Клиник үхлийн талаарх сэтгэл хөдлөм кинонууд: "Диваажин жинхэнээсээ байдаг" болон "Миний үхсэн өдөр"

Бидний эхэлж харуулах кино маань 2014 оны Христийн драм “Диваажин Гэж Байдаг” юм. Номлогч Тодд Бүрпо болон Линн Винсент Пастер нарын 2010 оны номоос сэдэвлэсэн бодит амьдрал дээр сэдэвлэсэн түүх нь нэгэн хүүгийн кллиник үхлээс үүдэн амьдрал нь өөрчлөгдсөн тухай юм. Энэхүү сэтгэл дулаацуулсан кино Диваажин үнэхээр “байдаг” гэдгийг харуулсан. Бид зүгээр л сэтгэл зүрхээ нээж чадвал Диваажин бидний эргэн тойронд буйг харах болно.

Манай дараагийн харуулах кино бол 2002 оны Британий “Миний Үхсэн Өдөр” нэртэй баримтат кино ба үүнийг Кейт Брүүм найруулж, бэлтгэжээ. Доктор Раймонд Мүүдий өөрийнхөө алдартай “Амьдралын Дараах Амьдрал” номоо 1975 онд гаргасны дараа дэлхийн олон судлаачид клиник үхлийн талаарх нөхцөл болон тэдний үр нөлөөний талаар тэмдэглэжээ. Энэ баримтат кино нь энэ туршлагыг туулсан өргөн хүрээний хүмүүсийг хамруулсан. Олонхи нь цэвэр амар амгалан бас цэвэр хайрыг мэдэрсний хажуугаар хурц гэрэл эсвэл “Гэрлийн Төрөлтөн”-г харсан гэдэг ба амьдралдаа эргэн ирсний дараа тэд үхлээс айхаа больдог. “Миний Үхсэн Өдөр” мөн Клиник Үхлийн Хэмжээсийг буюу Грейсоны Хэмжүүрийг харуулж, Клиник Үхлийн талуудыг хэмжихээр Др. Брүүс Грейсон үүнийг зохиожээ Уг кино нь тархины ажиллагаа зогссоны дараа бидний бодол санаа амьдарч чаддаг гэдгийг харуулах гэж нотолгоо цуглуулж байдаг маш олон анагаах ухааны профессоруудтай хийсэн ярилцлагуудыг оруулжээ.

Өнөөдрийн урам зоригт хоёр “Диваажин Гэж Байдаг” болон “Миний Үхсэн Өдөр” хэмээх кинонууд нь клиник үхлийг бодит амьдрал дээрээс сэдэвлэсэн, шинжлэх ухааны нотолгоотой гайхалтай, уярмаар түүхүүдийг харуулжээ. Энэхүү кинонууд Диваажин байдаг гэж харуулахаас гадна миний амьдралын утга учир юунд оршиж байгааг өөрсдөөсөө асуухад хүргэнэ, бид зөвхөн махан бие, тархинаас бүрдээгүй- бид түүнээс илүү, илүү их билээ.