Дэлгэрэнгүй
Татаж авах Docx
Дэлгэрэнгүй уншаарай
Гэгээнтэн хүний нүдэнд бүх төрөлтөн адил тэгш харагддаг. Хүн төрөлхтөн, бүх оршихуй нэг. Хамаг төрөлтөн эрх тэгш байх үед дэлхий дахин дайсагнал, дайн тулаан, аллагагүй болж, Дэлхий дээр Диваажин цогцолно. Хайр өшөө хорслыг уусгадаг. Хайр хүнийг харанхуй мунхгийн төөрөгдлөөс хувирган, авардаг. “Гэгээнтний сэтгэлд гуниг үүрд хурна Дэлхийг аврах тангараг нь хэзээ нэгэн цагт биелэх болов уу? Би өвдөг сөгдөн Бүтээгчид итгэх итгэлээ сэрээж, Энэ гарагийг сэргээж өгөөч хэмээн Түүнээс хүсэн гуйя.” Өвлийн хүйтэн өдрүүдэд Өд, далавч нь өрвийн, бээвийсэн ч Хоолны өчүүхэн өөдөс хайх хөөрхий шувуудыг харахаар Тэнгэрийн тарианы агуулахыг олоод Уул, модоор нэг цацмаар байна Тэгвэл шувуу бүхэн дулаан, тэгээд бас хоол тэжээлтэй байх сан! Тэжээллэг, амттай хоолоо бүгдийг нь турж эцсэн зэрлэг мууруудтай хуваалцмаар байна. Эзэнгүй орхигдсон сүмд нууцхан амьдрах юм, тэд Аагим халуун өдөр, бороотой шөнүүдэд ядарч эцэн, туйлджээ, тэд! Хадат уулын гөрөөс, янгирыг өрөвдөх юм Хуурай навчис үгүй эртний булш мэт Халцгай хадан цохиогоор өдөржин бэлчээд ч Амтат өвс, тунгалаг горхийг хаанаас олох билээ дээ! Гэгээнтний сэтгэлд гуниг үүрд хурна Дэлхийг аврах тангараг нь хэзээ нэгэн цагт биелэх болов уу? Би өвдөг сөгдөн Бүтээгчид итгэх итгэлээ сэрээж, Энэ гарагийг сэргээж өгөөч хэмээн Түүнээс хүсэн гуйя. Алс хол байгаа ч сэтгэл зүрх нь эх нутаг руугаа ямагт тэмүүлнэ. Нэгэн өдөр эргэн уулзахыг мөрөөдөж, нэгэн гэр бүл мэтээр бүх ард түмэн эв найртай амьдарна гэсэн итгэл найдвар тээнэ. “Манай тосгон руу буцах зам Ай даа, баяр хөөртэй еэ! Өндөр уул толгодыг туулна. Хөршийнх рүү тань хүрэх замыг Сарны туяа гэрэлтүүлнэ. Зам нийлсэн тэрхүү газар дотно харилцаа үүснэ.” Ау Лакын замууд Ка Маугаас Нам Куань хүртэл үргэлжилнэ. Ау Лакын замууд Хаашаа хөтөлнө вэ, тэд? Хайр шингэсэн будааны талбайг харуй бүрий нөмөрлөө. Энэ замууд хаашаа хөтөлнө вэ? Тосгоны замууд тавигдаж байна. Гэрээсээ хол явахдаа төрсөн нутгаа битгий мартаарай. Манай тосгон руу буцах зам Ай даа, баяр хөөртэй еэ! Өндөр уул толгодыг туулна. Хөршийнх рүү тань хүрэх замыг Сарны туяа гэрэлтүүлнэ. Зам нийлсэн тэрхүү газар дотно харилцаа үүснэ. Бидний хайр хязгааргүй. Эрхэм нандин зам минь юутай сайхан! Бидний хайр хязгааргүй. Биднийг салгаж зүрхлэх хэн байх сан билээ дээ? Хаашаа хөтөлнө вэ, тэд? Хайр шингэсэн будааны талбайг харуй бүрий нөмөрлөө. Энэ замууд хаашаа хөтөлнө вэ? Бурхан бол бидний хайрт. Бурхан