Дэлгэрэнгүй
Татаж авах Docx
Дэлгэрэнгүй уншаарай
Яг л Кабирын эхнэрийн түүхтэй адил, санаж байна уу? Тэд хоёул Гэгээрсэн Гэгээнтнүүд байсан. Гэвч жинхэнэ Хиндү гэргий, Дарь Эхийн хувьд Тэр хэзээ ч нөхрийнхөө урдуур орж, хүмүүст Өөрийгөө ямар агуу гэдгээ мэдэгдэхийг мөрөөдөх ч үгүй. Нөхөр нь гэгээрчихсэн, багш байгаа нь хангалттай. Тэрээр хоёр дахь нь юм уу, эн тэнцүү байх эсэхийг тоодоггүй. Бүх Хиндү эхнэрүүд зүүдэндээ ч хэзээ ч ийм зүйл хийхгүй. Тэд маш даруу. Үргэлж ард нь хоцорч, нөхөр нь хий гэсэн бүхнийг хийдэг. Тийм учраас эрт дээр үеэс эмэгтэй Их Багш нар тун цөөнбайсан. Та нарын мэдэхчилэн сүнслэгээр дадуулах тухай ихэнх ариун бичвэрүүд Энэтхэгт маш сайн хадгалагдаж, дээдлэгдэн ирсэн. Олон агуу Их Багш нар Энэтхэгээс гаралтай. Олон агуу Их Багш нар өөр өөр газар нутгаас гаралтай ч сүнслэг суурь нь Энэтхэгээс гаралтай. Тиймээс мэдээж эрэгтэй нь эрэгтэйдээ зааж, эрэгтэй хүн гарч эрчүүдэд сайн мэдээг түгээнэ. Тэгээд эрэгтэй залгамжлагч сонгоно, эрчүүд эрчүүдтэй илүү холбоотой байдаг учраас залгамжлагч нь бас л эрэгтэй байх ба, тойрог ийм байдлаар үргэлжилдэг. Учир нь Хиндү эмэгтэйчүүд хэзээ ч нүүрэмгий байж дотоод болон гадаад агуу байдлаа харуулахгүй. Хэрэв Их Багш байвал нэг байхад хангалттай. Тэр нөхрийнхөө гэртээ авчирсан хэнд ч бай зориулж бин хайрч, төмс шарж, гэрээ цэвэрлэхдээ сэтгэл хангалуун байх болно.Энэтхэг айлд очвол эхнэр нь дандаа хоол хийж, араас нь цэвэрлэж, таныг тухтай байх бүхнийг хийдэг бол нөхөр нь танд сайн зочны хувиар хандаж, тантай ярилцаж, оюун ухааны болон сүнслэг түвшинд юмс хэлэлцэж уйдаахгүйг хичээнэ. Эхнэр нь гишгэсэн мөрийн тань араас цэвэрлэдэг! Газар унагасан хоолыг цэвэрлэж, бүх зүйлээ танд тухтай болгох ч өөдөөс нь юм асуугаагүй л бол хэзээ ч тантай ярихгүй. Тэгэхээр Хиндү эмэгтэйчүүдийн зарим нэг ийм маш сайн чанаруудыг та нарт хэлэх гэсэн юм, би хараахан суралцаагүй байгаа.Азаар би нөхөргүй учраас энэ тухай бодохоо больсон. Би энэ бүх чанаруудад суралцахад хэт оройтсон байсан. Нөхөр маань аль хэдийн өөр хүнтэй болсон байв. Магадгүй тэд хоёул суралцах гэж тэмцэж буй байх. Тиймээс надад олон асуудлаас зайлсхийх боломж олгож, цагийг минь хэмнэсэн. Одоо би энд суугаад төрөл бүрийн ертөнцийн зүйлсийг яриад сууж байна. Бусдаар бол юу гэж бодоо вэ? Би яг одоо гал тогоонд бин хайраад байж байх байсан. Магадгүй тэр энд сууж байгаа ч танд юу гэж хэлэхээ мэдэхгүй.За. Тэгэхээр эргээд зуу гаруй төрлийн бясалгал аргадаа орцгооё. Дэви-г гүн утга учиртай асуулт асуусны дараа Шива хариулав. Тэр Түүнийг юу гэж дуудсан гээч? Эхний хариулт нь. “Гэрэлт нэгэн минь!” Хөөх! Та нар хүртэл намайг тэгж дууддаггүй. Зүгээр л СУМА гэдэг. “Гэрэлт нэгэн!” Магадгүй Америкт “алимын бялуу”, “кетчуп” эсвэл “шарсан төмс” “Кентаки шарсан төмс” гэдэг байх. Энэ тухай ярьсных нэг онигоо хэлье. Онигоо ярих уу эсвэл энийг үргэлжлүүлэх үү? Онигоо юу? За, онигоо. Энийгээ ярина аа, санаа зоволтгүй.