Гэгээрсэн Их Багштай хамт бясалган дадуулж буй хүний ​​хувьд өдөр тутмын гайхамшиг, гайхалтай дотоод ахуй ойлголтууд нь хэвийн үзэгдэл юм.

Вьетнам буюу Ау Лакаас Ким Туйений Ау Лак (Вьетнам) хэлээр ирүүлсэн сэтгэлийн үгийг одоо хүргэе:

Эрхэм Их Багш аа, нэг удаа Арьяабалын нийтийн бясалгалын дараа бүх авшигтнууд өндөр түвшний бясалгал хийсэн, учир нь бүгд маш их баяр хөөртэй, эрч хүчтэй байцгаав. Үүний дараа бид байгалийн сайханд, үдээс хойших нарны туяанд, тайван амгалан орчинд амарсан ховорхон мөчийг бид өнгөрүүллээ.

Сэтгэл минь хөөрч, гар утсаа гарган тэнгэрт байгаа үзэсгэлэнт байгаль, нүд булаам дүрс бүхий үүлсийн зургийг дарав. Зургуудыг харахад үүлс яг л тэнгэрт нисэж буй тэнгэрлэг оршихуйнууд шиг харагдаж байсан тул би ихэд гайхсан. Биднийг бясалгал хийж, тоглон, ажиллаж байх үед Их Багш, Үнэн Номын хамгаалагчид үргэлж биднийг харж, асарч байсан гэдгийг мэдээд би цочирдсон. Энэ нь ихэвчлэн бясалгалын үеэр бусад авшигтны дотоод ахуй ойлголтоор нотлогддог.

Харин өнөөдөр би физик нүдээрээ үүнийг тод харж байна. Бид тоглох дуртай бага насны хүүхдүүдтэй адил боловч, Их Багш үргэлж биднийг адисалж, хамгаалан, халамжилж байдаг. Тэнгэрийн Нигүүлслээр дүүрсэн хөх тэнгэрийн дор зогсохдоо миний зүрх сэтгэл Бурханд, Хайрт Их Багшдаа болон бүх Бодисадва, Үнэн Ном хамгаалагчдад маш их талархаж байгаагаа мэдэрсэн.

Үүгээр ч зогсохгүй бидний амар тайван бясалгах минут бүр нь биднийг сэрж, сэхээрч мөн сүнслэгээр дэвшихэд тусалж байдаг Их Багшийн агуу их золиосоор л бий болдог. Дэлхий дайн, гамшгийн хямралыг туулж мөн амьтан-ардын амийг хөнөөх давлагаа хараахан дуусаагүй байгаа энэ үед Их Багшийн бидэнд өгсөн асар их Нигүүлслийг хүлээн авах нь бидний хувьд агуу адисал юм. Өмнө нь бясалгал хийхдээ анхаарлаа төвлөрүүлээгүйгээс цаг хугацаагаа дэмий үрсэндээ эсвэл хангалттай бясалгаагүйдээ харамсаж байна. Тиймээс бүх авшигтнууд бидний суугаад бясалгах болон Арьяабалын нийтийн бясалгалдаа тайван оролцох боломжтой минут бүрийг үнэлж мөн талархалтай байгаасай хэмээн би хүсэж байна. Бид бүгд хамтдаа хичээнгүйлэн бясалгаж, залбирч мөн Их Багшийн үргэлж хүсэж байгаа Веган Дэлхий, Энх тайван Дэлхий болон Сүнсний Гэтлэлийн төлөө зүтгэх болтугай. Аулак (Вьетнам) улсаас Ким Туйен

Баясгалантай Ким Туйен, Бид таны сэтгэлийн үгийг хүлээн авч байгаадаа баяртай байна, таны сүнслэг бясалгал дадалд амжилт хүсье.

Их Багш танд зориулж урмын үгс илгээлээ: “Цайлган Ким Туйен, Арьяабалын бясалгалын итгэл, бишрэлтэй бясалгагч байгаад мөн гүн ухаарал бүхий мэдлэг олж авсанд нь хайртай! Хүмүүс чин сэтгэлээсээ, хичээнгүйлэн хандаж, сүнслэгээр бясалгах үед тэдний амьдралд Тэнгэр болон Газрын бүх гайхамшиг илрэн гардаг. Гэгээрсэн Их Багштай хамт бясалган дадуулж буй хүний ​​хувьд өдөр тутмын гайхамшиг, гайхалтай дотоод ахуй ойлголтууд нь хэвийн үзэгдэл юм. Та авшгийн үнэ цэнийг ойлгож мөн сайн бясалгаж байгаа нь гайхалтай байна. Бидний цаг хугацааг Арьяабалын аргын дагуу Бурхан Мөн чанартайгаа холбогдон бясалган өнгөрөөхөөс илүү үр бүтээлтэй ашиглах арга байхгүй. Нэг өдөр, хүн бүр амьдралдаа үүнийг олж аван, ингэснээр тэд энэ Дэлхий дээр байх хугацаандаа Нирвааныг мэдрэх боломжтой болно гэж найдаж байна. Тэгвэл манай дэлхий үнэхээр байх ёстой байсан диваажин болох байлаа. Та болон гайхамшигт Аулак буюу (Вьетнам) улс Оройн Дээдийн Гэрэлд үүрд жаргах болтугай.”