бол бидний найдвар. Бурхан бол оддод хүргэх бидний хүч. Тийм ээ, Бурхан бол бидний бүх зүйл. Гэвч энэ бужигнаантай ертөнцөд бид бүхнийг хайрлагч Бүтээгчээ хэрхэн санах вэ? Хариулт нь яг нүдний өмнө бүхий л гоо үзэсгэлэн, сайхан сэтгэл, энгийн даруу байдалд оршино. Заримдаа энэ нь тансаг цэцэг шиг даруухан өргөлөөс олддог. Бид зүгээр л харах хэрэгтэй, тэгээд үүнийг харах болно: Бурхан биднийг болзолгүй хайраар тэврэх гэж үргэлж хажууд байдаг. Намайг бүү мартаарай хэмээх Мөрөөдлийн цэцгийг Хайрт минь чи мэдэх үү? Тэрээр ер бусын хөх өнгөтэй Тэнгэр огторгуйн Диваажингийн өнгө Тэртээх Галактикийн өнгө Хайр энэрлийн өнгө Мэдэх ч бай, мэдэхгүй ч бай Намайг бүү мартаарай Маргааш шувуудтай хамт нисээрэй Гэнэн цагаахан минь Нэг л өдөр чиний дэргэд Ой мод ногоон, тэнгэр хөх Үүлс уулсыг энхрийлэн, Намрын салхи хайрын уянгаар дуулна... Хоёр өдөр хамтдаа байсан ч Өнө мөнхийг мөрөөднө. Далавчаа дэлгэ, өчигдрийн ганцаардал, Маргааш шувуудтай хамт нис! Гэнэн цагаахан минь Мэддэг ч бай, мэддэггүй ч бай, Намайг бүү мартаарай. Байгалийн аялгуу Үүрд эгшиглэх болно, Миний төлөө, бас чиний төлөө. Хайрт минь! Миний гарыг барь даа. Чичирч буй зүрхний цохилтыг сонсохгүй байна уу? Байгалийн аялгуу Үүрд эгшиглэх болно, Миний төлөө, бас чиний төлөө. Энэ голын хөвөөнд Зөөлнөөр До ре ми. Амьдрал бол түр зуурын сэвшээ салхи, хөвөн одох үүл мэт билээ. Залуу насны эрч хүчтэй үе удахгүй замхран одно. Амьдралынхаа талыг наслаад дэлхий дээрх оршихуйтайгаа тэмцсэнээ эргэн харахад түр зуурын амьдралаас хагацахаасаа өмнө харамсах зүйл юу байна вэ гэж бодогдоно. “Хэдэн арван жил өнгөрсөн ч өчигдөрхөн юм шиг санагдана. Бие махбод дэлхийн аялалд ядарчээ! Нэр алдар, эд хөрөнгөд амьдралынхаа тэн хагасыг барж, Хожмын нэг өдөр ганц метр газарт хэвтэнэ шүү дээ. Хүний амьдралын хүлээснээс ангид байж гэгээрэлд хүрэх замаар алхах нь үхэшгүй мөнхийн сүнсний үүрдийн хүсэл юм. Өнгөрсөн шөнө шүүдэр буусан бололтой Өтгөн сахлаг цэцэрлэг үнэт эрдэнэ шиг гялалзана Өнөө өглөө Нарны туяа хүйтэн салхинд чичирнэ Хурдан өнгөрөн одсон хаврын өдрүүдийг санагдуулна Хэдэн арван жил өнгөрсөн ч өчигдөрхөн юм шиг санагдана. Бие махбод дэлхийн аялалд ядарчээ! Нэр алдар, эд хөрөнгөд амьдралынхаа тэн хагасыг барж, Хожмын нэг өдөр ганц метр газарт хэвтэнэ шүү дээ. Би сэвсгэр мананд уусмаар байна Эгэл ачааг буулгаж, тоосоо сэгсэрье... Тэгээд би Гэрлийн Орныг зорих аяндаа гарч, Буддад хүндэтгэл үзүүлэн Тоймгүй олон эриний хүсэл мөрөөдлөө биелүүлнэ.