Нэг барилгад олон хөршүүд зэрэгцэн амьдардаг байв. Эхнэрүүдийн нэг нь нөхөртөө ийн гомдолложээ, “Сонсооч! Манай хөрш айлуудын бүх нөхрүүд эхнэрүүдээ их эелдэг романтик нэрээр дуудах юм. Чи л намайг тэгж дууддаггүй.” гэв. Энэ онигоог мэддэг юм уу? Үгүй юу? Тэгээд яагаад инээсэн юм? Хэт эрт бүү инээ. Дараа өөрт тань тохиолдвол уйлж мэднэ. Тэгтэл нөхөр нь, “Юу? Тэд эхнэрүүдээ юу гэж байна? Би огт сонсож байгаагүй!” гэв. Тэгтэл эхнэр нь, “Баруун талд амьдардаг айлын нөхөр эхнэрээ ‘алимын бялуу’ гэдэг. Түүний дараагийн айлын нөхөр нь эхнэрээ ‘чихэрлэг интоорын цэцэг’ гэдэг. Манай зүүн талынх эхнэрээ, ‘розмарин’ гэдэг” гэв. Розмарин гэж мэдэх үү? Их анхилуун үнэртэй, хоолонд хийдэг амтлагч. “Түүний дэргэд байдаг өөр нэг нь “амтат пицца минь” гэдэг. Гэх мэт үргэлжилж “Өөр хүмүүс эхнэрээ, ‘бонсай минь’ ‘эрхэм бонсай минь’ гэнэ. Өөр нэг нь ‘Алмаз эрдэнэ минь, өөгүй алмаз минь.’ гэдэг. Гэтэл чи хэзээ ч намайг ийм сайхан, романтик нэрээр дууддаггүй!” гэв.Тэгтэл нөхөр нь толгой сэгсэрч, “Уучлаарай, гэхдээ баруун талд амьдардаг айлын нөхөр нь нарийн боовчин. Түүний цаана амьдардаг хүн...” Тэр юу гэж дуудсан гэлээ? “Тоорын цэцэг” билүү? За. “Тэр цэцэрлэгч. Тоор тарьдаг Япон хүн. Манай зүүн талд эхнэрээ ‘розмарин’ гэдэг залуу хатаасан ургамал зардаг!” гэв. Хатаасан ургамал байдаг даа! “Эхнэрээ алмаз гэдэг хүн үнэт эрдэнэ худалдаалагч. Би гутал засварчин. Чамайг ‘уранхай гутал минь’ гэж болохгүй биз дээ” гэдэг. Тийм ээ, тэр авс хийгч биш нь сайн хэрэг, учир нь тийм байсан бол... “бат бэх авс минь.” Ойлгож байна уу, үхсэн хүн оршуулдаг зүйл? “Хатуу авс.” Тэгэхээр нөхрөө хэт бүү хүчлээрэй. Юмыг яаж мэдэх вэ, тэр танд эелдэг нэр өгч болохуйц бус ажилтай байж мэднэ. Гэхдээ та нар нөхрөө Шива-гаас, Сүйрлийн Бурханаас суралц гэж хэлж болно.За. Шива тун либерал байсан. Тэр могой(-хүмүүс) гараараа ороож зүүгээд эрэгтэй хүний эрхтнийг ертөнцийн нөхөн үржихүйн хүчний бэлгэдэл болгон сонгосон. Гэвч Тэр юу гэх гэсэн бэ гэвэл, дэлхий бүхэлдээ бүтээгч хүчээр бүтээгдсэн. Энэ Үнэн биш. Хүмүүн төрөлтний, сүнсний хамгийн Дээд оршихуй биш. Бүтээлч чанар, бүтээлийн Хүч Маяагаар дамжин ирсэн. Тиймээс эрт дээр үед Маяа болон Бүтээлч Чанарын тухай ярихын тулд Тэр эрэгтэй хүний эрхтэн гэх мэт их балмад зүйлсээр тэр цаг үеийн хүмүүст санаагаа ойлгуулдаг байв. Тэр цаг үед яаж гүн ухааны зүйлс ярих вэ, бүх хүмүүс зөвхөн балмад зүйлс л мэдэх ба маш эртний, маш энгийн, өдөр тутмын амьдралд нь ойр жишээ.Цаг үе бүрд Их Багш тухайн үеийнхээ хүмүүсийн дэвшил, ухамсрын түвшинд тохируулан амьдарч, зааж сургаж, ойлгуулах ёстой. Үүнийг сайтар ойлгоорой. Тиймээс харьцуулж, яагаад Мозес хүмүүст ямаа(-хүмүүсийг) алахыг зөвшөөрсөн байхад Төгс Гэгээрсэн Их Багш Чин Хай “Үгүй! Болохгүй! Болохгүй!” гэнэ вэ гэж бүү асуу. Одоо тэгж хэлэх шаардлагагүй болсон, учир нь хэн ч нэгнээ хөнөөхөө больсон. Амь бүү хөнөө, гахай(-хүмүүсийг) ч бүү хөнөө. Тахиа(-хүмүүсийг) ч бүү хөнөө. Учир нь тэдэнд хүмүүсийг золиос болгон бүү хөнөө гэж хэлэх шаардлагагүй болсон, Тайваньд (Формосад) бол үгүй, миний очиж зааж байсан газруудад тийм шаардлага байгаагүй, тийм үү?