энэ ертөнцийн хүлээс гинж болсон эрчмээс чөлөөлөгдөхийг ариун үнэн чин сэтгэлээсээ хүссэн хэн боловч миний нэрийг дуудаж, манай Орны нэрийг дурсан, гэтлэхийг хүсвэл бид ирээд авна. Бид заавал ирэх ч шаардлагагүй. Тэднийг өөрсдийнхөө ертөнцөд хүлээн авах тусгай арга бидэнд бий.” Гайхамшигтай, үнэхээр гайхамшигтай. Энэ дэлхийн хүмүүс Таны зөвлөгөөг сонсон, өгөөмөр сэтгэл, адислалыг Тань хүлээн авч, Таны нэр болон үзэсгэлэн төгөлдөр гаргийг санаж аваасай гэж найдаж байна. Бид алсаас харж чадна. Болор мэт тунгалаг ус, өнгө алагласан шувуу-хүмүүс, нуга тал, цэцэгс бүгд Таны адислалын Гэрлээр гэрэлтэнэ. Хүмүүс нь үнэхээр аз жаргалтай. Тэд “уй гашуу” гэдэг үгийг хэрхэн бичихийг ч мэдэхгүй. Хүн бүр өөрийн гэсэн орон байртай. Байшингууд нь ордон мэт бөгөөд бүгд тунгалаг. Гэхдээ энэ нь хувийн орон зайгүй гэсэн үг биш. Тэнд бүх зүйл үнэхээр гайхамшигтай. Үүнийг тайлбарлан дүрслэхэд ч амаргүй. Таны ард түмэнд сүнслэг орондоо зорчих унаа ч хэрэггүй. Тэд хаа нэгтээ очихыг бодмогцоо л бараг тэр даруй тэнд хүрнэ. Үнэндээ шууд хүрнэ. Учир нь Таны сүнслэг оронд цаг хугацаа, орон зайн хязгаар үгүй. Таны Бурханы Оронд чөлөөтэй ирж очин, зочлох боломжтой Орчлонгийн бүх сүнсэнд атаархмаар. Учир нь Таны Орон хэний ч өмнө хаалгаа хаадаггүй. Гагцхүү төрөлтөн бүр доод оршихуйд хуримтлуулсан бузар бохироосоо болж хаа сайгүй зорчих, Таных шиг ариун Оронд айлчлах боломж нь хязгаарлагддаг. Эрхэм ээ, тоо томшгүй галавын дараа ч болов БУРХАНЫ Ивээлээр бүх сүнс Таны Бурханы Орны ард түмний эдэлж буйг нэгэн өдөр эдлэх байх. Амен. Хаан мөн “Амен” хэмээн давтан хэлэв. Түүнийг дагалдан ирсэн бүх хүн Хааны дараа нэгэн дуугаар “Амен” хэмээн давтлаа. Хэрэв сонсож чадвал тэдний дуу чихэнд хөгжим мэт сонсогдоно. Манай ертөнцийн бүх дуучин эзэмшихийг хүсмээр тийм сайхан, уянгалаг дуу хоолой байлаа. Манай нутгаас Таны Бурханы Орон (Эрхэм Дээдэс Ей Хааны Орон) хүртэлх зайг, хэрвээ би зөв санаж байгаа бол 91 зиллион гээд араас нь олон тоо үргэлжилнэ гэж Та хэлсэн. Тийм үү, Эрхэм ээ? “Өө, тийм ээ, мэдээж, мэдээж. Бид Танд хэт олон тоо хэлж төвөг удахыг хүсээгүй тул гол тоо нь 91 зиллионоос илүү гэж хэлье.” Баярлалаа, Эрхэм ээ. Ийм хол газраас Та бидэнтэй уулзахаар ирэхэд хэр хугацаа шаарддаг вэ? “Өө, 91 зиллион гэрлийн жил.” Тийм ээ, мэдээж, Дэлхийн хүмүүсийн хувьд энэ нь төсөөлөхийн аргагүй. Хөөх. Шагжамуни Будда зарим Буддагийн Орныг танилцуулахдаа тэдгээр нь Ганга Мөрний элсний ширхгийн тооноос арав дахин давсан хол зайд байдаг гэж үргэлж хэлдэг байсан нь аргагүй байж. Хөөх. Орчлон Ертөнцөд зөвхөн хүн төрөлхтөн бус, өөр төрөлтөн ч байдгийг бидэнд ухааруулсанд баярлалаа, Эрхэм ээ. Ойр, хол, хаа сайгүй хүмүүс нь бүрэн төгс баяр баясал, эрх чөлөө, аз жаргал, гэгээрсэн сүнслэг төлөвт амьдардаг илүү гайхамшигтай орнууд бий. Тэдгээр Бурхадын Орны аль нэгэнд амьдрах нь бүх сүнсний мөрөөдөл. Эрхэм Дээдэс Ей Хаан Өөрийн нэрийг “алдартай” гэсэн утгатай гэж айлдлаа. Энэ нь Түүний