Энэ зүйрлэл нь БУРХАНЫ шавь нарт БУРХАНЫ зааврыг дагахын ач холбогдол болон БУРХАН яагаад биднийг илүү их бясалгахыг хүссэнийг ойлгоход хялбар болгож байна.

Ау Лак буюу (Вьетнам)-аас Тхань Трук-ийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хамгаас Хайрт Их Багш минь, Танд хүндэтгэлтэйгээр мэндчилье. Би 2017 оны аравдугаар сарын 20-нд Арьяабалын авшиг хүртсэн. Би дотоод ахуй ойлголтуудаасаа цөөн хэдийг хуваалцахыг хүсэж байна. Нэг өдөр бясалгаж байхдаа би өөрийгөө асар өндөр уул өөд өгсөн алхаж яваагаар олж харсан. Оргил руу харж байхдаа би, цэвэр 24 каратын алт шиг гялалзсан алтан өнгийн нөмрөгтэй хоёр Оршихуй зогсож байхыг харав. Тэдний нэг нь эрэгтэй, нөгөө нь эмэгтэй байв. Би тэр даруй өвдөг сөгдөн мөргөж, “Би Кудачи Бурханд хүндэтгэлтэйгээр мөргөе. Би Кудачи Бурханд хүндэтгэлтэйгээр мөргөе” хэмээн дахин дахин хэлсэн. Мөргөх бүрдээ би Кудачи Бурханы Нэрийг дуудаж, асгартал уйлж байлаа. Гэнэт би бясалгалаас гарахад нулимс минь хацар даган урссаар байв. Тэгэхэд дотоодын Багш минь эмэгтэй Дүр нь Төгс Гэгээрсэн Их Багш Чин Хай, эрэгтэй Дүр нь Кудачи Бурхан болохыг надад хэлж өгсөн.

Өөр нэг удаа Их Багш авшигтнуудыг өдөр бүр 11.5 цаг бясалгахыг уриалсны дараа надад нэгэн туршлага тохиолдсон. Тэр үед би бусад бүх ажлаа хойш тавьж, бүтэн сарын турш өдөр бүр 11.5 цаг бясалгахыг чадлаараа хичээсэн.

Нэгэн нийтийн бясалгалын үеэр би сүр жавхлантай сансрын хөлөгт ганцаараа сууж байгаагаа харсан. Тэр хөлөг солонгын бүх өнгөөр гялалзан туяарч байв. Доошоо харахад, тоолж баршгүй олон хүн үзэсгэлэнтэй хувцасласан хэдий ч, бүгд явган зорчиж байв. Тэр хооронд миний сууж явсан сансрын хөлөг асар их хурдтайгаар урагшилж байлаа. Арьяабалын бясалгалаас гарахад дотоодын Багш минь үүнийг сансрын хөлөг байсан гэж тайлбарлаад, хэрвээ бид хайнга эсвэл хангалтгүй бясалгавал сүнсний маань дээшлэх хөгжил маш удаан явагдана гэсэн утгыг БУРХАН илэрхийлж байна гэж тайлбарласан:

2.5 цаг бясалгах нь явган явахтай адил. 3-4 цаг бясалгах нь унадаг дугуй унаж явахтай адил. 5-6 цаг бясалгах нь мотоцик унаж явахтай адил. 6-7 цаг бясалгах нь автобусаар зорчиж явахтай адил. 8-9 цаг бясалгах нь онгоцоор зорчиж явахтай адил. 11.5 цаг бясалгах нь сансрын хөлгөөр аялж явахтай адил.

КОВИД цар тахлын үеэр гэртээ бясалгаж байхдаа би ердөө хоёрхон хормын дотор өөр өөр үндэс угсаа, арьсны өнгөтэй олон гэгээрсэн Багшийг харсан. Тэгээд миний дотоод Багш надад Төгс Гэгээрсэн Их Багш Чин Хай энэ дэлхийд өөр өөр үндэстэн, угсааны хүмүүс амьдардаг 42 улсад ирсэн гэж хэлсэн. Тийм учраас л би өндөр настай эрэгтэй, эмэгтэй олон Багшийг харсан юм байна. Тэгээд Их Багш хэлэхдээ, энэ удаа Тэрээр Ау Лак буюу Вьетнамд ирэхдээ, Өөрийнхөө хамгийн залуу, хамгийн үзэсгэлэнтэй дүр төрхөөр ирсэн гэсэн. Бидний сүнсийг аварч, эрх чөлөөтэй болгосон Цаглашгүй Хүчирхэг Нэгдсэн Гурав болон Хамгаас Хайрт Их Багшдаа гүн талархлаа өргөн дэвшүүлж байна. Ау Лак буюу Вьетнамаас Тхань Трук

Ухаалаг Тхань Трук, таны олж авсан гүн гүнзгий дотоод ухаарал, ойлголтуудын талаар хуваалцсан сэтгэлийн үгтэй захидалд тань баярлалаа.

Их Багш дэлгэрэнгүй тайлбарласан хариу өглөө: “Сэрж гэгээрсэн Тхань Трук, ийм үнэнч бөгөөд хичээнгүй Арьяабалын бясалгалын БУРХАН-ы Шавь байгаад би үнэхээр их бахархаж байна! Дотоод ахуй ойлголтуудаа болон өдөр бүр Арьяабалын бясалгалыг өөр өөр хугацаагаар хийх нь сүнслэг замаар өөр өөр тээврийн хэрэгслээр зорчихтой хэрхэн дүйцэж байгаатай холбоотой чухал мэдээллийг хуваалцсанд баярлалаа. Энэ зүйрлэл нь БУРХАНЫ шавь нарт БУРХАНЫ зааврыг дагахын ач холбогдол болон БУРХАН яагаад биднийг илүү их бясалгахыг хүссэнийг ойлгоход хялбар болгож байна. Хэдийгээр зарим хүнд бясалгалын цагаа уртасгах нь хэцүү байж болох ч, ялангуяа энэ эмх замбараагүй, үймээн самуунтай үед бид хуурмаг ертөнц дэх цагаа үүнээс илүү сайнаар юунд зарцуулж чадах вэ? Энэ дэлхийд сүнслэг бясалгал хийх цаг үнэхээр маш үнэ цэнтэй учраас ердийн, утга учиргүй үйл ажиллагаанд зориулж энэ боломжийг дэмий үрэх ёсгүй. Бясалгалаа сайн үргэлжлүүлэн хийж, тэр сансрын хөлгөөрөө Диваажинд хүртэл нисээрэй. Та болон Ау Лак (Вьетнамын) халуун сэтгэлт ард түмэн дотооддоо төдийгүй эргэн тойрондоо Тэнгэрлэг Гэрлийг мэдрэх болтугай. Миний Хайр үргэлж та нартай хамт байх болно!”