Тэгэхээр Шива эхнэртээ амьдралынхаа ханьдаа, насан туршийн ханьдаа өгсөн эхний хариулт нь энэ, “Гэрэлт нэгэн минь! Хэрэв та гэрлийг мэдэрье гэвэл хоёр амьсгалын завсар төвлөр.” Амьсгал гаргаад авах зуурт, тэр зуурт танд гэрлийг мэдрэх боломж үүснэ. Мэдээж Тэр төвлөрөх ёстой гэсэн санааг хэлж буй. Та нар магадгүй... Учир нь өдөр тутмын амьдралд зөвхөн ганц арга байдаггүй. Хэдийгээр тэгж болох ч бид энэ бүх 112 аргыг ашиглах учиртай. Бодол тархиа төвлөрүүлэхийн тулд өөр өөр нөхцөлд ашиглах учиртай. Тиймээс санаж байвал би та нарт өдөр тутмын амьдралын явцдаа үргэлж билгийн мэлмийгээ санаж, Таван Ариун Нэрсээ уншихыг заасан. Гэвч та нар мартвал... үйлдэл болгонд төвлөрөх учиртай ч та нарт маш хэцүү, тиймээс ажиллаж байхдаа ч Таван (Ариун) Нэрс дээрээ төвлөрөөрэй.Гэхдээ биеийнхээ амьсгал дээр төвлөрч болохгүй, харин завсар нь. Түүний хэлэх гэсэн санаа гэвэл амьсгал гарч, авах завсарт амьсгалгүй, амьсгалдаггүй төрөлтөн бий, үүн дээр төвлөрөх ёстой гэж буй юм. Энэ нь бид үргэлж Бүхнийг Чадагчийг санаж байх учиртай гэсэн үг. Амьсгалгүй Нэгнийг. Амьсгалах шаардлагагүй Нэгэн. Амьсгал хүрэх боломжгүй Нэгэн. Гэх мэт... Энэ нь бясалгалын зам мөрийг аль хэдийн ойлгосон нэгэнд зориулагдсан. Гарч, нийгмийн эгэл хүмүүст хоёр амьсгалын хооронд төвлөр гэж заагаагүй. Мэдээж ямар ч төрлийн төвлөрөл ач тустай ч бид хаана төвлөрч, юун дээр төвлөрөхөө мэдэж байхыг гүйцэхгүй. Ойлгов уу? (Тийм.) За.Тэгэхээр өдөр тутмын амьдралдаа бид хийх ажил үнэхээр ихтэй учраас заримдаа билгийн мэлмийн төвөө санахад тун хэцүү байдаг. Хэрэв төвлөрч чадахгүй байвал, эсвэл ажил дээрээ төвлөрөх ёстой болбол ажлаа бясалгал дадал болгох аргууд бий. Тийм учраас Будда 84,000 бясалгалын араг бий гэсэн. Тэдгээр нь бүгд бясалгал дадал, сүнслэг бясалгал дадлын арга. Энд Шива товчилсон байна... Тэр суучхаад 84,000 Номын аргыг жагсаах боломжгүй учраас 112 болгосон. Энэ нь та нарт, бидэнд, надад хангалттай. Тэгэхээр “амьсгалын завсарт” гэсэн нь оршихуй бусыг, материаллаг бус оршихуйг санахыг хэлсэн юм. Санаж байвал би та нарыг амьсгал дээр бүү төвлөр гэдэг. Авшгийн үеэр бие махбодын мэдрэмжээ бүү тоо гэдэг. Санаж байна уу? За.Тэр үүнийг л хэлсэн юм. Тийм учраас Тэр, “Төвлөр. Амьсгалын завсар буй Нэгнийг сана.” гэсэн. Зөвхөн амьсгалын завсарт бус тасралтгүй төвлөрөх хэрэгтэй. Учир нь хэрэв Тэр ингэж хэлсэн бол – миний бодлоор шүү, буруу ч байж мэднэ, сүүлээр үнэн нь илчлэгдэнэ... Сүүлд магадгүй үргэлжлүүлэн уншвал тайлбар нь гарах байх. Унших зүйл их байхад бид эхнийхийг нь л уншлаа.Хэрэв амьсгал дээрээ төвлөрвөл хэмнэл болгочихно. Нэг, хоёр, гурав, дөрөв, тав, зургаа, долоо, найм, ес, арав. Тэгээд гэнэт нэг өдөр та нар амьсгалгүй төлөвийг мэдэрвэл хаашаа яаж төвлөрөхөө мэдэхээ больж магад, амьсгалын хэмнэлээс цааш хэрхэн явахаа мэдэхгүй. Тэгвэл тэндээ гацчихна.Photo Caption: “Эзгүй Хээр Газар ч Өнгө Төрхөө Хадгалаарай”