олон галавын тэртээ Будда болохоосоо урьтаж тавьсан тангараг байжээ. Энэ нь Тэрээр алдартай болохыг хүсдэг гэсэн үг биш. Харин Тэрээр аль болох олон төрөлтөнтэй барилдлага тогтоож, тэднийг адислан сургаж, мунхаглал болон сөрөг хүчний савраас аврахын тулд Өөрийгөө хол ойргүй таниулахыг хүссэн юм. Таны Бурханы Орны нэр (Паи) “жилийн хаврууд” гэсэн утгатай, тийм үү, Эрхэм ээ? “Өө тийм ээ, яг тийм. Тиймээс манай ертөнцөд хаврын улирлаас өөр таагүй цаг агаар огт байдаггүй. Үргэлж үзэсгэлэнтэй, намуухан, тав тухтай, маш таатай, эрч хүч сэргээсэн энергитэй байдаг тул бид мөнх амьдрах боломжтой.” Хөөх, хөөх. Хөөх. Дэлхийн төрөлтнүүд ээ, та нар сонсов уу? Сонсов уу? Манай дэлхий ийм болбол хэчнээн сайхан бэ. Миний бүх хичээл зүтгэл үр шимээ өгч, энэ гаргийн хамаг төрөлтөн энэрэнгүй, нигүүлсэнгүй, ариун төрөлтөн болоосой гэж хүсэж байна. Тэрхүү хүчээр бид энэ дэлхийг Паи нутгийн Эрхэм Дээдэс Ей Хааны Орон шиг Бурханы Орон болгож чадна. Хэрэв та Орчлон Ертөнцөд энэрэнгүй, нигүүлсэнгүй, хамгаалагч, гэгээрүүлэгч эерэг тал бий гэдэгт итгэдэг бол Эрхэм Дээдэс Ей Хааны зөвлөгөөг дагаарай. Түүний нэрийг өдөр шөнөгүй уншаарай. Яриа, үйлдэл, бодлоо ариусгаж, энэхүү сүр жавхлант оронд дахин төрөхүйц хангалттай ариун, хувь ерөөлтэй, адистай болоорой. Та бүхэнд манай МАПА, Төгс Хүчит БУРХАНЫ бүхий л ивээл адислалыг хүсье. Амен. Хаан надад бэлэг өргөн барихыг хүсэж байна. Өө, баярлалаа, Эрхэм ээ. Би даруухнаар, талархан хүлээн авъя. Түүний бэлэг намайг мөн алдар хүндтэй болж, мөнхийн хавар мэт тав тухтай амьдраасай хэмээн буян хишиг, адислалаа надтай хуваалцсан явдал байлаа. Өө, баярлалаа, баярлалаа. Энэрэлт Хаан Танд баярлалаа. Би сэтгэлдээ БУРХАНЫГ үргэлж... Өөр олон Хаан надад үргэлж хайр, нэр алдар гэх мэтийг хүсэн ерөөдөг. Харин би үргэлж БУРХАН л Хайрлуулж, БУРХАН л Адислуулж, Шүтүүлж, Магтуулж, залбирал хүлээн авагч байгаасай, бусад бүх эрхэм чанар ч БУРХАНД харьяалагдаасай гэж хүсдэг. БУРХАН энэ бүхнийг хэдийн эзэмшдэг ч улам их, бүр их тоо хэмжээ, чанар бүхнийг БУРХАНД зориулан өргөөсэй гэж би хүсдэг. Учир нь БУРХАН бол бидний Эцэг Эх. БУРХАН туйлын Хайр Энэрэлтэй, Өгөөмөр бөгөөд бидний сүнсийг төрүүлж, тэтгэн, сонголтоо чөлөөтэй хийх боломж олгодог. Тиймээс одоогоос та бүхэн зөв шударга байдал, хайр нигүүлсэл, нинжин сэтгэлийг сонгож, эргэн тойрныхоо бүх төрөлтөнд тийн хандаасай. Тэгвэл та Гэгээнтэн, Будда болно. Эдгээр бүх чанарыг эзэмшсэнээрээ та Будда юм. Шагжамуни Будда Өөрийгөө хэдийн Будда болсон, харин та бүхэн Будда болно, Будда болж чадна гэж айлдсан. Тиймээс үүнд итгэж, Буддагийн, гэгээнтний, БУРХАНЛАГ замаар амьдраарай. Хүмүүс БУРХАНД соронз мэт татагдан, адислагдаж, дахин ариун, БУРХАНЛАГ болоосой хэмээн би энэхүү алдар хүндийн бэлгийг БУРХАНД зориулахыг хүсэж байна. Баярлалаа, Эрхэм ээ. Амен. Хаан болон Түүний бараа бологсод бүгд “Амен” гэлээ. Миний хүсэл биелэх болтугай. Photo Caption: “НАР бол ХАЙР, ГЭРЛЭЭР Дүүрэн Аугаа Зүрх”
